اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قابا اۋدانى جىلقى شارۋاشىلىعىن دامىتىپ، اۋقاتتانۋ ارناسىن كەڭەيتتى

  التاي گازەتىنىڭ ءتىلشىسى مەرەي كارىباي قىزى حابارلايدى. جاقىنعى جىلداردان بەرى، قابا اۋدانى مال شارۋاشىلىق باعىمشىلىعى جاعىندا مالشىلاردىڭ مال ءناسىلىن ۇزدىكسىز رەتتەپ جانە ساپالىلاندىرىپ، باعىمشىلىق كاسىبىنىڭ جوعارى ساپالى دامۋ جولىنا ءتۇسۋىن جەبەدى. جايىلما اۋىلى تامشي قىستاعى 1 ـ توپتاعى ۇلگى كورسەتۋ قىستاعى بولعاندىقتان، جىلقى شارۋاشىلىعىن دامىتۋدى تۇتاس قىستاقتىڭ دامۋىن جەبەيتىن، قىستاق تۇرعىندارىنىڭ كىرىسىن ارتتىراتىن قامال الۋ ءتۇيىنى ەتتى ءارى ءناسىلدى جىلقى باعۋ، ورگانيكالىق جىلقى ەتىن مانەرلەۋ، قىمىز اشىتۋ قاتارلىلار جٶنىندە كۋرس اشىپ، قىستاق تۇرعىندارىن جىلقى شارۋاشىلىعىن دامىتۋ جٶلىنا تۇسۋگە باستادى.

  تامشي قىستاعى مالشىلىق قىستاق، مۇنداعى باسىم كوپ ساندى تۇرعىن ءداستۇرلى باعىمشىلىقپەن شۇعىلدانىپ، كوشپەندى تۇرمىس كەشىرىپ كەلەدى. ءداستۇرلى باعىمشىلىق ادەتىنىڭ اسەرىنەن قىستاق تۇرعىندارىنىڭ كىرىسىن ۇزدىكسىز ورنىقتى ارتتىرۋ قيىنعا سوعىپ كەلدى.

  جىلقى شارۋاشىلىعىن دامىتۋ بارىسىندا، قابا اۋدانى «ياچەيكا + سەلبەستىك كووپەراتيۆى + باعىمشىلىق وتباسى» تاسىلىنەن پايدالانىپ، ياچەيكا باس بولىپ جىلقى شارۋاشىلىعى باعىمشىلىق كووپەراتيۆىن قۇرىپ، يدەياسى وزىق ءارى بەلگىلى باعىمشىلىق تاجىريبەسىنە يە قىستاق تۇرعىندارىن جىلقى شارۋاشىلىعىن دامىتۋعا اتتانىسقا كەلتىردى. بيىل 50 جاستاعى كاكەن اتباي ۇلى جىلقى باعىمشىلىعى ارقىلى اۋقاتتانعان كوپتەگەن قىستاق تۇرعىندارىنىڭ ءبىرى. قازىر ونىڭ باعىپ جاتقان جىلقىسى 70 باستان اسادى، كۇنىنە 60 كيلوگرامنان استام ٴسۇت الادى، تەك قىمىز ساتۋدىڭ وزىنەن كۇنىنە 1200 يۋان اينالاسىندا كىرىس كىرگىزەدى. كاكەندە وسى سەبەپتى قىستاقتاعى جىلقى شارۋاشىلىعىن دامىتۋداعى ۇلگى كورسەتۋ وتباسىنا، جەرگىلىكتى ورىندا اتى ايگىلى اۋقاتتى وتباسىنا اينالدى.

  كاكەن تىلشىگە بىلاي دەدى: «تۋ باستا 5 جىلقى باقتىم، ول جىلى 30 مىڭ يۋان كىرىس كىرگىزدىم. ەكىنشى جىلى جىلقى سانىن 8 گە جەتكىزىپ، 50 نەشە مىڭ يۋان كىرىس كىرگىزدىم. ٴسويتىپ باعىمشىلىق كولەمىمدى بىرتىندەپ كەڭەيتىپ، كىرىسىم دە مولايا ءتۇستى».

  جىلقى باعىمشىلىعىمەن شۇعىلدانعان العاشقى كەزدە، كاكەن جىلقى قورا سالاتىن قارجىنىڭ كەمشىلدىگى سەبەبىنەن جىلقى باعۋدان باس تارتپاقشى بولادى. قىستاق بۇل احۋالدان حاباردار بولعاننان كەيىن، ءتۇرلى ارنالادان پايدالانىپ، وعان 120 مىڭ يۋان سۇيەمەلدەۋ قاراجاتىن قولعا كەلتىرىپ، ونىڭ قىستاق بويىنشا تۇڭعىش ولشەمدەنگەن جىلقى قورا سالۋىن قولدايدى. بۇگىنگى كۇندە، ول جىلقى ەتىن، قىمىزىن ساتۋدان جىلىنا 150 مىڭ يۋان كىرىس كىرگىزۋدە.

  كاكەن بىلاي دەدى: «بۇگىنگىدەي تاماشا تۇرمىسقا جەتۋىم پارتيا مەن ۇكىمەتتىڭ جاقسى ساياساتىنىڭ ارقاسى. بۇدان بىلاي، ۇلگى باستاماشىلدىق رولىمدى ويداعىداي ساۋلەلەندىرىپ، اناعۇرلىم كوپ ادامدى مەنىمەن بىرلىكتە اۋقاتتانۋ جولىنا تۇسۋگە باستايمىن».

  وسى بىرنەشە جىلدا، كاكەن سىرتقا شىعىپ تەحنيكا ۇيرەنۋگە قاتىناسىپ جىلقى باعىمشىلىعى وزىق تاجىريبەسىن ۇيرەندى. جاقىندا، ول تاعى ەلەكترلى جىلقى ساۋۋ ماشيناسىنان 5 ىن ساتىپ الىپ، جىلقى ساۋۋ ونىمدىلىگى مەن ساپاسىن ۇزدىكسىز جوعارىلاتىپ، جىلقى شارۋاشىلىعىن اناعۇرلىم وركەندەتۋگە دايىندىق جاسادى.

  كاكەن بىلاي دەدى: «كەلەر قادامدا، جىلقى شارۋاشىلىعىن دامىتۋ سەرىكتەستىگىن قۇرىپ، قىستاعىمىزدىڭ ورگانيكالى، جاسىل ءتۇستى قىمىز، جىلقى ەتى قاتارلى ابزال بايلىعىنان پايدالانىپ، جىنتىكتەي مانەرلەۋ كاسىپورنىن قۇرىپ، قىستاق تۇرعىندارى مەن اناعۇرلىم كوپ ادامدى اۋقاتتانۋ جولىنا باستاۋدى جوسپارلاپ وتىرمىن».

جاۋاپتى رەداكتور: ءاننا اكىمقان قىزى
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى
  • 2019-جىلعى قۇربان ايت دەمالىسى تۋرالى ۇقتىرۋ