اعاجاي-التاي تورابى   ›   اقپارات ايدىنى   ›   شينجياڭ حابارلارى

جايلى قونىس ارمانىنا جەتىپ، باقىتتى تۇرمىسقا قول جەتكىزۋ ءۇشىن

 جايلى قونىس ارمانىنا جەتىپ، باقىتتى تۇرمىسقا قول جەتكىزۋ ءۇشىن

  − باس شۋجي شي جينپيڭنىڭ ويىنان كەتپەيتىن حالىق تۇرمىسى ىستەرىنىڭ ”تۇراتىن ءۇيى بولۋ“ تاراۋى

  شينحۋا اگەنتتىگىنىڭ ءتىلشىسى

  ”بەتاشار“

  ”ءبىر وتباسىنىڭ، اۋەلى، ءبىر ادامنىڭ نەگىزگى تۇرمىس ماسەلەسى ءالى شەشىلمەيدى ەكەن، ءبىزدىڭ قام - قايعىسىز جۇرۋىمىزگە بولمايدى...“

  تۇرعىن ءۇي ماسەلەسى ءارى حالىق تۇرمىسى ماسەلەسى، ءارى دامۋ ماسەلەسى، سان مىڭداعان وتباسىنىڭ ءتول مۇددەسىنە قاتىستى، حالىقتىڭ تىنىش ءومىر، شات - شادىمان تىرشىلىك كەشۋىنە قاتىستى، ەكونوميكالىق، قوعامدىق دامۋدىڭ جالپى جاعدايىنا قاتىستى، قوعامنىڭ جاراسىمدىلىعىنا، ورنىقتىلىعىنا قاتىستى.

  ”ءۇي ساۋدالاۋعا ەمەس، وتىرۋعا ارنالعان“ دەگەن انىقتامادان تارتىپ قورا - جايدى ۇزاق ۋاقىت ءونىمدى باسقارۋ مەحانيزمىنە، تۇرعىن ۇيمەن قامتاماسىزداندىرۋدان تارتىپ قامداۋ جۇيەسى قۇرىلىسىنا، كەدەيلەردى قونىس جاڭالاپ سۇيەمەلدەۋدەن تارتىپ لاشىقتى اۋماقتى وزگەرتۋگە دەيىن... پارتيا 18 - قۇرىلتايىنان بەرى، باس شۋجي شي جينپيڭ بۇقارانىڭ جايلى قونىسىن، كۇي - جاعدايىن ويلاپ، ”بارلىق حالىقتىڭ تۇراتىن ءۇيى بولۋ نىساناسىن جۇزەگە اسىرۋدى“ باستان - اياق ءبىر ماڭىزدى رەفورما مىندەتى ەتىپ، جان - جاقتى ورنالاستىرىپ، ءوزى ارالاسىپ ىلگەرىلەتتى.

  باس شۋجي شي جينپيڭنىڭ ءىزىن بويلاپ، شينحۋا اگەنتتىگىنىڭ ءتىلشىسى قايتالاي تىلشىلىك ىستەۋ بارىسىندا بۇقارانىڭ ”جايلى قونىس ارمانى ورىندالىپ“ جۇزدەرىنەن قۋانىش لەبى ەسكەنىن كوردى، ولاردىڭ ”جاڭادان“ اتتانىسقا كەلىپ، قوس قولىنا، قاجىرلى ەڭبەگىنە سۇيەنىپ باقىتتى دا سالاۋاتتى تۇرمىس جاراتىپ جاتقاندىقتارىن كوردى.

  ”ءبىرىنشى اڭگىمە“

  ”تابيعاتقا سۇيەنىپ كۇن كورەتىن“ تۋزۋلار جاڭا ۇيگە كوشىپ كىرىپ، جاڭا شارۋاشىلىق باستادى

  اراقتىڭ حوش ءيىسى مۇرىندى جارادى. چيڭحاي ولكەسى حايدۇڭ قالاسى حۋجۋ تۋزۋ اۆتونوميالى اۋدانى ۋشى قالاشىعى بانيان قىستاعىندا 55 جاستاعى لۇي يوۋجين ۇيىندەگى توكپەن جىليتىن ساكىنىڭ ۇستىندەگى بىرنەشە ۇلكەن كۇبى اراق قويىرتپاعىنىڭ اشۋ جاعدايىن كورۋدە.

  لۇي يوۋجيننىڭ 7 دە 8 بولمەلى ءۇيى بار، ەرەكشە ءمان بەرىپ سالىنعان، نەگىزگى بولمەلەردىڭ ءماتشالارى، دودەگەلەرى تۇگەلدەي وسى جەردە كەڭىنەن تارالعان اعاش ويما، سىرلاۋ ونەرىمەن جاسالعان. 2016 - جىلدىڭ سوڭىندا جاڭا قونىسىنا كوشىپ كىرگەننەن كەيىن، ول بابالارىنان ميراس قالعان ميڭليۋ اراعىن اشىتۋ ونەرىن قايتا قولعا الىپ، اراق اشىتاتىن وتباسى شەبەرحاناسىن قۇردى.

  اس ۇيدە اراق اشىتاتىن ارپا قايناپ جاتىر، نەگىزگى بولمەگە 10 نەشە كۇبى اشىتىلعان اراق تىزىلگەن. تەرەزە سىرتىندا 4 فىن اۋلانىڭ سىرتقى داۋالىنا تۋزۋ ۇلتى قادىرلەيتىن كەمپىر قوساق سۋرەتى سىزىلعان، ەرەكشە كوز تارتادى.

  ۋاقىتتى 2016 - جىلى 8 - ايعا قايتا شەگەرەيىك، باس شۋجي شي جينپيڭ بانيان قىستاعىنا كەلىپ قىزمەت تەكسەردى.

  ول قىستاق تۇرعىندارىنىڭ جاڭا ۇيىنە كىرىپ، ءۇيدىڭ اۋدانىن، قۇرىلىمىن، قۇرىلىس ساپاسىن كوردى، جاڭا ۇيلەردىڭ قۇرىلىسىن باقىلاعان قىستاق تۇرعىندارىمەن اڭگىمەلەستى. وسى كۇنى باس شۋجيدىڭ ءبىر ءۇيلى ادامدارمەن قورالانا وتىرىپ، اۋىلداستار بۇرىن تۇرعان كونە قىستاقتىڭ جاعدايى كورسەتىلگەن كەسكىندى كورگەندىگى لۇي يوۋجيننىڭ كۇنى كەشەگىدەي ەسىندە.

  ”جىل سايىن دەرلىك قۋاڭشىلىق بولاتىن، تابيعاتقا سۇيەنىپ كۇن كورەتىن“. قونىس جاڭالاۋدان بۇرىن، لۇي يوۋجين چيڭحاي - شيزاڭ ءۇستىرتى ليۋپانشان تاۋىنداعى تۇتاسقان ەرەكشە اۋىر كەدەي ءوڭىردىڭ ناۋشان وڭىرىندە تۇراتىن. شۇقاناقتاعى سۋدى ىشەتىن، تاۋ جولىمەن جۇرەتىن، 7 كيلومەترلىك قۇلاما، كۇدىر توپىراق جول سەبەپتى ول جانە اۋىلداستارى اتا - باباسىنان تاۋ اراسىنان شىعا الماعان ەدى.

  ”پارتيا مەن ۇكىمەت سىزدەر سياقتى قيىنشىلىعى بار بۇقاراعا ەرەكشە كوڭىل بولەدى، قونىس جاڭالاۋ ارقىلى تۇرمىستارىڭىزدى جاقسارتادى“. باس شۋجي شي جينپيڭنىڭ ءسوزى لۇي يوۋجيننىڭ جانىن جادىراتتى.

  جاقسى كۇندەر شىنىمەن كەلدى! لۇي يوۋجين وتباسى اراق اشىتۋ شەبەرحاناسىن قۇرعان العاشقى جىلى 30 مىڭ يۋان كىرىس كىرگىزدى.

  ”جايعاسقاننان كەيىن، ءوندىرىستى دامىتۋىمىز، تۇرمىستا ءوز كۇشىمىزگە سۇيەنۋىمىز كەرەك“. لۇي يوۋجين تىلشىگە بىلاي دەدى: باس شۋجيدىڭ تاپسىرماسىن ەستەن شىعارۋىمىزعا بولمايدى، دامۋدا ەندى ارتتا قالۋىمىزعا بولمايدى. ”كەدەيلىكتەن ارىلىپ ’قالپاقتى‘ الىپ تاستاپ، ەڭسەمىز كوتەرىلىپ قالدى!“

  جاڭا قىستاق جاڭا بەينەگە ەندى، تابيعي گاز جەتكىزىلدى، قۇبىر سۋى جالعاندى، اۆتوكولىك ەسىك الدىنا كەلە الاتىن بولدى. تۇرعىندار اۋماعى مەن باعىمشىلىق رايونى ءبىر - بىرىنەن بولەكتەنىپ سالىندى، بارلىق وتباسى سۋمەن اعىزىلاتىن دارەتحانا سالىپ، سۋ ىعىستىرۋ قۇبىرىن جاتقىزدى، قىستاقتان كۇندىك ءبىر جايلى ەتۋ قۋاتى 100 توننالىق لاس سۋدى ءبىر جايلى ەتۋ پۋنكتى سالىنىپ، لاس سۋلار جايىلىپ اعىپ جاتپايتىن، قوقىر - قوقسىق الباتى شاشىلمايتىن بولدى.

  ”وسى ماۋسىم ساۋدانىڭ سايابىر كەزى. بوس ۋاقىتتارىمدا نەمەرە قىزىمدى باعامىن“. ءتىلشى لۇي يوۋجين نۇسقاعان باعىتقا قارادى، ونىڭ نەمەرە قىزى جاتاتىن بولمەدەگى ساكىدە كىتاپ بار ەكەن، ساكىنىڭ جانىنا كىشكەنتاي جازۋ ۇستەلى قويىلىپتى. ”ۇيىمىزدەن قىستاق باستاۋىش مەكتەبىنە جاياۋ 10 مينۋتقا جەتپەيتىن ۋاقىتتا بارادى، مۇنى بۇرىن ويلاپ تا كورمەگەنبىز“.

  ”ءتىلشى ەستەلىگى“

  ”تۇراتىن ءۇيى بولۋ“ ءارى ۋادە، ءارى جاۋاپكەرشىلىك. تۇرعىن ءۇي ماسەلەسى كەلەلى حالىق تۇرمىسى ماسەلەسى، سان مىڭداعان وتباسىنىڭ نەگىزگى تۇرمىسىن قامتاماسىز ەتۋگە قاتىستى.

  ”جايلى قونىس“− ”شات - شادىمان تىرشىلىك“تىڭ نەگىزى. ”كەدەي قونىستى جاڭالاۋ“، ”كەدەيلىك تامىرىنا بالتا شابۋ“، امالدى دۇرىس قولدانىپ، جولدى دۇرىس تابۋ كەرەك. ەرەكشە وڭىرلەرگە قاراتا كەدەيلەردى قونىس جاڭالاپ سۇيەمەلدەۋدى اتقارۋ اۋىر كەدەي وڭىرلەردەگى قيىنشىلىعى بار بۇقارانىڭ قونىستانۋ جانە ءوندىرىس شارت - جاعدايىن تۇبىرىنەن وزگەرتىپ، وقۋ - اعارتۋمەن، تاربيەلەۋمەن، كاسىپ سالاسىمەن جەتەكتەۋدى قوسىمشا ەتكەندە عانا، كەدەيلەردىڭ شىنىمەن كەدەيلىكتەن ارىلۋىنا كومەكتەسىپ، اۋقاتتانىپ دوڭگەلەك داۋلەتكە ۇمتىلۋ جولىندا بۇكىل ەل حالقىمەن بىرگە تالپىناتىن بولادى.

  ”ەكىنشى اڭگىمە“

   ”ءماندى دە ءساندى“ حۋتۇڭ بايىرعى بەيجيڭنىڭ ”جاڭا اۋىل ساعىنىشىن“ اڭگىمەلەيدى

  كونە كەرپىش، كونە عيمارات، سۇرى داۋال، كوك قاڭىلتاق كەرپىش، بەيجيڭ نانلوگۋ كوشەسى اۋماعى يۇي - ىر حۋتۇڭىندا قارلىعاشتار توبەمىزدەن ايقاستاپ ۇشىپ ءوتىپ، كونە ءۇيدىڭ دودەگەسىندەگى ۇياسىنا بارىپ قوناقتادى.

  حۋتۇڭنىڭ باتىس اۋزىنداعى يۇيحى وزەنىنىڭ جاعاسىندا تۇرىپ، الىسقا كوز تاستاساڭىز، جاسىل جەلەك جامىلعان، كوشەلەردى سۋ ەندەي وتكەن كوركەم كورىنىستى كورەسىز، وسى ارادا بىرنەشە 10 جىل تۇرعان 68 جاستاعى تۇرعىن لي فۋشىڭ اپاي بۇعان قانشا قاراسا دا قانبايدى.

  بۇرىن وسىنداعى اۋلالاردىڭ ءبىرتالايى كوپ ءۇيلى اۋلا بولاتىن. ”سول كەزدە حۋتۇڭ شىنىمەن توزىڭقى بولاتىن، سۋ، ەلەكتر قۇرىلعىلارى مەشەۋ، دارەتحانا شارت - جاعدايى ناشار ەدى“. لي فۋشىڭ: ”رەتسىز دە شىتىرمان حۋتۇڭدا تامدى تەسىپ اشىلعان دۇكەنشە، اسحانا، سۋسىن دۇكەنىنەن 7 − 8ى بار بولاتىن“، - دەپ ەسكە الدى.

  5 جىلدىڭ الدىندا، يۇي - ىر حۋتۇڭىنداعى 29 - ءنومىرلى اۋلا مەن 30 - ءنومىرلى اۋلا ەرەكشە ءبىر قوناقتى قارسى الدى. باس شۋجي شي جينپيڭ وسى اراعا كەلىپ، كونە تۇرعىندارعا امانداسىپ، ولاردىڭ كونە قالا رايونىن وزگەرتۋ جونىندەگى ويلارىن ۇعىستى.

  5 جىل ىشىندە جوندەۋ، رەتتەۋ - جونگە سالۋ جۇمىستارىنىڭ ىستەلۋىنە ساي، يۇي - ىر حۋتۇڭى كۇننەن - كۇنگە جاڭالاندى. باس شۋجي كەزىندە بارعان يۇي - ىر حۋتۇڭىنداعى 30 - ءنومىرلى اۋلادا تالاي جىلدان بەرگى ەرەجەگە قايشى سالىنعان قۇرىلىس شاعىلدى، جەر كوگەرتىلدى، كەڭ اۋلانىڭ كوك كەرپىشى، سۇرى قاڭىلتاق كەرپىشى، قىزىل ەسىگى، جاسىل شاقپاق تەرەزەسى بار بايىرعى بەت - بەينەسى قالپىنا كەلتىرىلدى.

  كوشەلەردەگى وزگەرىستەردى سىرتتاعىلار بايقاي الادى، اۋلاداعى كۇي جايدى تەك جەرگىلىكتى تۇرعىندار عانا سەزىنە الادى. جەكەلەردىڭ وزدەرى سالعان ۇيلەرى شاعىلعاننان كەيىن، جاسىل جامىلعىلار ەگىلدى، دالان كەڭەيتىلدى. ”جاز كۇندەرى كونە كورشىلەرمەن اۋلادا شاحمات وينايمىز، توڭىرەكتىڭ ءتورت بۇرىشى جونىندە كوسىلە اڭگىمەلەسەمىز!“ لي فۋشىڭ قازىرگى تۇرمىسىنا ەرەكشە رازى.

  لي فۋشىڭنىڭ ۇيىندە اسحانا، تازالىق بولمە قۇرىلعىلارى تولىق. ”ەلەكتر ماگينتتى وشاق ىستەتەمىز، تاماق ىستەۋ حاۋىپسىز دە تازا بولدى. ەسىك - تەرەزەنى دە جاڭالادىق... تۇرمىسىمىز اناعۇرلىم قولايلى بولدى، اناعۇرلىم وسىزامانداندى. ءماندى دە ءساندى تۇرمىسقا اقىرى قولىمىز جەتتى!“

  بەيجيڭ دۇڭچىڭ رايونىنىڭ ”ءوتىنىش ەتۋ ۇلگىسىندەگى جاقسارتۋ“ قىزمەت ۇلگىسى ارقىلى تۇرعىنداردىڭ تۇرمىس شارت - جاعدايى مەن تۇرمىس ورتاسى ايرىقشا جاقساردى. قازىر يۇي - ىر حۋتۇڭىندا ەرەجەگە قايشى سالىنعان جانە جەكەلەر سالعان ۇيلەردىڭ باسىم كوبى شاعىلدى. جۇمىسشىلار جەدەل جۇمىس ىستەپ، جاڭالاۋدى، جوندەۋدى جىل سوڭىنا دەيىن ورىنداپ بولىپ، ”كونە تۇرعىندار“دى كوشىرىپ كىرگىزۋگە كۇش سالۋدا.

  ”ءتىلشى ەستەلىگى“

  كونە قالانى قورعاۋ جانە ودان پايدالانۋ، تاريحي بەينەسىن قايتا كوركەيتۋ، تۇرعىنداردىڭ قونىستانۋىنا قولايلى بولۋىن قامتاماسىزداندىرۋ، مىنە بۇل حالىققا، تاريحقا جاۋاپتى بولۋ بورىشى.

  باس شۋجي شي جينپيڭ كونە قالا رايونى مەن لاشىقتى اۋماقتاردى وزگەرتۋگە توتەنشە ءمان بەردى، كوپشىلىكتىڭ قونىسىنىڭ اناعۇرلىم جايلى، تۇرمىسىنىڭ اناعۇرلىم تاماشا بولۋىنا، كوپشىلىكتىڭ كوڭىل بولگەن ناقتى ماسەلەلەرىن ويداعىداي شەشىپ، كوپشىلىكتىڭ حۋتۇڭدا دا وسى زامانعى تۇرمىس وتكىزە الۋىنا مۇمكىندىك جاساۋدى باسا دارىپتەدى.

  بەيجيڭ ءبىرسىپىرا الۋان ءتۇرلى ىزدەنىستەردى باستادى: ءوتىنىش ەتۋ ۇلگىسىندەگى بوساتۋدان قورعاۋ سيپاتىنداعى جوندەۋگە، قالپىنا كەلتىرۋ سيپاتىنداعى جوندەۋگە دەيىن ءداستۇرلى بەينەسىنىڭ قايتا ايگىلەنۋىنە مۇمكىندىك جاسادى؛ ءوتىنىش ەتۋ ۇلگىسندەگى جاقسارتۋدان حۋتۇڭداعى تۇرعىنداردىڭ وسى زامانعى تۇرمىس كەشىرۋىنە مۇمكىندىك جاساۋعا، ودان تۇرعىنداردىڭ بىرگە جاساپ جاتقان اۋلاسىن وزدەرى باسقارۋىنا دەيىن...

  ەجەلگى حۋتۇڭعا تىڭ ومىرشەڭدىك كۇش باعىشتالدى، ەجەلگى استانا بايىرعى ب−ەيجيڭنىڭ جاڭا اۋىل ساعىنىشىن باياندايدى.

  ”ءۇشىنشى اڭگىمە“

   ”لاشىقتى اۋماق“ ”گۇل باقشا“عا اينالىپ، تۇرمىس بارعان سايىن كورىكتەنە ءتۇستى

  كۇلگىن، كۇرەڭ، اق ءتۇستى راۋشانگۇل جايقالا اشىپ، بولماشى حوش ءيىسى جازعى تاڭدا مۇرنىڭدى جارادى. ۋحان قالاسى چيڭشان اۋماعى چيڭيجۇي تۇرعىندار شاعىن اۋماعىندا ليۋ گۇيحۋا تاڭ سارىدەن كەرىلىپ - سوزىلىپ ماشىق جاساپ، جاڭا ءبىر كۇنىن باستادى.

  ”قازىر قونىس ورتامىز بارعان سايىن جاقسارىپ كەلەدى!“، - دەدى ليۋ گۇيحۋا تەبىرەنىپ.

  2018 - جىلى 4 - ايدا باس شۋجي شي جينپيڭ حۋبەيدا قىزمەت تەكسەرگەندە، ۋحان قالاسى چيڭشان رايونىنداعى جۇمىسشىلار قىستاعى كوشەسىنە كەلدى. ”باس شۋجي لاشىقتى اۋماقتاردىڭ نىسان قۇرىلىسى جاعدايىن سۇراستىرىپ، ءبىزدىڭ تۇرمىس جاعدايىمىزدى ۇعىستى“، - دەدى ليۋ گۇيحۋا ءبىر جىلدىڭ الدىنداعى جاعدايدى كۇنى كەشە عانا وتكەندەي ەسىنە الىپ.

  ”لاشىقتى اۋماقتاردى وزگەرتۋ سان مىڭداعان بۇقارانىڭ تىنىش ءومىر، شات - شادىمان تىرشىلىك كەشىرۋىنە قاتىستى. قالامىزدىڭ ءبىر جاعى ءزاۋلىم عيماراتتار، ەندى ءبىر جاعى بىلىققان لاشىقتى اۋماقتار بولسا بولمايدى“. باس شۋجي شي جينپيڭنىڭ سوزىنەن ليۋ گۇيحۋا ىستىق مەيىر سەزىندى.

  ليۋ گۇيحۋا تۇرعان الەۋمەتتىك اۋماق كەزىندە ۋحانداعى ەڭ كولەمدى لاشىقتى اۋماق − جۇمىسشىلار قىستاعى بولاتىن. الدىڭعى عاسىردىڭ 50 - جىلدارى ۋحان بولات - تەمىر زاۆودىن قۇرۋ ءۇشىن، توڭىرەكتىڭ ءتورت بۇرىشىنان جيىلعان ءوندىرىس قالىڭ قولى وسى ارادان قاراپايىم جۇمىس لاپاسىن قۇرىپ تۇراقتانىپ تۇرىپ قالعان، جىلدار وتە كەلە بۇل ارا جۇمىسشىلار قىستاعى بولىپ قالىپتاسادى.

  ”ول كەزدە جۇرتتىڭ دەنى كوك كەرپىش پەن تاس ماقتالى قاڭىلتاق كەرپىشتەن جيىلعان جۇپىنى ۇيدە تۇراتىن، ەسىكتەن ۇيگە ەڭكەيىپ كىرەمىز، كۇندىز شىراق جاعىپ قويامىز، اسحانا ءارى جاتىن بولمەسى بولاتىن، دارەتحاناعا كىرۋ ءۇشىن ۇزىننان - ۇزاققا وشىرەتكە تۇرامىز، بارلىق ءۇيدىڭ وشاعىنان ىس - ءتۇتىن شىعىپ جاتاتىن“. ليۋ گۇيحۋا 6 جاسىندا اكە - شەشەسىنە ىلەسىپ حىناننان ۋحانعا كوشىپ كەلگەن، سودان بەرى وسى جۇمىسشىلار قىستاعىندا تۇرپ كەلەدى.

  لاشىقتى اۋماقتاردى وزگەرتۋ ارقىلى ۋحان چيڭشان رايونىنداعى 13 مىڭنان استام وتباسىنداعى 40 مىڭنان استام ادام جاتاعان، سىز، جاۋىن ءوتىپ، جەل ازىناپ تۇراتىن لاشىقتان كەڭ دە جارىق، جابدىقتارى كەمەلدى وسىزاماندانعان شاعىن اۋماققا كوشىپ كىرىپ، جايلى قونىس ارماندارى ورىندالدى، ليۋ گۇيحۋانىڭ وتباسى دا 2015 - جىلى جاڭا شاعىن اۋماققا كوشىپ كىردى.

  باس شۋجي شي جينپيڭ بىلاي دەپ اتاپ كورسەتكەن بولاتىن: كەزەكتە بۇكىل ەلىمىزدە لاشىقتى اۋماقتاردى وزگەرتۋ مىندەتى ءالى دە جاپالى. بۇقاراعا ءتيىمدى ءىس بولادى ەكەن، ءبىز قۇلشىنا ىستەۋىمىز، ونىڭ ۇستىنە مۇمكىندىكتىڭ بارىنشا جاقسى ىستەۋىمىز كەرەك.

  قازىر جۇمىسشىلار قىستاعى كوشەسى شاعىن اۋماعىنىڭ ورتاسى كۇننەن - كۇنگە جاقسارا ءتۇستى، قابات ۇيلەردىڭ ءىشى - سىرتى بىردەي جاڭادان بەزەندىرىلدى؛ شاعىن اۋماقتا حايميان ينجەنەرياسى اتقارىلىپ، سۋ سىڭەتىن كەرپىش جاتقىزىلدى، جاڭبىر جاۋسا لاي تەڭىز بولىپ اعىپ، بالشىق كەشەتىن جاعداي وزگەردى؛ شاعىن اۋماققا قىزىل راۋشان گۇلى، گاردەنيا گۇلى، ءدارشىن گۇلى ەگىلىپ، بۇرىن ەگىلگەن پيپا اعاشىمەن، ماندارين اعاشىمەن قوسىلىپ گۇل باقشاعا اينالدى.

  ”قازىر ماڭايدىڭ بارىندە ۇلكەندى - كىشىلى ەرەن بازار جانە ءدارىحانا بار، مەكتەپ، شيپاحانا سياقتى قۇرىلعىلارى تولىق، مەترو 5 - جەلىسى شاعىن اۋماق قاقپاسىنىڭ الدىنا دەيىن جەتكىزىلمەك، 2 جىلدان كەيىن مەترومەن ۋحانداعى 3 قالاشىقتى ءبىر ساعاتتا ارالاپ شىعۋعا بولادى“. الدا 4 مەترو جەلىسى اشىلادى ەكەن، مۇنان بىلاي جۇبايىممەن بىرگە سىرتقا شىعىپ ارالاۋىم كوپ قولايلى بولاتىن بولدى، - دەيدى ليۋ گۇيحۋا كوتەرىڭكى كوڭىلمەن.

  سول سياقتى جۇمىسشىلار قىستاعى لاشىقتى اۋماعىندا 50 جىلدان استام ۋاقىت تۇرعان سۋ جۇڭشى اقساقال: ”توزىعى جەتكەن ءۇي جاڭالاندى، ۇكىمەت حالىقپەن تىلەكتەس بولىپ، ادامدى ارقاۋ ەتتى“ دەگەن بوساعالىق، ” كوممۋنيستىك پارتياعا العىس“ دەگەن ماڭدايشالىق جازدى.

  ”ءتىلشى ەستەلىگى“

  لاشىقتى اۋماقتاردى وزگەرتۋ، ءجۇز ميلليونداعان تۇرعىننىڭ جايلى قونىس ارمانىن جۇزەگە اسىردى. پارتيا 18 - قۇرىلتايىنان بەرى، حالىق تۇرمىسىنا قاتىستى وسى كەلەلى شارا جەدەل ىلگەرىلەدى.

  2018 - جىلدىڭ سوڭىنا دەيىن ميلليونداعان تۇرعىن لاشىقتى اۋماقتان قابات ۇيلەرگە كوشىپ كىردى، تۇرعىن ءۇي شارت - جاعدايى دا زور دارەجەدە جاقساردى. لاشىقتى اۋماقتاردى وزگەرتۋ قيىنشىلىعى بار قاۋىمنىڭ تۇرعىن ءۇي شارت - جاعدايىن ءونىمدى جاقسارتۋمەن بىرگە، قونىس ورتاسىن جاقسارتۋ، قالا ىشىندەگى 2 - نەگىزدى قايشىلىقتاردى باسەڭدەتۋ، قالا - قالاشىقتىڭ جالپىلىق توزىمدىلىك قۋاتىن ارتتىرۋ، قوعامنىڭ جاراسىمدىلىعىن، ورنىقتىلىعىن جەبەۋ سياقتى جاقتاردا ماڭىزدى رول اتقاردى.

  ءسىڭىرى شىققان الەمدە وقىعان كەدەي جاندارعا كەڭىرەك ۇيدە ەلمەن تەڭ قۋاناتىن كۇن قايدا! ءاربىر كەرپىش، بۇقارا ءۇشىن بوران - شاشىننان ساقتاناتىن باسپانا سالىپ بەرىپ، باقىتتى تۇرمىسقا تالپىنۋىنا ءۇمىت سيلادى.

  (تىلشىلەر ۋاڭ يۋليڭ، لو شياۋفەي، جاڭ مانزى، لياۋ جۇن)

  (شينحۋا اگەنتتىگىنىڭ 8 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • اۆتونوميالى رايون قۇربان ايت مەرەكەسى شاي ءماجىلىسىن وتكىزدى
  • كورىكتى ءيىرىم كول (كەسكىن)
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى