اعاجاي-التاي تورابى   ›   مادەنيەت ارناسى   ›   ونەگە

وقۋشىلارىنا تاپسىرما بەرىپ، تانىمال تۇلعاعا اينالعان مۇعالىمنىڭ كەڭەستەرى

  وقۋشىلارىنا تاپسىرما بەرىپ، تانىمال تۇلعاعا اينالعان مۇعالىمنىڭ كەڭەستەرى

  يتاليا تەڭىز جاعالاۋىنىڭ بويىندا ورنالاسقان فەرمو قالاشىعىنداعى Polo Scolastico Paritario Don Bosco مەكتەبىنىڭ مۇعالىمى چەزارە كاتا (Cesare Catا) وقۋشىلارىنا جازعى دەمالىستا ورىنداپ كەلەتىن 15 تاپسىرما بەرىپ، الەۋمەتتىك جەلىلەردە تانىمالعا اينالدى.

  چەزارە كاتانىڭ جازعى دەمالىستا وقۋشىلارعا بەرگەن ءۇي تاپسىرماسى مىناداي:

  1.تاڭەرتەڭ جاعاجايدا جالعىز سەرۋەندەپ، كۇن ساۋلەسىنە قاراپ، ءسىزدى نە باقىتتى ەتەتىنى تۋرالى ويلانىڭىز.

  2. بيىل ءبىز ۇيرەنگەن جاڭا سوزدەردى قولدانۋعا تىرىسىڭىز. نەعۇرلىم كوپ ايتا الساڭىز، سوعۇرلىم قىزىقتى بولادى. سىزدە قانشا يدەيا بولسا، سوعۇرلىم ەركىن بولاسىز.

  3. وقىڭىز! قانشا كوپ وقىساڭىز سونشا جاقسى. سەبەبى جاز - بۇل ارمان مەن شىتىرمان وقيعالار، ال وقۋ – ۇشۋ سياقتى. وقىڭىز، ويتكەنى وقۋ ب ۇلىكتىڭ ەڭ جاقسى ءتۇرى ء(دال نەنى وقۋ كەرەكتىگى تۋرالى كەڭەس الۋ ءۇشىن ماعان كەلىڭىز).

  4. جاعىمسىز جانە بوس سەزىنەتىن بارلىق نارسەلەردەن (جاعدايلار مەن ادامداردان) اۋلاق بولىڭىز. ءسىزدى بايىتا تۇسەتىن، ءسىزدىڭ بار ەكەنىڭىزدى سەزىنەتىن شابىت پەن دوستار ىزدەڭىز.

  5. ەگەر وزىڭىزدە كۇيزەلىس پەن مازاسىزدىقتى سەزىنسەڭىز ۋايىمداماڭىز: جاز كەز-كەلگەن باسقا ماۋسىمدار سياقتى الاڭداۋشىلىق تۋدىرۋى مۇمكىن. كۇندەلىك جازىڭىز، ءوزىڭىزدى قالاي سەزىنەتىندىگىڭىزدى بايانداڭىز ( ەگەر قالاساڭىز قىركۇيەكتە ءبارىمىز بىرگە وقيمىز).

  6. بي بيلەپ، ەشتەڭەدەن ۇيالماڭىز. بارلىق جەردە: بي الاڭىندا بولسىن، بولمەڭىزدە بولسىن. جاز – بۇل بي، وعان قاتىسپاۋ اقىماقتىق.

  7. تىم بولماعاندا كۇننىڭ شىعۋىن ءبىر رەت قارسى الىڭىز. سابىرلى بوپ، تەرەڭ دەم الىپ جانە كوزىڭىزدى جۇمىپ مىنا دۇنيەنىڭ تابيعي دىبىستارىن تىڭداڭىز.

  8. سپورتپەن كوبىرەك اينالىسىڭىز.

  9. جاقسى كورەتىن ادامدى كەزدەستىرگەندە، وعان سەزىمىڭىزدى ادەمى ءھام سەنىمدى تۇردە جەتكىزىڭىز. ول ءسىزدى تۇسىنبەيدى دەپ قورىقپاڭىز. ەگەر ەشتەڭە شىقپاسا، بۇل تاعدىر ەمەس. ەگەر ءتۇسىنىپ، جاۋاپ بەرسە، جازدى بىرگە وتكىزەسىز جانە بۇل التىن عاسىرعا اينالادى. ء(ساتسىز بولعان جاعدايدا 8 تاپسىرماعا قايتا ورالىڭىز).

  10. ساباقتى قايتا قاراستىرىڭىز: وقىعاندى ومىرىڭىزدە بولىپ جاتقان وقيعالارمەن سالىستىرىڭىز.

  11. كۇن نۇرى سياقتى باقىتتى، تەڭىز سياقتى ەركىن بولىڭىز.

  12. ءوتىنىش، ەشقاشان جانجالداسپاڭىز. ۇنەمى مەيىرىمدى ءھام كەشىرىمدى بولىڭىز.

  13. اعىلشىن ءتىلىن ءبىر ۋاقىتتا جاقسارتۋ، سەزىنۋ جانە ارمانداۋ ءۇشىن ەموتسيونالدى ديالوگتارمەن جاقسى فيلمدەردى (مۇمكىن بولسا، اعىلشىن تىلىندە) كورىڭىز. فيلم ءسىز ءۇشىن سوڭعى تيترمەن اياقتالۋى كەرەك ەمەس. ونى قايتا-قايتا سۇرىپتاپ، قورىتىندى جاساڭىز. مۇنى وسى جازدىڭ تاجىريبەسىنە قوسىڭىز.

  14. جاز – تاماشا ماۋسىم. تاڭەرتەڭگى كۇن نۇرىن جانە جازدىڭ جارقىراعان تۇنىندە ءومىر قانداي بولۋ كەرەك ەكەندىگى تۋرالى ارمانداڭىز. ارمانىڭىزعا جەتۋ جولىندا شەگىنبەۋ ءۇشىن بارىنشا ارەكەت ەتىڭىز.

  15. جاقسى ادام بولىڭىز!

جاۋاپتى رەداكتور: ءاننا اكىمقان قىزى
  • نەگىزگى تاقىرىپتىق تاربيەنى تىڭعىلىقتى ورىستەتىپ، جاڭا دامۋ ۇستانىمىن مىقتاپ ورناتتى جۇندۇڭدى وسى زامانعى كومىر حيميا ونەركاسىپ كاسىپ سالاسى بويىنشا ۇلگى كورسەتۋ رايونى ەتىپ شىن مانىندە قۇرۋ كەرەك
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى