اعاجاي-التاي تورابى   ›   اقپارات ايدىنى   ›   سۋرەتتى حابارلار

شي جينپيڭ مەملەكەتتىك قوسىننان شەگىنگەن اسكەريلەر قىزمەت ءماجىلىسىنىڭ ۋاكىلدەرىمەن كەزدەستى

شي جينپيڭ مەملەكەتتىك قوسىننان شەگىنگەن اسكەريلەر قىزمەت ءماجىلىسىنىڭ ۋاكىلدەرىمەن كەزدەستى

  لي كىچياڭ، ۋاڭ حۋنيڭ كەزدەسۋگە قاتىناستى

  7 - ايدىڭ 26 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ قاتارلىلار بەيجيڭدە مەملەكەتتىك قوسىننان شەگىنگەن اسكەريلەر قىزمەت ءماجىلىسىنىڭ بارلىق ۋاكىلدەرىمەن كەزدەستى. □ سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن

  شينحۋا اگەنتتىگىنىڭ 7 - ايدىڭ 26 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 26 - كۇنى بەيجيڭدە مەملەكەتتىك قوسىننان شەگىنگەن اسكەريلەر قىزمەت ءماجىلىسىنىڭ بارلىق ۋاكىلدەرىمەن كەزدەسىپ، ولارمەن شىن ىقىلاسپەن سالەمدەستى، ولاردى اۋەلگى ماقساتتى ۇمىتپاي، بورىشتى ەستە بەرىك ساقتاپ، ەلىمىزدىڭ قوسىننان شەگىنگەن اسكەريلەر قىزمەتىنىڭ جاڭا جاعدايىن قۇلشىنا اشۋعا جىگەرلەندىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى.

  تۇستەن بۇرىن ساعات 11دە شي جينپيڭ قاتارلىلار جيڭشي قوناق ءۇيى ءماجىلىس عيماراتىنىڭ الدىڭعى زالىنا كەلگەندە، تۇتاس زالدان قىزۋ شاپالاق ءۇنى كوتەرىلدى. شي جينپيڭ قاتارلىلار ۋاكىلدەرمەن ىقىلاسپەن قول الىستى، ۋاكىلدەر جابال باس شۋجيگە سالەمدەستى. 94 جاستاعى ساقا قاھارمان جاڭ فۋچيڭدى كورگەندە باس شۋجي شي جينپيڭ ءيىلىپ، قوس قولىمەن كاريانىڭ قولىن قىسىپ ۇستاپ، ونىمەن ىقىلاسپەن اڭگىمەلەستى ءارى شىن ىقىلاسپەن سالەمدەستى. وسىدان كەيىن شي جينپيڭ قاتارلىلار كوپشىلىكپەن ەستەلىك سۋرەتكە ءتۇستى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان كەزدەسۋگە قاتىناستى ءارى مەملەكەتتىك قوسىننان شەگىنگەن اسكەريلەر قىزمەت ماجىلىسىندە ءسوز سويلەدى. ول بىلاي دەدى: باس شۋجي شي جينپيڭنىڭ قوسىننان شەگىنگەن اسكەريلەر قىزمەتى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، پارتيانىڭ قوسىننان شەگىنگەن اسكەريلەر قىزمەتىنە ورتالىقتانعان ءبىر تۇتاس باسشىلىعىنا تاباندى بولىپ، تاماشا داستۇرگە مۇراگەرلىك ەتىپ، رەفورما جاساۋعا، جاڭالىق اشۋعا باسا ءمان بەرىپ، ساياساتتى، زاڭ ەرەجەلەردى كۇش سالا كەمەلدەندىرىپ، نەگىزگى ساتىنىڭ نەگىزىن جانە كادرلار قوسىنى قۇرىلىسىن كۇشەيتىپ، جۇمىستاندىرۋ، ورنالاستىرۋ، قامقورلىق جاساۋ، العىس ايتۋ، ۇقىق - مۇددەسىن قورعاۋ، قىزمەت وتەۋ، باسقارۋ سياقتى قىزمەتتەردى ويداعىداي ىستەپ، قوسىننان شەگىنگەن قالىڭ اسكەريلەردىڭ قىزمەتىن جانە تۇرمىسىن شىن مانىندە ويداعىداي قامتاماسىز ەتىپ، ولاردى رەفورما، دامۋ جانە قوعام ورنىقتىلىعى ءۇشىن بەلسەنە ۇلەس قوسۋعا جىگەرلەندىرۋ كەرەك.

  ءماجىلىس 401 مەملەكەتتىك قوسىننان شەگىنگەن ۇلگىلى اسكەريدى، قوسىننان شەگىنگەن اسكەريلەر قىزمەتىندەگى 91 مەملەكەتتىك ۇلگىلى ورىندى جانە قوسىننان شەگىنگەن اسكەريلەر قىزمەتىندەگى 76 مەملەكەتتىك ۇلگىلى جەكەنى ماداقتاپ - سيلادى.

  ديڭ شۋەشياڭ، جاڭ يوۋشيا، چىن شي، گو شىڭكۇن، حۋاڭ كۇنميڭ، شياۋ جيە، جاۋ كىجى كەزدەسۋگە قاتىناستى، ورتالىق اسكەري ىستەر كوميتەتىنىڭ مۇشەسى مياۋ حۋا كەزدەسۋگە قاتىناستى ءارى 1 - رەتكى جالپى ماجىلىسكە قاتىناستى.

جاۋاپتى رەداكتور: ءاننا اكىمقان قىزى
  • چىن چۋانگو سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزدى
  • اراساندا شياڭزىسۋ ساياحاتشىلاردى باۋرادى
  • ىلە تۇلپارى حالىقارالىق ساياحات مەرەكەسى باستالدى
  • [شينجياڭ جاقسى جەر] جايلاۋ كوركى