اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جۇڭگو التاي تۇڭعىش كەزەكتى حالىقارالىق التىن، اسىل تاس، قاس تاسى مادەنيەت مەرەكەسى سالتاناتپەن باستالدى

7 كۇنگە جالعاسىپ، 4 كورمە الاڭىندا وتكىزىلەتىن الۋان ءتۇرلى قيمىل ءسىزدى قاتىناسۋعا شاقىرادى

  التاي گازەتىنىڭ ءتىلشىسى جىڭ ميڭ حابارلايدى. 8 ـ ايدىڭ 18 ـ كۇنى تۇستەن بۇرىن ساعات 11دە، «شاشۋ» ءانىنىڭ شىرقالۋىمەن جۇڭگو التاي تۇڭعىش كەزەكتى حالىقارالىق التىن، اسىل تاس، قاس تاسى مادەنيەت مەرەكەسى (تومەندە قىسقارتىلىپ (التىن، اسىل تاس، قاس تاسى مەرەكەسى دەپ الىندى) سالتاناتپەن باستالدى.

  بۇل رەتكى التىن، اسىل تاس، قاس تاسى مەرەكەسىن شينجياڭ التاي ساياحاتتى دامىتۋ توبى شەكتى سەرىكتەستىگى، جۇڭگو ساندىك تاس قوعامى ۇيىمداستىردى، التاي رۇڭتاي مادەنيەت تاراتۋ شەكتى سەرىكتەستىگى، شينجياڭ ساندىك تاس قوعامى ۇستىنە العان «التاي __ التىن، اسىل تاسىمەن ايگىلى» دەگەن نەگىزگى تاقىرىپتاعى قيمىل 8 ـ ايدىڭ 24 ـ كۇنىنە دەيىن جالعاسىپ، 7 كۇندە ەل ءىشى ـ سىرتىنان كەلگەن ساياحاتشىلارعا ارناپ الۋان ءتۇرلى تارتىمدى قيمىلداردى وتكىزەدى. وسى رەتكى التىن، اسىل تاس، قاس تاسى مادەنيەت مەرەكەسى جيىنى 4 كورمە الاڭىنا ورنالاستىرىلعان، نەگىزگى كورمە الاڭى التاي ايماقتىق دەنەتاربيە سارايى، قوسىمشا 3 كورمە الاڭى جەكە ـ جەكە التاي قالاسىنىڭ التى جاق بازارى، لانۋان ءدامدى تاعامدار كوشەسى جانە 500 شاقىرىمدىق سالت ـ سانا كوشەسى.

  باستالۋ سالتىندا جۇڭگو بويىنشا 2 ـ ۇلكەن مەتوريت تاس جۇرتقا كورسەتىلىپ، وسى الىپ تاس «التاي جۇلدىزى» دەگەن اتقا يە بولدى. سالماعى ءبىر تونناعا جۋىق كەلەتىن التاي كوك جاھۇتى جۇرتقا كورسەتىلىپ، توڭىرەكتىڭ ءتورت بۇرىشىنان كەلگەن ساياحاتشىلار مەن تاس اۋەسكەرلەرى وسى ءبىر باعالى اسىل تاستىڭ الدىندا سۋرەتكە ءتۇسىپ ەستەلىك قالدىردى. قيمىل كەزىندە التىن، ءىنجۋ ـ مارجان، قاس تاسى، كەن كريستالى، كورىنىستىك تاس، سارى قاس تاسى، كوركەم جازۋ، سۋرەت، بايىرعى بۇيىمدار جانە تامىر ويماسى قاتارلى كوپتەگەن بۇيىم كورمەگە قويىلدى.

  قيمىل وتەتىن ساراي ىشىندە التىن، اسىل تاس، قاس تاسىن كورمەگە قويىپ باعالاۋ، التىن، اسىل تاس، قاس تاسىن باسەكەلەستىرىپ ساتۋ، جىبەك جولى كورىنىستىك تاس مادەنيەتى تالقى مىنبەرى قاتارلى الۋان ءتۇرلى قيمىل وتكىزىلسە؛ ساراي سىرتىندا تەڭىز شايانى ءدامدى تاعامدار مەرەكەسى، جەلىكپەلى مۋزيكا مەرەكەسى، 500 شاقىرىمدىق سالت ـ سانا قيمىلى وتكىزىلىپ، سىزگە ءار كۇنى دەرلىك قۋانىش سيلايدى.

  تاياۋ جىلداردان بەرى، التاي ايماعىنىڭ قوعامدىق جالپى جاعدايى ۇزدىكسىز جاراسىمدى، ورنىقتى بولدى. ورنىقتى قوعامدىق ورتا التايعا ساياحاتتىڭ پايداسىن جەتكىزىپ، ساياحات كاسىبىنىڭ جەدەل دامۋىن جەبەدى. وسى نەگىزدە، جۇڭگو التاي تۇڭعىش كەزەكتى حالىقارالىق التىن، اسىل تاس، قاس تاسى مادەنيەت مەرەكەسىنىڭ وتكىزىلۋى التايدىڭ جازعى ساياحاتىن اناعۇرلىم جانداندىرىپ، التاي جازعى ساياحاتىنا تىڭ مازمۇن، جاڭا ماركا، سونى قوزعاۋشى كۇش ۇستەپ، ايماقتىڭ ساياحات كاسىبىنىڭ جوعارى ساپالى دامۋىن ىلگەرىلەتىپ، ايماعىمىز ساياحاتىنىڭ ءبىر ماۋسىمنان ءتورت ماۋسىمدىق ساياحاتقا، كورىنىس رايونى، كورىنىس تۇيىنىنەن تۇتاس وڭىرلىك ساياحاتقا ويىسۋىن اناعۇرلىم ويداعىداي جەبەپ، التايدى دۇنيە ءجۇزى بويىنشا ساياحاتتاعى كوزەۋلى جەرگە، دۇنيە ءجۇزى قار ـ مۇز ساياحاتىنداعى كوزەۋلى جەرگە جانە دۇنيە ءجۇزى قار ـ مۇز سپورتىنداعى كوزەۋلى جەرگە اينالدىرۋ.

  شينجياڭ التاي ساياحاتتى دامىتۋ توبى شەكتى سەرىكتەستىگى پارتكومىنىڭ شۋجيى، باس جوراسى حۋ چياڭ بىلاي دەدى: «التاي ايماعى التىن، اسىل تاس، قاس تاسى مادەنيەت مەرەكەسىن وتكىزۋ ارقىلى التايدىڭ جەرگىلىكتى ابزال ساياحات بايلىعى مەن وڭىرلىك مادەنيەتىن ىشكەرىلەي ايگىلەپ، التىن، اسىل تاس، قاس تاسى مادەنيەتىنىڭ دامۋىن جەبەپ، التايدىڭ التىن، اسىل تاس، قۇبا ءتۇز عاجايىپ تاسى، قولونەر اسىل تاس سۋرەتى قاتارلىلارىنىڭ اتاعى مەن ابىرويىن اسىرىپ، ٴتىپتى دە كوپ ادامدى التايعا كەلۋگە، التايدى تۇسىنۋگە باۋراۋ ارقىلى التاي ايماعى ساياحات كاسىبىنىڭ جوعارى ساپالى دامۋىن جەبەيدى».

  جۇڭگو ساندىك تاس قوعامىنىڭ ورىنباسار باستىعى، جۇڭگو ساندىك تاس قوعامى مەتوريت تاس كاسىپتىك كوميتەتىنىڭ باستىعى، شينجياڭ ساندىك تاس قوعامىنىڭ نەگىزىن قالاۋشى قوعام باستىعى، مەملەكەتتىك 1 ـ دارەجەلى ساندىك تاس ساراپشىسى ياۋ حىجياڭ بىلاي دەدى: «التايدىڭ ‹تاۋى التىن، سۋى كاۋسار› دەگەن ادەمى اتى بار. مۇندا، التىن، اسىل تاس، ەرتىس تاسى، قاس تاسى قاتارلى كورىنىستىك تاس بايلىعى اسا مول بولىپ، شينجياڭداعى التىن، اسىل تاس، كورىنىستىك تاس بايلىق قاينارى مول رايون، باستى وندىرىلەتىن جەر ەسەپتەلەدى، ونىڭ كەن بايلىعى اسا مول. قازىر التايدان 4 ۇلكەن تۇردەگى 94 ءتۇرلى كەن بايقالىپ، بۇكىل ەلىمىزدەگى كەن ءتۇرىنىڭ %54.65 ىن ۇستايدى، مۇنىڭ ىشىندەگى 10 ۇلكەن تۇردەگى 27 ءتۇرلى ءونىم، اسىرەسە، كوك جاھۇت، تۇرمالين قاتارلىلار اسىل تاستىڭ جوعارى سورتىنا جاتادى. ءتىپتى دە كوپ ادامنىڭ اسىل تاس مادەنيەتى شوعىرلانعان جەردى تۇسىنۋىنە وراي جاراتۋ وسى رەتكى قيمىلدى وتكىزۋىمىزدىڭ اۋەلگى ماقساتى».

جاۋاپتى رەداكتور: ءاننا اكىمقان قىزى
  • اۋەلگى ماقساتتى، بورىشتى ەستە بەرىك ساقتاپ، نەگىزگى تاقىرىپتىق تاربيەنى تىڭعىلىقتى ورىستەتىپ، ”ەكىدەن تارىقتىرماۋ، ءۇشتى قامتاماسىز ەتۋ“دى مىقتاپ ارقاۋ ەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەيىك
  • سايرامدا ساياحاتتاۋ
  • بايىنبۇلاقتىڭ اسەم كورىنىسى
  • تيانشاننىڭ عاجايىپ كورىنىسى − بيىكتەگى ءبيداي اتىزى