اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۋىرشىن: ەرەكشە ەگىنشىلىك ارقىلى اۋقاتتانعان ەگىنشىلەر

  التاي گازەتىنىڭ ۇسىنىس ەتىلگەن ءتىلشىسى لي حۇيلين مەن ەرىكتى ءتىلشى جياڭ يەجۇن حابارلايدى. جازدا، بۋىرشىن اۋدانى ويماقى قالاشىعى اقبەيت قىستاعىنداعى 1000 مۋلىق بەديان ەگىنشىلىك بازاسىندا قوش ءيىس اڭقيدى.

  بيىل جىل باسىندا، اقبەيت قىستاعى «ەكى كوميتەتى» القاسىنداعىلار جانە «حالىق جاعدايىن ۇعىسۋ، حالىققا تيىمدىلىك جاساۋ، حالىق تىلەگىن توعىستىرۋ» قيمىلى بويىنشا قىستاقتا تۇراتىن قىزمەت اترەتى تەكسەرۋ جانە ەگىن شارۋاشىلىق مامانىنان كەڭەس سۇراۋ ارقىلى اقبەيت قىستاعىنىڭ كىليمات شارت ـ جاعدايى بەديان ەگۋگە ەرەكشە ۇيلەسەتىندىگىن انىقتايدى. سونىمەن قىستاق تۇرعىندارىن وزىندىك قۇنى تومەن، ەگۋگە قولايلى، ەكونوميكالىق ونىمدىلىگى جوعارى بەديان ەگۋگە باستادى.

  «بەدياننىڭ تۇلا بويى اسىل، ودان كوكونىس، دامدەندىرگىش جاساۋعا، دارىگە قوسىپ ىستەتۋگە بولادى. ونىڭ قورەكتىگى مول، قۇنى جوعارى، ءار كيلوگرامىن 8 يۋاننان، مۋلىق ءونىم مولشەرىن 180 كيلوگرامنان ەسەپتەيتىن بولساق، 1000 نەشە مۋ جەرىمنەن 200 نەشە مىڭ يۋان كىرىس كىرگىزۋگە بولادى. بۇدان سىرت، ءار مۋ جەرگە تاعى جۇڭگوشا ٴشوپ ءدارى ەگۋ قوسىمشا قاراجاتىنان 300 يۋان بار. قىستاقتا تۇراتىن قىزمەت اترەتى بەيتۇن قالاسى بەديان ءوندىرۋ ـ ساتۋدى جالپىلاستىرۋ كووپەراتيۆىمەن ساتۋ توقتامىنا قول قويىپ، بەديان ساتۋشىلاردى ۋايىمنان ارىلتتى» ـ دەدى ەگىنشى جاڭ يۇي قۋانىشتى بەينەدە.

  ەگىنشىلەردىڭ كىرىس كوزىن كەڭەيتۋ ءۇشىن، بۋىرشىن اۋدانى قىستاق تۇرعىندارىن ەگىنشىلىك قۇرىلىمىن زور كۇشپەن رەتتەپ ساپالاندىرۋعا بەلسەنە باستاپ، ەرەكشە ەگىنشىلىكتى دامىتىپ، كىرىس كوزىن ارتتىرۋدىڭ جاڭا جولىن اشتى. اۋداننىڭ اۋىل شارۋاشىلىق تەحنيكتەرى تۇقىم تاڭداۋ، جەر تەگىستەۋ، اتىز ـ ارىق باسقارۋ، دەرت ـ دەربەزدەن ساقتانۋ قاتارلى جاقتاردا اتىزعا بارىپ جەتەكشىلىك ەتىپ، «تەحنيكالىق جاقتان كەپىلدىك» ەتتى.

  7 ـ ايدىڭ 20 ـ كۇنى بۋىرشىن اۋدانى اۋىل شارۋاشىلىعى، اۋىل ـ قىستاق مەكەمەسىنىڭ شۇڭقىر قالاشىعى كۇشگەن قىستاعىندا تۇراتىن قىزمەت اترەتىنىڭ مۇشەلەرى سەكپىلگۇل ەگۋشى ياڭ چۇنمەيدىڭ وتباسىنا بارىپ، سەكپىلگۇلدىڭ ءوسۋ جاعدايىن كورىپ، سەكپىلگۇلدى تەرۋ مەزگىلىنە تاياپ قالعانىن، سۋارۋ مولشەرىن جاقسىراق تىزگىندەۋدى تاپتەشتەي تاپسىردى.

  «بيىل وتباسىمىز 20 مۋ جەرگە سەكپىلگۇل ەكتى. قازىر سەكپىلگۇلدىڭ بازار باعاسىنىڭ ءار كيلوگرامى 8 دە 10 يۋان، مۋ باسىندىق ءونىم مولشەرى 800 كيلوگرام، وسىلاي بولعاندا ءبىر مۋ جەردىڭ وزىنەن 7000 يۋاننان ارتىق كىرىس كىرگىزۋگە بولادى» ـ دەدى ياڭ چۇنمەي تىلشىگە.

  قىستاق تۇرعىندارىنىڭ كىرىسىن ارتتىرۋ ءۇشىن، كۇشىگەن قىستاعى ەرەكشە ەگىنشىلىكتى ءتۇيىن ەتىپ، «ءبىر قىستاقتا ءبىر ءونىم» بولۋدى كوزدەپ، «كووپەراتيۆ + بازا + ەگىنشىلەر وتباسى» تيجارات ۇلگىسى بويىنشا، ءوڭىر ەرەكشەلىگى ايقىن، قوسىمشا قۇنى جوعارى ەرەكشە ءونىمدى جاراتىپ، قىستاق تۇرعىندارىنىڭ كىرىس جولىن ونان ارى كەڭەيتتى.

  جاقىنعى جىلداردان بەرى، بۋىرشىن اۋدانى ەرەكشە اۋىل شارۋاشىلىق ونىمدەرىن توڭىرەكتەي ىزدەنىس جاساپ، ولشەمدەندىرۋ، ماركالاندىرىپ دامۋ جولىمەن، اۋىل شارۋاشىلىق ونىمدەرىنىڭ دامۋى ارقىلى ەگىنشىلەردىڭ كىرىسىن ارتتىرىپ اۋقاتتانۋ جولىنا باستادى. ساناققا نەگىزدەلگەندە، بيىل بۇل اۋداننىڭ ەگىستىك جەر كولەمى 465 مىڭ مۋ بولىپ، مۇندا 210 مىڭ مۋ جەرگە قۇمىل قاۋىنى، ءشول كۇرىش، جەر جاڭعاعى، ءتاتتى كارتوپ، ءشوپ دارىلەر قاتارلى ەرەكشە ەگىنشىلىك داقىلدارى ەگىلگەن.

جاۋاپتى رەداكتور: ءاننا اكىمقان قىزى
  •  «ەر جۇرەكتىلەردىڭ تاسى»— تەڭىز كوك جاقۇتى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى
  • 2019-جىلعى قۇربان ايت دەمالىسى تۋرالى ۇقتىرۋ