اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

15 «توڭكەرىستىك كورمە» ءۇشىن تاعى كەلەمىن

  «قالا تۇتىنۋ تاڭعى گازەتىنىڭ» ءتىلشىسى چۇي يۋانيۋان، ەرىكتى ءتىلشى ۋي زىيۇن حابارلايدى. كەزەكتە، قابا اۋدانىنداعى 15 توڭكەرىستىك ساياحات كورمەسى ساياحاتشىلارعا رەسمي اشىق ۇستالىپ، ساياحاتشىلار جەرگىلىكتى ورىننىڭ توڭكەرىستىك ساياحات مادەنيەتىن جان ـ جاقتىلى ٴبىلدى. ۇعىسۋعا قاراعاندا، كورمە زالى 1000 نەشە شارشى مەتر ەكەن.

  «كونە اۋەن» تاقىرىبىنداعى كورمە زالىنا ەرتە كەزدەگى پاتەفون قويىلعان، وعان دىبىس پلاستينكا سالىنىپ، كونە اندەر قويىلىپ جاتتى، وسى پاتەفوننىڭ قاسىنا تاعى ءبىر كونە راديو قويىلعان. «توڭكەرىس جىلدارى» تاقىرىبىنداعى كورمە زالىندا ساياحاتشىلاردىڭ نازارىن اۋدارعان، ەڭ كورنەكتى ورىنعا قويىلعان ەكى لەنتامەن قويىلاتىن كينو اپپاراتى، كينو لەنتاسىنىڭ اينالۋىنا ىلەسە، كونە كينولار ەكراندا قويىلىپ جاتتى.

  بۇل ەكى لەنتامەن قويىلاتىن كينو اپپاراتى قابا اۋداندىق توڭكەرىستىك مادەنيەت ەكولوگيالىق ساياحات كاسىبى ساۋداگەرلەر قوعامىنىڭ بۇرىنعى باستىعى جاڭ جاۋحۋانىڭ ساقتاعان بۇيىمى. جاڭ جاۋحۋا بىلاي دەدى: «1997 ـ جىلى كورلاعا بارىپ اسىل بۇيىم ىزدەپ جۇرگەندە، وسى ەكى لەنتامەن قويىلاتىن كينو اپپاراتىن كورىپ قالدىم. مۇنى ءبىر كورگەن جەردەن ‹قولىما تۇسىرسەم› دەگەن ويعا كەلدىم، الايدا، بۇنى يەسى ساتقىسى كەلمەدى. ساۋداعا كەلىسۋگە بىرنەشە رەت بارعاننان كەيىن، ول اقىرى 8000 يۋانعا وسى ەكى كينو اپپاراتىن ساتىپ بەردى. ول كەزدە 8000 يۋان قوماقتى قاراجات بولاتىن، ۇيگە كەلگەننەن كەيىن ونى ەرەكشە قاستەرلەپ ساقتاپ قويدىم».

  جارىم جىلدىڭ الدىندا قابا اۋدانىنىڭ توڭكەرىستىك ساياحات كورمەسىن قۇرىپ جاتقانىنان حابار تاپقان جاڭ جاۋحۋا وسى كينو اپپاراتىن توڭكەرىستىك ساياحات كورمەسىنە اكەلىپ بەردى. ونىمەن قوسا، ٴوزىنىڭ ساقتاعان نەشە ٴجۇز كونە بۇيىمدارىن دا الا كەلدى. مۇنىڭ ىشىندە كەزىندەگى شاعىن اڭگىمە كىتابىنان جۇزگە جۋىعى بار. سونىمەن بىرگە، قابا اۋدانىنداعى باسقا دا كونە بۇيىم ساقتاۋ اۋەسكەرلەرى دە وزدەرىنىڭ ساقتاعان كونە بۇيىمدارىن توڭكەرىستىك ساياحات كورمە زالىنا اكەلىپ بەردى.

  جاڭ جاۋحۋا بىلاي دەدى: «بىرنەشە جىلدىڭ الدىندا مەنىڭ كەزىندەگى شاعىن اڭگىمە كىتاپتارىمدى، كونە كينو جارنامالارىمدى جانە كينو اپپاراتىن ساتىپ الماقشى بولعاندار بولدى، ءبىراق، مەن ساتۋعا قيمادىم. الايدا، مەن بۇل بۇيىمداردى قابا اۋداندىق توڭكەرىستىك ساياحات كورمە زالىنا قويۋدى قالايمىن. بۇل بۇيىمدار وسى جەرگە قويىلعاندا اناعۇرلىم كوپ ادام تاريحتى تۇسىنەدى، بۇل بۇيىمدار قاراپايىم بۇيىم بولىپ قالماستان، تاريحتىڭ ايعاعى دا بولماق».

  تولىقسىز ساناققا نەگىزدەلگەندە، قازىرگە دەيىن قابا اۋدانىندا كونە بۇيىمداردى ساقتاۋ اۋەسكەرلەرىنەن 700 دەن استام ادام بار ەكەن. ولاردىڭ اراسىنداعى كوپ ساندىسى توڭكەرىستىك بۇيىمداردى ساقتاۋ اۋەسكەرى. ولارمەن توڭكەرىستىك مادەنيەت جايلى اڭگىمەلەسىپ، قاباعا كەلىپ توڭكەرىستىك ساياحات كورمە زالىن ارالاپ، توڭكەرىستىك اڭگىمەلەردى ەستىسەڭىز، كوز اياڭىز كەڭەيەرى حاق.

جاۋاپتى رەداكتور : ءاننا اكىمقان قىزى