اعاجاي-التاي تورابى   ›   اقپارات ايدىنى   ›   شينجياڭ حابارلارى

ءبىر - بىرىنە باقىت تىلەپ، بارلىعى قۋانىشقا شومىپ، جۇرەكتەر پارتيا دەپ سوقتى

 ءبىر - بىرىنە باقىت تىلەپ، بارلىعى قۋانىشقا شومىپ، جۇرەكتەر پارتيا دەپ سوقتى

   − رايونىمىزداعى ءار ۇلت كادرلارى مەن بۇقارا قۇربان ايت مەرەكەسىن بىرگە تويلادى

  8 - ايدىڭ 11 - كۇنى اۆتونوميالى رايوننىڭ 2019 - جىلعى قۇربان ايت مەرەكەسىنە ارنالعان «مەرەكە شاتتىق جىرى» اتتى ادەبيەت - كوركەمونەر ساۋىق كەشى شينجياڭ حالىق تەاترحاناسىندا وتكىزىلدى. □ سۋرەتتى ءتىلشىمىز ۋاڭ جىن تۇسىرگەن

  8 - ايدىڭ 11 - كۇنى قىستاق تۇرعىنى اۆتونوميالى رايوندىق بازار باقىلاۋ - باسقارۋ مەكەمەسىنىڭ اتۇش قالاسى ازاق اۋىلى قۇلانشي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اتىرەتىنىڭ مۇشەلەرى مەن جۇپ قۇراعان تۋىستارىن ۇيىنە بارىپ مەرەكەنى بىرگە وتكىزۋگە ۇسىنىس ەتتى. □ سۋرەتتى ءتىلشىمىز وتكۇر نيجات تۇسىرگەن

  8 - ايدىڭ 11 - كۇنى قۇربان ايت مەرەكەسى، رايونىمىزداعى ءار ۇلت كادرلارى مەن بۇقارا قۋانىشپەن ءبىر اراعا باس قوسىپ، ءبىر - بىرىنە باقىت تىلەپ، ءان ايتىپ، ءبي بيلەپ، مەرەكەنى بىرگە تويلادى، تيانشاننىڭ تۇستىگى مەن تەرىستىگىندەگى بارلىق جەر بەرەكەلى مەرەكەلىك رايعا شومدى.

  8 - ايدىڭ 11 - كۇنى تاڭەرتەڭ قاشقارداعى ايتكار الاڭىنان سىرنايدىڭ سازدى اۋەنى اسقاقتادى، وعان قوي تەرىسىنەن جاسالعان باراباننىڭ ىرعاقتى ءۇنى قوسىلعاندا، الاڭداعى ءار ۇلت بۇقاراسى تۇس - تۇستان بيگە باستى. توپتى ادامنىڭ اراسىندا جەرگىلىكتەگى ءار ۇلت بۇقاراسى عانا ەمەس، ىشكەرى ولكەلەردەن جانە شەتەلدەردەن كەلگەن ساياحاتشىلار دا ءجۇر، كوپشىلىك شالقىعان شاتتىققا شومدى.

  ”مەن قاشقاردى جاقسى كورەمىن، وسىنداعى اۋىلداستاردىڭ جۇزىنەن كۇلكى ءۇيىرىلىپ تۇرادى“. بيلەپ جۇرگەن جۇرتشىلىقتىڭ اراسىنان جاڭا عانا ”ىعىسىپ“ شىققان يۇنناندىق ساياحاتشى ليۋ رۇڭرۇڭ اسەرلەنە بىلاي دەدى: ”شينجياڭدىقتار توتەنشە مەيماندوس ەكەن، شينجياڭنان، راسىندا، كەتكىڭ كەلمەيدى“.

  قاشقار كونە قالا رايونىنىڭ 65 جاستاعى تۇرعىنى مامەتزۇنۇن وبۇلقاسىم بىلاي دەدى: ”ءبىزدى تاماشا تۇرمىسقا جەتكىزگەن پارتياعا العىس ايتامىن، ۇكىمەتكە العىس ايتامىن“.

  ءيىسى مۇرىندى جاراتىن باۋىرساق، تاڭدايدان كەتپەيتىن قىمىز... 8 - ايدىڭ 11 - كۇنى كوكتوعاي اۋدانى تۇرعىن اۋىلى تولەۋبايقىزىل قىستاعىنىڭ مالشىسى زۇلقارناي قابىلدىڭ ۇيىندە زۇلقارنايدىڭ ايەلى تۋىس - تۋعان، دوس - جاراندارىنا قايماقتى شايىن قۇيىپ جاتىر.

  2012 - جىلى زۇلقارناي وتباسىنداعىلار ءتورت ماۋسىمدا ءورىس جاڭالاپ كوشىپ جۇرەتىن، سۋدىڭ تۇنىعىن، ءشوپتىڭ سونىسىن قۋالاي قوناتىن تۇرمىستى اياقتاستىرىپ، تولەۋبايقىزىل قىستاعىنا كەلىپ وتىرىقتاندى.

  2016 - جىلدان باستاپ، ول كوكسۋلى كورىنىس وڭىرىندە مالشىلار شاتتىعى ساياجايىن اشتى.

  ”قازىرگى ۇيىمىزدە سۋ، توك بار، اس ءۇي، دارەتحاناسى بار، سۋ شۇمەكتى اشىپ قالساڭ سۋ كەلەدى، وسىنداي جاقسى ۇيدە تۇرىپ جاتقانىمىز ءۇشىن پارتيا مەن ۇكىمەتكە العىس ايتامىز. مالشىلار شاتتىعى ساياجايىنىڭ ساۋداسى دا بارعان سايىن جاقسارىپ كەلەدى، بىلتىرعى كىرىسىمىز 150 مىڭ يۋان بولعان، بيىلعى ساۋدامىز ونان دا جاقسى بولادى دەپ وتىرمىز“، - دەدى زۇلقارناي ءماز بولىپ.

  8 - ايدىڭ 11 - كۇنى جەمسارى اۋدانى كاسي بايىرعى جولى كورىنىس ءوڭىرىنىڭ كورىنىسى كوز تارتىپ تۇر. تۇستەن بۇرىن اۋداننىڭ تۇڭعىش كەزەكتى حالىقارالىق جاياۋ ءجۇرىس دالالىق جارىسى كاسي بايىرعى جولى كورىنىس وڭىرىندە باستالدى، رايونىمىزدىڭ ءىشى - سىرتىنان كەلگەن 300دەن استام دالالىق جارىس اۋەسكەرى جارىسقا قاتىناستى.

  شيامىننان كەلگەن شىن شۇيبىڭ بىلاي دەدى: ”بۇگىن قۇربان ايت مەرەكەسى، ءار ۇلت ساڭلاقتارىمەن بىرگە جارىسقا قاتىناسىپ، مەرەكەنى بىرگە تويلاعانىما توتەنشە قۋانىشتامىن!“ قۇربان ايت مەرەكەسى قارساڭىندا، ءۇرىمجى قالاسى بەيبىتشىلىك وڭتۇستىك جولى 482 - ءنومىرلى ۇلتتار ىنتىماعى ۇلكەن اۋلاسىندا، گۋيۋانشياڭ الەۋمەتتىك اۋماعىنداعى كوڭىلدى جازدىق كانيكۋل ءبي كۋرسىنان كەلگەن كىشكەنتاي قىزدار ۇستىلەرىنە اپپاق تورعىن كويلەك كيىپ، اسەم ىرعاققا ەلىتە ويناقى بيگە باستى.

  ساحنانىڭ الدىڭعى جاعىندا، ءۇرىمجى قالاسى تيانشان رايونى ىرداچياۋ اۋماعى گۋيۋانشياڭ الەۋمەتتىك اۋماعىنىڭ 200دەن استام ءار ۇلت بۇقاراسى ساحناداعى ويىن - تاماشاعاءالىسىن - ءالى بارەكەلدى ايتتى. بيىل 12 جاسقا شىققان ءسۇمايا ابدۇنابي قۋانا بىلاي دەدى: ”ءبيدى اۋىلعا قايتقان ستۋدەنت ەرىكتى اپەكەلەر ۇيرەتتى، بۇگىن ەل الدىنا شىعىپ ونەر كورسەتە العانىما قاتتى قۋانىپ تۇرمىن“.

  كونسەرت سوڭىنا شىعايىن دەگەن كەزدە، بالالاردىڭ باستاماشى بولۋىمەن كورشى - قولاڭدار قول ۇستاسا ءان ايتىپ، بيگە باسىپ، ”ۇلتتار ىنتىماعى بەرەكەلى شاڭىراعى“نىڭ تاماشا كارتيناسىن جاندى بەينەلەدى.

  8 - ايدىڭ 11 - كۇنى بايىنعولين موڭعۇل اۆتونوميالى وبلىستىق دامۋ جانە رەفورما كوميتەتىنىڭ چەرشەن اۋدانى توعراقلىق اۋىلى زاعۇنلىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ۇلتتار ىنتىماعى بىرلەسكەن دوستىق قيمىلىن ۇيىمداستىرىپ وتكىزدى، قىزمەت اترەتىندەگىلەر مەن ءار ۇلت بۇقاراسى قۋانا باس قوسىپ، شاتتانا بيگە باسىپ، اسەم انگە سالىپ، مەرەكەنى بىرگە تويلادى.

  اۋىلعا قايتقان ستۋدەنت ميھىربان تۇرسۇن بىلاي دەدى: ”مەرەكەدە ونەرىمىزدى كورسەتۋ ارقىلى اۋىلداستارىمىزعا شاتتىق سيلاعانىمىزعا قاتتى قۋانىشتامىن!“

  8 - ايدىڭ 11 - كۇنى تۇستە شايار اۋداندىق حالىق سوتى مەكەمەسىنىڭ كادرى جاي جىن - ان وتباسىنداعىلارىمەن بىرگە سالەم - ساۋقىتىن كوتەرىپ شايار اۋدانى قىزىلتۋ قالاشىعى دولقىن قىستاعىنىڭ تۇرعىنى سيپيەم مامەتتىڭ ۇيىنە تۋىسشىلاي باردى.

  ”اپەكە، ءبىز سىزگە امانداسا كەلدىك!“ سيپيەمنىڭ ۇيىنە كىرە سالا، جاي جىن - ان مۇرىن جاراتىن حوش ءيىستى سەزدى. اسىلىندە، سيپيەم تۋىستارىن كۇتىپ الۋعا تۇسكى اس دايىنداپ جاتقان ەدى.

  2017 - جىلى جاي جىن - ان مەن سيپيەم تۋىس بولعاننان بەرى، ەكى وتباسىنىڭ ادامدارى ءبىر وتباسىنىڭ ادامىنا اينالعان بولاتىن.

  سيپيەمنىڭ ۇلكەن ۇلى احىمەت نامات شايار اۋدانىنان اسىعا - ۇسىگە ۇيىنە قايتتى، وتباسىنداعىلاردىڭ مارە - سارە بولىپ جاتقاندىعىن كورگەن ول قۋانا بىلاي دەدى: ”جۋىقتان بەرى مەنىڭ ءۇي اشەكەيلەۋ ساۋدام بارعان سايىن جانداندى، وتباسىمداعىلار دا ءماز - مايرام بولىپ جاتىر ەكەن، بۇعان شىن قۋانىپ وتىرمىن، پارتيانىڭ تاماشا ساياساتىنىڭ ارقاسىندا، ءبىزدىڭ تۇرمىسىمىز بارعان سايىن جاقساراتىندىعىنا سەنەمىن“.

  قاس قارايدى، حوتاننىڭ كەشكى بازارىنداعى ادامدار كوبەيە باستادى. ساعات 21دى كورسەتكەندە، حالىق جولى كەشكى بازارىنداعى كونسەرت باستالا قويماعان - دى، ساحنانىڭ توڭىرەگى كورەرمەنگە لىق تولدى.

  ”جاقسىدا جاقسى، نە جاقسى؟ حوتاننىڭ كەشكى بازارى جاقسى...“ «حوتاننىڭ كەشكى بازارى جاقسى» دەگەن انگە بيلەنگەن توپتىق ءبي ءدامدى تاعامدار جەپ وتىرعان شينجياڭنىڭ ءىشى - سىرتىنان كەلگەن ساياحاتشىلارعا اپساتتە شينجياڭنىڭ قويۋ ۇلتتىق سالت - ساناسىن سەزىندىرىپ ۇلگىردى. دۇكەنشەلەر قاريدارعا لىق تولدى، قاقتاعان بالىق، كاۋاپ، قاقتاعان جۇمىرتقا، شاگۋو، لياڭفىن، قۇيعان وكپە... قاريدارلار الۋان ءتۇرلى ءدامدى تاعامداردى كورىپ ۇلگىرە المادى.

  قالادان اۋىل - قىستاققا دەيىن، ءار ۇلت كادر - بۇقاراسى ءبىر - بىرىنە امانداسا بارىپ، مەرەكەنى بىرگە تويلاۋ بارىسىندا، جۇرەكتەرى ءتىپتى دە توعىسا ءتۇستى.

  (تىلشىلەرىمىز حان چينيان، گاي يوۋجۇن، لي داۋجۇڭ، جاڭ تيڭ، يە شياۋمين، بايىنعولين وبلىسىنداعى تىلشىلەر پۋنكتىنەن جاڭ حۇيجياڭ، ەرىكتى تىلشىلەر جاڭ لۋ، ميڭ ۋي)

جاۋاپتى رەداكتور: ءاننا اكىمقان قىزى
  • اۆتونوميالى رايون قۇربان ايت مەرەكەسى شاي ءماجىلىسىن وتكىزدى
  • كورىكتى ءيىرىم كول (كەسكىن)
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى