اعاجاي-التاي تورابى   ›   اقپارات ايدىنى   ›   سۋرەتتى حابارلار

ايماق التاي قالاسىنىڭ مەملەكەتتىك تازا قالا قۇرۋ قىزمەتىن قولداۋ ءماجىلىسىن اشتى

جالپى حالىق ءبىر نيەتتە شايقاستىڭ جەڭىسىنە قول جەتكىزىپ، 2020 ـ جىلى التاي قالاسىن مەملەكەتتىك تازا قالا ەتىپ قۇرۋعا كەپىلدىك ەتەيىك

  التاي گازەتىنىڭ ٴتىلشىسى لي چاڭدا حابارلايدى. 7 ـ ايدىڭ 26 ـ كۇنى ايماق التاي قالاسىنىڭ مەملەكەتتىك تازا قالا قۇرۋ قىزمەتىن قولداۋ ءماجىلىسىن اشتى. ايماقتىق پارتكومنىڭ شۋجيى جاڭ يان ماجىلىسكە قاتىناستى ءارى ءسوز سويلەدى، ايماقتىق پارتكومنىڭ مۇشەسى، اكىمشىلىك مەكەمەسىنىڭ ۇنەمىلىك ىستەرگە جاۋاپتى ورىنباسار ءۋاليى چىن بو ءماجىلىستى باسقاردى.

  ماجىلىستە چىن بو «التاي قالاسىنىڭ مەملەكەتتىك تازا قالا قۇرۋىن قولداۋ جوباسى جونىندەگى ۇقتhرۋدى» وقىدى. التاي بولىمشە اسكەري رايونىنىڭ ورىنباسار سىليڭيۋانى ەرجان جارەكە ۇلى، التاي تاۋى مەملەكەت يەلىگىندەگى ورماندى باسقارۋ مەكەمەسى قىزمەت وتەۋ ورتالىعىنىڭ مەڭگەرۋشىسى جاڭ يمين، ايماقتىق تۇرعىن ءۇي جانە قالا، اۋىل قۇرىلىسى مەكەمەسىنىڭ ورىنباسار باستىعى جاڭ نيڭ، ايماقتىق قارت كادرلاردىڭ ۋاكىلى پاڭ شيۋچين، قالا تۇرعىندارىنىڭ ۋاكىلى دىڭ ۋانجى قاتارلىلار التاي قالاسىنىڭ مەملەكەتتىك تازا قالا قۇرۋ قىزمەتىن قولداۋ جونىندە جەكە ـ جەكە ءسوز سويلەدى. اكىمشىلىك مەكەمەسىنىڭ ورىنباسار ءۋاليى، التاي قالالىق پارتكومنىڭ شۋجيى مۇقيات نۇرمۇقامەت ۇلى التاي قالاسى اتىنان ءسوز سويلەدى.

  ۋاكىلدەردىڭ شىن ىقىلاستى سۇيىسپەنشىلىككە تولى سوزدەرى ماجىلىسكە قاتىناسۋشىلاردىڭ قارسى الۋىنا يە بولدى، اسىرەسە، قارت كادرلار مەن قالا تۇرعىندارى ۋاكىلىنىڭ ءسوزى مايدانداعىلاردىڭ ماداقتاۋىنا يە بولدى. قارت كادرلار ۋاكىلى بىلاي دەدى: «التاي قالاسىنىڭ مەملەكەتتىك تازا قالا قۇرۋ قىزمەتىن قولداۋ __ جۇرت تىلەگى، پەنسياعا، دەمالىسقا شىققان قارت كادر بولعان ءبىز بۇدان ايىرىقشا شابىت الدىق، بارىنشا قولدايمىز. پەنسياعا، دەمالىسقا شىققان قارت كادرلار مىندەتتى باتىلىقپەن ارقالاپ، قالانىڭ مىندەتتى باقىلاۋشىسى بولىپ، الەۋمەتتىك ورتا تازالىعىن بۇلدىرگەن ءتۇرلى ارەكەتتەرگە دەركەزىندە ٴناسيحات ايتىپ، ولاردى تەجەۋلەرى كەرەك، بۇل بۇيرەكتەن سيراق شىعارعاندىق ەمەس، قايتا وتباسىمىزدىڭ ءىسىن باسقارعاندىق. التاي قالاسى مەكەنىمىز،ىشەر ـ اس، كيىم ـ كيىس، ءجۇرىس ـ تۇرىسىمىزدىڭ بارلىعى وسىنىڭ ىشىندە، مەملەكەتتىك تازا قالا قۇرۋ ءوزىمىزدىڭ ءىسىمىز ۇقساس، ءوز باسىمىزدان باستاپ، كىشى ـ كىرىم ىستەردەن باستاپ ىستەۋىمىز كەرەك».

  قالا تۇرعىنى ۋاكىلى بىلاي دەدى:«مەملەكەتتىك تازا قالا قۇرۋ»قىزمەتى وڭاي ـ وسپاق ءىس بولماعانىمەن، «مەملەكەتتىك تازا قالا قۇرۋعا»ات سالىسۋ وڭاي، ءار ءبىر قالا تۇرعىنى ءوز باسىنان باستاپ ىستەسە، كىشى ـ كىرىم ىستەردەن باستاپ ىستەسە بولعانى،قالامىز كوركەيىپ – گۇلدەنە بەرەدى.«مەملەكەتتىك تازا قالا قۇرۋ»بارىسىندا قالا تۇرعىندارى« تازا قالا قۇرۋدىڭ»پايداسىنان باستان ـ اقىر، ەڭ ۇزاق يگىلىكتەنۋشىلەر.

  جاڭ يان بىلاي دەپ اتاپ كورسەتتى: التاي قالاسىنىڭ«مەملەكەتتىك تازا قالا قۇرۋ»قىزمەتى ايماقتىق پارتكوم وسكەلەڭ دارەجەدە ءمان بەرگەن قىزمەت، مەملەكەتتىك تازا قالا قۇرۋدىڭ كەلەلى ءمانىن جىعا تانۋ كەرەك. ايماقتاعى، قالاداعى ءار قايسى تاراۋلار(ورىندار)جانە ءار ۇلت كادر بۇقاراسى دەرەۋ ارەكەتكە كەلىپ، ءبىر نيەتتە بولىپ،ءسوزسىز تابىسقا جەتۋ سەنىمىمەن، شىنشىل بولىپ، جاپالى ىستەۋ ىستيلىمەن، 2020 ـ جىلى التاي قالاسىنىڭ مەملەكەتتىك تازا قالانى تابىستى قۇرۋىنا كەپىلدىك ەتۋى كەرەك.

  جاڭ يان بىلاي دەدى: التاي قالاسىنىڭ ەكولوگيالىق ورتاسى كوركەم، اۋاسى تۇنىق تا جانعا جايلى، تابيعاتى كوز سۇرىندىرەدى. دەسە دە قازىرگى التاي قالاسىندا ورتاسى كوركەم بولعانىمەن دەڭگەيى جەتكىلىكسىز بولۋ ،مادەني مايەگى قويۋ بولعانىمەن بوياۋى قانىق بولماۋ ، قالاسى رەتتى بولعانىمەن تازالىعى كەمشىل بولۋ، جابدىقتارى تولىق بولعانىمەن كەمەلدى بولماۋ ، قالا تۇرعىندارى بەرەكە ـ بىرلىكتە بولعانىمەن ولاردى جەتەلەۋدىڭ ءالسىز بولۋى، باسقارۋ ءتارتىپتى بولعانىمەن اتقارۋى كەمشىل بولۋ قاتارلى كوپتەگەن جەتەرسىزدىكتەر ءومىر سۇرۋدە. بۇدان بىلاي التاي قالاسى نىسانا ارقىلى ارەكەتكە جەتەكشىلىك ەتىپ، مەملەكەتتىك تازا قالا قۇرۋ، دۇنيە جۇزىندەگى ايگىلى دەمالىس قالاسىن قۇرۋ قاتارلى نىسانانى تىعىز ارقاۋ ەتىپ، قالا قۇرىلىسىدا قالانىڭ دەڭگەيىن وزدىكسىز جوعارلاتۋى؛ قالانىڭ مادەنيەت مازمۇنىندا ۇلتتىق ەرەكشەلىكتى كورنەكتىلەندىرىپ، قالا مادەنيەتىن اناعۇرلىم بايىتۋى؛ قالا تازالىعىن باسقارۋدا مەملەكەتتىك تازا قالا ولشەمىنە تۋرالانىپ، ولقىلىقتاردى ىزدەپ تاۋىپ، تولىقتاۋى؛ قالانىڭ نەگىزدىك قۇرىلعى قۇرىلىسىندا قالانىڭ جىلۋمەن قامداۋ، ەلەكترمەن قامداۋ قاتارلى نەگىزدىك جابدىقتارىنىڭ دارەجەسىن جوعارلاتۋ تەبىنىن ۇزدىكسىز كۇشەيتۋى؛ قالا تۇرعىندارىنىڭ ساپاسىن جوعارلاتۋدا قالانى جونگە سالۋ تەبىنىن جانە باسقارۋ دەڭگەيىن ۇزدىكسىز جوعارلاتىپ، جۇرگىنشىلەردىڭ تاس جولدان بەتالدى كەسىپ ءوتۋى سىندى مادەنيەتسىز قۇبىلىستاردى وزگەرتۋگە جەتەلەۋ تەبىنىن كۇشەيتۋى؛ قالانى باسقارۋدا ەرەجە ـ ءتۇزىم بويىنشا جۇمىس ءبىتىرىپ، اتقارۋ قۋاتىن كۇشەيتۋى كەرەك.

  جاڭ يان بىلاي دەپ باسا دارىپتەدى: ايماققا توتە قاراستى تاراۋلار(ورىندار) التاي قالاسىنىڭ مەملەكەتتىك تازا قالا قۇرۋ قىزمەتىن بار كۇشپەن قولداۋى جانە وعان سايكەسۋى، ءار دارەجەلى باسشى كادرلار ايماق، قالانى ءبىر تۇلعالاندىرۋ وي جەلىسىن بەرىك تىكتەۋى، ايماققا توتە قاراستى تاراۋلارداعى كادرلار قولباسشىلىققا قۇلاق اسۋى، باسقارۋعا بويسۇنۋى،«مەملەكەتتىك تازا قالا قۇرۋ»قىزمەت بەلسەندىلىگىن شىنايى كۇشەيتۋى، التاي قالاسىمەن، قاراسى رايونداعى الەۋمەتتىك ءىس باسقارماسىمەن بەلسەنە سايكەسىپ، قاراستى وڭىرلەردىڭ باسقارۋ تالابىن ويداعىداي جۇرگىزىپ، ءماجىلىس رۋحىن جەتكىزۋشىگە، امالياتتا ايگىلەۋشىگە اينالىپ، جاۋاپكەرلىكتى شىنىمەن ارقالاپ، بۇقارانى مادەنيەتسىز ءىس ارەكەتپەن كۇرەس جاساۋعا باستايتىن ۇلگىلەردەن بولىپ،«مەملەكەتتىك تازا قالا قۇرۋ»ورتاسىن جاراتۋ ءۇشىن بەرىك بۇقارالىق نەگىز قالاۋ كەرەك. ابزالدىلىقتى ساۋلەلەندىرىپ، تىزە قوسا سەلبەسۋ كەرەك. ايماققا توتە قاراستى تاراۋلار جانە التايدا تۇراتىن كاسىپورىن، ءىس ورىندار، وزىندىك ابزالدىلىقتى ساۋلەلەندىرىپ، كاسىپتىك تۇرعىدا التاي قالاسىنىڭ«مەملەكەتتىك تازا قالا قۇرۋ» قىزمەتىن بار كۇشپەن قولداپ،«مەملەكەتتىك تازا قالا قۇرۋدىڭ»ءتۇرلى قىزمەتىن بار كۇشپەن ويداعىداي ىستەۋ كەرەك. باستاماشىلدىقپەن تۇزەتىپ، بەلسەنە ىسكە كىرىسۋ كەرەك. ايماقتىق پارتكومنىڭ، اكىمشىلىك مەكەمەسىنىڭ جانە ايماققا توتە قاراستى تاراۋلاردىڭ باسشىلارى«مەملەكەتتىك تازا قالا قۇرۋ» قىزمەتىنىڭ ۇلگىلىك، اۆانگارتتىق رولىن ويداعىداي ساۋلەلەندىرىپ،«مەملەكەتتىك تازا قالا قۇرۋعا»باستاماشىلدىقپەن ات سالىسىپ، پارتيالى باسشى كادرلاردىڭ تاماشا وبىرازىن تىكتەپ، كادرلار مەن بۇقارانىڭ «مەملەكەتتىك تازا قالا قۇرۋ»قىزمەتىنە بەلسەنە ات سالىسۋداعى ىرىقتىلىعىن شىنايى قوزعاۋ كەرەك.

  جاڭ يان مىنانى تالاپ ەتتى: التاي قالالىق پارتكوم ۇيىمداستىرۋ قىزمەتىن ويداعىداي ىستەۋى، قوعامدىق كۇشتەردى تاربيەلەپ، اتتانىسقا كەلتىرىپ، قالادان الەۋمەتتىك اۋماققا، اۋىل ـ قىستاققا، مەكەمە ورىننان وتباسىنا، جەكە ادامعا، ورتا جاستاعىلار مەن قارتتاردان جاسوسپىرىمدەرگە، تەرەزەلىك ورىنداردان ءار سالا ءار كاسىپتەگىلەرگە دەيىن،«مەملەكەتتىك تازا قالا قۇرۋ»قىزمەت جاۋاپكەرلىگىن ارناۋلى ادامىنا دەيىن تياناقتاندىرىپ، بىردەي يگەرىلىپ، ورتاق باسقارىلعان، جالپى بەتتىك ات سالىسقان قىزمەت جاعدايىن قالىپتاستىرۋ كەرەك.

  جاڭ يان بىلاي دەپ باسا دارىپتەدى:«مەملەكەتتىك تازا قالا قۇرۋ»ارقىلى كادرلاردىڭ قىزمەت ستيلىنە بۇرىلىس جاساپ، كادرلاردىڭ قىزمەت قابىليەتىن جوعارلاتىپ، پارتيانىڭ ۇيىسقىشتىق قۋاتىن نىعايتىپ، قوعامنىڭ ورنىقتىلىعى مەن باياندى تىنىشتىعىن قورعاۋ ءۇشىن بەرىك بۇقارالىق نەگىز قالاپ، التاي قالاسىنىڭ«مەملەكەتتىك تازا قالا قۇرۋ»قىزمەتىنە تاماشا قوعامدىق ورتا جاراتۋ كەرەك.

  جاڭ يان سوڭىندا التاي قالاسىنىڭ كادرلارى مەن ءار ۇلت بۇقاراسىن مىناعان ۇندەدى، مەملەكەتتىك تازا قالا قۇرۋ ـ ـ التايلىقتاردىڭ باس تارتپاس جاۋاپكەرلىگى، كوپشىلىك قالالىق پارتكومنىڭ پارمەندى باسشىلىعىندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قىزمەت بارىسىنا تياناقتاندىرىپ، التاي قالاسىنداعى ءار ۇلت بۇقاراسى ءۇشىن تازا، مەيىرگە تولى، تىنىش ورتا جاراتۋى كەرەك. كوپشىلىكتىڭ ورتاق قۇلشىنىسىندا، التاي قالاسىن اتى زاتىنا ساي مەملەكەتتىك تازا قالا ەتىپ قۇرىپ شىعۋ كەرەك.

  زىڭ شۋلا، ياڭ ۋىنگۋاڭ قاتارلى ايماقتاعى ءتورت باسشىلىق القانىڭ باسشىلارى، ايماقتىق سوت، پروكۋراتۋرانىڭ نەگىزگى باسشىلارى، ايماققا توتە قاراستى تاراۋلاردىڭ(ورىنداردىڭ)، التايدا تۇراتىن ءار قايسى كاسىپورىن، ءىس ورىندارىنىڭ نەگىزگى جاۋاپتى جولداستارى، ايماقتىق قارت كادرلار ۋاكىلدەرى،سونداي ـ اق، التاي قالاسىنداعى اۋدان دارەجەلىدەن جوعارى باسشىلار، قالاعا توتە قاراستى قاتىستى تاراۋلاردىڭ(ورىنداردىڭ) ، كاسىپورىنداردىڭ، ءار قايسى كوشە ءىس باسقارماسىنىڭ نەگىزگى جاۋاپتى جولداستارى، الەۋمەتتىك اۋماقتاعى كادرلار ۋاكىلى، قالا تۇرعىنى ۋاكىلى ماجىلىسكە قاتىناستى.

جاۋاپتى رەداكتور: ءاننا اكىمقان قىزى
  • ايماق التاي قالاسىنىڭ مەملەكەتتىك تازا قالا قۇرۋ قىزمەتىن قولداۋ ءماجىلىسىن اشتى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەملەكەتتىك قوسىننان شەگىنگەن اسكەريلەر قىزمەت ءماجىلىسىنىڭ ۋاكىلدەرىمەن كەزدەستى
  • چىن چۋانگو سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزدى