اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

التاي قالاسى وقۋعا كومەك اقشا اتاۋ قيمىلىن وتكىزدى

شىنايى سۇيىسپەنشىلىكپەن وقۋشىلارعا كومەكتەسىپ، التىنتاۋدى مەيىرگە بولەدى

  التاي گازەتىنىڭ ءتىلشىسى جۇڭ چۇنچۇن حابارلايدى. 8 ـ ايدىڭ 28 ـ كۇنى التاي قالاسى 9 ـ كەزەكتى «شىنايى سۇيىسپەنشىلىكپەن وقۋشىلارعا كومەكتەسىپ، التىنتاۋدى مەيىرگە بولەيىك» اتىنداعى وقۋعا كومەك اقشا اتاۋ سالتىن وتكىزدى.

  قيمىلدا التاي قالالىق حالىق ىستەرى مەكەمەسى 14 وقۋشىعا 42 مىڭ يۋان «وقۋعا كومەك قاراجاتىن» تاراتتى. التاي قالالىق لانتيان جىلۋمەن قامداۋ پۋنكتى، ايماقتىق قوعام حاۋىپسىزدىگى مەكەمەسى، ايماقتىق ءورت ءوشىرۋ تارماق اترەتى، مەملەكەتتىك ەلەكتر تورابى، ايماقتىق اۋىل شارۋاشىلىق، اۋىل ـ قىستاق مەكەمەسى قاتارلى ءار دارەجەلى وركەنيەتتى ورىن، كاسىپورىن ۋاكىلدەرى جانە مەيىربان جاندار ناق مايداندا جىلۋ اتاپ، وقۋشىلاردىڭ وقۋ ارمانىنىڭ جۇزەگە اسۋىنا كومەكتەستى.

  «كومەك اقشا العانىما قاتتى قۋانىشتامىن. مەيىرىمدىلىك قاراجاتى ارقىلى وقۋىمدى ءساتتى ءبىتىرىپ، مەيىرىمدى، باسقالارعا كومەكتەسەتىن، جاۋاپكەرشىلىك ارقالايتىن ادام بولۋعا تىرىسامىن ءارى وسى سالتتىڭ ۇزدىكسىز جالعاسۋىن تىلەيمىن» ـ دەدى وقۋ كومەك قاراجاتىنا يە بولعان ءباتيما اقان قىزى.

  ۇعىسۋعا قاراعاندا، جاقىنعى جىلداردان بەرى، التاي قالىق پارتكوم مەن قالالىق حالىق ۇكىمەتى وقۋ ـ اعارتۋ ءىسىنىڭ دامۋىنا ەرەكشە نازار اۋداردى، اسىرەسە، وتباسىندا قيىنشىلىعى بار ستۋدەنتتەردىڭ وقۋى قيىن بولۋ ماسەلەسىنە قاراتا قوعامنىڭ ءارقايسى جاقتارىن بەلسەنە سايكەستىرىپ، قوعامدىق بايلىقتى ىشكەرىلەي اشىپ، وقۋعا كومەك اقشا اتاۋ قيمىلىن بەلسەنە ورىستەتتى. 2011 ـ جىلدان بەرى التاي قالاسى 9 كەزەك «شىنايى سۇيىسپەنشىلىكپەن وقۋشىلارعا كومەكتەسىپ، التىنتاۋدى مەيىرگە بولەيىك» اتىنداعى وقۋعا كومەك اقشا اتاۋ قيمىلىن ۇزدىكسىز وتكىزدى. بۇل رەتكى وقۋعا كومەك اقشا اتاۋ قيمىلى باستالعاننان كەيىن قوعامنىڭ ءارقايسى سالاسىنىڭ بارىنشا قولداۋىنا يە بولدى. 131 مەكەمە مەن مەيىرىمدى جانداردان جيىنى 415 مىڭ يۋان وقۋعا كومەك قاراجاتى جينالدى، وسىنىڭ ارقاسىندا وتباسىندا قيىنشىلىعى بار 138وقۋشىلاردىڭ وقۋ ارمانى جۇزەگە استى.

  «جاڭا وقۋ ماۋسىمى باستالدى. تاعى دا ءبىرسىپىرا ۇزدىك دارىندىلار جاقىندارىنىڭ تاۋداي تالابىن، التاي حالىقىنىڭ ءۇمىتىن ارقالاپ ەلىمىزدىڭ جەر ـ جەرىندەگى جوعارى وقۋ ورنىنا اتتانۋ الدىندا تۇر. بۇل رەتكى وقۋعا كومەك اقشا اتاۋ قيمىلىن وتكىزۋدەگى ماقساتىمىز تۇتاس قالادا ءبىلىمدى قۇرمەتتەيتىن، دارىندىلاردى قادىرلەيتىن، مادەنيەتكە جانە وقۋ ـ اعارتۋعا باسا ءمان بەرەتىن داڭقتى ءداستۇردى جالعاستى ساۋلەلەندىرىپ، بەرەكەلى، ىنتىماقتى، كەدەيلەردى دالمە ـءدال سۇيەمەلدەيتىن، وقۋعا كومەك بەرۋ ارقىلى وقۋ ـ اعارتۋدى گۇلدەندىرەتىن قويۋ راي جاراتۋ، كوپتەگەن قيىنشىلىعى بار وتباسىلارىنا جانە وتباسىندا قيىنشىلىعى بار وقۋشىلارعا پارتيا مەن ۇكىمەتتىڭ مەيىرىن، قامقورلىعىن شىنايى سەزىندىرۋ. سونىمەن بىرگە، التايلىق ستۋدەنتتەردىڭ داشۋە تۇرمىسى بارىسىندا ۇمىتكەرلىكپەن، العا باسۋ رۋحىمەن قيىنشىلىقتى جەڭىپ، قۇلشىنا ۇيرەنىپ، ناعىز ونەردى يگەرىپ، قابىلەتىنە ءمورالى ساي ۋنيۆەرسال دارىندى تۋىن، وقۋىن تابىستى ءبىتىرىپ، سۇيىسپەنشىلىكتى جالعاستىرىپ، تۋعان اۋىلىنا وزىندىك ۇلەسىن قوسۋىن ءۇمىت ەتەمىز» ـ دەدى التاي قالالىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى جي جيانحۇڭ.

جاۋاپتى رەداكتور: ءاننا اكىمقان قىزى
  • اۋا رايىنان الدىن الا مالىمەت
  • نەگىزگى تاقىرىپتىق تاربيەنى ىشكەرىلەي تىڭعىلىقتى ورىستەتىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قۇمىلدى شينجياڭنىڭ جوعارى ساپالى دامۋىنىڭ ماڭىزدى ارتۋ ۇيەگىنە اينالدىرۋ كەرەك
  • جايلاۋداعى قۇمدى تاۋ كۇزدە التىن تۇسكە بويالدى
  • كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ”قوس 100 جىلدىق“ كۇرەس نىساناسىن جۇزەگە اسىرۋ جولىندا قايسارلىقپەن كۇرەس جۇرگىزۋ كەرەك