اعاجاي-التاي تورابى   ›   اقپارات ايدىنى   ›   شينجياڭ حابارلارى

تيانشاننىڭ تۇستىگى مەن تەرىستىگى شات - شادىمان مەرەيگە شومدى

8 - ايدىڭ 11 - كۇنى ءۇرىمجى قالالىق ورمان شارۋاشىلىعى جانە جايلىم مەكەمەسىنىڭ (ءۇرىمجى قالالىق باۋ - باقشا باسقارۋ مەكەمەسى) سايباق رايونى حوتان كوشەسى اۋماعىن باسقارۋ كوميتەتى جۋجياڭ جولى سولتۇستىك الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قاراستى اۋماقتاعى تۇرعىنداردىڭ ۇيىنە بارىپ، قۇربان ايت مەرەكەسىن بىرگە وتكىزدى.سۋرەتتى ءتىلشىمىز ۋاڭ جىن تۇسىرگەن

8 - ايدىڭ 11 - كۇنى ساياحاتشىلار قاشقار بايىرعى قالاسىندا ءان - ءبي كونسەرتىن تاماشالاۋدا. سۋرەتتى ءتىلشىمىز وتكىر نيجات تۇسىرگەن

  2019 - جىلى 8 - ايدىڭ 11 - كۇنى − قۇربان ايت مەرەكەسى، رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى مەن تۋىس بولعان كادرلار ءار ءتۇرلى فورمامەن ءار ۇلت بۇقاراسىن ارالاپ، ولاردان حال سۇراپ، مەرەكەنى بىرگە وتكىزدى؛ تۋىستار ءبىر - بىرىنە ىزگى تىلەكتەر ايتىپ، جارقىن بولاشاقتى اڭگىمە ەتتى.

  ■ الۋان ءتۇرلى قيمىلدارمەن مەرەكەنى قۇتتىقتادى

  8 - ايدىڭ 11 - كۇنى تاڭەرتەڭ، ماناس اۋدانى لانجوۋۋان قالاشىعى باجياحۋ قىستاعىنىڭ مادەنيەت ءۇيىنىڭ الدىندا، ەكى ۇزىن ۇستەلدىڭ ۇستىنە قاۋىن، قاربىز، ءجۇزىم، الما، شاپتول، الحور سياقتى جەمىس - جيدەكتەر تولتىرا قويىلىپتى، بۇلاردىڭ ءبارى بيىلعى سانجى گازەتى مەكەمەسىنىڭ باجياحۋ قىستاعىنداعى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ قىستاق تۇرعىندارىن اۋلا شارۋاشىلىعىن دامىتۋعا ىنتالاندىرۋىنىڭ ناتيجەسى ەدى.

  قۇربان ايت مەرەكەسى كۇنگى جەمىس - جيدەكتەن ءدام تاتۋ باس قوسۋىندا قىزمەت اترەتىندەگىلەر ءار ۇلت قىستاق تۇرعىندارىمەن بىرگە وتىرىپ، ۇلتتار ىنتىماعى دوستىق سۇيىسپەنشىلىگىن اقتارىلا اڭگىمەلەپ، كوركەم باقىتتى بولاشاققا كوز جىبەردى.

  بيىل 80 جاستاعى جين جىيىڭ قاۋىننان ءدام تاتا وتىرىپ، قۋانا بىلاي دەدى: ”ءار جولعى مەرەكەدە قىزمەت اترەتى مەن قىستاق كادرلارى تارتۋ - تارالعىلارىن الىپ بىزدەي جالعىز تۇراتىن قاريالارعا امانداسىپ كەلەدى، قىستاق قيمىل وتكىزگەندە دە ءبىزدى قاتىناسۋعا شاقىرادى، بارلىعىمىز ءبىر ءۇيلى جاندايمىز“.

  مىنا جاقتا جەمىس - جيدەكتەن ءدام تاتىپ، دوستىق سۇيىسپەنشىلىكتى اڭگىمە ەتىپ جاتقاندا، انا جاقتا ۇلتتار ىنتىماعى بىرلەسكەن دوستىق قيمىلى وتكىزىلىپ، مەرەكە تويلانىپ جاتتى.

  8 - ايدىڭ 11 - كۇنى تۇستە كۇشار اۋدانى ۇشوستەڭ اۋىلىنىڭ ۇشوستەڭ قىستاعىندا جەمىسى سامسىعان باقتاردا قۋانىش كۇلكىسى ەسەدى. قىستاقتاعى ەر - ايەل، كارى - جاستار جانە قىستاقتا تۇراتىن كادرلار، تۋىستاسقان كادرلار ءبىر ارادا شاتتىقپەن باس قوسىپ، قۇربان ايت مەرەكەسىن بىرگە تويلادى.

  كوپشىلىك «مەن جانە مەنىڭ وتانىم»، «جاڭا داۋىرگە قادام تاستاۋ» اندەرىن بىرگە اسقاقتاتا شىرقاپ، دۋماندى ءماشىراپ بيىنە باستى.

  قيمىلدا اۆتونوميالى رايوندىق وقۋ - اعارتۋ مەڭگەرمەسىنىڭ ۇشوستەڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاقتىڭ ”ەكى كوميتەتى“ ”كوركەم اۋلا“ قۇرۋدان ۇلگى كورسەتەتىن 14 وتباسىن ماداقتاپ سيلادى.

  ماداقتالىپ سيلانعان مامەت توحتى تەبىرەنە: ”2017 - جىلدان باستاپ، قىستاق ءار جىلى ’كوركەم اۋلا‘ قۇرۋدان ۇلگى كورسەتەتىن ءبىر توپ وتباسىن ماداقتاپ سيلاپ كەلەدى، بيىل مەن سيلىق الدىم، ەرەكشە قۋانىشتامىن، بارلىقتارىڭىزدى ۇيىمە شاقىرامىن، اۋلامىزدى كورىپ قايتىڭىزدار“ دەدى.

  ■ ءوزارا سي كورسەتىپ، مەرەكەنى قۇتتىقتادى

  8 - ايدىڭ 11 - كۇنى تاڭەرتەڭ تۇرپان قالالىق ۇكىمەت كەڭسەسىنىڭ تۇرپان قالاسى توقسۇن اۋدانى شاھ قالاشىعى بۇلاقبەشى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى مەرەكەلىك تارتۋ الىپ، جۇپ قۇراعان تۋىستارىنىڭ ۇيلەرىنە بارىپ، مەرەكەلىك تىلەكتەرىن جەتكىزدى.

  تۇسكە تاياعاندا، بۇلاقبەشى قىستاعى يۋانچۋان حۋايۋان شاعىن اۋماعىندا تۇراتىن ءۋالي ءالي مەن ۇسەن توحتى قىزمەت اترەتىنىڭ مۇشەلەرىن، سونداي - اق كورشىلەرىن ۇيلەرىنە كەلىپ مەرەكەنى بىرگە وتكىزۋگە شاقىردى. كوپشىلىك جەمىس - جيدەگىن، پىسىرىلعان قوي ەتىن الىپ كەلدى، كوپ وتپەي داستارقانعا كوجە، پالاۋ، سۋسىن، جەمىس - جيدەك شىعارىلدى. كەيبىرەۋلەر ۇيلەرىندەگى دىبىس جابدىعىن دا الا كەلدى، ءسويتىپ، كوڭىلدى وتىرىس باستالىپ كەتتى.

  قورعاس قالالىق پارتكومنىڭ ۇگىت بولىمىندە ىستەيتىن مىڭ جۋان ەرتەمەن ماي، كۇرىش، شاي سياقتى مەرەكەلىك تارتۋلارىن الىپ وسى قالانىڭ يشيگاشان سىبە ۇلتتىق اۋىلىنىڭ چىرجىگاشان قىستاعىنداعى تۋىسى نۇرعالي ورازامبەكتىڭ ۇيىنە كەلدى.

  مىڭ جۋان تۋىسىنىڭ اۋلاسىنا كىرگەن كەزدە، نۇرعالي مەن ايەلى تۇران قۇرمان جەمىس - جيدەك، كەپتىرىلگەن جەمىس، پراندىك سياقتى دامدەردى قويىپ، داستارقان جاساپ جاتقان ەدى.

  ”ءسىڭلىم، تورلەت، ازدان سوڭ ەت تە پىسادى“، - دەدى تۇران قۋانا مىڭ جۋاننىڭ يىعىنان قۇشاقتاپ.

  تۇران مىڭ جۋان اتتاناردا دايىنداپ قويعان ءبىر تاباق ساڭزىسىن ۇستاتىپ: ”ءسىڭلىم، مىنا ساڭزىنى ءوزىم پىسىرگەن ەدىم، بالالارعا اپارىپ بەرشى“، - دەدى.

  ■ سۇيىسپەنشىلىككە تولى مەرەكە

  8 - ايدىڭ 11 - كۇنى تاڭەرتەڭ اۆتونوميالى رايوندىق قاتىناس - تاسىمال مەڭگەرمەسىنىڭ قىستاقتا تۇراتىن كادرى سۇن جيانبيڭ يوپۇرعا اۋدانى يوپۇرعا اۋىلىنىڭ جوعارعى تەگىن قىستاعىندا تۇراتىن تۇرسىن ءايتتىڭ ۇيىنە كەلدى. كورىسكەن جەردەن اعايىندىلار ءبىرىن - ءبىرى قىزۋ ىقىلاسپەن قۇشاقتاپ، ەسەندىك سۇراستى.

  سۇن جيانبيڭ ونەرىن كورسەتىپ، ىنىسىنە قۋىرماش قۋىرىپ بەرمەكشى بولدى.

  اعاسىنىڭ جىگى - جاپار دايىندىققا كىرىسكەنىن كورگەن تۇرسىن بىلەگىن تۇرە سالا كومەكتەسىپ كەتتى. ”سۇن جيانبيڭ تۋعان اعامداي ماعان كوڭىل ءبولىپ، قامقورلىق جاسادى، قىزمەت اترەتىنىڭ كومەگىندە، وتباسىمنىڭ تۇرمىسى بارعان سايىن جاقساردى، بۇدان بىلاي ۇزدىكسىز قۇلشىنامىن“، - دەدى جۇرەگى جىلى شۋاققا شومعان ول.

  ءبىر داستارقان باسىندا وتىرىپ، ىنتىماقتى، سۇيىسپەنشىلىكتى اڭگىمە ەتتى. قويۋ دوستىق سۇيىسپەنشىلىك مەرەكەنى ەرەكشە مەيىرگە بولەدى.

  ءتۇس الەتىندە، بۋى بۇرقىراپ پالاۋ پىستى. قاراقاش اۋدانى قاراقاش قالاشىعى ءادىليا بولىمشەسىنىڭ كادرى جۇڭ شياۋچيڭ مەن وسى قالاشىقتىڭ چىمانباق قىستاعىنىڭ تۇرعىنى توحتىداۋاتحان ابدوللامەن بىرگە بىرنەشە ءتۇرلى قۋىرماش قۋىردى، كوپشىلىك ءبىر داستارقاندا وتىرىپ قۋانا ءدام تاتتى.

  51 جاستاعى توحتىداۋاتحان − ەكى بالانىڭ اناسى. كۇيەۋى ەرتەرەكتە قايتىس بولعان، ەگىستىك جەرى از، بىرنەشە جىلدىڭ الدىندا ارحيۆ تۇرعىزىلىپ كارتچكالاندىرىلعان كەدەي وتباسى قاتارىنا ەنگىزىلگەن. جۇڭ شياۋچيڭنىڭ كومەگىندە، ول قىستاقتان جۇمىس تاپتى، ءار ايدا تۇراقتى كىرىسى بار. توحتىداۋاتحان وتباسىنىڭ تۇرمىسىنىڭ كۇن سايىن جاقسارىپ كەلە جاتقانىن كورىپ جۇڭ شياۋچيڭ قاتتى قۋاندى. ”بيىل ءبىزدىڭ ۇيگە كوپ كومەكتەستىڭ، ءبىز جاقسى اپەكەلى - سىڭلىلەرمىز“، - دەدى توحتىداۋاتحان اسەرلەنە.

  اڭگىمە ۇستىندە قىستاق تۇرعىندار كوميتەتى جاقتان اسەم ءان اۋەنى ەستىلدى. ”ءجۇرىڭىز، قىستاقتاعى قۇربان ايت بىرلەسكەن ساۋىق كەشىنە بارايىق!“ جۇڭ شياۋچيڭ مەن توحتىداۋاتحان وتباسىنداعىلار قول ۇستاسا قىستاق تۇرعىندار كوميتەتىنىڭ اۋلاسىنا قاراي بەتتەدى.

  (تىلشىلەرىمىز ريدا، گاي يوۋجۇن، جاڭ جىلي، جاڭ رۇيلين، ءجازيرا نەسىپبەك، حان چينيان، لي داۋجۇڭ، ەرىكتى تىلشىلەر لي جينچاۋ، رىن لييىڭ)

جاۋاپتى رەداكتور: ءاننا اكىمقان قىزى
  • اۆتونوميالى رايون قۇربان ايت مەرەكەسى شاي ءماجىلىسىن وتكىزدى
  • كورىكتى ءيىرىم كول (كەسكىن)
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى