اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

مەملەكەتتىك تازا قالا قۇرۋدا اۋىل ـ قىستاق الەۋمەتتىك دارەتحاناسى قۇرىلىسىن بارىنشا جەبەدى

  التاي گازەتىنىڭ ءتىلشىسى جۇڭ چۇنچۇن حابارلايدى. تاياۋدا ءتىلشى التاي قالاسى قىزىلتاس قالاشىعى كوكساز قىستاعىنا تىلشىلىك ىستەي بارعانىندا قىستاق تۇرعىنى انار قۇمارقان قىزى: «اۋىل ـ قىستاقتا دا وسىنداي ورتاسى تازا، جابدىعى تولىق الەۋمەتتىك دارەتحانا بولارىن ويلاماپپىن!» ـ دەدى. كوكساز قىستاعىنداعى الەۋمەتتىك دارەتحانا وسى قىستاقتاعى جۇرگىنشىلەر ەڭ كوپ جول تۇيلىسىنە سالىنعان، بۇل الەۋمەتتىك دارەتحانانىڭ سالىنۋى قىستاق تۇرعىندارىنا بارىنشا قولايلى بولدى. دارەتحانانىڭ ءىشى تازا دا رەتتى، ەر ـ ايەلدەر دارەتحاناسىنان تىس، قىستاق تۇرعىندارى پايدالاناتىن مونشاسى دا بار بولىپ، كوپشىلىكتىڭ قارسى الۋىنا يە بولدى.

  بۇرىن اۋىل ـ قىستاقتاعى الەۋمەتتىك دارەتحانالار كورىكسىز، ساسىق، پايدالانۋعا قولايسىز، كوپكە اسەرى ناشار بولاتىن. قازىر التاي قالاسىنداعى ءارقايسى اۋىلدا (قالاشىقتا)، قىستاقتا جابدىقتارى تولىق، ورتاسى تازا الەۋمەتتىك دارەتحانالار ارت ـ ارتىنان سالىنىپ، قىستاق تۇرعىندارىنىڭ ريزالىق دارەجەسى جوعارىلاي ءتۇستى.

  الەۋمەتتىك دارەتحانا سالۋ __ «دارەتحانا توڭكەرىسىنىڭ»العاشقى قادامى، وسى الەۋمەتتىك دارەتحانالاردى ويداعىداي باسقارىپ، جالعاستى تازا، رەتتى، ءيىسسىز ۇستاۋ اسا ماڭىزدى.

  حابارعا قاراعاندا، بۇل دارەتحانا بيىل پايدالانۋعا بەرىلگەندە قىستاق تۇرعىنى ارزىگۇل مامەتتىڭ الەۋمەتتىك دارەتحاننىڭ الەۋمەتتىك رايونىنان شاعىن ماگازين اشىپ، كىرىسىن ارتتىرۋمەن قاتار، وسى دارەتحانانىڭ تازالىقشىسى مىندەتىن وتەپ، دارەتحانانىڭ تازالىق ورتاسىنا جاۋاپتى بولاتىنى داۋىس بەرۋ ارقىلى ماقۇلدانعان.

  «قىستاقتىڭ الەۋمەتتىك دارەتحاناسى پايدالانۋعا بەرىلگەننەن كەيىن، كوپشىلىك قاتتى ريزا بولدى، وسى اراعا كەلىپ مونشاعا تۇسەتىندەردىڭ دە اياعى ۇزىلمەدى. بۇل ارادا ءبىر جاعىنان ماگەزىنىمدى اشىپ، تازالىعىمدى دا ىستەيمىن. التاي قالاسىنىڭ مەملەكەتتىك تازا قالا قۇرۋىندا بارلىعىمىز ءبىر كىسىلىك ۇلەسىمىزدى قوسۋعا بورىشتىمىز، كۇندەلىكتى تۇرمىستاعى كىشى ـ گىرىم ىستەردەن باستاپ ىستەپ، قوس قولىمىزعا سۇيەنىپ تازا دا كوركەم ورتا جاراتۋىمىز كەرەك» ـ دەدى ارزىگۇل مامەت تىلشىگە.

  التاي قالاسى مەملەكەتتىك تازا قالا قۇرۋعا قاتىستى قىزمەتتەردى باستاعاننان بەرى، ءارقايسى اۋىل (قالاشىق) بۇقارانىڭ تۇرمىس ورتاسىن جاقسارتۋ ءۇشىن، قالا، اۋىلدىڭ «دارەتحانا توڭكەرىسىن» تىڭعىلىقتى جەبەپ، اۋىلدىڭ (قالانىڭ) جونگە سالۋ جانە قىزمەت وتەۋ دەڭگەيىن ۇزدىكسىز جوعارىلاتىپ، ادامداردىڭ قونىس ورتاسىن ۇزدىكسىز ساپالاندىرىپ، الەۋمەتتىك قىزمەت وتەۋ رولىن جاپپاي كەمەلدەندىرىپ، كورىكتى اۋىل ـ قالاشىق قۇردى.

  ۇعىسۋعا قاراعاندا، التاي قالاسىنداعى جاڭادان سالىنعان اۋىل ـ قىستاق الەۋمەتتىك دارەتحانالاردىڭ جىلۋمەن قامداۋ جۇيەسى توكتەن پايدالانىپ جىلۋمەن قامداۋ ۇلگىسىنە وزگەرتىلگەن بولىپ، ءداستۇرلى جىلۋمەن قامداۋ ۇلگىسىنىڭ اۋاعا اكەلەتىن بىلعانىشىنىڭ الدى الىندى. دارەتحانانىڭ لاس سۋى تۇلعالاندىرىلىپ ءبىر جايلى ەتىلگەننەن كەيىن، لاس سۋ ساپاسى ءبىرىنشى A دارەجەلىگە جەتىپ، جايشىلىقتاعى جاسىلداندىرۋعا پايدالانىلىپ، بىلعانىشتىڭ ىعىستىرىلۋىن ەڭ تومەنگى شەككە جەتكىزۋدى شىنايى ورىنداپ، جەرگىلىكتى ورىننىڭ ءىس جۇزىندىك جاعدايىنا ۇشتاستىرىلىپ، ورتا تازالىعى جاقسارىپ، كورىكتى اۋىل ـ قىستاق قۇرۋعا كۇش قوستى.

  «قازىر التاي قالاسىنىڭ اۋىل ـ قىستاقتارىنداعى 109 الەۋمەتتىك دارەتحانا تۇگەلدەي سالىنىپ بولىپ، سىناق رەتىندە پايدالانۋعا بەرىلدى. التاي قالاسىن مەملەكەتتىك تازا قالا ەتىپ قۇرۋ ورايىندا، اۋىل ـ قىستاقتىڭ قونىس ورتاسىن بارىنشا جاقسارتىپ، بۇقاراعا اناعۇرلىم تاماشا قونىس ورتاسىن جاراتامىز» ـ دەدى التاي قالالىق پارتكوم ۇيىمداستىرۋ ءبولىمى نىسان كەڭسەسىندەگى ۋاڭ چىن.

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى