اعاجاي-التاي تورابى   ›   مادەنيەت ارناسى   ›   بىلگەنگە مارجان

كەرەكتى مالىمەتتەردى ەستە ساقتاۋ ادىستەرى

  

ادام ەگەر ميدىڭ تولىق مۇمكىندىگىن پايدالانعان بولسا، وندا ول 100 000 ەنتسيكلوپەديالىق ماقالا، 3 ۋنيۆەرسيتەت ماتەريالىن جانە 6 شەت ءتىلىن جەتىك مەڭگەرە الادى. بۇل وتە جاقسى كورسەتكىش، الايدا ادامدار بارلىق مۇمكىنشىلىكتى بىردەي پايدالانا بەرمەيدى. ەگەر ءسىز ءوزىڭىزدىڭ ەستە ساقتاۋ قابىلەتىڭىزدى كۇشەيتكىڭىز كەلسە، تومەنگى كەڭەستەرگە جۇگىنۋلەرىڭىزگە بولادى.

  1.جازۋ

  2008-جىلى كيوتو ۋنيۆەرسيتەتىندە جۇرگىزىلگەن زەرتتەۋلەر ادامنىڭ وقۋ الدىنان 15-20 مينۋت بۇرىن ومىردە وتكەن-كەتكەندەرىن ەسكە ءتۇسىرىپ، مۇڭلى ساتتەردى قاعاز بەتىنە جازعاندا ادامنىڭ وقۋعا دەگەن يكەمدىلىگىنىڭ ارتقاندىعىن بايقاعان. مۇنىڭ سەبەبى ادام تابيعاتىنان قايعىلى، قورقىنىشتى وقيعالاردى تەز جانە ۇزاق ۋاقىتقا دەيىن ەسىنە الىپ جۇرەدى. ادام ميى ينەرتسيا بويىنشا جامان نارسەلەردى ەستە مىقتاپ بەكىتەدى. سونىمەن قاتار اقپاراتتى بىرنەشە رەت كوشىرۋ ارقىلى دا جاقسى ساقتاي الاسىز.

  2.ورنىڭىزدى وزگەرتىڭىز

  ماسەلەن، ەگەر سىزگە ەكى پاننەن ەمتيحانعا دايىندالۋ قاجەت بولسا، وندا ەكەۋىن ەكى ءتۇرلى جەردە وتىرىپ دايىندالعان ءجون. ءبىر جەردە قاقيىپ وقىعان مالۇماتتار كوبىنە ميدا ۇلكەن قيىندىقپەن ساقتالادى.

  3. داۋىستاپ وقۋ

  ءماتىندى داۋىستاپ وقىعاندا سوزدەر %10كە جاقسى ەستە قالادى. بۇل دالەلدەنگەن جۇيە. سوزدەردى بىرنەشە رەت قايتالاپ، داۋىس ىرعاعىمەن ءدال ءتۇسىپ ءار ءسوزدى تۇسىنىكتى قىلىپ وقۋ كەرەك. مۇنىڭ تاعى ءبىر سەبەبى كوزبەن كورگەن زاتتى قۇلاقپەن ەستي وتىرىپ، قابىلدانۋى. وسىلاشا بىردەن ەكى سەزىم مۇشەسى قاتار جۇمىس ىستەيدى.

  4.بەينەلەۋ

  مەڭگەرۋگە وتە قيىن تىلدەردىڭ سوزدەرىن ىم، يشارات جاساپ جاتتاۋ كەرەك. مىسالى، ەگەر سىزگە "جۇگىر" دەگەن ءسوزدى جاتتاۋ قاجەت بولسا، وندا جۇگىرىڭىز. بۇل ءادىستى ءىس جۇزىندە قولدانعاننان كەيىن ءتاسىلدىڭ جۇمىس ىستەيتىندىگىنە كوز جەتكىزەسىز.

  5. ءوز داۋىسىڭىزدى تىڭداڭىز

  ءبىرشاما مالىمەتتى ەستە ساقتاعان سوڭ، ونى داۋىستاپ ۇنتاسپاعا جازىپ الىڭىز. جاتار ۋاقىتتا ۇنتاسپاداعى اقپاراتتى تىڭداپ ۇيىقتاۋىڭىزعا بولادى. وسىلايشا ءسىز كەرەك نارسەڭىزدى ۇزاق مەرزىمگە دەيىن ساقتاپ جۇرەسىز.

  6. ماشىقتانۋ

  ولەڭ، تاقپاق، جاڭىلتپاش سەكىلدى قوسىمشا ماعلۇماتتاردى ءجيى-ءجيى قايتالاپ، جاتتاپ وتىرۋ قاجەت. پسيحولوگتاردىڭ ايتۋىنشا، مي جاتتىققان سايىن تەز ەسكە ساقتاۋعا ماشىقتانادى ەكەن.

  7.جاقسى ۇيقى

  مالىمەتتەرىڭىزدى تولىعىمەن وقىپ، ەستە ساقتاعاننان كەيىن ءبىراز ۋاقىتقا دەيىن دەمالىپ ۇيىقتاۋ كەرەك. ۇيقىسىزدىق ادامنىڭ ەستە ساقتاۋ قابىلەتىن تىم قاتتى تومەندەتىپ جىبەرەدى. ەمتيحان تاپسىراتىن كەزدە ۇيقىنى قاندىرىپ ۇيىقتاعان دۇرىس.

  8.سپورتپەن شۇعىلدانۋ

  اەروبيكا جاتتىعۋلارى مەن يوگامەن اينالىساتىن كىسىلەردىڭ ميى تىنىق بولادى. سوندىقتان دا ولاردىڭ ءار ءتۇرلى قابىلەتتەرى مەن مۇمكىندىكتەرى اناعۇرلىم جوعارى. جالپى كەز كەلگەن ءىستى باستاماس بۇرىن ازداپ باسقا نارسەگە كوڭىل اۋدارۋ كەرەك.

جاۋاپتى رەداكتور: ءاننا اكىمقان قىزى
  • ىلە تۇلپارى حالىقارالىق ساياحات مەرەكەسى باستالدى
  • [شينجياڭ جاقسى جەر] جايلاۋ كوركى
  • شينجياڭ قابا: بۇلتتار اراسىنداعى نارىن جايلاۋى
  • 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى اشىلدى