اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ۇزدىك قوسىنمەن ۇزدىك دارىندىلاردى تاربيەلەيىك

التاي كاسىپتىك تەحنيك شۋەيۋانىنىڭ قۇرىلۋى جايىندا جەلىلەس حابار (3)

  التاي گازەتىنىڭ ءتىلشىسى حۋ جۇنشيۋ حابارلايدى. «بولاشاقتا مەكتەپتەر باسەكەسى دارىندىلار جاعىنداعى باسەكەگە اينالادى. التاي كاسىپتىك تەحنيكا شۋەيۋانى عىلمي ءادىس ـ امال ارقىلى جوعارى ساتىداعى وقۋ ـ اعارتۋ دارىندىلارىن، ايگىلى وقىتۋشىلاردى جانە مامان ـ وقىمىستىرلاردى ەنگىزىپ، ۇزدىك قوسىنمەن ۇزدىك مەكتەپ قۇرىپ، ۇزدىك دارىندىلاردى جەتىلدىرەدى...» ـ دەدى 7 ـ ايدىڭ 24 ـ كۇنى التاي كاسىپتىك تەحنيك شۋەيۋانى پارتكومنىڭ شۋجيى ۋجيانجۇن ءتىلشىنىڭ تىلشىلىگىن قابىلداعاندا.

  وقۋ ـ اعارتۋدىڭ ۇلى جوسپارىندا وقىتۋشى نەگىز. وسىزامانعى كاسىپتىك تاربيە جۇيەسىن قۇرۋدى جەدەلدەتىپ، ايماعىمىزدىڭ ساياحات ەكونوميكاسىنىڭ ۇشقان قۇستاي دامۋىنىڭ جوعارى ساپالى تەحنيك دارىندىلارعا دەگەن قاجەتىن قاناعاتتاندىرۋ ءۇشىن، سوڭعى جىلداردان بەرى، ايماق كاسىپتىك تاربيەنى دامىتۋدى ەكونوميكاعا بۇرىلىس جاساپ، دارەجەسىن جوعارىلاتۋداعى نەگىزدىك ينجەنەريا ەتىپ، قار جى كەمشىل بولۋ، جوعارى كاسىپتىك تەحنيك دارىندىلار جەتىسپەۋ قيىنشىلىعىن جەڭىپ، شينجياڭعا باعىتتامالى كومەك بەرۋ قاينارى ابزالدىلىعىن ارقاۋ ەتىپ، ءتۇرلى شارانى قاتار جۇرگىزىپ، جوعارى ساپالى دارىندىلاردى ەنگىزىپ، كاسىپتىك، ساپالى، تۇراقتاپ ىستەيتىن وقىتۋشىلار قوسىنىن قۇلشىنا تاربيەلەدى.

  ◆دارىندىلاردى الىپ قالۋعا تاماشا شارت ـ جاعداي جاراتتى

  7 ـ ايدىڭ 21 ـ كۇنى التاي كاسىپتىك تەحنيك شۋەيۋانى بۇكىل ەل كولەمىنەن فاكۋلتەت مەڭگەرۋشىلەرىن اشىق تاڭداپ قابىلداۋدىڭ 1 ـ كەزەكتى بەتپە ـ بەت قابىلداۋ قىزمەتىن باستادى. بەتپە ـ بەت سىناۋعا قاتىناسقانداردىڭ ۇشەۋى دە ەل ىشىندەگى جوعارى دەڭگەيلى كاسىپتىك دارىندى بولىپ، دوكتورلىقتان جوعارى وقۋ ماعلۇماتىنا يە، مول وقىتۋ تاجىريبەسى بار.

  «بۇكىل ەلدەن فاكۋلتەت مەڭگەرۋشىلەرىن قابىلداۋداعى ماقسات ۇزدىك دارىندىلاردى ەنگىزىپ، سولار ارقىلى كاسىپكە جەتىك، مەكەندەپ قالاتىن جوعارى ساپالى وقىتۋشىلار قوسىنىن جەتىلدىرىپ، شۋەيۋاننىڭ جوعارى ساپالى دامۋىن جەبەۋ» ـ دەدى ۋجيانجۇن.

  ءمورالىنا قابىلەتى ساي دارىندىلاردى ەنگىزۋگە كەپىلدىك ەتۋ ءۇشىن، ۇسىنىس ەتىلگەندەردى تەكسەرۋ، اڭگىمەلەسۋ جانە سىناق رەتىندە ساباق وتكىزۋ قاتارلى ۋنيۆەرسال بۋىنداردى مىقتى يگەردى. قابىلداناتىن بولسا شۋەيۋان ونىمەن ۇسىنىس ەتىپ ىستەتۋ كەلىسىم حاتىنا قول قويىسىپ، كەلىسىم كەزىندە جىلىنا 500 مىڭ يۋاننان جوعارى ەڭبەكاقىدان، 300مىڭ يۋاندىق ورنالاستىرىلۋ قاراجاتىنان جانە 100 شارشى مەتر اينالاسىنداعى تۇرعىن ۇيدەن يگىلىكتەندىرىپ، كەلىسىم ۋاقىتى مەزگىلىندەگى باعالاۋى تولىمدى بولعاننان كەيىن بارىپ ءۇيىن وزىنە قاراتپاق.

  ◆شينجياڭعا كومەك بەرۋ ارقىلى جوعارى كاسىپتىك تەحنيك شۋەيۋانىنا كۇش قوستى

  بيىل 2 ـ ايدا شينجياڭعا كومەك بەرۋ ابزالدىلىعىنان پايدالانىپ، ايماق جيلين، حيلۇڭجياڭ ەكى ولكەمەن «التايدىڭ ساياحات كاسىپتىك شۋەيۋانىنىڭ دامۋىنا باعىتتامالى قولداۋ كورسەتۋ، جەبەۋ كەلىسىمىنە» قول قويىسىپ، ەكى ولكە جىلىنا 40 ۇزدىك جوعارى كاسىپتىك تەحنيك وقىتۋشىلارىن التايعا كەلىپ ساباق بەرۋگە تاڭداپ جىبەرىپ، التاي كاسىپتىك تەحنيك شۋەيۋانىنىڭ جوعارى ولشەمدە، جوعارى باستالۋ تۇيىنىندە وقىتۋ قىزمەتىن جۇرگىزۋىنە كەپىلدىك ەتتى» ـ دەدى ۋجيانجۇن.

  شۋەيۋاننىڭ 9 ـ ايدا، وقۋدى ءساتتى باستاۋىنا كەپىلدىك ەتۋ ءۇشىن، حيلۇڭجياڭ ولكەسى كاسىپتىك تاربيە ماماندارىنان 25 ادامدى التايعا كاسىپتىك قۇرىلىس قىزمەتى شاعىن گرۋپپاسىنىڭ باستىعى مىندەتىن وتەۋگە ىلگەرىندى ـ كەيىندى تاڭداپ جىبەرىپ، كاسىپتىك دالەلدەۋ، دالەلدەۋ دوكلادىن دايىنداۋ، تاربيەلەۋ جوباسىن بەلگىلەۋ، وزەكتى ساباقتى ورنالاستىرۋ، ساباق ولشەمىن بەلگىلەۋ قاتارلى جاقتاردا جان ـ جاقتىلى جەتەكشىلىك ەتىپ، وسى شۋەيۋاندى كاسىپتىك جاقتان جەتەكشىلىك ەتۋ جانە وقىتۋشى قاينارىندىق تىرەكپەن قامدادى.

  مازمۇن قۇرىلىسىن جوعارىلاتۋ ءۇشىن، التاي كاسىپتىك تەحنيك شۋەيۋانى جەرگىلىكتى ورىنداعى ورتا دارەجەلى 6 كاسىپتىك مەكتەپتەن 77 ۇزدىك وقىتۋشىنى ارناۋلى كاسىپتىك وقىتۋشىلىققا تاڭداپ الۋمەن بىرگە، ءار جىلى 40 ۇزدىك، تىرەكتى وقىتۋشىنى حيلۇڭجياڭ، جيلين ولكەسىندەگى جوعارى دارەجەلى كاسىپتىك شۋەيۋاندارعا تاربيەلەنۋگە جىبەرىپ، 3 جىلدىق ۋاقىتپەن ۇسىنىس ەتىلگەن وقىتۋشىلاردى ورتا دارەجەلى كاسىپتىك مەكتەپ وقىتۋشىلارى دەڭگەيىنەن جوعارى مەكتەپ وقىتۋشىلارى دەڭگەيىنە تاربيەلەپ جەتكىزىپ، بارلىعىن جوعارى دارەجەلى كاسىپتىك تەحنيك شۋەيۋان وقىتۋشىلارى ولشەمىنە جەتكىزەدى.

  التاي كاسىپتىك تەحنيك شۋەيۋانىنىڭ حيلۇڭجياڭ ولكەسىنەن شينجياڭعا تۇڭعىش توپتا كومەككە كەلگەن وقىتۋشىلار جەتەكشىسى ياڭ ليميڭ بىلاي دەدى: «حيلۇڭجياڭ ولكەسىنىڭ كاسىپتىك تەحنيك وقۋ ـ اعارتۋ رەفورماسى تابىستارىن التاي كاسىپتىك تەحنيك شۋەيۋانىندا ىستەتىپ، وسى ارقىلى شۋەيۋانداعى وقىتۋشىلاردىڭ وقىتۋ دەڭگەيىن جوعارىلاتىپ، كاسىپتىك جانە ساباق قۇرىلىسى جاعىنان جەتەلەۋدى كۇشەيتىپ، ەل ىشىندەگى 1 ـ دارەجەلى ساياحات جوعارى كاسىپتىك شۋەيۋانىن قۇرۋ ءۇشىن كۇش قوسامىز».

  ◆«وقىتۋ، ۇيرەنۋ، ىستەۋ» ءبىر تۇلعالانعان وقىتۋ ۇلگىسىن قۇرادى

  التايدىڭ كەزەكتەگى ساياحات كاسىبىنىڭ تۇلعالىق دامۋ ورىن تۇراقتاندىرۋ جانە اۋىل ـ قىستاقتى گۇلدەندىرۋ ستراتەگياسىنا ۇشتاستىرا وتىرىپ، شۋەيۋان ساياحات باسقارۋ، ساياحات جابدىقتارى، سەيىلدەي ءجۇرىپ ساياحاتتاۋ، مادەني ساياحات جانە رەسترون باسقارۋ سىندى 5 فاكۋلتەت قۇرىپ، وعان قاراستى ساياحات باسقارۋ، مال شارۋاشىلىق، مال شيپاگەرلىك، كوركەمونەر، رەسترون باسقارۋ قاتارلى 6 كاسىپتى اشۋمەن بىرگە، «رەسترون باسقارۋ نازارياسى»، «مەملەكەتتىك ساياحات سەرۋەن باسى نەگىزدىك ءبىلىمى»، «ساياحات زاڭى مەن ەرەجەسى»، «ساياحات سەرۋەن باسى كاسىبى»، «جەرگىلىكتى ورىننىڭ ساياحات سەرۋەن باسى نەگىزدىك ءبىلىمى»، «مال، ءۇي قۇسى باعىمشىلىعى مەن تۇقىمىن ساپالاندىرۋ»، «ساياحات كورىنىس رايونىن جوبالاۋ جانە گۇلدەندىرۋ»، «كورىنىس رايونىنا قىزمەت وتەۋ مەن باسقارۋ» قاتارلى سەنترلى ساباقتاردى ورنالاستىردى.

  سونىمەن بىرگە، شۋەيۋان مەكتەپ ءىشى ـ سىرتىندا ناق مايداندا جاتتىعۋ، كورۋ بازاسىن قۇرىپ، وقۋشىلاردى وقىتۋ، ءوندىرىس پراكتيكاسىن كورۋمەن قامداپ، «وقىتۋ، ۇيرەنۋ، ىستەۋ»ءبىرتۇلعالانعان وقىتۋ ۇلگىسىن قۇردى. مۇندا، مەكتەپ ىشىندەگى ناقتى جاتتىعۋلار ساۋعالىق گۇلدى اسەمدەۋ، ەلىكتەمەلى سەرۋەن باسىندىق جاتتىعۋىن جاساۋ، مەملەكەتتە ءبىرتۇتاسى قولدانىلاتىن تىلدە سويلەۋ ونەرى، كيىم كيىسى قاتارلى جاقتاردا جۇيەگە ءتۇسىرۋ قاتارلىلاردى قامتۋمەن بىرگە، ولاردىڭ ساياحات سەرۋەن باسىندىق قىزمەت وتەۋ قۋاتىن جوعارىلاتادى. سونداي ـ اق مەكتەپ سىرتىندا تاربيەلەۋ جاعىندا شۋەيۋان قاناس كورىنىس رايونى، كوكتوعاي كورىنىس رايونى، قارا توقتىنىڭ كولى سىندى مەملەكەتتىك 5A دارەجەلى 3 كورىنىس رايونىمەن ۇزاق ۋاقىتتىق ورنىقتى سەلبەستىك بايلانىس ورناتىپ، وقۋشىلار مەكتەپ سىرتىندا كاسىپورىندارمەن ءوندىرىس بارىسىنداعى ناقتى جاتتىعۋ مەن قىزمەت ورنى پراكتيكاسىن ورىستەتۋىنە بولادى.

  «كەمەلدى قاتتى بولشەك جابدىقتارى جانە 1 ـ دارەجەلى وقىتۋشى قوسىنىمەن 9 ـ ايدا مەكتەبىمىزدەن وقيتىن تۇڭعىش توپتاعى 600 وقۋشىنى قارسى الماقپىز، التاي كاسىپتىك تەحنيك شۋەيۋانى ارمانعا قۇلاش سەرمەپ، جاڭا ءداۋىردىڭ سونى جولىمەن العا ۇمتىلادى» ـ دەدى ۋجيانجۇن التاي كاسىپتىك تەحنيك شۋەيۋانىنىڭ بولاشاعىنا تولىق سەنىممەن قاراپ.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى