اعاجاي-التاي تورابى   ›   اقپارات ايدىنى   ›   ماڭىزدى حابارلار

جالپى حالىق سالاماتتىلىقپەن جارقىن ومىرگە قادام تاستا

جالپى حالىق سالاماتتىلىقپەن جارقىن ومىرگە قادام تاستادى

  − باس شۋجي شي جينپيڭنىڭ ويىنان كەتپەيتىن حالىق تۇرمىسى ىستەرىنىڭ ”اۋىرعاندا ەمدەلە الۋ“ تاراۋى

   شينحۋا اگەنتتىگىنىڭ ءتىلشىسى

  ”بەتاشار“

  ”جالپى حالىقتىڭ سالاماتتىلىعى بولماسا، جاپپاي دوڭگەلەك داۋلەت بولمايدى“ − باس شۋجي شي جينپيڭنىڭ سالاماتتى جۇڭگو قۇرىلىسى جونىندەگى وسى ماڭىزدى بايىمداۋى بۇكىل قوعامدا كۇشتى ۇندەستىك تۋدىردى.

  حالىق تۇرمىسىنداعى ارمان - تىلەكتەرگە جاۋاپ بەرىپ، ءداۋىر تىنىسىن يگەردى. «”سالاماتتى جۇڭگو 2030 “ جوباسى پروگرامماسى»ن باسىپ تاراتقاننان «سالاماتتى جۇڭگو ارەكەتى (2019 − 2030 جىل)»ن جاريالاعانعا دەيىن، پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى سالاماتتى جۇڭگو قۇرىلىسىن ىلگەرىلەتۋ جونىندەگى كەلەلى شەشىمدەرى مەن ورنالاستىرۋلارىن جاساپ، اۋرۋ كورسەتۋ قيىن بولۋ، قىمباتقا توقتاۋ ماسەلەسىن كۇش سالا شەشىپ، حالىق بۇقاراسىنىڭ ”اۋىرعاندا ەمدەلە الۋى“نا مۇمكىندىك جاساۋ جونىندە بەرگەن حالىق تۇرمىسى ۋادەسىن قۇلشىنا جۇزەگە اسىردى.

  سالاماتتى جۇڭگونىڭ شىت جاڭا كارتيناسى بىرتىندەپ سالىنۋدا.

  ”ءبىرىنشى اڭگىمە“

  ”15 مينۋتتىق ەمدەۋ شەڭبەرى“ اۋىلداستاردىڭ ەمدەلۋىنە قولايلىلىق تۋدىردى

  قىستىڭ قاقاعان ايازىندا دا حالىقتىڭ قامىن جەدى.

  2014 - جىلى 12 - ايدا باس شۋجي شي جينپيڭ جياڭسۋدىڭ جىنجياڭ دانتوۋ رايونى شىيە قالاشىعى شيپاحاناسىنا كەلىپ، اۋىل - قىستاقتىڭ ەمدەۋ ءىسىنىڭ دامۋى مەن قىستاق تۇرعىندارىنىڭ اۋرۋ كورسەتۋ، ەمدەلۋ جاعدايىن ۇعىستى.

  ” سول كەزدە كۇن قاتتى سۋىق ەدى، سول كەزدە ءبىر قولىمدى عانا ۇسىندىم، ءبىر قولىم قالتامدا تۇردى، ءبىراق ول قوس قولىن ۇسىندى، مەن دەرەۋ تاعى ءبىر قولىمدى الىپ شىعىپ ۇسىندىم“.

  سول كەزدە سول جەردە بولعان ۋي ديڭيۇي قاريانىڭ سەزىنگەنى تەك باس شۋجي شي جينپيڭنىڭ الاقانىنىڭ جىلۋى عانا ەمەس ەدى: ”سول كۇنى باس شۋجي دەنساۋلىق جاعدايىمىزدى سۇراپ عانا قويماي، ءبىزدىڭ اۋرۋ كورسەتۋىمىزگە قولايلى جاعداي جاسالعان - جاسالماعانىنا، ەمدەۋ اقىسىنىڭ قىمبات - قىمبات ەمەستىگىنە، اۋىل - قىستاقتىڭ ەمدەۋ - دەنساۋلىق ساقتاۋ قىزمەتىنە رازى - رازى ەمەستىگىمىزگە دە نازار اۋداردى“.

  4 جىلدان استام ۋاقىتتان كەيىن، ءدال قازىر 75 جاستاعى ۋي ديڭيۇي اۋىق - اۋىق شيپاحاناعا كەلىپ، اۆتوماتتى جابدىقتا قان قىسىمىن ولشەپ تۇرادى، باس شۋجيدىڭ تاپسىرماسىن ول ۇمىتقان ەمەس.

  اۋىرعاندا ەمدەلە الۋ − بۇقارانىڭ نەگىزگى قاجەتى ءارى باس شۋجي ايرىقشا كوڭىل ءبولىپ وتىرعان ءىس.

  باس شۋجي شي جينپيڭ بىلاي دەپ باسا دارىپتەدى: ەمدەۋ - دەنساۋلىق ساقتاۋ قىزمەتىنىڭ سالماعىن تومەنگە اۋدارۋدى، ەمدەۋ - دەنساۋلىق ساقتاۋ بايلىعىن تومەنگە ءتۇسىرۋدى ىلگەرىلەتىپ، قالا مەن اۋىلدىڭ نەگىزگى الەۋمەتتىك قىزمەت وتەۋىنىڭ بىردەيلىگىن ىلگەرىلەتىپ، بۇقاراعا الەۋمەتتىك دەنساۋلىق ساقتاۋ جانە نەگىزگى ەمدەۋ بويىنشا حاۋىپسىز، ءونىمدى، قولايلى، ارزان قىزمەت وتەپ، نەگىزگى ساتىدا بۇقارانىڭ اۋرۋ كورسەتۋىنىڭ قيىن بولۋ، قىمباتقا توقتاۋ ماسەلەسىن شىن مانىندە شەشۋ كەرەك.

   بىرتە - بىرتە قۇلشىنۋلار ارقىلى ناتيجەگە جەتتى. سوڭعى جىلدارى شىيە قالاشىق شيپاحاناسى جىنجياڭ دەنساۋلىقتى قالپىنا كەلتىرۋ، ەمدەۋ توبىمەن بىرلەسىپ جۇرەك قان تامىرى، قانتتى نەسەپ اۋرۋى سياقتى 5 بىرىككەن امبولاتوريانى قۇرىپ، ادەتتەگى ءبولىم - كەڭسەلەردەن تىس، ءتۇستى B تيپتى ۋلترا ساۋلەلى اپپارات، تولىق اۆتوماتتى بيو - حيميا اناليز اپپاراتى سياقتى ەمدەۋ جابدىقتارىن ازىرلەدى.

  ۋي ديڭيۇي شيپاحاناداعى وزگەرىستەردى دە ايقىن سەزىنىپتى: ”قالاشىق بولعانىمەن، قالا دارەجەلى شيپاحانالارداعىداي ەم قابىلداۋعا بولادى“. وسىنىڭ الدىندا لاۋۋيدىڭ توبىعى اۋىرادى، شيپاحانانىڭ ورىنباسار باستىعى جىڭ ۋىنحۇي رەنتگەن اپپاراتىمەن سۋرەتكە الىپ، ونى تاباندا جىنجياڭ قالالىق 1 - حالىق شيپاحاناسىنا جىبەرەدى، ءبىر مينۋتتان استام ۋاقىتتا شيپاگەردىڭ دە ”سۇيەك زاتى قالىڭداعان دەگەن“ دياگنوزى دا كەلىپ بولادى. ”ءنومىر الىپ رەنتگەن اپپاراتىنا تۇسكەنگە دەيىن نەبارى 5 مينۋت كەتتى، 12 يۋان جۇمسادىم. بۇرىن بولسا ءۇش ۇيىقتاساق تا تۇسىمىزگە كىرمەيتىن ەدى!“

  قالاشىق شيپاحاناسىنداعى وزگەرىستەر جىنجياڭنىڭ ەمدەۋ - دەنساۋلىق ساقتاۋ رەفورماسىندا العا قاراي باتىل قادام تاستاعانىن كورسەتتى. الىستان دياگنوز قويۋ، دارەجە بويىنشا دياگنوز قويۋ، ەمدەۋ ارقىلى نەگىزگى ساتى شيپاحاناسى مەن جەرگىلىكتى ورىنداعى 3A دارەجەلى شيپاحانا بىرلەسىپ دياگنوز قويۋ، ەمدەۋ مەحانيزمىن ورناتىپ، بۇقارا ءۇيدىڭ جانىنداعى ”15 مينۋتتىق ەمدەۋ شەڭبەرى“نىڭ اناعۇرلىم كوپ قولايلى پايداسىنان يگىلىكتەنە الاتىن بولدى.

  بۇگىندە شىيە قالاشىعىنداعى تۇرعىنداردىڭ شيپاحانا امبولاتورياسىندا اۋرۋ كورسەتۋ سالىستىرماسى 2015 - جىلدىڭ الدىنداعى %63تەن 2018 - جىلى %81.6كە ءوستى.

  ”ءتىلشى ەستەلىگى“

  ءۇيدىڭ جانىنداعى شيپاحانانىڭ ويداعىداي قۇرىلۋ - قۇرىلماۋى بۇقارانىڭ سالاماتتىعىنا تىكەلەي قاتىستى.

  شىيە قالاشىعى − الىپ چاڭجياڭ دارياسىنداعى ”شاعىن ارال“. بۇرىن بۇكىل قالاشىق بويىنشا 14 مىڭداي بۇقارا ”ناۋقاستانىپ جان ۇزۋدەن، سونداي - اق جول - قاتىناستىڭ ناشارلىلىعىنان شيپاگەرگە جەتە الماي جان ۇزۋدەن قورقاتىن“.

  2014 - جىلى 12 - ايدا باس شۋجي شي جينپيڭ شىيە قالاشىق شيپاحاناسىندا قىزمەت تەكسەرگەننەن كەيىن، وسى اۋىل - قالاشىق شيپاحاناسىنىڭ تۇرعىندارعا اكەلگەن ”سالاماتتىلىق پايدا“سى بىرتىندەپ جارىققا شىقتى، ”جەڭىل ناۋقاستى ارالدان شىعارماۋ“ رەالدىققا اينالدى

  ۋي ديڭيۇيدىڭ باستان وتكەرگەن ”بىرنەشە مينۋت ىشىندە ينتەرنەتتە مامان ءنومىرىن الۋى“ − بۇگىندە كوپتەگەن نەگىزگى ساتى ەمدەۋ قىزمەت وتەۋ قۇرىلىمدارىنىڭ ”الۋەتتەنگەندىگى“نىڭ ىقشام كورىنىسى − قازىر ەلىمىزدە قالا مەن اۋىلدى قامتىعان نەگىزگى ساتى ەمدەۋ - دەنساۋلىق ساقتاۋ قىزمەت وتەۋ جەلىسى نەگىزىنەن قۇرىلىپ، ءۇيدىڭ جانىنداعى ”15 مينۋتتىق ەمدەۋ شەڭبەرى“ن كۇش سالا قالىپتاستىردى، ”اۋىرعاندا ەمدەلە الۋ“ ارمان - تىلەگى اۋرۋ كورسەتۋ، ەمدەلۋدىڭ ناقتى پايداسىنا اينالۋدا.

  ”ەكىنشى اڭگىمە“

  سالاماتتىق ارقىلى كەدەيلەردى سۇيەمەلدەۋ كەدەيلىكتەن ارىلتۋداعى كەدەرگىنى الاستادى

  لۇيلياڭشان تاۋى قويناۋىنداعى سانشي ولكەسى كىلان اۋدانىنىڭ جەرى تەرەڭ سايلى، تىك شاتقالدى بولىپ كەلەدى.

  جولدىڭ ناشارلىعى، كەدەيلىك، اۋرۋ وسى جەردەگى اۋىلداستاردى ابدەن شىرماعان ەدى.

  وسى جۇتاڭ جەردەگى جاۋجياۋا قىستاعىنداعى ۋاڭ ساننۇيدىڭ وتباسىنىڭ تۇرمىسى ەرەكشە قيىن ەدى.

  ۋاڭ ساننۇي جاستايىنان جەل - قۇزدىق جۇرەك اۋرۋىنا جانە جوعارى قان قىسىمى اۋرۋىنا شالدىققان، بەرتىندە تاعى كەڭىردەك تارامىنىڭ سوزىلمالى قابىنۋى ناۋقاسى پايدا بولدى. جىعىلعانعا جۇدىرىق دەگەندەي، نەشە جىلدىڭ الدىندا كۇيەۋى، ۇلى ىركەس - تىركەس دۇنيە سالدى، كەلىنى دە كەتىپ قالدى، مۇگەدەك نەمەرە ۇلى مەن نەمەرە قىزىنا جالعىز ءوزى قاراپ كەلەدى.

  2017 - جىلى 6 - ايدىڭ 21 - كۇنى تۇستەن كەيىن، باس شۋجي شي جينپيڭ ەرەكشە قيىنشىلىعى بار وسى وتباسىنا كەلىپ، ۋاڭ ساننۇيدى جۇباتىپ، ونى جاقسى ءومىر كەشۋگە شابىتتاندىردى، جەرگىلىكتى ورىنداعى كادرلاردى ونىڭ نەمەرە ۇلى مەن نەمەرە قىزىن ارنايى تاربيەلەۋگە ورنالاستىرۋدى تاپسىردى. بۇل مەيىر - شاپاعات ۋاڭ ساننۇيدىڭ ەسىنەن شىققان جوق.

  اۋرۋ سەبەبىنەن كەدەيلەسۋ، اۋرۋ سەبەبىنەن قايتا كەدەيلەسۋ سىندى كەدەيلىكتەن ارىلۋ جولىنداعى وسى كەدەرگى − باس شۋجي شي جينپيڭ، ءسوز جوق، شەشۋدى ايتىپ قايتا - قايتا باسا دارىپتەگەن ماسەلە. كىلان اۋدانىندا قىزمەت تەكسەرگەن سوڭ، باس شۋجي شي جينپيڭ تاعى تاييۋاندا اۋىر كەدەي وڭىرلەردىڭ كەدەيلىكتەن ارىلتۋدان قامال الۋ اڭگىمە ءماجىلىسىن باسقارىپ اشىپ، اۋرۋ سەبەبىنەن كەدەيلەسكەن بۇقاراعا مەديتسينالىق كومەك بەرۋ، ۋاقىتشا قۇتقارۋ - كومەكتەسۋ، قايىر - ساحاباتتىق قۇتقارۋ - كومەكتەسۋ سياقتى كومەكتەسۋ، سۇيەمەلدەۋ سەرپىنىن ارتتىرۋدى تالاپ ەتتى.

  قازىرگى تاڭدا تۇتاس قىستاقتى كوشىرۋگە بايلانىستى، ۋاڭ ساننۇي جەر ۇيدەن جاڭا عيماراتقا كوشىپ كىردى، ۇنەمى بارىپ اۋرۋىن تەكسەرىپ، ءدارى بەرىپ تۇراتىن وتباسىلىق شيپاگەر بار. بىلتىر ۋاڭ ساننۇي 2 رەت شيپاحاناعا جاتىپ ەمدەلدى، بۇعان جالپى 8914.3يۋان جۇمسالدى، ءوز جانىنان نەبارى 525.77 يۋان شىعاردى.

  كىلان اۋداندىق ەمدەۋ قامتاماسىزداندىرۋ مەكەمەسىنىڭ باستىعى چىڭ فۋشىڭ بىلاي دەدى: سوڭعى 2 جىلدان بەرى، ءبىز باس شۋجي شي جينپيڭ قىزمەت تەكسەرگەندە العا قويعان تالاپتى تياناقتاندىردىق، اۋدان بويىنشا ارحيۆ تۇرعىزىلىپ، كارتچكالاندىرىلعانداردىڭ اراسىندا الدىڭعى جارتى جىلدا 3967 ادام (رەت) شيپاحاناعا جاتىپ ەمدەلدى، جالپى 26 ميلليون 132 مىڭ 400 يۋان جۇمسالدى، ”ءۇش قامسىزداندىرۋ، ءۇش قۇتقارۋ - كومەك“ بويىنشا ەسەپتەن كوتەرتىپ تولەم بەرىلگەن سوڭ، كەدەي وتباسىلارىنىڭ ەسەپتەن كوتەرتۋ سالىستىرماسى %90تەن استى.

  ”ءۇش قامسىزداندىرۋ، ءۇش قۇتقارۋ - كومەك“ − باس شۋجي شي جينپيڭ 2017 - جىلى سانشيدە قىزمەت تەكسەرگەننەن كەيىن سانشي ولكەسىنىڭ اۋرۋدان كەدەيلەسۋدى جويۋ ءۇشىن اتقارعان كەلەلى حالىق تۇرمىسى ينجەنەرياسىنىڭ ءبىرى، نەگىزگى ەمدەۋ قامسىزداندىرۋى، سالماقتى ناۋقاس قامسىزداندىرۋى جانە تولىقتاما ەمدەۋ قامسىزداندىرۋ بويىنشا ەسەپتەن كوتەرۋ ارقىلى كەدەيلەردىڭ اۋرۋ كورسەتىپ، ەمدەلۋىن تومەنگى شەكتەن تۇسىرمەي قامتاماسىزداندىردى.

  2018 - جىلدىڭ اياعىنا دەيىن، ۋاڭ ساننۇيدىڭ ۇيىندەگى 3 جان كەدەيلىكتەن ءساتتى ارىلتىلدى. جاسى جەتپىسكە تاياعان ول: ”جاقسى داۋىردە جاساعانىمىز − ەڭ ۇلكەن باقىتىمىز“ دەدى شىنايى اسەرلەنە.

  ”ءتىلشى ەستەلىگى“

  ”قۇتقارۋ كولىگىنە وتىردىڭىز، ءبىر شوشقانى تەككە باققانىڭىز؛ شيپاحاناعا ءبىر رەت جاتساڭىز، جوعالار ءبىر جىلدىق تاپقانىڭىز“.

  كەڭ تارالعان وسى تاقپاق − شارۋالاردىڭ اۋىرىپ قالۋدان قورقۋىنىڭ، اۋرۋدان ەڭسە كوتەرە الماۋىنىڭ شىنايى بەينەسى.

  قاي جەردە قيىنشىلىق بولسا، سول جەردىڭ قامىن جەدى.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، قازىرگە دەيىن، ەلىمىزدە اۋرۋ سەبەبىنەن كەدەيلەسكەن، قايتا كەدەيلەسكەن 6 ميلليون 700 مىڭ وتباسى كەدەيلىكتەن ارىلدى، اۋىل - قىستاقتاعى كەدەيلەرگە قاتىستى ارنايى ەمدەلەتىن سالماقتى ناۋقاستىڭ ءتۇرى 25كە جەتتى.

  اۋرۋ سەبەبىنەن كەدەيلەسكەندەردىڭ جاعدايىن انىقتاپ، اۋرۋ كورسەتۋدىڭ قيىن بولۋ، قىمباتقا توقتاۋىن شەشۋدىڭ ءادىسىن تاپتى، الداعى 2 جىلدا ەلىمىز ەمدەۋ قامتاماسىزداندىرۋ ساياساتىنداعى ولقىلىقتاردى دالمە - ءدال تولىقتاپ، ”ۋاڭ ساننۇيلەر“دىڭ اۋرۋ سەبەبىنەن كەدەيلەسۋ، قايتا كەدەيلەسۋ قىسپاعىنان شىعۋىنا اناعۇرلىم مۇمكىندىك جاسايدى.

  ”ءۇشىنشى اڭگىمە“

  بۇقارانىڭ ءدارى - دارمەكتەن حاۋىپسىز پايدالانۋىنىڭ تومەنگى شەگىن ساقتادى

  ”حاۋىپسىز، سەنىمدى، الاڭسىز بولۋ“ − 4 جىلدىڭ الدىندا باس شۋجي شي جينپيڭ جيلين اۋدۇڭ ءدارى - دارمەك توبى يانجي جارنا شەكتى سەرىكتەستىگىنە كەلىپ، ءدارى ءوندىرىسى جونىندە وسى تالاپتى العا قويدى.

  ”4 جىلدان بەرى، باس شۋجي شي جينپيڭنىڭ تاپسىرماسى ءبىزدىڭ اربىرەۋىمىزدىڭ جۇرەگىمىزدەگى اقىلياعا اينالىپ، ءسات سايىن ۇمىتپاي كەلەمىز“، - دەدى سەرىكتەستىكتىڭ وندىرىسكە جاۋاپتى ورىنباسار باس ديرەكتورى يوۋ حايتاۋ.

  شىلىڭگىر ىستىق بولسا دا، يوۋ حايتاۋ رەتتى جۇمىس كيىمىن ۇستىنەن تاستامادى.

  وندىرىسكە جاۋاپتى ورىنباسار باس ديرەكتورلىق مىندەتتى ۇستىنە العان سوڭ، يوۋ حايتاۋ ءاربىر تال ءدارىنىڭ استارىندا حالىق تۇرمىسىنداعى كوڭىل اۋدارۋعا ءتيىستى ءتۇيىن جاتقانىن ونان ارى ءتۇسىندى: ”كىشكەنتاي ءبىر تال ءدارى − كاسىپورىننىڭ ءدارى - دارمەك حاۋىپسىزدىگى، ونىمدىلىگى، جاڭالىق اشۋ جونىندەگى جاۋاپكەرشىلىگى، ول ادام ومىرىمەن قاتىستى ءارى كاسىپورىننىڭ تاعدىرىن بەلگىلەيدى“.

  ”ءدارى - دارمەك حاۋىپسىزدىگىنىڭ جاۋاپكەرشىلىگى تايشان تاۋىنان دا اۋىر... ءاربىر ءدارى كاسىپورىندارى، قوعامدىق جاۋاپكەرشىلىكتى، ءسوز جوق، مۇقيات وتەپ، ءار ءتۇرلى ءدارىنىڭ، ءاربىر تال ءدارىنىڭ حاۋىپسىز، سەنىمدى بولۋىنا، الاڭسىز تۇتىنىلۋىنا مۇمكىندىك جاساۋى كەرەك“. كەزىندە باس شۋجي شي جينپيڭ قىزمەت تەكسەرگەن سەحتا، يوۋ حايتاۋ باس شۋجيدىڭ ماڭىزدى ءسوزىن ءبىر ءارىبىن قالدىرماي ايتىپ شىقتى.

  ول تىلشگە بۇل باس شۋجي تاپسىرعان ”مىندەت“ عانا ەمەس، ونان دا ماڭىزدىسى، ءوزىن ءسات سايىن ەسكەرتىپ وتىرۋ ءۇشىن، وسى سوزدەردى جۇرەگىندە ساقتاپ، سۋداي جاتتاپ العانىن، ءبىر تال كىشكەنتاي ءدارىنىڭ بۇقارانىڭ ءومىرىنىڭ حاۋىپسىزدىگىنە قاتىستى ەكەنىن، تيتتەي دە شالاعايلىق ىستەۋگە بولمايتىنىن ايتتى.

  حايۋاناتتاردىڭ ىشكى مۇشەلەرىن توڭازىتىپ تاسۋدا، تەمپەراتۋرانى ەستەلىككە الىپ تۇرۋدان ەل ىشىندەگى وزىق دەڭگەيدەگى توڭازىتىلىعان قۇرعاق ۇنتاق جاسالمالار ءوندىرىس سەحىن جوبالاۋ ءارى قۇرۋعا، تولىق اۆتوماتتى تەكسەرۋ اپپاراتىنىڭ ونىمدەردىڭ ۆاكۋمداعى ساڭلاۋسىز تۇمشالانۋىن ءاربىر قۇمىرا بويىنشا تەكسەرۋگە، ودان ارى قاراي ءاربىر ميكروپسىز ءوندىرىس جەلىسىنىڭ ءار جىلى ءبىر رەت ەلىكتەمەلى قۇيۋ، قوراپتاۋ سىناعىن جۇرگىزۋىنە دەيىن...

  يوۋ حايتاۋ بىلاي دەدى: ”ءدارى - دارمەكتىڭ ساپا وتكەلىن مىقتاپ يگەرۋ كەرەك. كاسىپورىن ماڭگى دامۋ ءۇشىن، ءدارى - دارمەك ساپا حاۋىپسىزدىگىن ماڭگى يگەرۋى كەرەك“.

  ”ءتىلشى ەستەلىگى“

  ءدارى - دارمەك حاۋىپسىزدىگى ادام ومىرىمەن قاتىستى.

  جاڭا ءدارىنىڭ، جاقسى ءدارىنىڭ قولايلىلىعى − تىپتەن مىڭداعان ناۋقاستىڭ كوكەي تەستى ءۇمىتى.

  راكقا قارسى دارىلەردىڭ نولدىك كەدەن باجىسى، جاڭا دارىلەردى تەكسەرۋ - بەكىتۋدى جەدەلدەتۋ، تۇتاس بارىستىق قاينارىنان قۋزاستىرۋ ءتۇزىمىن ورناتۋ... سوڭعى جىلدارى مەملەكەتتىڭ قاتىستى تاراۋلارى كەشەندى شارا قولدانىپ، ”حاۋىپسىز، سەنىمدى، الاڭسىز بولۋ“دى ءدارى - دارمەك ءوندىرۋ، ساتۋ، قولدانۋدىڭ جالپى بارىسىنا جازۋعا كۇش سالدى. ساياسات پايداسىنىڭ بىرتىندەپ جارىققا شىعۋىنا بايلانىستى، اناعۇرلىم كوپ ناۋقاس الاڭسىز تۇتىنىلاتىن، ارزان باعالى دارىلەردى تۇتىناتىن بولادى.

  (تىلشىلەر: چىن سۇڭ، چيۋ بيڭچيڭ، لياڭ شياۋفي، جين جينشيۋ، يۋە رانران)

  (شينحۋا اگەنتتىگىنىڭ 8 - ايدىڭ 9 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • كورىكتى ءيىرىم كول (كەسكىن)
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت