اعاجاي-التاي تورابى   ›   مادەنيەت ارناسى   ›   بىلگەنگە مارجان

حانشايىمدارعا قاجەتتى كەڭەستەر

  ءاربىر ءۇي حانشايىمىنىڭ ءوز اس بولمەسىندە قولدانانتىن امال-تاسىلدەرى بولادى. سۇيىكتى تاعامدى دايىنداعاندا قولداناتىن ءتۇرلى قۋلىقتار مەن اسۇيگە قاجەت كەڭەستەردى نازارلارىڭىزعا ۇسىنامىز.

  1. كەۋىپ كەتكەن ىرىمشىكتى 20 مينۋت سۇتكە سالىپ السا، قايتا قالپىنا كەلتىرۋگە بولادى.

  2.پياز تۋراعاندا ەكىنشى بولىگى قالىپ قويسا، كەسكەن تۇسىنا ماي جاعىپ قويۋ كەرەك، سوندا بالعىندىعى ساقتالادى.

  3.كارتوپتى قايناتقاندا اسكوك، پياز نەمەسە 2 ءتىس سارىمساق سالىپ جىبەرسە، ءدامى ەرەكشە بولادى.

  4.جەمىستەردى پلاستماسسا تاقتايعا تۋراعان دۇرىس، سەبەبى اعاش تاقتاي شىرىندى بويىنا ءسىڭىرىپ الادى.

  5.ۇرمەبۇرشاقتى سۋعا قايناتقاندا ازداپ وسىمدىك مايىن تامىزسا جۇمسارادى ءارى ءدامى كىرەدى.

  6.گۇلدى قىرىققاباتتى قايناتقاندا قارايىپ نەمەسە ءتۇسى كەتىپ قالماس ءۇشىن 1 شاي قاسىق قانت سالۋ كەرەك.

  7.باۋىردى پىسىرمەي تۇرىپ، ءبىرىنشى سۇتكە سالىپ السا ءدامى ءتىل ۇيىرەدى.

  8.ەتتى پىسىرەر الدىندا ۇزاق ۋاقىت سۋعا سالمايدى.

  9.تسيترۋستى جەمىستەردى 5 مينۋت ىستىق سۋعا سالىپ السا، كوپ شىرىن شىعادى.

  10.كارتوپتان بوتقا جاساعاندا ىستىق ءسۇت قۇيعان دۇرىس.

  11.جەمىس-جيدەكتەردى سۇيەگىنەن تەز اجىراتۋ ءۇشىن مۇزداتقىشتا ءبىراز ۇستاۋ كەرەك.

  12.قىشقىل جەمىستەردەن شىرىن دايىنداعاندا ءبىر شىمشىم سودا قوسىپ جىبەرسە، ءدامى كىرەدى.

  13. اليۋميني ىدىستىڭ قۇرامىندا قىشقىل كوپ. ەگەر وعان جيدەكتەردى قايناتسا، توساپتىڭ ءتۇسى وزگەرەدى.

  14. قايماقتىڭ ساپاسىن انىقتاۋ ءۇشىن، 1 ستاقان ىستىق سۋعا 1 شاي قاسىق قايماق سالىپ ارالاستىرادى. جاقسى قايماق سۋمەن تەز ارالاسىپ كەتەدى، ال ساپاسىز ءونىم تۇبىندە شوگىپ قالادى.

  15.ىرىمشىكتى مۇزداتقىشتا ساقتاسا، بالعىندىعى كەتەدى.

  16.تۇزدالعان قىرىققابات پەن قياردى سورپانى ىدىسقا قۇيار الدىندا سالسا، ءدامى كەرەمەت ساقتالادى.

  17.اقجەلكەن مەن اسكوكتى گازەتتىڭ ورتاسىنا سالىپ ساقتاسا، ءتۇسىن ساقتاپ قالادى ءارى جاقسى كەبەدى.

جاۋاپتى رەداكتور: ءاننا اكىمقان قىزى
  • تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى
  • 2019-جىلعى قۇربان ايت دەمالىسى تۋرالى ۇقتىرۋ
  • ورتالىق اسكەري ىستەر كوميتەتى داڭق اتاعىن بەرۋ سالتىن وتكىزدى
  • جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان شينجياڭنىڭ ارناۋلى اقپار جاريالاۋ ءماجىلىسى بەيجيڭدە وتكىزىلدى