اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

4 ـ كەزەكتى «ەرتەگىدەگى شەكارا قالا __ بۋىرشىن ءدامى» اتىنداعى ءدامدى تاعامدار مەرەكەسى پەردەسىن اشتى

  التاي گازەتىنىڭ ءتىلشىسى جۇڭ چۇنچۇن حابارلايدى. 8 ـ ايدىڭ 6 ـ كۇنى، بۋىرشىن قالاشىعىننان 7 شاقىرىم قاشىقتىقتاعى بالىقشىلىق الاڭىندا، 4 ـ كەزەكتى «ەرتەگىدەگى شەكارا قالا __ بۋىرشىن ءدامى» اتىنداعى ءدامدى تاعامدار مەرەكەسى پەردەسىن اشتى.

  باستالۋ سالتىندا، «ەرتەگىدەگى شەكارا قالا __ بۋىرشىن ءدامى» تاقىرىبىنداعى ايگىلى تاعامدار قوناعاسسىنىڭ سۋىق سۋ بالىعى داستارقان باسەكەسى مەن التىن مەدالدى اسپازىلار باسەكەسى ءدامدى تاعامدار مەرەكەسىنىڭ شىمىلدىعىن اشتى.

  سۋىق سۋ بالىعىنا قارماق سالۋ جارىسى توڭىرەكتىڭ ءتورت بۇرىشىنان كەلگەن ساياحاتشىلاردى باۋرادى. جارىسقا قاتىناسقان 100 گە جۋىق شاباندوزدىڭ اراسىندا، بۋىرشىننىڭ جەرگىلىكتى قارماق سالۋ اۋەسكەرلەرىنەن سىرت، گۋاڭجوۋ، گۋاڭشي، بەيجيڭ قاتارلى جەردەن كەلگەن قارماق سالۋ اۋەسكەرلەرى دە بار، ولار ءبىر جەردە باس قوسىپ، ءوز ونەرلەرىن ايگىلەپ، «قارماق سالۋ شەبەرى» اتاعىن الۋعا باسەكەلەستى.

  ۇرىمجىدەن كەلگەن ساياحاتشى ليۋ مىرزا تىلشىگە بىلاي دەدى: «وسى جولى بۋىرشىنعا ارنايى ساياحاتتاپ كەلگەندە، بۇل جەردە وتكىزىلىپ جاتقان ءدامدى تاعامدار مەرەكەسىنە دە ۇلگىردىك، وسى ارقىلى بۋىرشىندى اناعۇرلىم ىشكەرىلەي ۇعىنىپ، كوپتەگەن ەرەكشە ءدامدى تاعامداردان ٴدام تاتىپ، كوپتەگەن جەرگىلىكتى ونىمدەر ساتىپ الدىق، توتەنشە قۋانىشتىمىز».

  باستالۋ سالتىنداعى، ەڭ قىزعىندى كورىنىس 1000 ادام بىرگە كاۋاس ءىشىپ، شاڭحاي الەمدىك گەنيس رەكودىن جاراتۋ قيمىلى بولدى. ەلىمىزدىڭ ءارقايسى جەرىنەن كەلگەن ساياحاتشى مەن بۋىرشىن اۋدانىنىڭ جەرگىلىكتى تۇرعىننان قۇرالعان 1000 ادام ساحناعا تەڭ شىعىپ، بىرلىكتە كاۋاس ءىشتى، شاڭحاي الەمدىك گەنيس رەكودىنىڭ قىزمەتكەرلەرى وسى قيمىلدى ەستەلىككە الدى ءارى بۇل قيمىلدىڭ شاڭحاي الەمدىك گەنيس رەكودىن جاراتقانىن ناق مايداندا جاريالادى.

  ۇعىسۋعا قاراعاندا، ءدامدى تاعامدار مەرەكەسىنىڭ باستالۋ سالتى وتكىزىلگەن جەر بۋىرشىن قالاشىعىنان 7 شاقىرىم قاشىقتىقتاعى بالىقشىلىق الاڭى، بۋىرشىن اۋدانىنىڭ جاراتقان تۇڭعىش رەتكى «سەرۋەن بالىق شارۋاشىلىعى» ايگىلى ماركاسى. بۇل جەردە، ساياحاتشىلار ءدامدى تاعامدار، كوركەم كورىنىس ساياحاتىن باستان كەشىرۋىنە، سونداي ـ اق، بالىقشىلىق تۇرمىسىن، بالىقشىلىق ءداستۇرىن، مول بالىق ءتۇرى بايلىعىن، جايلى شاعىن قالانىڭ جايبىراقات تۇرمىسىن، جەرگىلىكتى ءدامدى تاعامدار مادەنيەتىن تۇسىنۋىنە بولادى.

  بۋىرشىن اۋداندىق مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى پارتگرۋپپاسىنىڭ شۋجيى يە سۋچين تىلشىگە بىلاي دەدى: «وسى رەتكى ءدامدى تاعامدار مەرەكەسى قيمىلى بۋىرشىن اۋدانىنىڭ ساياحات مازمۇنىن بارىنشا بايىتىپ، ەرەكشەلىككە يە اس ـ سۋدىڭ دامۋىن جەبەپ، جەرگىلىكتى ساياحات اس ـ سۋىنىڭ دارەجەسى مەن ابرويىن جوعارىلاتىپ، ‹ەرتەگىدەگى شەكارا قالا __ بۋىرشىن ءدامى› تانىسقىسىنىڭ اتاعىن اسپانداتىپ، ‹ەرتەگىدەگى شەكارا قالا __ بۋىرشىن› ساياحات ايگىلى ماركاسى وبرازىن تىكتەدى».

  ۇعىسۋعا قاراعاندا، كوزالدا «جالپى جاعداي بويىنشا جوبا جاساۋ، جالپى كورىنىس تۇيىندەرىن جاراتۋ، جالپى كاسىپتى بىرىكتىرۋ، جالپى حالىق بىرلىكتە قۇرۋ، جالپى ٴوڭىر ورتاق يگىلىكتەنۋ» سىندى دامۋ وي جەلىسى بۋىرشىن اۋدانىنىڭ ەكونوميكاسى مەن قوعامىنىڭ دامۋ جالپى جاعدايىنا ٴسىڭىرىلىپ، ءدامدى تاعام، مادەنيەت، كوركەم كورىنىس، اۋىل ـ قىستاق ساياحاتى، وركەنيەت قۇرىلىسى قاتارلى ءبىرقىدىرۋ بايلىق جاپپاي جوسپارلانىپ، ۇيلەسىمدى ورنالاستىرىلىپ، ءبىر تۇتاس ساپالىلاندىرىلدى، ءدامدى تاعامدار مەرەكەسى قيمىلى تەك ءدامدى تاعامدى عانا نەگىز ەتىپ قالماستان، ءدامدى تاعامدى تۇرعى ەتىپ، توڭىرەكتىڭ ءتورت بۇرىشىنان كەلگەن ساياحاتشىلارعا بۋىرشىننىڭ ساياحات جالپى جاعدايىن ۇعىندىرىپ، ساياحات كاسىبى سالاسىندا «وسى ءبىر كەزىندەگى ساياحات بايلىعىنداعى ءىرى اۋدان، ساياحات بايلىعى قۇدىرەتتى اۋدانعا قاراي بۇرىلىس جاساپتى» ـ دەگەن جاڭا تانىم قالىپتاستىردى.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى