اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

«ءۇش ءىستى» جاقسى ىستەپ، بۇقاراعا قىزمەت وتەۋدى جالعاستىردى

  التاي گازەتىنىڭ ءتىلشىسى ياڭ ۋيشۋان مەن ۇسىنىس ەتىلگەن ءتىلشى ليۋ شىڭگاڭ حابارلايدى. كوكتوعاي اۋدانى قىزىلشىلىك اۋىلى كوشەساي قىستاعىنىڭ كوكتوعاي اۋدان قالاشىعىنان قاشىقتىعى 130 كيلومەتر بولىپ، اتى زاتىنا ساي مالشىلىق قىستاعى ەسەپتەلەدى. جاقىنعى جىلداردان بەرى، وسى قىستاق پارتيا مۇشەلەرىنە قىزمەت وتەۋ، جاراسىمدى قوعام قۇرۋ، حالىق تۇرمىسىن جاقسارتىپ، شارۋاشىلىقتى دامىتۋدى توڭىرەكتەپ، حالىققا ءتيىمدى، حالىققا پايدا جەتكىزەتىن، حالىققا قولايلى ٴتۇرلى ساياساتتى كۇش سالا اتقارىپ، بۇقاراعا شىنايى قىزمەت وتەدى.

  ◆ قىستاق تۇرعىندارىنىڭ ءسوزىن كوكەيىندە ساقتادى

  ءتىلشى قىستاق كوميتەتىنەن مىنانى كوردى: بۇل قىستاق پارتيا مۇشەلەرىنىڭ قيمىل بولمەسى، پارتيا مۇشەلەرىنىڭ سىرلاسۋ بولمەسى، پارتيا قۇرىلىسى كىتاپحاناسى سىندى «ءۇش بولمەنى بىرىكتىرىپ»، «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ، پارىقتاردى تابۋ، تياناقتاندىرۋدى مىقتى يگەرۋدى» ۇيرەنۋ تاقىرىبى ەتىپ، كىتاپ سورەسىن ورناتىپ، پارتياعا كىرۋ سەرتىن تامعا ءىلىپ، قىستاق دارەجەلى ورىننىڭ سيلىعىن جانە «ۇلتتار ىنتىماعىنىڭ بەرەكەلى شاڭىراعى» سۋرەتتەرىن دە سورەگە قويدى. سونىمەن بىرگە، وسى بولمەنىڭ ەكى جاق قابىرعاسىنا پارتيالىلىق تاربيە كورمەسىن ورنالاستىرىپ، كىتاپ وقۋ رايونى مەن دەمالۋ رايونىن قۇردى ءارى جاسىل وسىمدىكتەردى ءتىزدى. بۇل جەردە وسى قىستاقتاعى 26 پارتيا مۇشەسى «ءۇش جيىن، ءبىر ساباق»، سىرلاسۋ، «تاقىرىپتىق پارتيا كۇنى» قاتارلى پارتيا ياچەيكاسىنا قاتىستى تۇزىمدەردى بەلسەنە تياناقتاندىرىپ، قىستاق كادرلارى مەن قىستاق تۇرعىندارىنا ۇيرەنۋ ورتاسىن، سىرلاسۋ ورتاسىن جاراتىپ، قىستاق تۇرعىندارىنىڭ جالپىلىق ساپاسىن جوعارىلاتتى.

  قىستاق تۇرعىنى سايرانبەك بىلاي دەدى: «قىستاق كوميتەتى 3 ءتۇرلى قيمىل بولمەسىن قۇرعاننان بەرى، قىستاق تۇرعىندارى قاربالاس ەگىس جۇمىسىن اياقتاتقاننان كەيىن بۇرىنعىداي تەلەۆيزور كورىپ، تەلەفونعا تەلمىرمەيتىن بولدى، قايتا كىتاپ وقيدى، كوپشىلىك ويلاعان ويلارىن قىستاق كادرلارىنا ايتادى، قىستاق كادرلارى دا ءبىزدىڭ ورىندى ۇسىنىس ـ پىكىرىمىزدى قابىلداپ تياناقتاندىرىپ وتىرادى».

  ◆ حالىققا قولايلى قىزمەت وتەۋ زالى قىستاق تۇرعىندارىنا ناقتى ءىس ىستەۋگە قولايلىلىق اكەلدى

  كوشەساي قىستاعىنىڭ قىستاق كوميتەتى حالىققا قولايلى قىزمەت وتەۋ زالىن قۇرىپ، ارناۋلى قىزمەتكەرلەر قىستاق تۇرعىندارىنىڭ جۇمىسىن ءبىتىرىپ، ماسەلەلەرگە ناق مايداندا جاۋاپ بەردى.

  ۇعىسۋعا قاراعاندا، بۇل حالىققا قولايلى قىزمەت وتەۋ زالى ەڭ تومەنگى تۇرمىستى قامتاماسىزداندىرۋ، قوعامدىق قامتاماسىزداندىرۋ، سەلبەسىپ ەمدەۋ قاتارلى جۇمىستاردى بىتىرۋمەن بىرگە، قىستاق تۇرعىندارىنا ءتۇرلى قوسىمشا قاراجات تاراتىپ، ناقتى جۇمىس ىستەپ، نەگىزگى ساتىداعى بۇقارانى اۋرە ـ سارساڭنان ارىلتقان.

  قىستاق تۇرعىنى كەنجەبەك بىلاي دەدى: «حالىققا قولايلى قىزمەت وتەۋ زالى راسىندا ءبىزدىڭ كوپتەگەن قيىنشىلىعىمىزدى شەشتى. قازىر مەن قىستاق كوميتەتىنە ۋاقىتىندا كەلىپ اۋىل ـ قىستاق سەلبەسىپ ەمدەۋ قاراجاتىن تاپسىرامىن، الىسقا جۇگىرمەي ـ اق جاقىن ماڭنان جۇمىس بىتىرە الاتىن بولدىق».

  ◆ قىستاق تۇرعىندارىنىڭ قاجەتىن رەالدىققا اينالدىردى

  ءتىلشى وسى قىستاقتىڭ ءبىر الەۋمەتتىك دارەتحاناسىنىڭ سىرتىندا 50 شارشى مەتر بوس سەمەنت جەردىڭ بارلىعىن، وعان ۇزىن ورىندىق، احلات ساندىعى قاتارلى قۇرىلعىلاردىڭ قويىلعانىن، قىستاق تۇرعىندارىنىڭ دەمالىپ، اڭگىمەلەسۋىنە قولايلى ەكەنىن كورەدى.

  قىستاق تۇرعىندارىنىڭ ريزالىق دارەجەسى ءبىزدىڭ ءىسىمىزدىڭ ويداعىداي تىندىرىلعان ـ تىندىرىلماعاندىعىنىڭ ايعاعى. ۇعىسۋعا قاراعاندا، وسى قىستاق 2 ميلليون يۋان قارجى جۇمساپ، قىستاقتىڭ ءتۇرلى نەگىزدىك قۇرىلعىلار قۇرىلىسىن كەمەلدەندىرىپ، بۇقارانىڭ سىرتقا شىعۋى قولايسىز بولۋ جاعدايىن، تۇرعىنداردىڭ قونىستاۋ ورتاسى ناشار بولۋ قاتارلى ناقتى قيىنشىلىقتارىن شەشكەن. سونىمەن بىرگە، قىستاق ءىس جۇزىندىك جاعدايعا بىرلەستىرىپ، كاسىپتىك سەلبەستىك كووپەراتيۆى پەن باعىمشىلىق، ەگىمشىلىك شەبەرلەرىن ءتۇيىندى سۇيەمەلدەپ، قىستاق تۇرعىندارىنىڭ «تۇراقتاپ تۇرۋ، اۋقاتتانۋ، ەكولوگيانى قورعاۋىن» قامتاماسىزداندىردى.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى