اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جەمەنەي اۋدانى كوشباسشى كاسىپورىنعا سۇيەنىپ، «وزگەدەن كومەك الۋدى» «ءوزىن الۋەتتەندىرۋگە» اينالدىردى

  التاي گازەتىنىڭ پراكتيكانت ءتىلشىسى حان ليڭ حابارلايدى. جاقىنعى جىلداردان بەرى، جەمەنەي اۋدانى دالمە ـ ءدال جوسپارلاۋدى، دالمە ـ ءدال پارىقتاۋدى، دالمە ـ ءدال كومەكتەسۋدى مىقتى يگەرۋ نەگىزىندە، كوشباسشى كاسىپورىننىڭ باسىمدىلىعىنا سۇيەنىپ، «وزگەدەن كومەك الۋدى» «ءوزىن الۋەتتەندىرۋگە» اينالدىردى.

  التاي يكاڭ ورگانيكالى ۇن كاسىبى شەكتى سەرىكتەستىگى جەمەنەي اۋدانىنداعى «اۆتونوميالى رايون دارەجەلى كەدەيلەردى سۇيەمەلدەۋدەگى كوشباسشى كاسىپورىن». وسى كاسىپورىننىڭ قۇرعان «كوشباسشى كاسىپورىن + ەگىمشىلىك بازاسى + ەگىنشى وتباسى» كاسىپ ارقىلى جەتەلەۋ ۇلگىسى جەرگىلىكتى ورىننىڭ ورتاسىنا ۇيلەسەتىن ءبيدايدى ٴوسىرۋ ابزالدىلىعىنا سۇيەنىپ، ورگانيكالى ءبيداي شارۋاشىلىعىن كۇش سالا قۇرىپ، ەگىنشىلەردى كىرىسىن ارتتىرۋعا جەتەلەدى.2016 ـ جىلدان بەرى، بۇل كاسىپورىن جەمەنەي اۋدانى شالشىقاي اۋىلى، توستى اۋىلى، ۇلاستى قالاشىعى قاتارلى 3 اۋىل ـ قالاشىقتى شارپىپ، بۇدان 935 ەگىنشى وتباسىنداعى 2891 ادام يگىلىكتەندى، مۇندا ارحيۆ تۇرعىزىپ كارتوچكالاندىرىلعان وتباسى 855، جان باسىندىق ورتاشا جىلدىق كىرىسى 500يۋان ارتتى.

  ۇلاستى قالاشىعى ارشالى قىستاعىنىڭ تۇرعىنى شىرىنايدا بۇرىن قىزمەت جوق ەدى، ءبىر وتباسىنداعى بەس ادام ونىڭ جولداسىنىڭ ۇساق ـ تۇيەك جۇمىستان تاپقان ماردىمسىز كىرىسىنە سۇيەنىپ كۇنەلتەتىن. بۇگىنگى كۇنى ول وتباسىنداعى نەشە 10 مۋ جەرىن التاي يكاڭ ورگانيكالى ۇن كاسىبى شەكتى سەرىكتەستىگىنە كوتەرتكەننەن كەيىن، سول سەرىكتەستىكتىڭ ءبىر جۇمىسكەرى بولىپ قىزمەت ىستەپ، كوتەرتكەن ەگىستىك جەرىنىڭ قاراجاتىن الۋمەن بىرگە، اي سايىن ءوزىنىڭ ەڭبەكاقىسىن دا الىپ وتىردى.

  شىرىناي بىلاي دەدى: «بۇل ارادا مەنىمەن ۇقساس ۇزاق ۋاقىتتىق جۇمىس ىستەيتىن قىستاق تۇرعىنىنان 40 نەشە ادام بار، قىزمەتىمىز جەڭىل ءارى تازا، ايىنا 3000 يۋان ەڭباكاقى الامىز. تۇرمىسىمىزدا وراسان زور وزگەرىس بولدى، قازىرگى قىزمەتىمە ءدان ريزامىن».

  ۇعىسۋعا قاراعاندا، التاي يكاڭ ورگانيكالى ۇن كاسىبى شەكتى سەرىكتەستىگى 2015 ـ جىلى 7 ـ ايدا قۇرىلعان، قازىر ورگانيكالى ءبيداي بازاسىنىڭ ناقتى ەگىمشىلىك اۋماعى 12 مىڭ مۋ. سەرىكتەستىكتىڭ باس ديرەكتورى ما جينلۋ بىلاي دەدى: «ءبىز 3 تە 5 جىلدا جەمەنەي اۋدانىنىڭ ءارقايسى اۋىل (قالاشىق) ەگىستىك جەرىن ورگانيكالى جەرگە اينالدىرۋدى، بىرتە ـ بىرتە جەمەنەي اۋدانىن ايماقتىڭ ورگانيكالى ءبيداي ەگىمشىلىك بازاسىنا اينالدىرىپ، ەگىمشىلىك كاسىبىنىڭ دامۋىن جەبەپ، جەرگىلىكتى ەگىنشى ـ مالشىلاردىڭ كىرىسىن ۇزدىكسىز ارتتىرۋدى جوسپارلاپ وتىرمىز».

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى