اعاجاي-التاي تورابى   ›   مادەنيەت ارناسى   ›   ونەگە

وزىڭىزگە ءتان ۋاقىتىڭىز بار ما؟

  مىناۋ جالعاندا جاھاندى جالپاعىنان باسىپ جۇرگەن پەندەلەردىڭ كەيدە بەلگىسىز بۇيىعىپ، ءوزىن-ءوزى جوعالتقانداي، اۋرە–سارساڭعا تۇسەتىن كەزى بولادى، سونداي دا توقتاي قالىپ، تىنىعىپ، ارناسىنان القىپ، بەلگىسىز الەككە سالعان كوڭىل–كۇيدى رەتىنە سالۋعا تۋرا كەلگەندە، تەك از عانا ۋاقىت شىعارىپ، جالعىز ءوزىڭ وڭاشالانىپ، جىم-جىرت، كەڭ تىنىستاپ، تەرەڭ تولعانىپ، ءبىر ساتكە بولسا دا جانىڭىزعا تىنىشتىق سيلاعاننىڭ تەرىسى جوق. وسىدان كەيىن كوپ نارسەگە كوزىڭ، ويىڭ جەتىپ، قۇيىن قۋعان قۋ قاڭباقتاي سارساڭ بولعان كوڭىلىڭ ورىنىنا ءتۇسىپ، تىرلىك جولىڭ ٴتىپتى دە سارالانعانداي بولاتىنى بار.

  ءاربىر ەرەسەك ادامنىڭ وزىنە ءتان ۋاقىتى بولۋى كەرەك. 

  ادام ەسەيگەن سايىن وڭاشالاناتىن، بويىن، ويىن توپ ورتادان بولەكتەپ ۇستاپ، جالعىز قالۋدى ۇناتادى. 

  بۇرىن بوساعاڭىزدى توزدىرىپ، كولەڭكەڭىزدە ايىرىلمايتىن، كىندىگى بىردەي دوستارىڭىزدان بۇگىن بولەكتەنىپ، وڭاشا كەتكەندى ءجون كورەتىن بولعانسىز. جالعىز وتىرىپ قيال سۇرگەن كەزدەرىڭىز ءتىپتى ىلۋدە ءبىر كەزدەسەتىن ەركىندىك سپەتتى.
ىسجۇزىندە، مۇنداي بۇرىلىس جىگەرسىزدىگىڭىزدىڭ، قورقاقتىعىڭىزدىڭ، قارتتىققا بەت العاندىعىڭىزدىڭ بەينەسى ەمەس، قايتا بىرتە–بىرتە دەربەستىكتى ۇيرەنىپ، ەسەيگەندىك. مىنەز–قۇلىقتىڭ دامۋى تۇتاس تاعدىردىڭ تراەكتورياسى بولىپ تابىلادى.

  كوپ ۋاقىتتاردى، باسقالاردىڭ الدىندا ءتۇرلى رولداردى سومداۋىمىزعا تۋرا كەلەدى: قىزمەتتە الدىنا جان سالمايتىن دارا بوزدىڭ ءوزىمىز؛ تۇرمىستا بىرەۋدىڭ اۋزىن اشسا ارجاعى كورىنەتىن ادال دوسىمىز؛ وتباسىندا اتا-انا، وتاعاسى، وتاناسى، تاعى بىرەۋگە بالامىز.
كەيدە، تۇياق سەرپۋگە دارمەنىڭىز كەلمەي، سال–سال بولعان دەنەڭىزدى ولاي نە بۇلاي بۇرۋعا شاراسىز شارشاعانىڭىزدى سەزىپ، ءسال–ءپال دەمىڭىزدى العىڭىز كەلسە دە، بۇرىنعىداي كۇلىمسىرەپ، بۇرىنعىداي جايدارى قالپىڭىزدى بۇزباي، باياعى اسقاق بەينە، كوتەرىڭكى كوڭىل كۇيىڭىزدى ساقتاۋعا تىرىساسىز. 

  جالعىز قالساڭىز بولدى، زورلانا كۇلىپ، ورتاعا سايكەسۋ ءۇشىن جانىڭىز قالاماعان جاساندىلىق ءۇشىن ابىگەرلەنبەيسىز، باسقانىڭ قاباعىنا قاراپ، بايەك بولمايسىز، مۇندايدا باسقانىڭ سەزىمى مەن كوڭىل-كۇيىن ەسكەرۋدىڭ قاجەتى جوق. وڭاشا دا، ەش شەكتەمەگە ۇشىرامايسىز دا، ەشكىم كەلىپ مازالامايدى، سونداي جايلى سەزىم، سوندا عانا تىرشىلىك قامىمەن جوعالتقان رۋحىڭىزدى تاپقانداي بولىپ راحاتقا بولەنەسىز.

  كەيبىرەۋلەردىڭ: «كەيبىر ەرلەر ماشينادان ءتۇسىپ ۇيگە كەلگەن سوڭ، ءسال وڭاشا وتىراتىنى نەسى؟» دەگەن سۇراعىنا بىلاي جاۋاپ بەرىلگەن.
-كوپ جاعدايدا، كولىكتەن تۇسكىم كەلمەيدى، ۇيتكەنى ول مەن ءۇشىن شەكارا سىزىعىنداي. كولىك ەسىگىن اشقان ساتتەن باستاپ، مەن بىرەۋدىڭ اكەسى، بىرەۋدىڭ ارقا سۇيەر ازاماتى، تاعى بىرەۋدىڭ ۇلىمىن، تەك ءوزىم ەمەسپىن. ال كولىكتە وتىرعاندا، جالعىز ءوزىم تىپ–تىنىش، تەمەكى تارتىپ وتىرعان سول ساتتە، ءتان دە، جان دا وزىمدىكى ەكەنىن انىق ۇعىنامىن،-دەپ جاۋاپ بەرگەن. 
ال، بۇل ماعان «كوپتەگەن ايەلدەر انا بولعاننان كەيىن نە ءۇشىن تازالىق ۇيدە كوبىرەك تۇرعاندى ۇناتادى؟» دەگەن تاقىرىپتى ەلەستەتتى.

  

  مەنىڭ قاراۋىمشا، مۇمكىن وسى بىرنەشە شارشى مەتر كەڭىستىك پەن سول ساتتەگى بوس ۋاقىتتا، ولار ەلدەن ەرەك بولۋعا ابدىرامايتىن، وتباسىنداعى ۇساق-تۇيەك ىستەر ءۇشىن ابىگەرلەنبەيتىن، الاقانداي كەڭىستىك پەن بولار–بولماس ۋاقىت ولاردىڭ مەنشىگىندەگى تىنستار ۋاقىتى بولسا كەرەك. 

  جاس ءبىر جەرگە بارعاندا، جالعىزدىقتىڭ رەسىندا قول جەتە بەرمەيتىن ءىس ەكەنىن تۇسىنەتىن بولاسىز. ول 24 ساعات بۇيرىق كۇتۋدىڭ، قىزمەتتەگى ىستەرگە قاي-قاشان دا باس قاتىرۋدىڭ، مايدانعا اتتاناتىن جاۋىنگەرشە ساقاداي ساي تۇرساڭ دا تۇرمىستىڭ بەلگىسىز باعىتتان كەلەتىن سوققىسى مەن زاقىمداۋىنا دايىندالىپ اۋرە بولمايتىنىڭىزدان دەرەك بەرەدى.

  ەرەسەك ادام رەتىندە، يعىڭىزداعى ارقالاعان جاۋاپكەرشىلىك سىزدى تۇرمىستىڭ قاربالاستىعى مەن قۇيىنا باتىرىپ وتىرادى. كۇنى بويى سان–ساناقسىز ادامدارمەن بارىس–كەلىس جاساۋ ءۇشىن، وراي جانە ورىن ىزدەپ سارساڭ بولارسىز؛ ساناڭىزداعى ءتۇرلى جوسپارلاردى ءبىر جايلى ەتۋ ءۇشىن تابانىڭىزدان توزارسىز، الايدا وزىڭىزگە ءبىر ءسات مويىن بۇرعاندا قالاي ىستەرىڭىزدى بىلمەي ساسقالاقتاپ ەبىڭىز قاشادى. 

  كوپ ۋاقىتتاردا، ءبىزدىڭ ۋايىمىمىز وزىمىزگە بۇكپەسىز مامىلە جاساي الماۋدان كەلەدى.
سىرتقى قىسم مەن بۇعاۋدى قايىرىپ تاستاپ، تەك ءوزىمىز ءۇشىن عانا ءومىر سۇرۋ قيىن بولعانمەن، وقتا–تەكتە وزىمىزگە ازداپ وراي مەن ورتا جاراتۋدىڭ تيتتەي قيىندىعى جوق. دارالىق ءبىزدى ماعىناسىز سارىپ ەتۋ مەن ارتىق شىعىمنان اۋاشالايدى، قاجەتتى كەزدەگى ءۇنسىزدىك بىزگە تىنىشتىق، جان راحاتىن سيلايتىن بولادى.

  وزىڭىزدەن اداسىپ قالعان، اۋرە-سارساڭعا تۇسكەن كەزدە، توقتاي قالىپ، تىنىعىپ، مەزەتتىك دەمالىسقا ۋاقىت اجىراتىڭىز. 
ەندەشە، وزىڭىزگە ءتان ۋاقىتىڭىز بار ما؟

جاۋاپتى رەداكتور: ءاننا اكىمقان قىزى
  • التاي ”جۇڭگو قار مەكەنى“ التىن ءارىپتى ماڭدايشالىعىن ايشىقتادى
  • لي پىڭ جولداستىڭ سۇيەگى بەيجيڭدە ورتەلدى
  • ايماق التاي قالاسىنىڭ مەملەكەتتىك تازا قالا قۇرۋ قىزمەتىن قولداۋ ءماجىلىسىن اشتى
  • ءبىر اپتالىق اۋا رايىنان الدىن الا مالىمەت