اعاجاي-التاي تورابى   ›   اقپارات ايدىنى   ›   سۋرەتتى حابارلار

جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان شينجياڭنىڭ ارناۋلى اقپار جاريالاۋ ءماجىلىسى بەيجيڭدە وتكىزىلدى

 كورىكتى شينجياڭ قۇرىپ، وتان ارمانىن بىرگە ورىندايىق

  جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان شينجياڭنىڭ ارناۋلى اقپار جاريالاۋ ءماجىلىسى بەيجيڭدە وتكىزىلدى

  شوكىرات زاكىر اقپار جاريالادى ءارى قاتىستى سۇراۋلارعا جاۋاپ بەردى

    7- ايدىڭ 30 - كۇنى مەملەكەتتىك كەڭەستىڭ اقپارات كەڭسەسى ۇيىمداستىرعان ”كورىكتى شينجياڭ قۇرۋ، وتان ارمانىن بىرگە ورىنداۋ“دى نەگىزگى تاقىرىپ ەتكەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان شينجياڭنىڭ ارناۋلى اقپار جاريالاۋ ءماجىلىسى بەيجيڭدە وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اقپار جاريالادى.  سۋرەتتى ءتىلشى لۋ مين - ي تۇسىرگەن

  تىلشىلەر  يۋان لەي، سۇي يۇنيان، لي ياڭ 7 - ايدىڭ 30 - كۇنى بەيجيڭنەن حابارلايدى. 7 - ايدىڭ 30 - كۇنى تۇستەن بۇرىن مەملەكەتتىك كەڭەستىڭ اقپارات كەڭسەسى ۇيىمداستىرعان ”كورىكتى شينجياڭ قۇرۋ، وتان ارمانىن بىرگە ورىنداۋ“دى نەگىزگى تاقىرىپ ەتكەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا ارنالعان شينجياڭنىڭ ارناۋلى اقپار جاريالاۋ ءماجىلىسى بەيجيڭدە وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اقپار جاريالادى.

  شوكىرات زاكىر اقپار جاريالاعاندا بىلاي دەدى: شينجياڭ كەرەمەت ءارى كوركەم جەر، ەجەلدەن جۇڭگونىڭ ايرىلماس ءبىر بولىگى. جەرى كەڭ، بايلىعى مول، تاريحى ۇزاق، مادەنيەتى مايەكتى، كوپ ۇلت شوعىرلى قونىستانعان، كوپ مادەنيەت توعىسقان، كوپ ءدىن قاتار ءومىر سۇرگەن ءوڭىر، شىعىس، باتىس وركەنيەتى اۋىس - كۇيىسىنىڭ ماڭىزدى وتكەلى. جاڭا جۇڭگو قۇرىلعان 70 جىلدان بەرى، جۇڭگو كوممۋنيستىك پارتياسىنىڭ باسشىلىعى مەن بۇكىل ەل حالقىنىڭ قولداۋىندا، شينجياڭ وتانمەن بىرگە ەكپىندەي العا باسىپ، بىرگە ەسەيىپ، دامىپ، العا باسۋدىڭ، گۇلدەنىپ - كوركەيۋدىڭ داڭعىل جولىنا ءتۇسىپ، كۇللى دۇنيەنى جالت قاراتقان شۇعىلالى تابىستارعا قول جەتكىزدى.

  شوكىرات زاكىر بىلاي دەدى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭداعى ءار ۇلت حالقىمەن تىلەكتەس بولىپ، شينجياڭ قىزمەتىنە قىرۋار قايرات - جىگەرىن جۇمسادى. ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، بۇكىل رايونىمىزداعى ءار ۇلت كادر - بۇقاراسىن ىنتىماقتاستىرىپ، باستاپ، شىنايى يگەرىپ، ناقتى ىستەپ، قامال الىپ قيىنشىلىقتاردى جەڭىپ، تيانشاننىڭ تۇستىگى مەن تەرىستىگىندە وراسان زور وزگەرىستەر جارىققا شىقتى. بۇگىنگى شينجياڭدا قوعام ورنىقتى، ەكونوميكا دامىعان، ۇلتتار ىنتىماقتى، دىندەر تاتۋ، ءار ۇلت حالقى تىنىش ءومىر، شات - شادىمان تىرشىلىك كەشۋدە، ءتۇرلى ىستەر گۇلدەنىپ - كوركەيۋدە، تاريحتاعى ەڭ تاماشا گۇلدەنىپ، دامىعان مەزگىلدە تۇر.

  شوكىرات زاكىر بىلاي دەدى: شينجياڭدا 70 جىلداعى تاريحي زور وزگەرىستەر جۇڭگو كوممۋنيستىك پارتياسىنىڭ باسشىلىعىندا، وتان ۇلى شاڭىراعىنىڭ مەيىرىمدى قۇشاعىندا، جۇڭگوشا سوتسياليزم جولىمەن جۇرۋگە تاباندى بولعاندا، ۇلتتىق وڭىرلىك اۆتونوميا تۇزىمىنە تاباندى بولعاندا جانە ونى كەمەلدەندىرگەندە، ءار ۇلتتىڭ ىنتىماقتاسا كۇرەس جۇرگىزۋىنە، بىرگە گۇلدەنىپ دامۋىنا تاباندى بولعاندا عانا، شينجياڭداعى ءار ۇلت حالقىنىڭ گۇلدەنىپ العا باسقان بۇگىنى مەن اناعۇرلىم جارقىن بولاشاعى بولا الاتىندىعىن تالاسسىز دالەلدەدى. جاڭا تاريحي باستامادا ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى ۇزاق ۋاقىت گۇلدەندىرۋگە تاباندى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭدى قۇرۋعا قۇلشىنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا كۇش سالامىز.

  وسىدان كەيىن جۇڭگولىق، شەتەلدىك اقپارات قۇرالدارىنىڭ تىلشىلەرى جىبەك جولى ەكونوميكالىق بەلدەۋىنىڭ وزەكتى رايون قۇرىلىسى، ۇلتتاردىڭ تاڭداۋلى مادەنيەتىن ساۋلەلەندىرۋ، وعان مۇراگەرلىك ەتۋ، كەدەيلىكتەن ارىلتۋدان قامال الۋ، ساياحاتتى دامىتۋ سياقتى ماسەلەلەر توڭىرەگىندە تالاسا - تارماسا سۇراۋ سۇرادى. شوكىرات زاكىر جانە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين اقپارات قۇرالدارىنا ناقتى ساندى مالىمەتتەرمەن، جاندى مىسالدارمەن ءبىر - بىرلەپ جاۋاپ بەردى.

  مەملەكەتتىك كەڭەس اقپارات كەڭسەسى اقپارات مەكەمەسىنىڭ باستىعى، اقپارات مالىمدەمەشىسى حۋ كايحۇڭ اقپار جاريالاۋ ءماجىلىسىن باسقاردى.

  اقپار جاريالاۋ ءماجىلىسى كەزىندە جاڭا جۇڭگو قۇرىلعاندىعىنىڭ 70 جىلدىعىنا ارنالعان شينجياڭنىڭ تابىس كورمەسى مەن ەرەكشە كورمە قيمىلى بىرگە ءوتتى.

جاۋاپتى رەداكتور: ءاننا اكىمقان قىزى
  • التاي ايماعى جاسىل دامۋعا تاباندى بولدى
  • التاي ”جۇڭگو قار مەكەنى“ التىن ءارىپتى ماڭدايشالىعىن ايشىقتادى
  • لي پىڭ جولداستىڭ سۇيەگى بەيجيڭدە ورتەلدى
  • ايماق التاي قالاسىنىڭ مەملەكەتتىك تازا قالا قۇرۋ قىزمەتىن قولداۋ ءماجىلىسىن اشتى