اعاجاي-التاي تورابى   ›   اقپارات ايدىنى   ›   ماڭىزدى حابارلار

ارمان ارقالاپ، ءتىپتى دە بيىككە، ءتىپتى دە الىسقا قانات قاقتى

 ارمان ارقالاپ، ءتىپتى دە بيىككە، ءتىپتى دە الىسقا قانات قاقتى

  − باس شۋجي شي جينپيڭنىڭ ويىنان كەتپەيتىن حالىق تۇرمىسى ىستەرىنىڭ ”وقيتىن مەكتەبى بولۋ“ تاراۋى

   شينحۋا اگەنتتىگىنىڭ ءتىلشىسى

  ”بەتاشار“

”دارىندى كەلەشەكتى بەلگىلەيدى، وقۋ - اعارتۋ ارماندى جۇزەگە اسىرادى“.

  وقۋ - اعارتۋ ءار بالانىڭ بولاشاعىنا سايادى، ۇلتتىڭ كەلەشەگىن بەلگىلەيدى.

  پارتيا 18 - قۇرىلتايىنان بەرى، باس شۋجي شي جينپيڭ وقۋ - اعارتۋ ىستەرىن كوڭىل تورىندە ساقتادى. ءار رەتكى تاپسىرماسى جاستىق ورال ارمانىن قاۋلاتىپ، ءار سويلەم سالەمى وقۋ - اعارتۋ ءۇمىتىن مەيىرگە بولەدى. ول وقۋ - اعارتۋدىڭ ءاربىر ”كىشكەنە ءىسى“نە كوڭىل ءبولىپ، ”اناعۇرلىم جاقسى، اناعۇرلىم ءادىل“ وقۋ - اعارتۋ ءۇمىت - تىلەگىنىڭ ەرتەرەك رەالدىققا اينالۋىن جەبەدى.

  باس شۋجي شي جينپيڭنىڭ باسقان ءىزىن بويلاپ، شينحۋا اگەنتتىگىنىڭ تىلشىلەرى قايىرىلا ساپارلاۋ بارىسىندا ادامدى جەلپىندىرەتىن ساتتەرگە كۋا بولدى − وقيتىن مەكتەبى بولۋدىڭ بىرتىندەپ جۇزەگە اسۋى جۇڭحۋانىڭ بايتاق دالاسىنداعى ءار بالاعا قانات ءبىتىرىپ، ولاردىڭ ارمان ارقالاپ ءتىپتى دە بيىككە، ءتىپتى دە الىسقا قانات قاعۋىنا مۇمكىندىك جاسادى.

  ”ءبىرىنشى اڭگىمە“

  ”بۇلت اراسىنداعى“ بالالار ”وقۋعا بارۋ جولى“نان ەندىگارى قام جەمەيتىن بولدى

  تەڭىز دەڭگەيىنەن 2700 مەتر بيىكتەگى تاۋعا ورنالاسقان سىچۋان ولكەسى جاۋجۋە اۋداندىق ۋا - ۋ باستاۋىش مەكتەبىن جىل بويى بۇلت بۇركەپ تۇراتىندىقتان ”بۇلت اراسىنداعى باستاۋىش مەكتەپ“ دەپ اتالعان.

  11 جاستاعى ۇل بالا ازوۋلى وسىندا 5 - جىلدىققا قادام باسپاقشى. دالياڭ تاۋىنداعى ول سياقتى ءاربىر يزۋ بالالارى تۇگەلدەي شالعايداعى بەيجيڭدە مەيىربان شي جينپيڭ اتالارىنىڭ وزدەرىنىڭ قامىن جەپ وتىرعاندىعىن بىلەدى.

  2018 - جىلى كوكتەم مەرەكەسى قارساڭىندا، باس شۋجي شي جينپيڭ اۆتوكولىكپەن تىك قيالى، تەرەڭ سايلى قاپتالداما تاس جولدى بويلاپ، سىچۋان دالياڭ تاۋىنىڭ قويناۋىنداعى جاۋجۋە اۋدانىنا بارىپ كەدەي بۇقاراعا امانداستى. ول كىشكەنتاي قىز جيحاۋ يوۋگو ايتقان «مەملەكەت تۋى، مەملەكەت تۋى قانداي كوركەم» انىنە ىقىلاسپەن قول شاپالاق سوقتى، قىستاق تۇرعىندارىنان ”بالالار وقۋعا شىعا الدى ما“ دەپ ىقىلاسپەن سۇرادى.

  قۇلاما قۇز، بيىك جارتاس قورشاعان وسى وڭىردە كەزىندە تاس جول مۇلدەم جوق ەدى، دۇنيەدەن نەگىزىنەن اۋلاق قالعان ”جالاما قىستاقتار“ بار بولاتىن دا، بالالاردىڭ وقۋعا باراتىن جولى تىم ماشاقاتتى ەدى. 4 جىلدىڭ الدىندا، ازوۋلى ەندى عانا وقۋعا تۇسكەن كەزدە ”بۇلت اراسىنداعى باستاۋىش مەكتەپ“كە ءالى جول تۇتاسپاعان. قارشاداي ول تىك قياداعى تاۋ جولىمەن ءبىر ساعاتتان استام ۋاقىت ءجۇرىپ 4 كيلومەتر شالعايداعى مەكتەپكە ازەر جەتەتىن.

  ەكى كوزى بىردەي سۋ قاراڭعى قارت اجەسى ۇيدە وتىرىپ كوز جاسىن كولدەتىپ، ۋايىمداپ، ونىڭ الدەنەگە ۇشىراپ قالۋىنان الاڭدايتىن.

  وسى جىلداردا بارلىعى اقىرىن - اقىرىن وزگەردى.

  2015 - جىلى جاۋجۋە اۋدانىنان ۋا - ۋ باستاۋىش مەكتەبىنە باراتىن سەمەنت جول جاسالىپ، ازوۋلىنىڭ وقۋعا باراتىن ۋاقىتى جارتىسىنا دەيىن قىسقاردى؛ 2017 - جىلى جاڭا مەكتەپ سالىنىپ، بالالار جارىق تا حاۋىپسىز ساباقحانالارعا كىردى؛ سۇرىنە - قابىنا ءجۇرىپ، ءار وتباسىن ارالاپ وقۋدان قول ءۇزىپ سيىر جايىپ كەتكەن وقۋشىلاردى قايتارىپ كەلگەن مەكتەپ باستىعىنىڭ قازىر 247 وقۋشىسى بار؛ باستاۋىش مەكتەپتىڭ بارلىق ساباقتارى ءوتىلدى، ”بۇلت اراسىنداعى“ بالالار مەكتەپ فۋتبول قۇراماسىن قۇردى...

  كەزىندە قات - قابات تاۋلاردىڭ توسالعىسىندا قالعان ءبىلىم نۇرى كىشكەنتاي جۇرەكتەردى نۇرلاندىرىپ، شەكسىز ارمانداردى ماپەلەۋدە.

  باس شۋجي شي جينپيڭ يزۋ ۇلتى بۇقاراسىمەن امانداسقاننان جارىم جىلدان كەيىن، مەكتەپتىڭ الدىنداعى جولدى بويلاپ ازوۋلى تۇڭعىش رەت اتا مەكەنىنەن اتتانىپ، جۇردەك پويەزعا وتىرىپ نانجيڭگە كەلىپ دوستىق فۋتبول جارىسىنا قاتىناستى. ونىڭ اۋلەتىندەگىلەردەن ەجەلدەن ەشكىم دە مۇنداي ۇزاپ شىقپاعان بولاتىن.

  ”ۇلكەيگەننەن كەيىن كوپتەگەن جەرلەرگە بارىپ، ءار قيلى باسەكەلەستەرمەن جارىسقا تۇسەمىن! مەنىڭ بارلىعىن جەڭگىم كەلەدى!“ ازوۋلى ءوزىنىڭ ارمانىن داۋىستاپ ايتتى.

  ”ءتىلشى ەستەلىگى“

  ”كەدەيلەردى سۇيەمەلدەۋدە، ءسوز جوق، اقىل - پاراسات جاقتان سۇيەمەلدەۋ كەرەك“، ”قانشالىق قينالساق تا بالانى قيناۋعا بولمايدى، قانشالىق كەدەي بولساق تا وقۋ - اعارتۋ ىستەرىن كەدەيلىكتە قالدىرۋعا بولمايدى“، ”مىندەتتى وقۋ - اعارتۋدا قامتاماسىزدىق بولۋ كەرەك“... پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كوڭىل ءبولۋى مەن قامقورلىعىندا، مەملەكەتتىڭ قازىنالىق وقۋ - اعارتۋ قاراجاتىنىڭ GDPدان ۇستاعان ارا سالماعى جىلدار بويى %4تەن استام بولۋدى ساقتاپ، كەدەي وڭىرلەردەگى مىندەتتى وقۋ - اعارتۋداعى ءالسىز مەكتەپتەردىڭ نەگىزگى وقىتۋ جۇرگىزۋ شارت - جاعدايى جان - جاقتى جاقسارىپ، اۋىل - قىستاقتارداعى مىندەتتى وقۋ - اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارى مەملەكەت دارەجەلى بارلىق كەدەي اۋدانداردى قامتىدى.

  شەلەكتىڭ سيىمدىلىعىن ەڭ قىسقا تاقتاي بەلگىلەيدى.

  ولقىلىقتاردى تۇگەلدەي تولىقتاپ، ”قارىز“دى تولىق قايتارعان سان مىڭداعان ”بۇلت اراسىنداعى باستاۋىش مەكتەپ“تەر ەمىن - جارقىن كىتاپ وقۋ ۇنىنە تولدى.

  ”ەكىنشى اڭگىمە“

  بايىرعى رايون وقىتۋشىلارى ”جۇگىرۋ سىزىعىن“ كۇشتى بىرىكتىرە جوعارى كوتەردى

  كۋرسقا قاتىناسۋ، وقىتۋ قۇرالدارىن تەكسەرۋ - جوندەۋ، كۇزگى وقۋ ماۋسىمىنداعى ساباققا دايىندالۋ... شىجىعان جاز كۇندەرى، سانشي ولكەسى يان - ان قالاسى باۋتا رايونى ياڭجياليڭ فۋجوۋ ءۇمىت باستاۋىش مەكتەبىنىڭ وقىتۋشىلارى جازعى دەمالىس كەلسە دە قاربالاستىقتان بوساعان جوق. سارعىش وقىتۋ عيماراتىنا جازىلعان ”ەرتەڭنىڭ كۇنىن شىعانداتايىق“ قىزىل ءتۇستى ۇلكەن جازۋ ەرەكشە كوز تارتادى.

  2015 - جىلى 2 - ايدا باس شۋجي شي جينپيڭ وسى اراعا كەلىپ، وقىتۋشى، جۇمىسشى - قىزمەتكەرلەرگە امانداستى ءارى وقىتۋشىلار قامداۋىنىڭ قالاي ەكەندىگىن ىقىلاستى تۇردە تاپتەشتەي سۇرادى. وقىتۋشىلار ونىڭ سول كەزدەگى ىقىلاستى تاپسىرماسىن كۇنى بۇگىنگە دەيىن ەستەرىندە ساقتاپ كەلەدى: ”وقۋ - اعارتۋ وتە ماڭىزدى، توڭكەرىستىك بايىرعى رايوندار، كەدەي وڭىرلەر دامۋدى يگەرۋدە تۇپتەپ كەلگەندە، تاعى دا وقۋ - اعارتۋدى ويداعىداي يگەرۋى كەرەك، بالالاردى جۇگىرۋ سىزىعىنان ۇتىلدىرماۋ كەرەك“.

  وتكەن 4 جىلعا قايىرىلا قاراعاندا، 37 جاستاعى ادەبيەت وقىتۋشىسى جاڭ يان ءوزىنىڭ وقىتۋ ورتاسىندا زور وزگەرىس بولعاندىعىن تەبىرەنە ايتتى.

  4 جىلدا مەكتەپتىڭ وقىتۋ عيماراتى 3 قاباتتان 5 قاباتقا وزگەردى، حۇسنيحات كلاسى، اسەمونەر كلاسى، مۋزيكا كلاسى، ءبي كلاسى تۇگەلدەي بار، تاعى وسىزاماندانعان وقىتۋ جابدىقتارى سەپتەلدى، وقىتۋشىلاردىڭ ساباق وتكەندە ينتەرنەت ارقىلى ماتەريالداردى تەكسەرىپ كورۋىنە بولادى.

  بايلىقتى ”ەنگىزۋ“ ءالى جەتكىلىكتى ەمەس، وقىتۋشىلار بەلسەنە ”سىرتقا شىقتى“.

  جاڭ يان مەكتەپ جاعىنان نانجيڭ قالاسى چاڭجياڭ جولى باستاۋىش مەكتەبىنە جىبەرىلىپ، قىزمەت ورنىنا سايكەسە ۇيرەندى، تەك ءبىر اپتا ۋاقىت بولعانىمەن، الايدا مول تابىسقا كەنەلدى: ”ۇزدىك مەكتەپتەرگە بارىپ، قىزمەت ورنىنا سايكەسە ۇيرەنۋدىڭ وقۋ - اعارتۋ لەكسياسىن تىڭداعانعا قاراعاندا قونىمى اناعۇرلىم تەز، ونىمدىلىگى اناعۇرلىم جوعارى بولدى. قايتىپ كەلگەننەن كەيىن، ءبىز العان اسەرلەرىمىزدى ءوزارا ورتاقتاسىپ، ءىس جۇزىندىك جاعدايمەن ۇشتاستىرىپ، تاماشا ادىستەردى الدىمەن قولداندىق، بالالاردى جۇگىرۋ سىزىعىنان ۇتىلدىرىپ قويۋىمىزعا بولمايدى“.

  قىزمەت ورنىنا سايكەسە ۇيرەنۋدەن سىرت، مەكتەپ تاعى بەيجيڭ قالاسى چاۋياڭ رايونى فاڭساۋدي باستاۋىش مەكتەبى، فۋجوۋ قالاسى گۋلوۋ 2 - سەنترلى باستاۋىش مەكتەبى سياقتىلارمەن وقۋ - اعارتۋدا سەلبەسىپ جۇپ قۇراۋ مەحانيزمىن قۇرىپ، ولاردىڭ وقىتۋ شەبەرلەرىمەن وقىتۋشى - شاكىرت قاتىناسىن ورناتتى. جاڭ يان ءوزىنىڭ ”ۇستازى“ بۇرىنعى مەكتەپتەن اۋىسىپ كەتكەن بولسادا، مۇنداي كومەكتەسۋ - سۇيەمەلدەۋ، جەتەكشىلىك ەتۋ ەجەلدەن ءۇزىلىس جاساپ كورمەگەندىگىن ايتتى.

  وقىتۋشىلاردىڭ كوز اياسى كەڭەيىپ، ءادىسى بارعان سايىن ۇيلەسىپ، قايراتى تاسقىنداپ، مەكتەپتەگى وقىتۋشىلار قوسىنىنىڭ ساپاسى ۇزدىكسىز جوعارىلادى. كەزەكتە ياڭجياليڭ فۋجوۋ ءۇمىت باستاۋىش مەكتەبىنىڭ وقىتۋشى، جۇمىسشى - قىزمەتكەرلەرى 2015 - جىلعى 20دان 40قا جەتتى، تاعى ولكە، قالا دارەجەلى وقىتۋ شەبەرلەرى جانە رايون دارەجەلى ءپان باستاماشىلارى جارىققا شىقتى.

  ”مەكتەپتىڭ دامۋى تەزدەدى، ءبىز دە اناعۇرلىم كوپ قابىلەتىمىزدى ءوسىرۋ ورايىنا يە بولدىق، قازىرگى قىزمەتىمىز ءارى كوڭىلدى، ءارى كەمەلدى“، - دەدى جاڭ يان.

  ”ءتىلشى ەستەلىگى“

  وقۋ - اعارتۋدى گۇلدەندىرۋدە، الدىمەن، ءسوزسىز، وقىتۋشىلاردى كۇشەيتۋ كەرەك.

  تاياۋ جىلداردان بەرى، باس شۋجي شي جينپيڭ وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق راي قالىپتاستىرۋدى ءوزى تىكە ىلگەرىلەتتى. مەملەكەت اۋىل - قىستاق وقىتۋشىلارىن قولداۋ جوسپارىن اتقارىپ، اۋىل - قىستاقتارداعى وقىتۋشىلاردىڭ تۇرمىستىق قامداۋىن جوعارىلاتتى، قالا، اۋىل وقىتۋشىلارىنىڭ، جۇمىسشى - قىزمەتكەرلەرىنىڭ شتات ولشەمىن بىرلىككە كەلتىردى، كاسىپتىك اتاق (قىزمەت مىندەتى) باعالاۋدى جانە جۇمىسقا قويۋدى اۋىل - قىستاق مەكتەپتەرىنە قاراي بەيىمدەدى. كوپتەگەن ولكەلەر وقۋ قاراجاتىن تولىقتاپ بەرۋ، مەملەكەت قارىز اقشا ارقىلى تولەم بەرۋ قاتارلى تاسىلدەرمەن جوعارى مەكتەپتەن وقۋ تاۋىسقان وقۋشىلاردى تىكەلەي اۋىل - قىستاقتارداعى ورتا، باستاۋىش مەكتەپتەرگە بارىپ وقىتۋشى بولۋعا باۋرادى.

  تومەنگە تۇسە الاتىن، تابان تىرەپ تۇرا الاتىن، تاماشا تاربيە بەرەتىن، ارتىقشىلىعىن ساۋلەلەندىرەتىن اۋىل - قىستاق وقىتۋشىلارى نەگىزدىك وقۋ - اعارتۋدىڭ ”تىرەگى“ بولۋدا.

  ”ءۇشىنشى اڭگىمە“

  ”شولپان جۇلدىز“وسپىرىمدەردىڭ بەيمالىم الەم جونىندە ىزدەنىس جاساۋىنا جول نۇسقادى

  ۇزاقتان بەرى جاۋماعان اق جاۋىن بەيجيڭ قالاسىنىڭ بىرنەشە كۇننەن بەرگى قاپىرىق ىستىعىن باستى.

  بەيجيڭ قالاسى 1 - تامىز مەكتەبى تيانگۇڭيۋان قولدانىلمالى تەحنيكا ورتالىعى وتكەلىندە الدا تولىق ورتانىڭ 3 - كلاسىنا شىعاتىن جاڭ شينشين ءوزى جوبالاپ جاساعان كورمە تاقتايشاسىن اقىرىن تۇزەپ قويدى. كورمە تاقتانىڭ مازمۇنى − ”جاساندى سەرىك جالعاپ تاراتۋ جانە ’قارا قوبديشا‘ نەگىزىندە جاراتىلىستىق اپاتتىڭ سول ورىنداعى ساندى مالىمەتىن باقىلاۋ - ولشەۋ جۇيەسى“، بۇل ونىڭ وتكەن 2 جىلداعى ۇيرەنۋ جەتىستىگىن بەينەلەدى.

  2016 - جىلى 9 - ايدا باس شۋجي شي جينپيڭ بەيجيڭ قالاسى 1 - تامىز مەكتەبىنە كەلىپ، عىلىم جالپىلاستىرۋ شاعىن جاساندى سەرىگىن زەرتتەپ - جاساپ جاتقان وقىتۋشىلارمەن جانە وقۋشىلارمەن پىكىر اۋىستىرىپ، ولاردىڭ عىلىم جالپىلاستىرۋ قيمىلى ارقىلى وقۋشىلاردىڭ ويلاۋ قابىلەتىن جانە جاسامپازدىق قابىلەتىن ۇشتاۋ ءادىسىن تۇراقتاندىردى. سول جىلدىڭ سوڭىندا عىلىم جالپىلاستىرۋ شاعىن جاساندى سەرىگى ۇشىرىلۋ قارساڭىندا، باس شۋجي شي جينپيڭ تاعى زەرتتەپ جاساۋ ۇيىرمەسىندەگى وقۋشىلارعا جاۋاپ حات جازىپ، بالالارعا ”بىلىمگە دەگەن ىنتىزارلىعىن ساقتاۋدى، ىزدەنۋگە دەگەن قۇشتارلىعىن ساقتاۋدى“ قاداعالاي تاپسىردى.

  ”ءبىرىنشى شاعىن جاساندى سەرىكتىڭ ءساتتى ۇشىرىلعان حابارى مەكتەبىمىزدىڭ ۇلكەن ەكرانىندا تۇپ - تۋرا ءبىر اپتا قايتالانىپ بەرىلىپ تۇردى“، سول كەزدە ورتالاۋ مەكتەپتە وقىپ جاتقان جاڭ شينشين قاتتى تەبىرەندى.

  ”شولپان جۇلدىز“ سياقتى، عىلىم جالپىلاستىرۋ شاعىن جاساندى سەرىگى جاڭ شينشيندى قۇلشىنىس جاساپ، وسى مەكتەپكە ءوتىپ، ۇيىرمەنىڭ ءبىر مۇشەسىنە اينالۋعا باۋرادى. پروگرامما جاساۋدى مەڭگەرۋ، ۇلگىنى جەتىلدىرۋ، جوعارى مەكتەپتىڭ تاجىريبەحاسىنا بارىپ، بايقاۋ، تاجىريبە قابىلداۋ... ول قوسالقى وربيتادا ۇشۋ اسپابى ”فاڭجوۋ - 1“گە ىلەسە، جوقتان بارلىققا كەلدى، سحەمادان رەالدىققا اينالدى. بيىل 6 - ايدا عارىش بيولوگيالىق تاجىريبە بولمەسىن الىپ ۇشقان ۇشۋ اسپابى ىشكى موڭعۇلدا ءساتتى ۇشىرىلدى.

  وسىلاردىڭ ءبارىنىڭ تەك جاڭ شينشيننىڭ ۇيرەنۋ، ىزدەنىس جاساۋىنىڭ ءبىر ماڭىزدى جاعى عانا ەكەندىگىن ەشكىمدە ويلاپ كورمەگەن بولار. قاراماققا كىرپياز، ءالسىز كورىنەتىن بويجەتكەن مەكتەپتىڭ قۋىرشاق جانە اجۋا سۋرەتتى فيلم قوعامىنىڭ باستىعى، باسكەتبولدى جاقسى كورەدى، باعىتتاۋىشتى دالالىق سپورتقا شەبەر. ”مەكتەپ قۇلتەمىر، فارفور جابدىقتار جاساۋ ونەرى، فۋتبول، بەيجيڭ تەاترى، ءبي سياقتى ءار الۋان ءتۇر تۇزىمىندەگى ساباق ورنالاستىرىپ، ءبىزدى بەيمالىم دۇنيەمەن جاناسۋعا، ىزدەنىس جاساۋعا ىنتالاندىردى“.

  ساپا وقۋ - اعارتۋىن كۇش سالا ىلگەرىلەتۋ − باس شۋجي شي جينپيڭنىڭ مەكتەپتە قىزمەت تەكسەرگەندە ايقىن كورسەتكەن باعدارى، مەكتەپ پارتكومىنىڭ شۋجيى نيۋ جىنيۇننىڭ قاراۋىنشا، بۇل ساباقتاستار ءدوپ كەلەتىن جوعارىلاپ وقۋ تالابىنا قايشى ەمەس.

  ”ىنتاسىن قوزعاۋ، رۋحىن جەتىلدىرۋ ۇيرەنۋدىڭ’ماڭگىلىك قوزعالتقىشى‘“، - دەدى نيۋ جىنيۇن، ”بالالاردى ىشكى جاقتان ءوز تالانتى مەن تۋما قاسيەتىنە ءۇڭىلىپ، سىرتقى جاقتان كاسىپ سالاسى مەن كاسىپتەردى ءتۇسىنىپ، وسى نەگىزدە ءبىلىم توپتاپ، نىق سەنىممەن ەمتيحان الاڭىنا كىرۋىنە، سونىمەن قاتار جاندى دا جالىندى، تۇرمىستا ىنتالى ادام بولىپ ەرجەتۋىنە مۇمكىندىك جاسادىق“.

  جوعارى مەكتەپ ەمتيحانىنا دايىندالۋمەن قاتار، جاڭ شينشين دە 2 - رەتكى، 3 - رەتكى عىلىم جالپىلاستىرۋ شاعىن جاساندى سەرىگىنىڭ ءساتتى ۇشقاندىعى جونىندەگى حاباردى كۇتتى. سونىمەن بىرگە، ول كوز اياسىن ءتىپتى الىس، ءتىپتى بيىك دۇنيە جۇزىنە تاستادى: ”بولاشاقتا عارىش عىلىم - تەحنيكاسى الەمدى زەرتتەۋمەن عانا توقىراپ قالمايدى، مەن قورشاعان ورتانى قورعاۋ، تابيعي اپاتتاردى باقىلاۋ - ولشەۋ سياقتى جاقتارداعى قىزمەتتەرمەن اينالىسىپ، ادامزاتقا ءتىپتى كوپ يگىلىك جاراتۋدى ويلايمىن“.

  ”ءتىلشى ەستەلىگى“

  جاقسى تاربيە گۇلدىڭ شەشەكتەۋىن جىم - جىلاس كۇتكەنمەن بىردەي.

  الما پىس اۋزىما ءتۇس دەپ ەشتەڭە ىستەمەۋگە، قيسىنسىزعا قينالىپ تاباندا - اق تابىسقا جەتەمىن دەۋگە بولمايدى. مەحانيكالى تۇردە ”سۇراقتارعا جاۋاپ بەرۋ“ جاڭالىق اشۋ رۋحىن جەتىلدىرە المايدى، ۇيلەسىمسىز وقىتۋ ادامدىق ساپانى ءتىپتى جەتىلدىرە المايدى. ءداۋىر العا دامىعان سايىن، جان - جاقتى دامىعان دارىندىلاردى قاجەت ەتەدى.

  ”ساپا اعارتۋى وقۋ - اعارتۋدىڭ وزەگى“. باس شۋجي شي جينپيڭنىڭ تاپسىرماسىن ەستە بەرىك ساقتاپ، ەلىمىز ورتا مەكتەپ، جوعارى مەكتەپ ەمتيحان رەفورماسىن ۇزبەي تەرەڭدەتىپ، جاڭادان قۇراستىرىلعان مىندەتتى وقۋ - اعارتۋ وقىتۋ ماتەريالدارى ارقىلى وقۋشىلاردىڭ كىتاپ وقۋ اۋەسىن جەتىلدىرىپ، ساباقتان كەيىنگى قىزمەت وتەۋدى مولايتۋدى دارىپتەپ، وقۋشىلاردى مەكتەپ اۋلاسى مادەنيەت قيمىلدارىن جانە قوعامدىق ۇلكەن ساباقحانانى ورىستەتۋگە ۇيىمداستىرىپ، وقۋشىلاردىڭ جان - جاقتىلى دامۋىن جەبەدى.

  كۇن ساۋلەسى شۋاعىن شاشىپ، ايلار - جىلدار بويى يگىلىككە جەتەلەدى. شىقپەن نارلەنگەن قاۋاشاق تۇبىندە جايقالا اشىلادى.

  ”ءتورتىنشى اڭگىمە“

  كەزىندەگى ”ناشار وقۋشى“ ”دارىندى بولىپ جەتىلۋ جولى“نا ءتۇستى

  ”كاسىپتىك وقۋ - اعارتۋ ەلىمىز وقۋ - اعارتۋ جۇيەسىنىڭ ماڭىزدى قۇرامداس بولىگى، جوعارى ساپالى تەحنيكالىق قابىلەتكە يە دارىندىلاردى جەتىلدىرۋدەگى نەگىزدىك ينجەنەريا، جوعارى - تومەن بىرگە قۇلشىنىپ ونان ارى جاقسى جۇرگىزۋ كەرەك“.

  بۇل 2015 - جىلى باس شۋجي شي جينپيڭ گۇيجوۋدا تەكسەرۋ - زەرتتەۋ جۇرگىزگەندە كاسىپتىك وقۋ - اعارتۋ جونىندە بەرگەن ماڭىزدى نۇسقاۋى.

  4 جىل وتە شىقتى، وسى ءسوزدى ەسكە العاندا بيىل جوعارى دارەجەلى كاسىپتىك مەكتەپتى تاۋىسقان لي ميڭياڭ تولقىعان سەزىمىن باسا المادى: ”باس شۋجي شي جينپيڭنىڭ ءدال وسى شابىتتاندىرۋى بولعاندىقتان، مەن’ناشار وقۋشى‘ كەسىرىنەن ارىلىپ، ’دارىندى بولىپ جەتىلۋ جولى‘نا ءتۇستىم“.

  ءبىر مەزەت لي ميڭياڭ ءومىر جولىندا تىعىرىققا تىرەلگەندەي سەزىنگەن ەكەن.

  تولىق ورتا مەكتەپكە وقۋشى قابىلداۋ ەمتيحانىندا نەبارى 200 نەشە ءنومىر الىپ، ورتالاۋ مەكتەپ بىتىرگەن لي ميڭياڭ ”وقۋعا تۇسە الماۋ“داي مۇشكىل جاعدايعا ءدوپ كەلگەندە، كاسىپتىك مەكتەپ شاراسىزدان تاڭداعان ”لاج“ىنا اينالادى.

  2015 - جىلى 6 - ايدا باس شۋجي شي جينپيڭ گۇيجوۋ ولكەسى مەحانيكا ونەركاسىپ مەكتەبىنىڭ ناقتىلى ماشىق بازاسىنا باردى، لي ميڭياڭ مەن ساباقتاستارى ماشينامەن مانەرلەۋ، سيفرمەن مەڭگەرىلەتىن ستانوك، قۇلتەمىر كورسەتپەلى وقىتۋى، لازەرمەن باسىپ شىعۋ سياقتى ساباقتاردان ناقتىلى ماشىق جاساپ جاتقان ەدى. باس شۋجي شي جينپيڭ ولاردىڭ اراسىنا بارىپ، ولاردىڭ مەڭگەرۋىن كورىپ، ۇيرەنۋ اسەرلەرىن سۇراپ ۇعىستى.

  ”ءار سالا، ءار كاسىپ قىرۋار عىلىم - تەحنيكا دارىندىلارىن قاجەت ەتەدى، قىرۋار شەبەرلىگى بار دارىندىلاردى دا قاجەت ەتەدى، بارلىق ادام ءوزىنىڭ بولاشاعىنا زور سەنىم ارتۋى كەرەك“. باس شۋجي شي جينپيڭنىڭ ءسوزى لي ميڭياڭ مەن ساباقتاستارىنىڭ كوڭىلىن ورنىقتىردى.

  قاعىلەز لي ميڭياڭ مىنا ءبىر قاعيدانى ۇعىنا باستادى: تۋمىسىمنان پايدالىمىن جاھانعا. دارىنىمدى وزىمە ءتان سالادا ەمىن - ەركىن ايگىلەسەم، قالايشا تابىسقا جەتە المايمىن؟

  وتكەندەگى اڭتارىلۋدى ماماندىعىن شىن پەيىلىمەن جاقسى كورۋگە اينالدىرا بىلگەن ازامات تاڭ اتقاننان كەش باتقانشا تاجىريبەحانادا ”ومالىپ“ وتىرىپ تەحنيكانى ۇڭىلە زەرتتەيتىن بولدى. قولى ءتىلىنىپ جارالانىپ كەتسەدە قۇشتارلىعىن توقتاتپادى. 2016 - جىلى ول مەكتەپ اتىنان 44 - كەزەكتى دۇنيە جۇزىلىك شەبەرلىك جارىسىنىڭ ىرىكتەۋ جارىسىنا قاتىناسىپ، كوپتىڭ ءۇمىتىن اقتاپ، جۇلدەگەر بولىپ ورالدى.

  كاسىپورىندار جان - جاقتان جۇمىسقا شاقىرسا، مەكتەپ ناقتى ماشىق مۇعالىمى بولۋعا ۇسىنىس ەتتى... كەزىندەگى ”ناشار وقۋشى“ جايراڭ قاعىپ ءوز ومىرىنە بۇرىلىس جاساۋدى جۇزەگە اسىردى.

  لي ميڭياڭمەن بىرگە ”بۇرىلىس جاساعاندار“ كاسىپورىنداردىڭ ادام ىستەتۋ قاجەتىنە ىلەسكەن كاسىپتىك مەكتەپتەر. لي ميڭياڭ وقۋ بىتىرگەن جوعارى دارەجەلى كاسىپتىك مەكتەپ گۇيجوۋ جابدىق جاساۋ كاسىپتىك شۋەيۋانىن مىسال ەتسەك، شۋەيۋان بازاردىڭ قاجەتىنە ساي جاڭادان ونەركاسىپ قۇلتەمىرى، 3D پرينتەرلەۋ، ۇلكەن ساندى مالىمەت شاقىرۋى سياقتى ماماندىقتار مەن ساباقتار اشتى ءارى وزىق جابدىق ساتىپ الىپ، وقىتۋ قاتتى بولشەكتەرىن جاقسارتتى. سوڭعى جىلدارى وسى مەكتەپتىڭ وقۋ بىتىرگەن وقۋشىلارى تۇتاس ولكەگە تارالىپ، جابدىق جاساۋ شەبەرلىگى دارىندىلارىنىڭ جالىندى قوسىنىنا اينالدى.

  وزىنە لايىق ارتىقشىلىعىن ءدال تاپسا، كاسىپتىك وقۋ - اعارتۋدىڭ وقۋشىلارى دا ”شەكسىز“ الەۋەتىن ايگىلەي الادى. لي ميڭياڭ ءوز ومىرىندە بولاشاعىنىڭ نۇرلى، تاماشا بولاتىندىعىنا تولىق سەنىم ارتتى.

  ”ءتىلشى ەستەلىگى“

  ءبىر ۇلتتىڭ گۇلدەنۋى دارىندىلار باعىنداعى الۋان گۇلدەردىڭ تەگىس اشىلۋىن قاجەت ەتەدى. بىزدە چىن جيڭرۇن، تۋ يوۋيوۋ بار، ”ءىرى ەل شەبەرلەرى“ دە بار.

  2014 - جىلى باس شۋجي شي جينپيڭ كاسىپتىك وقۋ - اعارتۋدى جەدەل دامىتۋعا ماڭىزدى نۇسقاۋ بەرىپ، ”ءجۇز ميلليونداعان جوعارى ساپالى ەڭبەكشىلەر مەن تەحنيكالىق شەبەرلىك دارىندىلارىن قۇلشىنا باۋلۋ“ كەرەكتىگىن باسا دارىپتەگەن بولاتىن. مەملەكەتتىك كەڭەس وسى زامانعى كاسىپتىك وقۋ - اعارتۋدى جەدەل دامىتۋ جونىندە قارار باسىپ تاراتتى، ولكە، مينيسترلىكتەر مەملەكەتتىك كاسىپتىك وقۋ - اعارتۋ رەفورماسى سىناق رايونىن بىرلەسىپ قۇردى، «مەملەكەتتىك كاسىپتىك وقۋ - اعارتۋ رەفورماسىن اتقارۋ جوباسىن» باسىپ تاراتتى... ەلىمىزدىڭ كاسىپتىك وقۋ - اعارتۋدى دامىتۋى ”قارقىندى جول“عا ءتۇستى.

  كۇن سايىن دامىعان كاسىپتىك وقۋ - اعارتۋ دارىندىلاردى جەتىلدىرۋدىڭ ”ايقاسپالى كوپىرىن“ سالدى. سانسىز ”لي ميڭياڭ“ توپتالسا، ”بارلىق ادام دارىندى بولىپ، بارلىق ادام ءوز دارىنىن ايگىلەي الاتىن“ قوعامدىق راي قالىپتاسىپ، ۇردىسكە اينالارى حاق.

  (تىلشىلەر شى يۇيسىن، ۋ گۋاڭيۇي، لياڭ ايپيڭ، جاۋ ۋانۋي، لو فەي)

  (شينحۋا اگەنتتىگىنىڭ 8 - ايدىڭ 7 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى