اعاجاي-التاي تورابى   ›   اقپارات ايدىنى   ›   سۋرەتتى حابارلار

چىن چۋانگو سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزدى

چىن چۋانگو سانجى حۇيزۋ اۆتونوميالى وبلىسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

 اۋەلگى ماقساتتان اينىماي، بورىش ارقالاپ، جاڭا داۋىردە پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرەيىك

نەگىزگى تاقىرىپتىق تاربيەنىڭ ءىس جۇزىندىك ونىمدىلىگى ارقىلى ورنىقتىلىق، دامۋ قىزمەتىن تىڭعىلىقتى ىلگەرىلەتەيىك

  7 - ايدىڭ 24 - كۇنى اۆتونوميالى رايوندىق پارتكومنىڭ شۋجيى چىن چۋانگو سانجى حۇيزۋ اۆتونوميالى وبلىسىنا بارىپ تەكسەرىپ - زەرتتەۋ جۇرگىزدى. سۋرەتتە: چىن چۋانگو سانجى قالاسى ليۋگۇڭ قالاشىعى شي - ۋگۇڭ قىستاعىندا جالالدين ۇرايىم وتباسىنا امانداسا بارىپ، ولاردىڭ ءوندىرىس، تۇرمىس، كەدەيلىكتەن ارىلتۋدان قامال الۋ سياقتى جاقتارداعى جاعدايىن ەگجەي - تەگجەيلى ۇعىستى. □ سۋرەتتى ءتىلشىمىز سۇي جىجيان تۇسىرگەن

اۋەلگى ماقساتتى ۇمىتپاۋ بورىشتى ەستە بەرىك ساقتاۋ

  ءتىلشىمىز ياۋ تۇڭ 7 - ايدىڭ 25 - كۇنى سانجىدان حابارلايدى. 7 - ايدىڭ 24 - كۇنى اۆتونوميالى رايوندىق پارتكومنىڭ شۋجيى چىن چۋانگو سانجى حۇيزۋ اۆتونوميالى وبلىسىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتىپ، ورنىقتىلىق، دامۋ قىزمەتتەرىن ءبىر تۇتاس جوسپارلاپ، ويداعىداي ىستەپ، جاڭا داۋىردە پارتيانىڭ شينجياڭدى جونگە سالۋ جالپى جوباسىنىڭ تياناقتانىپ، تەرەڭ تامىر تارتۋىن اناعۇرلىم ىلگەرىلەتۋ كەرەك.

  سانجى قالاسى ليۋگۇڭ قالاشىعى شي - ۋگۇڭ قىستاعىندا، چىن چۋانگو جالالدين ۇرايىم جانە لا چۇن ەكى وتباسىنىڭ ۇيىنە احۋال ۇعىسىپ، امانداسا باردى. چىن چۋانگو شارۋالار شاعىن اۋلاسىنا كىرىپ، نەگىزگى ساتىداعى بۇقارامەن، قىستاق پارتيا ياچەيكاسىنىڭ شۋجيلەرىمەن، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ باستىقتارىمەن جانە قالانىڭ، قالاشىقتىڭ قاتىستى جاۋاپتىلارىمەن قورالانا وتىرىپ، بەتپە - بەت اڭگىمەلەسىپ، ءوندىرىس، تۇرمىس، كەدەيلىكتەن ارىلتۋدان قامال الۋ، نەگىزگى ساتىنىڭ نەگىزى، بۇقارالىق قىزمەت سياقتى جاقتارداعى جاعدايلاردى تاپتەشتەي ۇعىستى. چىن چۋانگو ولاردى ءوندىرىستى بەلسەنە دامىتىپ، تۇرمىستارىن اناعۇرلىم شالقىتۋعا جىگەرلەندىردى. ول بىلاي دەپ اتاپ كورسەتتى: نەگىزگى ساتىداعى قالىڭ كادرلار بۇقارامەن ەڭ جاقىن، بۇقاراعا ەڭ تىكە قىزمەت وتەيدى، بۇقارانىڭ پىكىرىن ەڭ كەڭ كولەمدە تىڭدايدى، اۋەلگى ماقساتتى، بورىشتى ەستە بەرىك ساقتاپ، وزدەرىنىڭ قاجىرلىلىقپەن ىستەۋى، ناقتى ىستەۋى ارقىلى ءار ۇلت حالىق بۇقاراسىنىڭ سەنىمىنە، تۇسىنىگىنە جانە قولداۋىنا يە بولۋى كەرەك؛ قوعامداعى ءار سالا نەگىزگى ساتى كادرلارىنىڭ ءىس تىندىرىپ، ناتيجە شىعارۋىنا تاماشا قوعامدىق راي جاراتۋ كەرەك.

  قازىر جازعى دەمالىس كەزى، سانجى شۋەيۋانى وقۋشى قابىلداۋ قىزمەتىن جانە جاڭا وقىتۋشىلاردى ۇسىنىس ەتۋ، قىزمەتكە قويۋ دايىندىعىن قاربالاس، ءتارتىپتى جۇرگىزۋدە. چىن چۋانگو قىزمەت ورىندارىندا تاپجىلماي ىستەپ جاتقان ءار ۇلت وقىتۋشىلارىنان، جۇمىسشى - قىزمەتكەرلەرىنەن ىقىلاستى حال سۇرادى، ول بىلاي دەپ اتاپ كورسەتتى: داشۋە − ونەگە كورسەتىپ، ادام تاربيەلەيتىن، دارىندىلاردى باۋليتىن جەر، جاستاردىڭ ءبىلىم ۇيرەنەتىن، ىسكەرلىگىن كۇشەيتەتىن، ارمانعا قۇلاش سەرمەيتىن جەرى. پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن شىنايى كۇشەيتىپ، سوتسياليستىك مەكتەپ باسقارۋ بەتالىسىنا تاباندى بولىپ، وقۋشىلاردىڭ ۇيرەنۋ، تۇرمىس ءىس جۇزىندىگىنە بىرلەستىرىپ، يدەيالىق - ساياسي قىزمەتتى ويداعىداي ىستەپ، قالىڭ زيالىلارعا كوڭىل ءبولىپ، قامقورلىق جاساپ، ۇلتتار ىنتىماعىن بەكەمدەپ، كۇشەيتىپ، مەكتەپتىڭ تىنىشتىعىن، جاراسىمدىلىعىن ويداعىداي قورعاپ، سوتسياليزمنىڭ قۇرىلىسشىلارىن جانە ءىزباسارلارىن باۋلۋ قابىلەتىن ۇزدىكسىز جوعارىلاتۋ كەرەك.

  لانشان تۇنحى پولي ەستەر شەكتى سەرىكتەستىگىندە چىن چۋانگو كاسىپورىن جاۋاپتىلارىنىڭ ءوندىرىس، تيجارات، عىلىم - تەحنيكادا جاڭالىق اشۋ، ونىمدەردى زەرتتەۋ - اشۋ سياقتى جاعدايلارى جونىندەگى تانىستىرۋىن تىڭدادى ءارى بيولوگيالىق ىدىراتىلعان اعاش جەلىمىن قوراپتاۋ سەحىنا بارىپ، ءبىرىنشى شەپتەگى جۇمىسشى - قىزمەتكەرلەرمەن ىقىلاسپەن اڭگىمەلەستى. چىن چۋانگو بىلاي دەپ باسا دارىپتەدى: جاڭا دامۋ ۇستانىمىن جەتەكشى ەتۋگە تاباندى بولىپ، دامۋ ءتۇيىنىن جاڭالىق اشۋ جاعىنا قويىپ، قورشاعان ورتانى قورعاۋ دەڭگەيىن اناعۇرلىم جوعارىلاتىپ، جوعارى ساپالى دامۋ مەن ەكولوگيالىق ورتانى قورعاۋ جاعىندا تەڭ پايدانى جۇزەگە اسىرۋعا قۇلشىنۋ كەرەك.

  چىن چۋانگو تاعى سانجى قالاسىنىڭ نيڭبيان جولى مالىسىندەگى جەرگىلىكتى مەشىتكە بارىپ، ءدىني قيمىلداردىڭ ورىستەتىلۋ جاعدايىنا تەكسەرۋ - زەرتتەۋ جۇرگىزدى، ول بىلاي دەپ باسا دارىپتەدى: پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، ءار ۇلتتىڭ سالت - ساناسىنا تولىق قۇرمەت ەتىپ، دىنگە سەنەتىن بۇقارانىڭ قالىپتى ءدىني قاجەتىن جانە قالىپتى ءدىني قيمىلداردىڭ ورىستەتىلۋىن زاڭ بويىنشا قامتاماسىز ەتۋ كەرەك. ءدىن سالاسىنداعى قالىڭ قايراتكەرلەر سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، ءدىن قاعيدا - جوسىندارى جونىندە قازىرگى زامانعى جۇڭگونىڭ دامۋ، العا باسۋ تالابىنا ۇيلەسەتىن، جۇڭحۋا ۇلتىنىڭ تاڭداۋلى ءداستۇرلى مادەنيەتىنە ۇيلەسەتىن تۇسىنىك جاساپ، ءدىننىڭ سوتسياليستىك قوعامعا ۇيلەسۋىن جەبەۋ كەرەك.

  چىن چۋانگو تەكسەرۋ - زەرتتەۋ بارىسىندا بىلاي دەپ اتاپ كورسەتتى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ نەگىزگى تاقىرىپتىق تاربيەنى ورىستەتۋ جونىندەگى شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، جاڭا داۋىردە پارتيانىڭ شينجياڭدى جونگە سالۋ جالپى جوباسىن ۇيرەنىپ، دايەكتىلەندىرىپ، اۋەلگى ماقساتتان اينىماۋ، بورىش ارقالاۋ، پارىقتاردى تابۋ، تياناقتاندىرۋدى يگەرۋ جالپى تالابىن جاپپاي يگەرىپ، يدەيالىق تانىمدى يگەرۋدىڭ تياناقتانۋىن، ماسەلەنى قاداعالاۋدى يگەرۋدىڭ تياناقتانۋىن، رەتتەۋ - تۇزەتۋدى، تياناقتاندىرۋدى يگەرۋدىڭ تياناقتانۋىن، ۇيىمدىق باسشىلىقتى يگەرۋدىڭ تياناقتانۋىن شىنايى ورىنداپ، ماسەلەگە دۇرىس قاراۋ سانالىلىعى جانە پىشاق ءجۇزىن ىشكە قاراتۋداي باتىلدىق ارقىلى ارناۋلى رەتتەۋ - تۇزەتۋدى ويداعىداي ورىستەتىپ، قۋزاۋ - جەتەكشىلىك ەتۋدى قاتاڭ، شىنايى تۇردە كۇشەيتىپ، نەگىزگى تاقىرىپتىق تاربيەدە تىڭعىلىقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.

  چىن چۋانگو سانجى وبلىسىنىڭ ورنىقتىلىقتىڭ، دامۋدىڭ ءتۇرلى قىزمەتتەرىندە قول جەتكىزگەن ناتيجەلەرىن تولىق تۇراقتاندىردى. ول بىلاي دەپ اتاپ كورسەتتى: ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا داۋىردە پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جالپىلىق شارا قولدانىپ، ”كەشەندى شارا“ اتقارىپ، قوعامدىق جالپى جاعدايدىڭ ورنىقتىلىعىن باتىل قورعاپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، جاڭا دامۋ ۇستانىمىن دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتىپ، ۇلتتار ىنتىماعىن بەكەمدەپ، دامىتىپ، حالىق تۇرمىسىن جاقسارتۋدى بار كۇشپەن قامتاماسىزداندىرىپ، 3 ءىرى قامال الۋ شايقاسىنىڭ جەڭىسىنە باتىل قول جەتكىزىپ، رەفورمانى، ەسىك اشۋدى جاپپاي تەرەڭدەتىپ، نەگىزگى ساتىنىڭ ۇيىمدىق قۇرىلىسىن كۇشەيتىپ، ورنىقتىلىقتىڭ، دامۋدىڭ ءتۇرلى قىزمەتتەرىن ءبىر تۇتاس جوسپارلاپ، ىلگەرىلەتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قارسى الۋ كەرەك.

جاۋاپتى رەداكتور: ءاننا اكىمقان قىزى
  • اراساندا شياڭزىسۋ ساياحاتشىلاردى باۋرادى
  • ىلە تۇلپارى حالىقارالىق ساياحات مەرەكەسى باستالدى
  • [شينجياڭ جاقسى جەر] جايلاۋ كوركى
  • شينجياڭ قابا: بۇلتتار اراسىنداعى نارىن جايلاۋى