اعاجاي-التاي تورابى   ›   اقپارات ايدىنى   ›   وقۋ-اعارتۋ

رايونىمىز الدىڭعى جارتى جىلدا مىندەتتى وقۋ - اعارتۋ بويىنشا وقىتۋ شارت - جاعدايىن جاقسارتۋ قۇرىلىسى قارجىسىنان ءبىر ميلليارد 430 ميلليون يۋان تياناقتاندىردى

رايونىمىز الدىڭعى جارتى جىلدا مىندەتتى وقۋ - اعارتۋ بويىنشا وقىتۋ شارت - جاعدايىن جاقسارتۋ قۇرىلىسى قارجىسىنان ءبىر ميلليارد 430 ميلليون يۋان تياناقتاندىردى

  شينجياڭ گازەتىنىڭ ءتىلشىسى جاۋ شييا 7 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋعا قاراعاندا، بيىل الدىڭعى جارتى جىلدا رايونىمىز مىندەتتى وقۋ - اعارتۋ بويىنشا وقىتۋ شارت - جاعدايىن جاقسارتۋ قۇرىلىسى قارجىسىنان جالپى ءبىر ميلليارد 430 ميلليون يۋان تياناقتاندىرىپ، بەكىتكەن مەكتەپ ۇيلەرى قۇرىلىسىنىڭ اۋدانى 437 مىڭ شارشى مەتر بولعان.

  بيىل جىل باسىنان بەرى، رايونىمىز اۋىل - قىستاقتارداعى مىندەتتى وقۋ - اعارتۋ جاعدايى ءالسىز مەكتەپتەردى جاڭالاۋ جوسپارى نىسانىن، اۋىل - قىستاقتارداعى مىندەتتى وقۋ - اعارتۋ مەكتەپتەرىنىڭ مەكتەپ ۇيلەرى حاۋىپسىزدىگىن قامتاماسىز ەتۋدىڭ ۇزاق ۋاقىتتىق ءونىمدى مەحانيزمى نىسانىن، مىندەتتى وقۋ - اعارتۋ مەكتەپتەرىنىڭ قۇرىلىس نىسانىن ءبىر تۇتاس جوسپارلاپ ىلگەرىلەتۋ ارقىلى رايونىمىزدىڭ مىندەتتى وقۋ - اعارتۋ مەكتەپتەرىنىڭ وقىتۋ شارت - جاعدايىن اناعۇرلىم جاقسارتىپ، وقۋ - اعارتۋ ارقىلى كەدەيلىكتەن ارىلتۋ قىزمەتىن ىلگەرىلەتتى. اۆتونوميالى رايون نىسانداردى اتقارۋ بارىسىندا وقۋ - اعارتۋ ارقىلى كەدەيلىكتەن ارىلتۋدان قامال الۋ قىزمەتىمەن تىعىز ۇشتاستىرىپ، قارجىنى اۋىر كەدەي اۋداندارعا، مەملەكەت دارەجەلى كەدەي اۋداندارعا ءتۇيىندى تۇردە بەيىمدەدى، وڭتۇستىك شينجياڭنىڭ 4 ايماق، وبلىسىنداعى شوعىرلى تۇتاسقان ەرەكشە كەدەي وڭىرلەرگە بەيىمدەدى. مۇنىڭ ىشىندە، وڭتۇستىك شينجياڭنىڭ 4 ايماق، وبلىسىنا ءبىر ميلليارد 20 ميلليون يۋان قوسىپ، بەكىتكەن مەكتەپ ۇيلەرى قۇرىلىسىنىڭ اۋدانى 365 مىڭ شارشى مەتر بولدى؛ 22 اۋىر كەدەي اۋدانعا 880 ميلليون يۋان قارجى قوسىپ، بەكىتكەن مەكتەپ ۇيلەرى قۇرىلىسىنىڭ اۋدانى 320 مىڭ شارشى مەتر بولدى.

  سوڭعى جىلدارى، وقۋ - اعارتۋ ارقىلى حالىققا تيىمدىلىك جاساۋ قارجىنىڭ ۇسىنىلۋى رايونىمىزدىڭ اۋىل - قىستاقتارىنداعى مىندەتتى وقۋ - اعارتۋ مەكتەپتەرىنىڭ وقىتۋ شارت - جاعدايىن شىن مانىندە جاقسارتىپ، قالا، اۋىل، وڭىرلەر ارا مىندەتتى وقۋ - اعارتۋدىڭ دامۋ پارقىن ازايتتى. قازىر، بۇكىل رايونىمىزدا 69 اۋدان (قالا، رايون) مەملەكەتتىڭ مىندەتتى وقۋ - اعارتۋىنىڭ دامۋى نەگىزىنەن بىركەلكى اۋدانداردى ساراپتاپ تۇراقتاندىرۋىنان ءوتتى.

  اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: وقۋ - اعارتۋ مەڭگەرمەسى جەر - جەردى قۇرىلىس ساپاسىنا كەپىلدىك ەتۋ العى شارتىندا قارقىندى جەدەلدەتۋگە قۋزاپ، بيىل 8 - ايدىڭ سوڭىنان بۇرىن اۋىل - قىستاقتارداعى مىندەتتى وقۋ - اعارتۋ جاعدايى ءالسىز مەكتەپتەردى جاڭالاۋ جوسپارى نىسانى جوبا مىندەتىن ورىنداۋعا شىنايى كەپىلدىك ەتەدى.

جاۋاپتى رەداكتور: ءاننا اكىمقان قىزى
  • اراساندا شياڭزىسۋ ساياحاتشىلاردى باۋرادى
  • ىلە تۇلپارى حالىقارالىق ساياحات مەرەكەسى باستالدى
  • [شينجياڭ جاقسى جەر] جايلاۋ كوركى
  • شينجياڭ قابا: بۇلتتار اراسىنداعى نارىن جايلاۋى