اعاجاي-التاي تورابى   ›   مادەنيەت ارناسى   ›   بىلگەنگە مارجان

جەتىستىك كىلتى

  جەتىستىككە جەتەتىن ادام كەز كەلگەن كەدەرگىلەردە مويىماستان ىلگەرىلەپ، ارەكەتىن، ەڭبەگىن جالعاستىرا الاتىن ادام.

  ىلگەرىلەۋدىڭ توقىرايتىن جەرى، كەدەرگىنىڭ سىلتاۋعا اينالاتىن كەزى. ادامنىڭ وزىنە جاساۋى مۇمكىن بولعان ەڭ ۇلكەن جاماندىق، الدىنان شىققان كەدەرگىگە تىزە بۇگۋى.

  جەتىستىكتىڭ قاجەت ەتەتىن ىنتا-جىگەردى جۇمساۋدا قورىققان كەزدەرىمىزدە وتە ادەمى سىلتاۋلار تابامىز. «مىناداي سەبەپتەرگە بايلانىستى ورىنداي المادىم، اتتەڭ وسى كەدەرگى بولماعاندا تاۋدى قوپارار ەدىم» دەگەن سياقتى.

  سونداي-اق ادامدار وزىنە توسقاۋىل بولۋمەن قالماي، باسقالارعا دا توسقاۋىل بولۋدى جاقسى اتقارادى.

  «ءوي سەنىڭ قولىڭنان كەلمەيدى»، «سەن مۇنى ىستەي المايسىڭ»، «ءوي سەن ادام بولمايسىڭ» دەپ ايتۋ كىسىگە جاسالاتىن ەڭ جامان وپاسىزدىق.

  ەگەر جەتىستىكتى، تابىستى بولعىڭىز كەلسە تابىستى ادامداردىڭ ورتاق ەرەكشەلىكتەرىن بويعا ءسىڭىرۋىڭىز قاجەت. ال تابىستى ادامداردىڭ ەڭ ماڭىزدى قاسيەتى: كەز كەلگەن ۋاقىتتا، كەز كەلگەن شارتتا، كەز كەلگەن جاعدايلاردا دا ارەكەتىن، ەڭبەگىن جالعاسىرۋدى اتقارا الۋ. ءومىر جولى الەمدى ساياحاتتاۋعا ۇقسايدى. ويى، قىرى، تاۋى، جازىعى، تەڭىزى، ىستىعىمەن سۋىعى بولمايتىن ساپار بولمايدى. ۇزاق جولعا شىققاندا كۇن ۇنەمى توبەڭدە تۇرمايدى.

  قانشاما ەلسىز دالالاردا، قاراڭعى تۇندەردە جۇرۋگە ءماجبۇر بولاسىڭ. قارمەن، بورانمەن، جاڭبىرمەن، بالشىقپەن ارپالىسۋعا تۋرا كەلەتىن كەزدەر بولادى. جەر بەتىندە قيىندىق تارتپاستان ءومىر سۇرگەن ادام بولمايدى. تەك جەتىستىكتى ادام جولىنان تايىنبايدى. كۇلىمدەگەن، جىلى ءجۇزدى بولۋ، جىلى ءسوزدى بولۋ، مويىماي ەڭبەگىن جاقسى اتقارۋ، پوزيتيۆتى ەنەرگيا جەتىستىك اكەلەدى.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەملەكەتتىك قوسىننان شەگىنگەن اسكەريلەر قىزمەت ءماجىلىسىنىڭ ۋاكىلدەرىمەن كەزدەستى
  • چىن چۋانگو سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزدى
  • اراساندا شياڭزىسۋ ساياحاتشىلاردى باۋرادى