اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

جۇڭگو . التاي تۇڭعىش كەزەكتى حالىقارالىق التىن، اسىل تاس، قاس تاسى مادەنيەت مەرەكەسىنىڭ ءتۇرلى دايىندىق قىزمەتتەرى ٴتارتىپتى ءجۇرىلدى

  التاي گازەتىنىڭ ءتىلشىسى جۇڭ چۇنچۇن حابارلايدى. 8 ـ ايدىڭ 2 ـ كۇنى ءتىلشى قاتىستى تاراۋلاردان مىنانى ۇعىستى: 8 ـ ايدىڭ 18 ـ كۇنى وتكىزىلەتىن جۇڭگو .التاي تۇڭعىش كەزەكتى حالىقارالىق التىن، اسىل تاس، قاس تاسى مادەنيەت مەرەكەسىنىڭ ءتۇرلى دايىندىق قىزمەتتەرى ٴتارتىپتى جۇرىلۋدە. سول كۇنى، ءتىلشى قىزمەتكەرلەرمەن بىرگە نەگىزگى كورمە سارايى ايماقتىق دەنەتاربيە سارايىنا كەلدى، ول جۇمىسشىلاردىڭ قاربالاس ەكەنىن، قاتىستى جۇمىستار 8 ـ ايدىڭ 10 ـ كۇنى اقىرلاساتىنىن ۇعىستى.

  كورمە ورنىندا، جۇمىسشىلار ماتەريالداردى تاسىمالداپ، ولشەپ تۇپتەپ، تىرەۋىشتى تۇراقتاندىرىپ، كورمە شكابىن ورناتىپ جاتتى. قۇرىلىس حاۋىپسىزدىگىن قامتاماسىزداندىرۋ ءۇشىن، ناق مايداندا ەلەكترمەن دانەكەرلەۋ جانە اشىق وت ىستەتۋگە تيىم سالىنعان، بارلىق كورمەنىڭ جۇمىسى 8 ـ ايدىڭ 14 ـ كۇنىنەن بۇرىن ورىندالىپ، 8 ـ ايدىڭ 15 ـ كۇنى باستالادى.

  «قازىر كورمە ورنىنا ساۋداگەر شاقىرۋ قىزمەتى ورىندالىپ بولدى، كورمە ورىندارىنىڭ قۇرىلعىسى نەگىزىنەن ورىندالدى، كەلەسى قادامدا ورنالاستىرۋ ساتىسىنا وتپەكشى. بۇل رەتكى قيمىلدى وتكىزۋ ارقىلى ايماقتىڭ بايلىق ابزالدىلىعى مەن مادەنيەت مايەگىن بەلسەنە ۇگىتتەپ، ايماقتىڭ ساياحات كاسىبىن نەگىزگى تۇلعا ەتكەن ەكونوميكانىڭ جوعارى ساپالى دامۋىن شىنايى ىلگەرىلەتۋ» ـ دەدى اكىمشىلىك مەكەمەسىنىڭ ورىنباسار باس حاتشىسى چىن گاڭ.

  سونىمەن بىرگە، جۇڭگو . التاي تۇڭعىش كەزەكتى حالىقارالىق التىن، اسىل تاس، قاس تاسى مادەنيەت مەرەكەسى مەزگىلىندەگى ءوندىرىس حاۋىپسىزدىگى قىزمەتىن جاقسى ىستەپ، ءتۇرلى كومەسكى كىناراتتاردى جويۋ ءۇشىن، جاقىنعى كۇندەردەن بەرى، ايماقتىق شۇعىل جاعدايعا توتەپ بەرۋ، باسقارۋ مەكەمەسى التاي قالالىق قوعام حاۋىپسىزدىگى مەكەمەسى، بازار باقىلاپ ـ باسقارۋ مەكەمەسى، شۇعىل جاعدايعا توتەپ بەرۋ، باسقارۋ مەكەمەسى، قاتىناس ـ تاسىمال مەكەمەسى، مادەنيەت ـ دەنەتاربيە، راديو ـ تەلەۆيزيا جانە ساياحات مەكەمەسى قاتارلى تاراۋلارمەن بىرلەسىپ تەكسەرۋ گرۋپپاسىن قۇرىپ، مادەنيەت مەرەكەسىنە قاتىستى ورىندارعا جالپى بەتتىك تەكسەرۋ جۇرگىزدى.

  «ءاربىر ورىننىڭ ءورت ءوشىرۋ، ەلەكتردەن پايدالانۋ قاتارلى جۇمىستارىنىڭ حاۋىپسىزدىگىن قامتاماسىزداندىرۋ ءۇشىن، ايماقتىق شۇعىل جاعدايعا توتەپ بەرۋ، باسقارۋ مەكەمەسى باس بولىپ بىرنەشە تاراۋلارمەن بىرىگىپ تەكسەرۋ قىزمەتىن ورىستەتىپ، قيمىل ورنىنىڭ ەلەكتردەن پايدالانۋ جانە ءورت ءوشىرۋ قاتارلى حاۋىپسىزدىك قۇرىلعىلارىنا تەكسەرۋ جۇرگىزىپ، مادەنيەت مەرەكەسىنە تاماشا ءوندىرىس حاۋىپسىزدىك ورتاسىن جاراتتى» ـ دەدى ايماقتىق شۇعىل جاعدايعا توتەپ بەرۋ، باسقارۋ مەكەمەسى ءوندىرىس حاۋىپسىزدىگى نەگىزگى ءبولىمىنىڭ باستىعى جۋ فاجىڭ.

  تانىستىرۋعا قاراعاندا، كورمەدە رەت ءتارتىپ زالى، التاي مينەرال كريستال زالى، اسىل تاس زالى، گاۋھار زالى، التىن زالى، سونداي ـ اق تاس تاماشالاۋ زالى قاتارلىلار بار، بولمە ىشىندە 79 كورمە ورنى، بولمە سىرتىندا 221 كورمە ورنى بار بولىپ، نەگىزىنەن اسەمدىك تاستار، سابالاق قاس تاسى، حوتان قاس تاسى، سارى التىن، مەتوريت، جاھۇت، كريستال، يانتار قاتارلىلار بار، سارا بۇيىمدار سارايى ءارقايسى ولكەدەن، ءارقايسى ايماق، وبلىستان تاڭدانىپ شىققان ۋاكىلدىك سيپاتقا يە قاس تاستاردى كورمەگە قويۋمەن بىرگە، ارناۋلى باعالاۋ ۇيىرمەسىن كورمە بۇيىمدارىن باعالاۋعا ۇيىمداستىرادى.

جاۋاپتى رەداكتور: ءاننا اكىمقان قىزى
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى
  • 2019-جىلعى قۇربان ايت دەمالىسى تۋرالى ۇقتىرۋ