اعاجاي-التاي تورابى   ›   اقپارات ايدىنى   ›   سۋرەتتى حابارلار

تارباعاتاي ايماعىنىڭ 22-كەزەكتى اقىندار ايتىسى ءوز مارەسىنە جەتتى

 

   ءتىلشى قىمبات دىڭعازى قىزى تارباعاتاي ايماعى ءدوربىلجىن اۋدانىنان حابارلايدى. 8-ايدىڭ 1-، 2-كۇنى، ەكى كۇندىك ۋاقىتپەن جالعاسقان تارباعاتاي ايماعىنىڭ 22-كەزەكتى اقىندار ايتىسى مادەنيەت ساياحات مەرەكەسى 8-ايدىڭ 2-كۇنى ءدوربىلجىن اۋدانى قىزىلبۇلاق ساحاراسىندا تابىسپەن اياقتادى. تارباعاتاي ايماعىنىڭ ءار قايسى اۋدانىنان كەلگەن 20 اقىن، ەكى كۇندىك ۋاقىتپەن الامان سايىس جاساپ، سوڭىندا،ءدوربىلجىن اۋدانىنىڭ اقىنى ايىپقان بايموللا ۇلى مەن شاعانتوعاي اۋدانىنان كەلگەن اقىن گاۋھار نيعىمەت قىزى وسى جولعى جارىستىڭ باس جۇلدەسىن جەڭىپ الدى.

  
      ەستەرىڭىزگە سالا كەتسەك، تارباعاتاي ايماعىنىڭ اقىندار ايتىسى مادەنيەت ساياحات مەرەكەسى بۇدان بۇرىن 21 كەزەك ءساتتى وتكىزىلگەن، بيىل 22-كەزەگىن قارسى الىپ وتىر. بۇل جۇڭحۋا حالىق رەسپۋبليكاسى قۇرىلعاندىعىنا 70 جىل تولعان تورقالى تويعا ءۇن قوسىپ، تارباعاتاي ايماعىنىڭ 70 جىلدان بەرگى ءار سالا ءار كاسىپتەن قولعا جەتكىزگەن جەمىستەرىن، ءار قايسى ۇلت بىرلىكتە ىنتىماقتى جىرلاپ، بەرەكەلى ورتاق تۇرمىس كەشىرىپ جاتقان باياشات بەت-بەينەسىن، ءتۇرلى جەلىلەس قيمىلدارمەن بەينەلەدى.

  
       ءدوربىلجىن اۋداندىق پارتكومنىڭ ورىنباسار شۋجيى، اۋدان اكىمى ماقسۇتقان ءجامساپ ۇلى بىلاي دەدى: بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، ءبىز بۇگىنگى ءوتىپ جاتقان اقىندار ايتىسى مادەنيەت ساياحات مەرەكەسىن وسى 70 جىلدىق تورقالى تويعا سي، تارتۋ رەتىندە وتكىزىپ وتىرمىز. بۇندا تەك اقىن ايتىس عانا ەمەس، ءبىزدىڭ ساياحات مادەنيەتىمىزدى جانداندىرۋىمىزدى باستى ماقسات ەتىپ وتىر. جالپى حالىق بۇقاراسىنا اقىندار ايتىسى مادەنيەت ساياحات مەرەكەسى ارقىلى ورتالىقتىڭ حالىققا بولعان قامقورلىعىن، ۇگىتىن جەتكىزۋ، اسىرەسە ورتالىقتىڭ ۇندەۋى، پارتيا ورتالىق كوميتەتىنىڭ بۇقاراعا دەگەن قامقورلىعى، جانە ءدوربىلجىن اۋدانىنىڭ، تارباعاتاي ايماعىمىزدىڭ دامۋ نەگىزگى مازمۇن بولىپ وتىر.

  
        ءدوربىلجىن اۋداندىق پارتكومنىڭ ورىنباسار شۋجيى، اۋدان اكىمى ماقسۇتقان ءجامساپ ۇلى

       وسى جولعى اقىندار ايتىسى مادەنيەت ساياحات مەرەكەسى 8-ايدىڭ 1-كۇنى ءدوربىلجىن اۋدانى قىزىلبۇلاق ساحاراسىندا باستالدى. باستالۋ سالتىندا الدىمەن مەملەكەت تۋى شىعارىلىپ، مەملەكەت ءانى ورىندالدى. جالعاسىنان ايماقتاعى ءار قايسى اۋداننان كەلگەن اقىندار ساحنا شىعىپ جۇرتپەن جۇزدەستى، ءار قايسى اۋدانداعى كوركەمونەر ۇيىرمەسىنەن كەلگەن ارتيستەر اسقاقتاتا ءان شىرقاپ، بۇرالا بيگە باسىپ، تارتىمدى كونسەرت نومىرلەرىن كورەرمەندەرگە سيلادى. كوش باستاۋ، قىزقۋار، تەڭگە ءىلۋ قاتارلى ۇلتتىق ويىندار قويىلدى.

  وسى جولعى مەرەكە "باقىت گۇلىن ماۋەلەتىپ، دومبىرامەن ولەڭ جىرلاۋدى" باستى تاقىرىپ ەتىپ، اقىندار ايتىسىنان تىس، الۋان ءتۇرلى جەلىلەس قيمىلدار ءجۇرىلدى. قيمىل مايدانىندا <70> سيفىر فورماسىندا 31 كيىز ءۇي تىگىلدى، جەرگىلىكتەگى سۋرەتشى بەدەل يمانمادي ۇلىنىڭ شاكىرتتەرىمەن بىرلىكتە سىزعان <وتاندى جىرلاۋ> مازمۇنىنداعى 70 مەترلىك سۋرەت جۇرتپەن جۇزدەستى. ات جارىسى، پالۋان جارىسى، ۆەلەسيپەت سىندى دەنە-تاربيە جارىستارى ءوتتى، سونداي-اق ءدوربىلجىن اۋدانىنداعى سەلبەستىك كوپەراتيۆتەردەن كەلگەن <كەستە> قاتارلى قولونەر بۇيىمدار كورمەگە قويىلدى. الۋان مازمۇندار ارقىلى حالىقتىڭ مادەنيەت قيمىلدارىن بايىتۋمەن بىرگە، ءار ۇلت حالقى اراسىنداعى ىنتىماقتى قارىم-قاتىناستى ونان ارى قويۋلاتىپ، توعىستىرۋعا وراي جاراتتى.

  
       وسى جولعى ايتىستا باس جۇلدەنى جەڭىپ العان ءدوربىلجىن اۋدانىنىڭ اقىنى ايىپقان بايموللا ۇلى بىلاي دەپ كوڭىل كۇيىن جەتكىزدى: دومبىرامدى، جۇرەگىمدەگى جىرىمدى-سىرىمدى كورەتىپ، تۋعان ەلمەن، تۋعان جەرمەن جۇزدەسسەم دەپ وسى جولعى اقىندار ايتىسىنا كەلىپ قاتىناستىم، جالپى بارلىق ءار ۇلت حالقىن رۋحاني جاقتان سەرپىتسەم، مەملەكەتتىڭ قازىرگى جۇرگىزىلىپ جاتقان ابزال ساياساتىن مالشى ديقان قاۋىمعا جەتكىزسەم دەگەن ارمان تىلەكتى الا كەلدىم. مەن 97-جىلدان بەرى اقىندار ايتىسنا قاتىناسىپ كەلەمىن، بيىل 22 جىل بولدى، وسى كەزەكتى جارىس تا جاقسى ءوتتى، جارىستا جۇلدەلى بولعانىما وتە قۋانىشتامىن.


ءدوربىلجىن اۋدانىنىڭ اقىنى ايىپقان بايموللا ۇلى

  
شاعانتوعاي اۋدانىنىڭ اقىنى گاۋھار نيعىمەت قىزى (ايىپقان بايموللا ۇلىمەن بىرلىكتە باس جۇلدەنى جەڭىپ الدى) بىلاي دەدى: ارىپتەستەرىممەن بىرگە جاقسى ايتىس جاسادىق دەپ ويلايمىن، حالىققا ۇناپ جاتسا، ءبىز ءۇشىن مارتەبە. وتانىمىز كۇننەن-كۇنگە كوركەيە بەرسىن، وتاننىڭ نۇرى ءاربىر حالىققا مەيىرىن توگىپ، اۋىلدا كۇندە وسىنداي توي بولا بەرسىن دەپ تىلەگىمدى جەتكىزەم، راحىمەت.

  
ءتىلشىمىز گاۋھار نيعىمەت قىزىمەن سۇحباتتا

  
سوڭىندا، تارباعاتاي ايماعىنىڭ كەلەسى كەزەكتى اقىندار ايتىسى مادەنيەت ساياحات مەرەكەسى شاۋەشەك قالاسىندا وتەتىن بولىپ بەكتىلىپ، ايتىس تۋى شاۋەشەك قالاسىنا وتكىزىلىپ بەرىلدى.


1- دارەجەلى بولعان اقىندار


2- دارەجەلى بولعان اقىندار

  
3- دارەجەلى جانە ۇزدىك بولىپ باعالانعان اقىندار


ءتىلشىمىز سۇحباتتا

جاۋاپتى رەداكتور: ءاننا اكىمقان قىزى
  • 2019-جىلعى قۇربان ايت دەمالىسى تۋرالى ۇقتىرۋ
  • ورتالىق اسكەري ىستەر كوميتەتى داڭق اتاعىن بەرۋ سالتىن وتكىزدى
  • جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان شينجياڭنىڭ ارناۋلى اقپار جاريالاۋ ءماجىلىسى بەيجيڭدە وتكىزىلدى
  • التاي ايماعى جاسىل دامۋعا تاباندى بولدى