اعاجاي-التاي تورابى   ›   اقپارات ايدىنى   ›   شينجياڭ حابارلارى

دوستىقتى بايانداپ، وزگەرىستى تىلگە تيەك ەتىپ، پارتيانىڭ مەيىرىنە العىس ايتتى

  دوستىقتى بايانداپ، وزگەرىستى تىلگە تيەك ەتىپ، پارتيانىڭ مەيىرىنە العىس ايتتى

  − رايونىمىزداعى ءار ۇلت كادر - بۇقاراسىنىڭ قۇربان ايت مەرەكەسىن قارسى الۋىنان اسەر

  8 - ايدىڭ 9 - كۇنى باركول قازاق اۆتونوميالى اۋدانى داحى قالاشىعىنىڭ تۇرعىنى دالەل (وڭنان 1 -) مەن كورشىسى جۋ ۋىنجۇن (سولدان 1 -) بىرگە ساڭزى پىسىرىپ، قۇربان ايت مەرەكەسىن قارسى الدى. □ سۋرەتتى جاڭ جيانگاڭ تۇسىرگەن

  تاباقتاعى سارى التىنداي ساڭزى ۇگىلىپ تۇر، سۋجاڭا ۇستەل جاپقىشتاعى انار گۇلىنىڭ سۋرەتى كوز تارتادى. رايونىمىزداعى ءار ۇلت كادر - بۇقاراسى قويۋ دوستىق سۇيىسپەنشىلىكپەن جۇپ قۇراعان تۋىستارىنىڭ ۇيىنە بارىپ، پارتيا مەن ۇكىمەتتىڭ مەيىرى مەن قامقورلىعىن جەتكىزدى؛ ۇلتتار ىنتىماعى ۇلكەن اۋلاسىنداعى ءجۇزىمى سامسىعان سورەنىڭ استىندا قۋانىش كۇلكىسى ءالسىن − ءالى كوتەرىلەدى... كوپشىلىك بىرگە وتىرىپ وزگەرىستەردى تىلگە تيەك ەتىپ، پارتيانىڭ مەيىرىنە العىس ايتىپ، قۇربان ايت مەرەكەسىن قارسى الدى، تيانشاننىڭ تۇستىگى مەن تەرىستىگىنەن جاراسىمدى مەرەكەلىك بەينە مەن مۇندالايدى.

  8 - ايدىڭ 9 - كۇنى ساعات 10دا، ءۇرىمجى قالاسى سايباق رايونى باتىس سولتۇستىك جولى 1141 - ءنومىرلى ۇلتتار ىنتىماعى ۇلكەن اۋلاسىنداعى ۇلتتار ىنتىماعى ۇزىن دالىزىندە، ءار ۇلت كادر - بۇقاراسى ءبىر اراعا باس قوسىپ، وتباسىنىڭ ىستەرىن اڭگىمەلەپ، ءدامدى تاعامداردان اۋىز ءتيىپ، ىنتىماقتى تىلگە تيەك ەتىپ، شات - شادىمان قۋانىشپەن قۇربان ايت مەرەكەسىن كۇتۋدە.

  ”ءبىزدىڭ بۇل ۇلكەن اۋلا توتەنشە ىنتىماقتى، وسى جىلدارى مەيلى قايسى ۇلت مەرەكە وتكىزسىن، كوپشىلىك تۇگەلدەي ءبىر - ءبىرىنىڭ ۇيىنە امانداسا بارادى“. تۇرعىن گۇلنۇر كەرىم ءبىر جاعىنان، تىلشىگە سويلەپ، ەندى ءبىر جاعىنان، تۇرعىن ياڭ سۋيىڭدى قولتىقتاپ الىپ، وزدەرىن سۋرەتكە الىپ جاتىر.

  سول كۇنى ءۇرىمجى قالالىق پارتكوم ۇگىت ءبولىمىنىڭ سايباق رايونى وڭتۇستىك دوستىق جولى اۋماعى باتىس سولتۇستىك جولى وڭتۇستىك الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى الەۋمەتتىك اۋماقپەن بىرلەسىپ، ۇلتتار ىنتىماعىنىڭ بەرەكەلى شاڭىراعى بىرلەسكەن دوستىق قيمىلىن بىرگە ورىستەتتى. 100دەن استام ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى، الەۋمەتتىك اۋماقتىڭ قىزمەتكەرى، اۋماق تۇرعىندارى سيلىقتى سۇراۋلارعا جاۋاپ بەرۋ، جەكە ءان ايتۋ، توپتىق حور، ءبي بيلەۋ سياقتى فورمالار ارقىلى تاماشا تۇرمىسقا دەگەن تىلەكتەرىن كوڭىلدەنە جەتكىزىپ، ۇلتتار ىنتىماعى ۇلكەن اۋلاسى شاتتىقتىڭ تەڭىزىنە اينالدى.

  8 - ايدىڭ 10 - كۇنى ساعات 8دە قاشقار قالاسى جاڭاوستەڭ اۋىلى يىڭنەقاش قىستاعىندا قىستاق تۇرعىنى نۇريمانگۇل ياسىن تاڭ اتىسىمەن كەڭ دە جارىق اس ۇيىندە قاربالاستىققا ءتۇستى.

     ۇن يلەپ، ساڭزى پىسىردى... نۇريمانگۇل ءبىر جاعىنان، شارۋاسىن ىستەپ، ءبىر جاعىنان، قۋانىشپەن تىلشىگە بىلاي دەدى: ”’ۇعىسۋ، تيىمدىلىك جاساۋ، توعىستىرۋ‘ قىزمەت اترەتىنىڭ، قىستاق ەكى كوميتەتى كادرلارىنىڭ باستاۋىندا ءبىز بۇكىل قىستاقتا كورىكتى اۋلا قۇرىپ جاتىرمىز، بۇرىنعىمەن سالىستىرعاندا، شىنىندا، زور وزگەرىس تۋىلدى. مەن ءوزىم ەڭ جاقسى جاسايتىن پراندىكتەردى جاساپ، كوپشىلىككە ءدام تاتتىرماقشىمىن!“

  حوتان اۋدانى لاڭرۋ اۋىلى داۋزيا قىستاعىنا تۋىسىنا امانداسا كەلگەن شينجياڭ قوعامدىق عىلىمدار اكادەمياسى عىلمي زەرتتەۋ سىرتقى ىستەر باسقارماسىنىڭ باستىعى ليۋ لۋمەي تۋىسى عوجابىلا جۇمامەن بىرگە حوتان قالاسىنا ورنالاسقان ۋاڭ ۋي ەسكەرتكىش سارايىن ارناۋلى ەكسكۋرسيالادى. ۇلىقاتا سۋ يگىلىگى ينجەنەرياسىنىڭ پايداسىن كورىپ وتىرعان عوجابىلا ۋاڭ ۋيدى قامقورىنداي كورەدى، ول ءوزى قوي مۇيىزىنەن جاساعان قولونەر بۇيىمدى ەسكەرتكىش سارايىنا ارنايى ۇسىنىپ، ونى قامقورىنا ۇسىنعان مەرەكەلىك سيعا بالادى.

  اۆتونوميالى رايوندىق پارتكوم ۇيىمداستىرۋ ءبولىمىنىڭ ءۇشتۇرپان اۋدانى چيانجين قالاشىعى جارباسى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قيىنشىلىقتى وتباسىلارى مەن ”ءتورت ءتۇرلى قارتتار“دان حال سۇرادى، قىستاق تۇرعىندارى كادرلاردىڭ قولىنان ۇستاپ الىپ، ايتارىن تاۋىسا المايدى. ”كادرلار ءبىزدىڭ كەدەيلىكتەن ارىلۋىمىزعا كومەكتەستى، تۇرمىسىمىز وزگەرىپ، مەنىڭ دە ومىرگە دەگەن ءۇمىتىم ارتا ءتۇستى. وسى بىرنەشە كۇندە كەشكى بازاردا ۇلتتار ىنتىماعى بىرلەسكەن دوستىق قيمىلى وتكىزىلمەكشى، مەن ويداعىداي دايىندالۋىم كەرەك“، - دەيدى قىستاقتا جاڭادان اشىلعان كەشكى بازاردا قاقتاعان تاۋىق ەتىن ساتاتىن مامەتنياز تۇرسۇن.

  ”اعاي، مەرەكەڭىز قۇتتى بولسىن!“ 8 - ايدىڭ 10 - كۇنى ساعات 11دە ءۇرىمجى قالاسى تيانشان رايون ىرداۋچياۋ اۋماعى بەيبىتشىلىك وڭتۇستىك جولى مينشين شاعىن اۋماعىنداعى 89 جاسقا كەلگەن مامەت نياز وزىنە امانداسا كەلگەن گۋيۋانگاڭ الەۋمەتتىك اۋماعىنىڭ كادرى سۋ ياندى كۇتىپ الدى. سالەم - ساۋقىتىن ۇستەلگە قويعان سۋ يان كاريانىڭ دەنساۋلىق جاعدايىن ىقىلاسپەن سۇراستىردى. نەشە كۇننىڭ الدىندا، مامەت جۇرەك اۋرۋى قوزعالىپ شيپاحاناعا جاتىپ ەمدەلگەن، سۋ يان وسىنىڭ الدىندا عانا شيپاحاناعا بارىپ ونىڭ كوڭىلىن سۇراعان بولاتىن.

  ”پارتيا جاقسى كادرلارىن ءبىزدىڭ قاسىمىزعا جىبەردى، العىس سوزدەرىمىزدى ايتىپ تاۋىسا المايمىز، سەندەر، ءسوز جوق، ءبىزدىڭ ۇيگە ايتشىلاپ كەلىڭدەر، مەن ەت اسىپ قويىپ، سەندەردى كۇتىپ وتىرامىن!“، - دەدى مامەت.

  (تىلشىلەرىمىز جاۋ چۇنحۋا، يۇي شي، جاڭ جىلي، لي داۋجۇڭ، حى ليڭ، گاي يوۋجۇن، ەرىكتى ءتىلشى گاڭ ليچياڭ)

جاۋاپتى رەداكتور: ءاننا اكىمقان قىزى
  • كورىكتى ءيىرىم كول (كەسكىن)
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت