اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋرىلتوعاي سارىدويرا كۇنباعىس گۇلى فوتوسۋرەت باسەكەسى جانە ساپالى اۋىل شارۋاشىلىق ونىمدەرى كورگىزبەسى قيمىلىن وتكىزدى

  التاي گازەتىنىڭ ءتىلشىسى ارداق بەيىسقان ۇلى حابارلايدى. «شۇعىلالى 70جىل، باي ـ باقىتتى تۇرمىس» تاقىرىبىنداعى2019 ـ جىلعى جۇڭگو بۋرىلتوعاي سارىدويرا كۇنباعىس گۇلى فوتوسۋرەت باسەكەسى جانە ساپالى اۋىل شارۋاشىلىق ونىمدەرى كورگىزبەسى قيمىلى 8 ـ ايدىڭ 6 ـ كۇنى بۋرىلتوعاي اۋدانىنىڭ سارىدويرا ەگىن شارۋاشىلىعىن كاسىپ سالالاندىرۋ باقشاسىندا وتكىزىلدى.

  قيمىلدىڭ باستالۋ سالتىندا شينجياڭ بۋرىلتوعاي سارىدويرا ەگىن شارۋاشىلىعىن كاسىپ سالالاندىرۋ باقشاسىنا 3A دارەجەلى كورىنىس رايونى اتاعى بەرىلدى.

  وسى رەتكى قيمىلدا كۇنباعىس گۇلىن تاماشالاۋدان سىرت، فوتو سۋرەت باسەكەسى وتكىزىلىپ، الدىڭعى كەزەكتەگى سارا فوتو تۋىندىلارىنىڭ يەلەرىن ماداقتاپ ـ سيلادى. سونىمەن بىرگە، جالپى حالىقتىق دەنە شىنىقتىرۋ دالا جۇرىسى، كوركەمونەر ويىندارى قويىلىپ، ەرەكشە اۋىل شارۋاشىلىق ونىمدەرى كورمەسى اشىلىپ، تالقى قيمىلى قاتارلى الۋان ٴتۇرلى قيمىلدار ورىستەتىلىپ، ءشول دالاداعى باقشا رايونى كۇنباعىس گۇلىمەن ارلەنگەن تاماشا كوركەم كورىنىس ساياحاتشىلاردى باۋرادى.

  تاياۋ جىلداردان بەرى، بۋرىلتوعاي اۋدانى «مىڭ شاقىرىمدىق كاريدور، 100 قىستاقتىڭ كىرىسىن ارتتىرۋ،10مىڭ وتباسىن جۇمىسقا ورنالاستىرۋ» سىندى دامۋ جوباسى بويىنشا اۋداننىڭ وزىندىك سارا ماركاسىن ۇزدىكسىز ىلگەرىلەتىپ، « ساياحات + اۋىل شارۋاشىلىق» ۇلگىسىن جاپپاي دايەكتىلەندىرىپ، ساياحات ونىمدەرىنىڭ ساپاسىن جوعارىلاتىپ، ساياحات كاسىبىنىڭ جوعارى ساپالى دامۋىن ۇزدىكسىز ىلگەرىلەتۋگە سارا جول سالدى.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى