اعاجاي-التاي تورابى   ›   مادەنيەت ارناسى   ›   بىلگەنگە مارجان

تىرناقتى قالپىنا كەلتىرۋدىڭ ادىستەرى

  تىرناعىڭىز سىنعىش، جۇقا جانە ءالسىز بولىپ كەتسە، ونى ۋاقىتشا گەل-لاكتىڭ استىنا جاسىرماي، ماسەلەنىڭ شەشىمىن تابۋ قاجەت. تىرناقتى قالپىنا كەلتىرىپ، قاتايتۋدىڭ ادىستەرىن ۇسىنامىز.

  دارۋمەندەر

  تىرناقتىڭ ناشار جاعدايى – اعزانىڭ ىشكى پروبلەمالارى تۋرالى بەلگىسى. سوندىقتان تىرناقتى ەمدەۋ اعزاعا قاجەتتى دارۋمەندەر مەن ميكروەلەمەنتتەردى بەرۋدەن باستالۋ كەرەك. تاماقتانۋ ۇلەسىڭىزگە جاڭعاقتار، جۇمىرتقا، بالىق جانە ءسۇتتى ونىمدەر، كوكونىستەر مەن جەمىستەر كىرۋى ءتيىس. سونىمەن قاتار، سۋ ءىشۋ رەجيمىن دە ساقتاڭىز. تاماقتانۋ ۇلەسىڭىزگە قوسىمشا رەتىندە دارۋمەندەر جيناعىن ىشۋگە بولادى. مۇنداي جان-جاقتى ءارى تولىققاندى كۇتىم تىرناقتىڭ قاباتتانۋىنان جانە السىزدىگىنەن قۇتىلۋعا كومەكتەسەدى.

  ۆاننا

  ليمون شىرىنى مەن تەڭىز تۇزى – ءالسىز تىرناقپەن كۇرەسۋدەگى باستى قۇرالدار. وسى ەكى ينگرەديەنتتى جىلى سۋعا ارالاستىرىپ، اپتاسىنا 2-3 رەت تىرناعىڭىزدى سالىپ، 20 مينۋت شاماسىندا وتىرىڭىز. بۇل پروتسەدۋرانىڭ تيىمدىلىگىنە كۇماندانباڭىز، باستىسى، شىدامدى بولىپ، ونى 1 اي بويى ورىنداڭىز.

  ماسساج

  تىرناق پروبلەمالارى قورەكتىك زاتتاردىڭ جەتىسپەۋشىلىگىنەن باستالادى. ونىڭ قابباتتانۋىمەن كۇرەسۋگە قاراپايىم ءزايتۇن مايى كومەكتەسەدى. مايدى ۆاننادان سوڭ بىردەن جاققان ءتيىمدى. مايمەن تىرناقتى جانە تىرناق اينالاسىنداعى تەرىنى جاقسىلاپ ماسساج جاساي ۋقالاڭىز.

  قولعاپ

  تۇرمىستىق حيميانى قولداناردا رەزەڭكە قولعاپ كيۋدى ۇمىتپاڭىز. ءتىپتى، ونى از ۋاقىت قولدانساڭىز دا، ول تىرناق جاعدايىن بىردەن ناشارلاتىپ جىبەرەدى. سوندىقتان قانداي دا ءبىر ءۇي شارۋاسىمەن اينالىساردا رەزەڭكە قولعاپ كيۋ ادەتىڭىزگە اينالۋ قاجەت.

  قاتايتاتىن لاك

  شەللاكتان ۋاقىتشا باس تارتىپ، قالپىنا كەلتىرۋشى جانە قاتايتۋشى قۇرالدار قولدانىڭىز. ماماندار قۇرامىندا ءبيوتينى بار ونىمدەردى الۋدى ۇسىنادى.

  تىرناعىڭىز سىنعىش، جۇقا جانە ءالسىز بولىپ كەتسە، ونى ۋاقىتشا گەل-لاكتىڭ استىنا جاسىرماي، ماسەلەنىڭ شەشىمىن تابۋ قاجەت. تىرناقتى قالپىنا كەلتىرىپ، قاتايتۋدىڭ ادىستەرىن ۇسىنامىز.

جاۋاپتى رەداكتور: ءاننا اكىمقان قىزى
  • اۋا رايىنان الدىن الا مالىمەت
  • نەگىزگى تاقىرىپتىق تاربيەنى ىشكەرىلەي تىڭعىلىقتى ورىستەتىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، قۇمىلدى شينجياڭنىڭ جوعارى ساپالى دامۋىنىڭ ماڭىزدى ارتۋ ۇيەگىنە اينالدىرۋ كەرەك
  • جايلاۋداعى قۇمدى تاۋ كۇزدە التىن تۇسكە بويالدى
  • كۇرەس رۋحىن ساۋلەلەندىرىپ، كۇرەس قابىلەتىن كۇشەيتىپ، ”قوس 100 جىلدىق“ كۇرەس نىساناسىن جۇزەگە اسىرۋ جولىندا قايسارلىقپەن كۇرەس جۇرگىزۋ كەرەك