اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

زەردەلى ساياحاتتىڭ تىڭ ٴتۇيىنىن جەتىلدىردى

  التاي گازەتىنىڭ ٴتىلشىسى حۋ جۇنشيۋ حابارلايدى. تاياۋدا، جولاۋشىلار اۆتوموبيلى قاناس كورىنىس رايونىنا باراتىن جولدا ورنىقتى ٴجۇرىپ بارا جاتتى، جولاۋشىلار ٴبىر جاعىنان، تەرەزە سىرتىنداعى كوركەم كورىنىستى تاماشالاسا؛ ەندى ٴبىر جاعىنان، ٴۇنحات دوستىق شەڭبەرىنە ساياحات سۋرەتىن جولدادى. جولاۋشىلار اۆتوموبيلىندە اۆتوكولىكتىڭ ٴجۇرۋ قارقىنى، ورنىن تەكسەرۋ، قارقىنىن شەكتەن اسىرۋدان ساقتاندىرۋ قاتارلى زەردەلى باسقارۋ GPS ينفورماتسيالانعان جابدىقتارى اۆتوكولىكتىڭ حاۋىپسىزدىگىن قورعاپ كەلەدى.

  باس شۋجي شي جينپيڭ: «حالىقتىڭ تاماشا تۇرمىسقا دەگەن تالپىنىسى ٴبىزدىڭ كۇرەس نىسانامىز» ـ دەدى. بۇگىنگە دەيىن، حالىقتىڭ تاماشا تۇرمىسقا بولعان ينفورماتسيالانعان قاجەتى نەگىزگى حابارلاسۋ قاجەتىنەن اقىل ـ پاراسات ارقىلى باستان كەشىرۋ قاجەتىنە قاراي دامىدى. 2018 ـ جىلدىڭ سوڭىنا دەيىن، ايماقتىڭ تۇراقتى كەڭ بەلدەۋلى تورى بارلىق اكىمشىلىك قىستاقتارعا جالپىلاسىپ، قالا رايونىندا وپتيكالىق كابەل پەن ينتەرنەتتىڭ جالپىلاسۋ مولشەرى %95 تەن استى، جىلجىمالى تەلەفون تۇتىنۋشىلار 747 مىڭعا جەتتى. التاي جوعارى قارقىنمەن دامىعان ينفورماتسيالانعان داۋىرگە قادام تاستادى، ايماق بويىنشا 660 مىڭ ادام ينفورماتسيانىڭ جوعارى قارقىنمەن دامۋى الا كەلگەن تيىمدىلىكتەن يگىلىكتەندى.

  جۇڭگو تەلەگراف شينجياڭ التاي بولىمشە سەرىكتەستىگى زەردەلى ساياحات كورىنىس رايونىنىڭ نەگىزدىك حابارلاسۋ تورابى قۇرىلىسىن ۇستىنە الىپ، قاناس كورىنىس رايونى، كوكتوعاي كورىنىس رايونى قاتارلى مەملەكەتتىك 5A دارەجەلى كورىنىس رايونىندا 1000 مەگابايت تورابىن قۇرىپ، زەردەلى ساياحاتتىڭ جوعارى جىلدامدىقپەن جالعانۋىنا نەگىز قالاپ، «VR بۇلت + 5G» زەردەلى ساياحاتتىڭ قولدانىلمالى كورىنىس رايونى قۇرىلىسىنىڭ اياق الىسىن ىلگەرىلەتتى. كوز الدا 4G نەگىزگى پۋنكتى زەردەلى ساياحات كورىنىس رايونىن، تاس جول قاتىناسىن ساڭلاۋسىز قامتىدى، قاناس كورىنىس رايونى تۇڭعىش اقىسىز وتباسى سىرتىنداعى WIFI ٴتۇيىنىن قۇردى. قاناس كولى، قازان كول، نار وركەش سىندى 3 كورىنىس تۇيىنىندە دالالىق WIFI وزەكتى تۇيىندەرىن ورنالاستىرۋ ارقىلى قاناس كورىنىس رايونىندا جۇڭگو تەلەگرافىنىڭ 1000 مەگابايتتى وپتيكالىق كابەل كەڭ بەلدەۋى، تيانيدىڭ 4G تورابى، دالالىق WIFI سياقتى كوپ ٴتۇرلى جالعاۋ ٴتاسىلىن جۇزەگە اسىردى.

  «سان ـ سالالى سيفر تورابىنىڭ قاباتتاسۋىنىڭ توعىسۋى كورىنىس رايونىنداعى ساياحاتشىلاردىڭ ينتەرنەتكە جەدەل كىرۋىن جۇزەگە اسىرىپ قالماستان، قابىلداۋ جابدىعىنىڭ سان ـ سالالى بولۋىن جۇزەگە اسىردى. ساياحاتشىلار قوناق ۇيدە كەڭ جەلىدەن پايدالانسىن، الدە سىرتتا زەردەلى قول تەلەفوننان پايدالانسىن، ٴبارى دە ىركىلىسسىز جالعاندى. كەز كەلگەن جەردە ٴتۇرلى تەلەگراف كاسىبىن قولدانۋعا بولادى» ـ دەدى جۇڭگو تەلەگراف شينجياڭ التاي بولىمشە سەرىكتەستىگىنىڭ قىزمەتكەرى جوۋ جيە.

  4G __ ادامدار اراسىنداعى توراپتاسۋ بولسا، 5G __ بۇكىل كورىنىستىك زاتتاردىڭ توراپتاسۋى. 7 ـ ايدىڭ 22 ـ كۇنى، جۇڭگو تەلەگراف شينجياڭ التاي بولىمشە سەرىكتەستىگى ايماقتىق پارتكوممەن بىرگە شينجياڭداعى تۇڭعىش توپتاعى VR + 5G سىناق ٴتۇيىنى زەردەلى ساياحات كورىنىس رايونى قۇرىلىسىن، مەجەمەن 8 ـ ايدىڭ سوڭىنان بۇرىن قاناس كورىنىس رايونىنىڭ تۇڭعىش 5G نەگىزگى پۋنكتى قۇرىلىسىن جاپپاي اقىرلاستىرادى.

  سول كەزدە كورىنىس بويىنشا تۇنىق كەسكىن ارقىلى ەلىمىز كولەمىندەگى بارلىق ايماق، قالا دارەجەلى تەلەگراف تيجارات زالى مەن 5G سىناق ٴتۇيىنى رايونىندا 5G تورابى ارقىلى VR دان پايدالانىپ، قاناس كولىنىڭ 5G + 8K اسا تۇنىق سۋرەتىن تىكە تاراتۋعا بولادى.

  «5G + 8K اسا تۇنىق تىكە تاراتۋ ادامداردىڭ جوعارى تۇنىقتىقتى الدىن الا سەزىنۋىنە، تاماشا كەسكىن ونىمدىلىگىنە جانە دالمە ـ ٴدال كورىنىسكە يە بولۋىنا مۇمكىندىك جاسايدى. سونىمەن بىرگە، تۇتىنۋشىلار قولىنداعى ۇلكەن ەكراندى جىلجىتۋ جابدىعى ارقىلى بىرنەشە سەكۋندتا ٴبىر كينو تۇسىرۋگە بولادى، سونداي ـ اق كەز كەلگەن كورۋ بۇرىشىنداعى، كەز كەلگەن ارالىقتاعى (كىشىرەيتىلگەن، ۇلكەيتىلگەن) ناق مايدان كورىنىسىن تاماشالاپ، زەردەلى ساياحات ٴتاسىلىن ساياحاتشىلارعا جانە ەلىمىزدىڭ ٴىشى ـ سىرتىنداعى كورەرمەندەرگە كورسەتىپ بەرە الادى» ـ دەدى ايماقتىق ونەركاسىپ جانە ينفورماتسيالاندىرۋ مەكەمەسى پارتگرۋپپاسىنىڭ شۋجيى ساي شۋحۇڭ.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى