اعاجاي-التاي تورابى   ›   اقپارات ايدىنى   ›   سۋرەتتى حابارلار

 «ەر جۇرەكتىلەردىڭ تاسى»— تەڭىز كوك جاقۇتى

التىن تاۋدىڭ اسىل تاستارى

 «ەر جۇرەكتىلەردىڭ تاسى»— تەڭىز كوك جاقۇتى

  التىن تاۋدىڭ اسىل تاستارى

  جۇڭگو . التاي تۇڭعىش كەزەكتى حالىقارالىق التىن، اسىل تاس مادەنيەت مەرەكەسى 8-ايدىڭ 18-كۇنى سالتاناتپەن اشىلادى

  كۇنىنە ءبىر اسىل تاسپەن تانىساسىزدار

  بۇگىنگى تاماشالايتىندارىڭىز — كوك جاقۇت

  التاي ايماعىندا كەن ونىمدەرى قالىپتاسۋىنىڭ گەولوگيالىق شارت - جاعدايى بار، كەن بايلىعى مول، ٴتۇستى مەتال التىن جانە تەڭىز كوك جاھۇتى، كريستال، كوگىلدىر ٴمور قاتارلى باعالى تاستار مول شىعادى. قازىرگە دەيىن كەن ءتۇرىنىڭ 4 ۇلكەن توپتاعى 94 ٴتۇرى بايقالدى، «التايدىڭ ساي- سالاسى تولعان التىن» دەگەن ءسوز بار. ەرەكشە كەن بايلىعى دا التاي ايماعىنىڭ ٴبىر ۇلكەن ابزالدىلىعى.

  كوك جاقۇت بەريللي، الۋميندى قامتىعان كرەمني قىشقىل تۇزى سانالادى. كوك جاقۇتتىڭ رەڭى كوگىلدىر، كوك نەمەسە كوك جاسىل ٴتۇستى بولادى. ونىڭ وسى رەڭىنىڭ قالىپتاسۋىنداعى سەبەپ قۇرامىنداعى از مولشەردەگى تەمىر يونى، تۇنىق، تازا، قانىق اشىق كوك جانە سولعىن كوك تۇستىلەرى ەڭ جاقسى سانالادى. جاسىل تاس بەريللي - اليۋمين - كرەمني قىشقىلدى تۇزدى مينەرال سانالادى، كوك، جاسىل، كوك جاسىل تۇستى بولادى، جىلتىر كەلەدى، كوپ ساندىسى ءمولدىر، از ساندىلارى مولدىرلەۋ بولادى، التى كريستال جۇيەلى ، قاتتىلىعى 8 – 7.5.

  تەڭىز كوك جاقۇتى كرەمني قىشقىل تۇزى تۇرىندەگى كريستالعا جاتادى، ونىڭ ۇستىنە ۇقساماعان ٴتۇس شىعارا الادى.

  بۇل ۇقساماعان تۇستەر نەگىزىنەن كەن تاسىنىڭ قالىپتاسۋى مەن قالىپتاسۋ شارت- جاعدايىنا بايلانىستى بولادى.

  حروم قۇرامى بارلار: سولعىن جاسىل، قانىق جاسىل، كوك جاسىل، سارى جاسىل ءتۇستى جاسىل تاستار توتەنشە باعالى سانالادى.

  تەمىر قۇرامى بارلار: اسپان كوك نەمەسە تەڭىز سۋى تۇستەس كوك رەڭدى تۇستىلەر كوك جاقۇت سانالادى .

  قۇرامىندا تسەزي، ليتي جانە مارگانەتس بارلار: رەڭى روزاگۇلى تۇستەس كەلەدى، تسەزي جاسىل تاسى دەپ دە اتالادى.

  جاسىل ٴتۇستى تاستىڭ قۇرامىندا تەمىر باربولىپ سارى ٴتۇستى، سولعىن ليمون تۇستەس بولسا التىن رەڭدى جاسىل تاس دەپ اتالادى.

  توپاتيت تاسىنىڭ قۇرامىندا تيتان مەن تەمىر بار بولسا، باران قوڭىر ٴتۇستى قالىپتاستىرادى دا باران قوڭىر رەڭدى جاسىل تاس دەپ اتالعان.

  ٴتۇسسىز ٴمولدىر توپاتيت ءمولدىر جاسىل تاس دەپ اتالادى.

  اڭىزداردا ايتىلۋىنشا، تەڭىز كوك جاقۇتى تەڭىز تۇبىندە پايدا بولىپ، تەڭىز سۋىنىڭ جاۋھارى سانالعان، سوندىقتان، تەڭىزشىلەر ونى الىپ ٴمىناجات ەتىپ، تەڭىز ساپارىنىڭ حاۋىپسىز بولۋىن تىلەگەن، وسلايشا «باقىت تاسى» دەپ اتالعان. سونىمەن بىرگە، تەڭىز كوك جاقۇتى باقىت پەن جاستىق كوكتەمنىڭ بەلگىسى دەپ قارالعان، ادامدار ونى «ەر جۇرەكتىلەردىڭ تاسى» دەپ تە اتاعان. ول تاعى دا «3- ايدا پايدا بولعان تاس» سانالىپ، «ۇستامدىلىق پەن ەرلىكتىڭ»، «باقىت پەن عۇمىردىڭ» سيمۆولىنا اينالعان.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى
  • 2019-جىلعى قۇربان ايت دەمالىسى تۋرالى ۇقتىرۋ
  • ورتالىق اسكەري ىستەر كوميتەتى داڭق اتاعىن بەرۋ سالتىن وتكىزدى