اعاجاي-التاي تورابى   ›   اقپارات ايدىنى   ›   شينجياڭ حابارلارى

باي مازمۇندى مادەنيەت قيمىلدارى مەرەكەنىڭ مەرەيىن اسىردى

 قۇربان ايت مەرەكەسى دەمالىسى كەزىندە قىرۋار ساياحاتشى جانە قالا تۇرعىندارى اۆتونوميالى رايوندىق مۇراجايعا كەلىپ ەكسكۋرسيالادى (8 - ايدىڭ 11 - كۇنى تۇسىرىلگەن). □ سۋرەتتى ءتىلشىمىز زوۋ ي تۇسىرگەن

  كونسەرت كورۋ، مادەنيەت مۇرالارىن تاماشالاۋ، كينو كورۋ... قۇربان ايت دەمالىسى كەزىندە، الۋان ءتۇرلى، باي مازمۇندى مادەنيەت تۇرمىسى رايونىمىزداعى ءار ۇلت بۇقاراسىن دىر - دۋمانعا، جاراسىمدى دەمالىس مەرەيىنە بولەدى.

  8 - ايدىڭ 11 - كۇنىنەن 12 - كۇنىنە دەيىن، اۆتونوميالى رايوندىق پارتكوم ۇگىت ءبولىمىنىڭ باس بولىپ ۇيىمداستىرۋىمەن، اۆتونوميالى رايوندىق مادەنيەت جانە ساياحات مەڭگەرمەسىنىڭ ۇستىنە الىپ وتكىزۋىمەن اۆتونوميالى رايوننىڭ 2019 - جىلعى قۇربان ايت مەرەكەسىنە ارنالعان «مەرەكە شاتتىق جىرى» اتتى ادەبيەت - كوركەمونەر ساۋىق كەشى شينجياڭ حالىق تەاترحاناسىندا دۋمانمەن قويىلىپ، مەرەكەگە سالتاناتتى مادەنيەت مەرەيىمەن ءسان قوستى.

  كونسەرت كورۋدەن سىرت، ءار ۇلت بۇقاراسى مۇراجايلارعا، كىتاپحانالارعا، كينوحانالارعا كىرىپ تاماشا دەمالىس ساتىنەن ءلاززاتتاندى.

  8 - ايدىڭ 11 - كۇنى، اۆتونوميالى رايوندىق مۇراجايدى ەكسۋرسيالاۋشىلار 25 مىڭ ادامنان استى، كوپشىلىك «شينجياڭنىڭ جالپى تاريحى كورمەسى»، «مىڭداعان جىلداردى وتكەرگەن شينجياڭ ەرتەدەگى مۋميالار كورمەسى»، «نيا ارحەولوگياسىنىڭ 30 جىلدىق جەتىستىكتەر كورمەسى» قاتارلىلاردى تالاسا - تارماسا كوردى.

  ”بۇگىن قۇربان ايت مەرەكەسى، كوپشىلىكتىڭ ەكسكۋرسيالاۋ قىزعىندىلىعى ەرەكشە جوعارى بولدى، ءبىز كۇش سالا ورنالاستىرۋ جاساپ، ەكسكۋرسيالاۋشىلاردىڭ قاجەتىن قاناعاتتاندىرامىز“، - دەدى اۆتونوميالى رايوندىق مۇراجاي ۇگىت - تاربيە ءبولىمىنىڭ ورىنباسار مەڭگەرۋشىسى جاڭ لەي.

  8 - ايدىڭ 12 - كۇنى، ءتىلشى ءۇرىمجى قالاسى شينحۋا كىتاپ دۇكەنى نانمىن كىتاپ ساتۋ ورتالىعىندا 1 - قاباتتان 4 - قاباتقا دەيىن، مەيلى ادەبيەت تۇرىندەگى، قوعامدىق عىلىمدار تۇرىندەگى، فيلوسوفيا تۇرىندەگى، وقىتۋ - پىسىقتاۋ تۇرىندەگى كىتاپتار اۋماعى بولسىن، الدە بالالارعا ارنالعان كىتاپتار اۋماعى بولسىن، بارىندە كوپتەگەن وقىرمانداردىڭ بار ەكەندىگىن كوردى. كەيبىر وقىرماندار ورىندىقتا نەمەسە باسپالداقتا، نەمەسە جەرگە وتىرا كەتىپ، قۇشتارلانا كىتاپ وقۋدا.

  شينجياڭ حالىق تەاترحاناسى، حالىق كينوحاناسى سياقتى كينوحانالاردا قويىلىپ جاتقان «ءورت قۇشاعىنداعى قاھارماندار»، «قۇس جولىنداعى پىسىقتاۋ كلاسى»، «ارىستان پاتشا» سياقتى كينولار كوپتەگەن كورەرمەندى باۋرادى. كوپ ساندىسى ءۇي ىشىمەن بىرگە كينو كورىپ، دەمالىستى بىرگە وتكىزۋگە كەلگەندەر ەكەن.

  ءار ۇلت بۇقاراسىنىڭ دەمالىستاعى مادەنيەت تۇرمىسىن بايىتۋ ءۇشىن، ۇدايى بىرنەشە كۇن بويى ءۇرىمجى قالاسى ”مەن جانە مەنىڭ وتانىم“ نەگىزگى تاقىرىپتىق جەلىلەس مادەنيەت قيمىلىن ورىستەتتى، قالىڭ ادەبيەت - كوركەمونەر قىزمەتكەرلەرى الەۋمەتتىك اۋماقتارعا بارىپ، ءار ۇلت بۇقاراسىمەن بىرگە دەمالىس شاتتىعىن ءبولىستى.

  دەمالىس كەزىندە قۇمىل، تۇرپان، قاشقار، حوتان سياقتى جەرلەر دە ءتۇرلى فورماداعى ادەبيەت - كوركەمونەر كونسەرتى، مادەنيەت مۇرالارى نەمەسە سۋرەت كورمەسىن، سونداي - اق ءار ءتۇرلى مادەنيەت - دەنە تاربيە قيمىلى سياقتىلاردى ۇيىمداستىرىپ ورىستەتىپ، ءار ۇلت بۇقاراسىنىڭ دۋماندى، باي مازمۇندى دەمالىس تۇرمىسىن بىرگە وتكىزۋىنە مۇمكىندىك جاسادى.

  8 - ايدىڭ 10 - كۇنى كەشتە، اقسۋ ايماقتىق مادەنيەت سارايىنداعى (اسەمونەر سارايى) 14 - رەتكى ”بۇقارا اپتالىعى اپتالىق كونسەرتى ۇلكەن ساحناسى“ندا ۋيمەي ءبي كوركەمونەر ورتالىعىنىڭ ارناۋلى كونسەرتى قويىلدى. «جەتكىنشەكتىڭ جىگەرى»، «جۇلدىزداردىڭ جانارى»، «قوڭىراۋلى بارابان ءبيى»، «جاز مۋزيكاسى ناجاعاي ءبيى قىزدار ۇيىرمەسى»، «مىنە بۇل كوشە ءبيى» قاتارلى تاماشا نومىرلەر كوپشىلىككە الۋان ءبيدىڭ سالتاناتىن سيلادى، بالالار بىردە ”سۇيكىمدى“، بىردە ”ايدىندى“ بەينەمەن ساحنانى ”دىر - دۋمان“عا بولەپ، مادەنيەت كەشكى ساۋىعىنىڭ جالىنىن لاۋلاتا ءتۇستى.

  سول كۇنى كەشتە اقسۋ ايماقتىق كىتاپحانا ”مەن جانە مەنىڭ وتانىم − بالا جۇرەكتەر شارق ۇرعان، سومدايمىن اسقاق نار تۇلعا“ اتىنداعى ساز بالشىق قولونەر بۇيىمدارىن جاساۋ جارىسى قيمىلىن وتكىزدى، بالالار قوس قولدارىمەن وتانعا ادال تىلەگىن بەينەلەدى.

  كۇشار اۋدانى ۇشوستەڭ اۋىلى قۇربان ايت مەرەكەسىنە ارنالعان ادەبيەت - كوركەمونەر بايقاۋىن وتكىزدى. بايقاۋ «مەنىڭ وتانىم» اتتى ولەڭدى وقۋمەن شىمىلدىعىن اشتى، ءار ۇلت كادر - بۇقاراسى ارت - ارتىنان ساحناعا شىعىپ، ونەر كورسەتىپ، وتان اناعا دەگەن قىزۋ سۇيىسپەنشىلىگى مەن تىلەگىن ءبىلدىردى.

  قۇمىل ۋاڭفۋ كورىنىس اۋماعى ەرەكشە دۋمانعا بولەندى، ءىرى كولەمدەگى «يجوۋ مۋزيكا - ءبي قويىلىمى» اتىنداعى تاريحي ءبي تەاترى وسىندا 4 - رەت سىناق رەتىندە ورىندالدى. ءبي تەاترى «جاڭ چياننىڭ ون مىڭ شاقىرىم شالعايعا ەلشىلىككە بارۋى. باتىس ءوڭىردى تۇتاستىرۋ»، «ۇلى حان پاتشالىعىنىڭ بەرەكە قۇدالىعى. جيەيوۋ حانىشانىڭ ۇيسىنگە ۇزاتىلۋى»، «كاڭشيدىڭ قۇمىل قاۋىنىنا ات بەرۋى . حۇيۋاڭنىڭ اعزام جىبەرگەن ۇلىققا سالتاناتتى قوناعاسى بەرۋى» اتتى 3 بولىمنەن قۇرالادى. تولاسسىز جالعاسقان تارتىمدى ويىن ءنومىر كوپتەگەن كورەرمەندى باۋرادى. گۋاڭجوۋلىق ساياحاتشى ۋاڭ چىڭپيڭ: ”ءبي تەاترىن كورىپ، وسى اراداعى تاريحي مادەنيەت جونىندەگى تۇسىنىگىم تەرەڭدەي ءتۇستى، شىنىمەن بوسقا كەلمەگەن ەكەنمىن!“ دەدى.

  (تىلشىلەرىمىز جاڭ يىڭچۇن، اقسۋ تىلشىلەر پۋنكتىنەن دىڭ ليجۋان، قۇمىل تىلشىلەر پۋنكتىنەن ما جىجۋان)

جاۋاپتى رەداكتور: ءاننا اكىمقان قىزى
  • 3 - كاسىپ ءبىرىنشى ارتۋ قوزعاۋشى كۇشىنە اينالدى
  • تيانشان ۇلكەن اڭعارى قوناق قابىلدادى
  • اۆتونوميالى رايون قۇربان ايت مەرەكەسى شاي ءماجىلىسىن وتكىزدى
  • كورىكتى ءيىرىم كول (كەسكىن)