اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ايماق ورتالىقتىڭ 8 ءتۇرلى بەلگىلەمە رۋحىنا قايشىلىق جاساعان 3 تيپتىك دەلونى اشىق جاريالادى

  تاياۋدا، التاي ايماقتىق ءتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ورتالىقتىڭ 8 ءتۇرلى بەلگىلەمە رۋحىنا قايشىلىق جاساعان 3 تيپتىك دەلونى اشىق جاريالادى. ولار جەكە ـ جەكە مىنالار:

  1. التاي قالالىق توراپتاندىرىپ باسقارۋعا قىزمەت وتەۋ ورتالىعىنىڭ بۇرىنعى مەڭگەرۋشىسى چۋ جياشىڭنىڭ بەلگىلەمەگە قايشى قوسىمشا مىندەت وتەپ اقى الۋ ماسەلەسى. 2019 ـ جىلى 2 ـ ايدان 3 ـ ايعا دەيىن چۋ جياشىڭ التاي قالاسىنداعى ءمالىم ءبىر كەڭەس سۇراۋعا قىزمەت وتەۋ ورتالىعىندا بەلگىلەمەگە قايشى لەكتورلىق مىندەت وتەگەن ءارى 65 مىڭ يۋان اقى الىپ، ناشار ىقپال تۋدىرعان. 2019 ـ جىلى 5 ـ ايدىڭ 31 ـ كۇنى چۋ جياشىڭعا پارتيا ىشىندە قاتاڭ ەسكەرتۋ بەرۋ جازاسى كورىلدى؛ تارتىپكە قايشى العان پايداسى قايتارىلىپ الىندى.

  2 . بۋىرشىن اۋدانى ەلامان ساياحات اشۋ رايونىن باسقارۋ كوميتەتى ەگىن ـ مال شارۋاشىلىق ءبولىمىنىڭ ورىنباسار باستىعى ليڭ جىگاڭنىڭ بەلگىلەمەگە قايشى ۇكىمەت اقشاسىمەن ءىشىپ ـ جەۋ ماسەلەسى. 2012 ـ جىلى 12 ـ ايدان 2015 ـ جىلى4 ـ ايعا دەيىن ليڭ جىگاڭ بۋىرشىن اۋداندىق مادەنيەت ـ دەنەتاربيە مەكەمەسىنىڭ ورىنباسار باستىعى، كاسىپتەن سىرتقى دەنەتاربيە مەكتەبىنىڭ باستىعى مىندەتىن وتەپ تۇرعان كەزدە، دەنەتاربيە جارىستارىنان كەيىن سپورتشىلارمەن بىرگە كوپ رەت قوناعاسىعا وتىرىپ، اراق ىشۋمەن بىرگە، 11 مىڭ يۋاندىق جۇگىرىس الاڭىن جوندەۋ قاراجاتىن داستارقان اقىسىنا پايدالانعان. بۇدان تىس، ليڭ جىگاڭدا بۇدان باسقا تارتىپكە قايشى ارەكەتتەر ساقتالعان. 2019 ـ جىلى 5 ـ ايدىڭ 11 ـ كۇنى ليڭ جىگاڭعا پارتيا ىشىندە قاتاڭ ەسكەرتۋ بەرۋ جازاسى كورىلدى؛ تارتىپكە قايشى العان اقشالارى قايتارىلىپ الىندى.

  3. كوكتوعاي اۋدانى كۇرتى اۋىلى «قوس ءتىل» جاتاقتى ورتالاۋ مەكتەبى پارتيا ياچەيكاسىنىڭ بۇرىنعى شۋجيى، ورىنباسار مەكتەپ باستىعى لي جىماۋدىڭ بەلگىلەمەگە قايشى ءىسساپار اقىسىن ەسەپتەن كوتەرۋ ماسەلەسى. 2016 ـ جىلى 7 ـ ايدا لي جىماۋ كوكتوعاي اۋدانى كۇرتى اۋىلدىق «قوس ءتىل» جاتاقتى ورتالاۋ مەكتەبى پارتيا ياچەيكاسىنىڭ شۋجيى، ورىنباسار مەكتەپ باستىعى مىندەتىن وتەپ تۇرعان كەزدە، انحۇيدىڭ حۋاڭشان قالاسى تۇنشي رايونىندا ۇيرەنۋگە قاتىناسقاننان كەيىن، بەلگىلەمە بويىنشا رۇحسات الۋ ٴراسمياتىن بىتىرمەي، ءوز بىلەرمەندىگىمەن انحۇي ولكەسى حىفي قالاسىنان ۇشاقپەن گانسۋ ولكەسى لانجوۋ قالاسىنىڭ تۇڭۋي اۋدانىنا تۋىسشىلاي بارعان ءارى مەكەمە ـ ورىننان سول ارالىقتاعى قاتىناس اقى، جاتاق اقى جانە تاماق اقىلارىنان جيىنى 2300 يۋاندى ەسەپتەن كوتەرتىپ العان. 2019 ـ جىلى 5 ـ ايدىڭ20 ـ كۇنى لي جىماۋعا پارتيا ىشىندە ەسكەرتۋ بەرۋ جازاسى كورىلدى.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى