اعاجاي-التاي تورابى   ›   اقپارات ايدىنى   ›   ماڭىزدى حابارلار

جاڭا جۇڭگونىڭ دۇنيەگە كەلۋى

  70 جىلدىق داڭقتى جىل، 70 جىلدىق كەسەك تابىس. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى بايلانىسىمەن، بۇگىننەن باستاپ، شينحۋا اگەنتتىگى ورتالىق كوميتەت پارتيا تاريحى جانە حۇجات زەرتتەۋ ورنىمەن بىرلەسىپ «ايبىندى 70 جىل. كۇرەسكە تولى جاڭا ءداۋىر − جاڭا جۇڭگونىڭ داڭقتى جىلدارى» اتتى ارناۋلى ايدار اشىپ، سۋرەت، ماقالا سياقتى حابارلاۋ فورماسىمەن جۇڭگو كوممۋنيستىك پارتياسىنىڭ باسشىلىعىندا جاڭا جۇڭگو باسىپ وتكەن 70 جىلدىق عالامات بارىسقا قايىرىلا قاراپ، تاريحقا جازىلعان ءبىر - بىرلەگەن ەلەۋلى ىستەردى، ماڭىزدى ساتتەردى قايتالاي ەسكە ءتۇسىرىپ، جۇڭحۋا ۇلتىنىڭ ەڭسە كوتەرۋدەن، اۋقاتتانۋدان قۇدىرەتتەنۋگە دەيىنگى ۇلى شارىقتاۋىن بەينەلەپ، جۇڭحۋا ۇلتىنىڭ ارشىندى قاداممەن ۇلى گۇلدەنۋگە بەتتەگەن جارقىن بولاشاعىن ايگىلەيدى. بۇگىن «جاڭا جۇڭگونىڭ دۇنيەگە كەلۋى» اتتى 1 - ماقالانى ۇسىندىق.

  1949 - جىلى 9 - ايدىڭ 30 - كۇنى، ەندى عانا جابىلعان جۇڭگو حالىق ساياسي ءماسليحات كەڭەسىنىڭ 1 - كەزەكتى جالپى ءماجىلىسى ورتالىق حالىق ۇكىمەتى كوميتەتىن سايلادى، ءتوراعا ماۋ زىدۇڭ دۇنيە جۇزىنە سالتاناتپەن: ادامزاتتىڭ جالپى سانىنىڭ تورتتەن ءبىرىن يەلەيتىن جۇڭگو حالقى وسىدان باستاپ ەڭسە كوتەردى، - دەپ جاريالادى. جۇڭگونىڭ تاريحىندا وسىدان باستاپ جاڭا ءداۋىر اشىلدى.

  1949 - جىلى 10 - ايدىڭ 1 - كۇنى، جۇڭحۋا حالىق رەسپۋبليكاسىنىڭ قۇرىلۋ سالتاناتى بەيجيڭدەگى تيان - انمىن الاڭىندا سالتاناتپەن ءوتتى. تۇستەن كەيىن ساعات 2دە، ورتالىق حالىق ۇكىمەتى كوميتەتى 1 - رەتكى ءماجىلىسىن وتكىزىپ، ورتالىق حالىق ۇكىمەتىنىڭ ءتوراعاسىنىڭ، ورىنباسار ءتوراعاسىنىڭ جانە مۇشەلەرىنىڭ مىندەتكە وتىرعاندىعىن جاريالادى.

  تۇستەن كەيىن ساعات 3تە، ءتوراعا ماۋ زىدۇڭ تيان - انمىن مىنبەسىندە دۇنيە جۇزىنە سالتاناتپەن: ”جۇڭحۋا حالىق رەسپۋبليكاسىنىڭ ورتالىق حالىق ۇكىمەتى بۇگىن قۇرىلدى“ دەپ جاريالادى، ىلە - شالا ماۋ زىدۇڭ تەتىكتى باستى، ەرىكتىلەر مارشىنىڭ اسقاق اۋەنىمەن شوقتاي جايناعان العاشقى بەس جۇلدىزدى قىزىل تۋ باياۋ كوتەرىلدى.

  الاڭدا، 54 ساليۋت 28 رەت تەگىس اتىلىپ، جۇڭگو كوممۋنيستىك پارتياسىنىڭ بۇكىل ەل حالقىنا باسشىلىق ەتىپ قاجىرلىلىقپەن كۇرەس جۇرگىزگەن 28 جىلدىق بەلەسىنە سيمۆول بولدى.

  تۋ شىعارىلعاننان كەيىن، ماۋ زىدۇڭ ورتالىق حالىق ۇكىمەتىنىڭ حابارلاندىرۋىن وقىدى. سوڭىنان اسكەري پارات ءوتتى. حالىق ازاتتىق ارمياسى قۇرلىق، تەڭىز، اۋە 3 ارمياسىنىڭ پاراتتان وتەتىن قوسىندارى لياندى بىرلىك ەتىپ شارشى قاتار قۇراپ، ايبىندى دا ارشىندى قاداممەن شىعىستان باتىسقا قاراي بەتتەپ، تيان - انمىننىڭ الدىنان قاتارلانا ءوتتى. ەندى عانا قۇرىلعان حالىق اۋە ارمياسىنىڭ 14 سوعىس ۇشاعى، بومبىلاۋشى ۇشاعى جانە جاتتىعۋ ۇشاعى تيان - انمىن الاڭىنىڭ اسپانىندا جاناي ۇشتى.

  اسكەري پارات 3 ساعاتقا تاياۋ ۋاقىتقا جالعاستى، اقىرلاسقان كەزدە كەش باتىپ، چاڭ - ان كوشەسىندە اشەكەيلى شامدار تەگىس جاينادى، جۇمىسشىلار، شارۋالار، وقۋشىلار، قالا تۇرعىندارى شەرۋ توبى قىزىل تۋدى بيىك ۇستاپ، حالىق قوجايىن بولعان جاڭا جۇڭگونىڭ قۇرىلعاندىعىن شاتتانا الاقايلادى.

  سول كۇنى، بۇكىل ەلدە ازات بولعان ءارقايسى ۇلكەن، ورتا قالالار تۇگەلدەي دۋماندى قۇتتىقتاۋ قيمىلىن وتكىزدى.

  وسىلايشا 10 - ايدىڭ 1 - كۇنى جۇڭحۋا حالىق رەسپۋبليكاسىنىڭ مەملەكەت مەرەكەسى كۇنى بولىپ بەلگىلەندى.

  جاڭا جۇڭگونىڭ قۇرىلۋى − 4 - مامىر قوزعالىسىنان بەرى ەلىمىزدە تۋىلعان كەلەلى تاريحي وقيعا، تاياۋ جىلدان بەرگى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى ماڭىزدى بەلەس، جۇڭحۋا ۇلتىنىڭ دامۋى، العا باسۋى وسىدان باستاپ جاڭا زامانعا ءوتتى.

  (شينحۋا اگەنتتىگىنىڭ 9 - ايدىڭ 2 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • اۋا رايىنان الدىن الا مالىمەت
  • نەگىزگى تاقىرىپتىق تاربيەنى ىشكەرىلەي تىڭعىلىقتى ورىستەتىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قۇمىلدى شينجياڭنىڭ جوعارى ساپالى دامۋىنىڭ ماڭىزدى ارتۋ ۇيەگىنە اينالدىرۋ كەرەك
  • جايلاۋداعى قۇمدى تاۋ كۇزدە التىن تۇسكە بويالدى
  • كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ”قوس 100 جىلدىق“ كۇرەس نىساناسىن جۇزەگە اسىرۋ جولىندا قايسارلىقپەن كۇرەس جۇرگىزۋ كەرەك