اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شىرعاناق تىرەكتى كاسىپكە اينالدى

  التاي گازەتىنىڭ ٴتىلشىسى سەرىك پەن ەرىكتى ٴتىلشى جارقىن حابارلايدى. بۋىرشىن اۋدانى ويماقى قالاشىعى توقىمتاي قىستاعىنىڭ تۇرعىنى لي جىڭشين كوپ جىلدىڭ الدىندا ۇلىمەن بىرگە 600 مۋ جەردى كوتەرەگە الىپ، سىناق رەتىندە شىرعاناق ەكتى ٴارى وسى جەرى ارقىلى اۋقاتتانۋ بارىسىندا ۇكىمەتتىڭ كومەگىنە يە بولىپ، اۋقاتتانۋدىڭ ۇلگىسىنە اينالدى. العاشىندا لي جىڭشين اكەلى ـ بالالاى ەكەۋى شىرعاناقتى جاقسى ەگۋگە بەل بايلاسا، ٴبىر جاعىنان، ۇكىمەتتىڭ ۇندەۋىنە بەلسەنە ٴۇن قوسىپ، ەندى ٴبىر جاعىنان، جەرگىلىكتى ورىنداعى ساياحات كاسىبىنىڭ دامۋ بولاشاعىن كورىپ، ساياحات قاۋىرت مەزگىلىندە بۋىرشىن اۋدانىندا وندىرىلگەن شىرعاناق ونىمدەرىن بازارعا سالىپ، ساياحاتشىلاردى وزىنە باۋراپ، شىرعاناق ەگىمشىلىگىمەن شۇعىلدانعان وتباستارىنا ۇلگى بولدى. قازىر ونىڭ وتباسى شىرعاناق سۋسىنىن ساتۋ، شىرعاناق ٴۇزۋ، سەيىلدەۋ ٴبىر تۇلعالانعان شاعىن اۋىل شارۋاشىلىق بازاسىنا اينالدى. ول ەندى ٴبىر جاعىنان، شىرعاناق اتىزىنا الما اعاشىن دا قوسا ەكسە، اۋلا ماڭىنان كوكونىستەرى دە جايقالىپ ۇلگىردى. ال، باعىمشىلىق ورنىنا سيىر، قوي، تاۋىق، ۇيرەك، قاز باعىپ، شارۋاشىلىعىن ونان ارى شالقىتا ٴتۇستى.

  لي جىڭشين تىلشىگە بىلاي دەدى: «جەرگىلىكتى ۇكىمەتتىڭ كۇش سالا قولداعانىنا العىس ايتامىز، اۋداندىق ورمان شارۋاشىلىعى مەكەمەسى كوشەتپەن قامداپ، كوشەتتىڭ جەتىلۋىنە كەپىلدىك ەتتى. شىرعاناق ادەتتە ٴۇش جىلعا دەيىن ٴونىم بەرمەيدى، وسى مەزگىلدە ۇكىمەت تاراۋلارى ٴار مۋىنا 200 يۋان قوسىمشا كومەك قارجى بەرىپ تۇردى». لي جىڭشين شىرعاناقتان جىلىنا 130 توننا ٴونىم الادى ەكەن، ٴار جىلى شىرعاناق ۇزەتىن مەزگىلدە 100 دەن اسا ادام ىستەتسە، 17 ەڭبەكشىمەن ۇزاق ۋاقىتقا كەلىسىم جاساسىپتى. ولار نەگىزىنەن قىستاقتاعى تومەن كىرىستى وتباسى مەن «بەستە قامدالاتىن» وتباسىنىڭ ەڭبەككەرلەرى.

  ۇعىسۋعا قاراعاندا، بۋىرشىن اۋدانىنىڭ قازىرگە دەيىنگى شىرعاناق ەگىلگەن جەر اۋماعى 93 مىڭ 900 مۋعا جەتىپ، جەمىس بەرەتىن شىرعاناق اتىزى 30 مىڭ مۋدان اسقان كورىنەدى. جىلدىق جەمىس ٴونىمى 5000 تونناعا بارابار ەكەن.

جاۋاپتى رەداكتور: ءاننا اكىمقان قىزى
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى
  • 2019-جىلعى قۇربان ايت دەمالىسى تۋرالى ۇقتىرۋ