اعاجاي-التاي تورابى   ›   مادەنيەت ارناسى   ›   دەنساۋلىق

ءجۇزىمنىڭ دەنساۋلىققا پايداسى

  ءجۇزىمنىڭ «قارتايتپايتىن جەمىس، ۇزاق جاساۋعا پايدالى جەمىس، اۋليە اعاش جەمىسى، جەمىس -جيدەك اۋليەسى» سياقتى اتى بار.

  ءجۇزىمدى جاس كۇيىندە جەسەڭىز، تۇرمىسىڭىزعا كوڭىلدىلىك سيلاۋمەن بىرگە، سىرقاتىڭىزدى ەمدەپ، ءتۇرلى اۋرۋلاردان ساقتانۋعا پايدالى ءارى اجارىڭىزدى نۇرلاندىرىپ، جاستىق كەلبەتىڭىزدى ساقتايدى.

  «يۇننان ءدارى شوپتەرى» جيناعىندا بىلاي دەپ جازىلعان: ءجۇزىم قىزىل قوشقىل جانە جاسىل ەكى ءتۇرلى بولادى. جاسىل ءجۇزىمنىڭ ءونىمى كورنەكتى، ءدامى ءتاتتى، قاسيەتى ورنىقتى بولىپ عۇمىرىڭىزدى ۇزارتادى. قارتتار تۇتىنسا، قان اينالىسىن جاقسارتىپ، دەنەنى قۋاتتاندىرادى.

  جۇڭگوشا شيپاگەرلىكتە بىلاي دەپ قارايدى: ءجۇزىمنىڭ قاسيەتى جايلى، ءدامى ءتاتتى بولىپ، دەنەنى قۋاتتاندىرىپ، قان تولىقتايدى، نەرۆتى تىنىشتاندىرىپ، ميدى قۋاتتاندىرادى. ءسىڭىردىڭ سەرپىمدىلىگىن ارتتىرىپ، سۇيەكتى قاتايتادى. كوكباۋىر مەن باۋىردى قۋاتتاندىرىپ، نەسەپتى جۇرگىزىپ، ىسىكتى قايتارادى. تەرىنى اجارلاندىرىپ، اعارتۋ رولى بار. نەگىزىنەن دەنە قۋاتى السىزدەر، باۋىر، بۇيرەك قىزمەتى ناشارلاعاندار، تەرشەڭ ادامدار، ەتەككىرى قالىپسىز ايەلدەر ، ۇيقىسىزدىق، كوكباۋىر، اسقازان قىزمەتى ناشارلاعاندار، جەل -قۇز سيپاتىنداعى بۋىن اۋرۋى، قول -اياقتىڭ ءىسىنۋى سياقتىلارعا ەم بولادى.

  شارشاپ - شالدىققاندى باسادى

  ءجۇزىمنىڭ بۇيرەكتى قۋاتتاندىرىپ، ءسىڭىردىڭ سەرپىمدىلىگىن ارتتىرىپ، قاندى تولىقتاۋ رولى بار. ءجۇزىمنىڭ قۇرامىنداعى گليۋكوزا مەن جەمىس شىرىنى دەنەگە سىمىرىلگەننەن كەيىن، ەنەرگياعا اينالىپ، لەزدە دەنە قۋاتىن ارتتىرىپ، دەنەنىڭ شارشاپ -شالدىعۋىن ءونىمدى تۇردە باسادى، ۇزاق ۋاقىت تۇتىنعاندا دەنەنى قۋاتتاندىرادى.

  قارتايۋدان ساقتايدى

  ءجۇزىمنىڭ دەنەنى قۋاتتاندىرىپ، قان تولىقتاۋ سياقتى رولى بار، ءجۇزىمنىڭ قۇرامىنداعى انتوتسياننىڭ توتىعۋعا قارسى رولى بار، ول تەرى كلەتكاسىنىڭ زات الماسۋىن جەدەلدەتەدى. ءجۇزىم ۇرىعىنىڭ توتىعۋعا قارسى رولى ەركىن راديكالدى توسىپ، تەرىنىڭ قارتايۋىن باياۋلاتادى.

  اجارلاندىرادى

  ءجۇزىمنىڭ قان اينالىسىن تەزدەتىپ، قان ۇيىعىن ىدىراتۋ رولى بار، ءجۇزىم ۇرىعىنىڭ توتىعۋعا قارسى رولى بار بولىپ، تەرىنىڭ قان اينالىسىن جاقسارتىپ، قارا پيگمەنتتىڭ شوگۋىن تومەندەتىپ، تەرىنى اعارتىپ، داقتىڭ قالىپتاسۋىن ازايتادى.

  مۇنان تىس، ىشكى سەكراتسيانىڭ قالىپسىزدىعىنان بولعان تەرى قۇرعاۋىنىڭ الدىن الادى.

  نەرۆتى تىنىشتاندىرىپ، ۇيقىنى جاقسارتادى

  ءجۇزىمنىڭ نەرۆتى تىنىشتاندىرىپ، ميدى قۋاتتاندىرۋ رولى بار. ءجۇزىمنىڭ قۇرامىندا ۇيقىنى جاقسارتاتىن گورمون ـ مەلاتونين بار. مەلاتونين ۇلكەن ميداعى ەپيفيز بەزى ءبولىپ شىعارعان زات بولىپ، ۇيقىنى جاقسارتۋعا سەپتىگىن تيگىزەدى، ءجۇزىم جەۋ ۇيقىسىزدىق جانە تاڭەرتەڭ ەرتە ويانىپ كەتۋ سياقتى جاعدايلاردى ەمدەۋگە پايدالى.

  سانانى اشىپ، كوزدى نۇرلاندىرادى

  ءجۇزىمنىڭ باۋىر مەن بۇيرەكتى قۋاتتاندىرىپ، رۋحتى سەرپىلتىپ، قاندى تولىقتاۋ رولى بار.

  ءجۇزىمنىڭ قۇرامىنداعى پروتانسيتسيانيننىڭ شاعىن مولەكۋلالىق قۇرىلىمى مي جانە قان تامىرداعى بوگەتتەردى تالقانداپ، ميدىڭ توتىعۋعا قارسى تۇرۋ قۋاتىن كۇشەيتىپ، مي كلەتكاسىنىڭ پاتولوگيالىق وزگەرىسىنەن جانە قارتايۋىنان ساقتاپ، قارتتاردا بولاتىن مەڭىرەۋلىك اۋرۋىنىڭ حاۋپىن ازايتادى. سونىمەن بىرگە، ادامنىڭ وي -ساناسىن اشىپ، ءارقاشان سەرگەك جۇرۋگە سەپتىگىن تيگىزەدى.

  ءجۇزىمنىڭ قۇرامىنداعى رەسۆەراترول قان تامىردىڭ كوللاگەن تالشىعىن كۇشەيتىپ، قان تامىردىڭ سەرپىمدىلىگىن ارتتىرىپ، قانداعى حولەستەريننىڭ قان تامىر بۇيىرىندە جينالىپ قالۋىن تەجەپ، جۇرەك -قان تامىر اۋرۋىنىڭ الدىن الىپ، قان پلاستينكاسىنىڭ ۇيۋىن باسەيتىپ، قان تامىردىڭ توسىلۋى مەن ارتەريانىڭ قويمالجىڭدانىپ قاتايۋىنان ساقتاۋ، قانداعى ماي قۇرامىن رەتتەپ، قان پلاستينكاسىنىڭ ۇيۋىن تەجەپ، قاننىڭ قويۋلىق دارەجەسىن تومەندەتىپ، قان اينالىسىن جاقسارتادى.

  زەرتتەۋ ارقىلى ءجۇزىمنىڭ كورۋ قۋاتىن قورعاۋ رولى بار ەكەندىگى بايقالعان. ءجۇزىم ۇرىعىنىڭ قۇرامىنداعى تومەن پوليمەرلى انتوتسيان كلەتكانىڭ ءولۋىن تەجەۋ ارقىلى كوزدىڭ كورۋ قۋاتىن قورعاپ، كوزدىڭ شارشاۋىنان ساقتايدى.

  مازاسىزدىقتى باسەيتەدى

  ءجۇزىمنىڭ قىشقىل ءدامى باۋىر قىزمەتىن جاقسارتىپ، كوڭىل كۇيىڭىزدى رەتتەيدى. ۇزاق ۋاقىت ءجۇزىم جەسەڭىز، باۋىردىڭ جۇگىن جەڭىلدەتىپ، كۇش -قۋاتتى ارتتىرىپ، كوڭىل كۇيىڭىزدى جادىراتادى؛ ءجۇزىمدى كوپ جەۋ نەرۆ السىرەگەندەر مەن شارشاپ - شالدىعۋشىلارعا ەرەكشە پايدالى. سونىمەن بىرگە، ءجۇزىمنىڭ حوش ءيىسى قوبالجۋ مەن مازاسىزدىقتان ارىلۋعا پايدالى، بەلگىلى دارەجەدە كوڭىل كۇيىڭىزدى جاقسارتادى.

جاۋاپتى رەداكتور: ءاننا اكىمقان قىزى
  • ءبىر اپتالىق اۋا رايىنان الدىن الا مالىمەت
  • شي جينپيڭ مەملەكەتتىك قوسىننان شەگىنگەن اسكەريلەر قىزمەت ءماجىلىسىنىڭ ۋاكىلدەرىمەن كەزدەستى
  • چىن چۋانگو سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزدى
  • اراساندا شياڭزىسۋ ساياحاتشىلاردى باۋرادى