اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«قارلى مەكەن __ التايدىڭ» عاجايىپ تاس مۇسىندەرى

  التاي گازەتىنىڭ ٴتىلشىسى ديداربەك زاكىرجان ۇلى حابارلايدى. قويناۋى قۇت التاي تاۋىنىڭ قۇشاعىنداعى اڭساتى جايلاۋىنا بارا قالساڭىز، ٴتورت تۇلىگى مىڭعىرىپ، ماساتىداي قۇلپىرعان القاپتىڭ ادامعا بەرەر اسەرى وزگەشە. ساي ـ سالادان سىلدىراپ اققان بۇلاق، كوكپەن بوي تالاسقان تۇيمەۋىشتى قاراعايلار بۇلت شوككەن تاۋلار مەن اشىق اسپانعا كورىك قوسادى.

  الۋان ٴتۇرلى دالا گۇلدەرىنە ورانعان قۇيعالى قونىستاعى ات جالىنداي سۇلۋ دا كەربەز تاۋدىڭ قۇز ـ قياسىنداعى بوگەنايى بولەك جارتاستارى بىردە زار جەلكەن ماياعا، بىردە قورالى قويدىڭ شەتىندە تۇرعان ماڭ توبەتكە، بىردە ادامزات پەن تابيعاتتىڭ التىن كوپىرىنە ۇقساسا، ەندى بىردە ميلليارد جىلدىڭ كۋاسى تاس ورماننىڭ التىن تۇعىرى سياقتى عاجايىپ تاس مۇسىندەر التاي ساحاراسىنا سەيىل ـ سەۋرەن قۇرىپ كەلگەن ساياحاتشىلارعا ۇمىتىلماس ەستەلىك، ساحارا توسىندەگى ساياحاتتىڭ ٴلاززاتىن سيلادى.

  دەمەك، تابيعات انانىڭ باعا جەتپەس اسىلىن فوتو اپپارات كوزىنە ٴتۇسىرىپ كوپكە ۇسىنۋدى ٴجون كوردىم. ويتكەنى، ٴتىلسىم تابيعاتتىڭ ايتارى، ادامزات ۇرپاعىنا سيلار اسىلى، عاجايىپ سۇلۋلىعى تاريحتىڭ ماڭگىلىك التىن ٴارىپتى پاراعى. سول پاراقتان سۇلۋلىق كورۋ جاڭا ٴداۋىردىڭ بىزگە سيلاعان سيى بولسا، ايماعىمىزعا ساياحاتتاي كەلگەن ٴار ۇلت ساياحاتشىلارىنا كوركەم كورىنىستەن كوزايىم بولعان ٴساليحالى ساتىنە ۇسىنعان ساۋعاسى.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى