اعاجاي-التاي تورابى   ›   اقپارات ايدىنى   ›   سۋرەتتى حابارلار

اۋەلگى ماقساتتى، بورىشتى ەستە بەرىك ساقتاپ، حالىقتى وزەك ەتكەن دامۋ يدەياسىن دايەكتىلەندىرىپ، وتاننىڭ سولتۇستىك شەكارا وڭىرىندەگى كورىنىس جەلىسىن اناعۇرلىم كوركەم ەتىپ قۇرىپ شىعۋ كەرەك

شي جينپيڭ ىشكى موڭعۇلدا قىزمەت تەكسەرگەندە ءارى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە جەتەكشىلىك ەتكەندە بىلاي دەپ باسا دارىپتەدى

اۋەلگى ماقساتتى، بورىشتى ەستە بەرىك ساقتاپ، حالىقتى وزەك ەتكەن دامۋ يدەياسىن دايەكتىلەندىرىپ، وتاننىڭ سولتۇستىك شەكارا وڭىرىندەگى كورىنىس جەلىسىن اناعۇرلىم كوركەم ەتىپ قۇرىپ شىعۋ كەرەك

  7 - ايدىڭ 15 - كۇنىنەن 16 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇلدا قىزمەت تەكسەردى ءارى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە جەتەكشىلىك ەتتى. سۋرەتتە: 7 - ايدىڭ 15 - كۇنى تۇستەن كەيىن شي جينپيڭ ۇلانحاد قالاسى حارچين حوشۇنى حىنان ءمالىسى ما - انشان قىستاعىنىڭ تۇرعىنى جاڭ گوليدىڭ ۇيىنە كەلىپ، نەگىزگى ساتى كادر - جۇرتشىلىعىنىڭ ۋاكىلدەرىمەن اڭگىمەلەسىپ، پىكىرلەستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  7 - ايدىڭ 15 - كۇنىنەن 16 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇلدا قىزمەت تەكسەردى ءارى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە جەتەكشىلىك ەتتى. سۋرەتتە: 7 - ايدىڭ 16 - كۇنى تۇستەن بۇرىن شي جينپيڭ ىشكى موڭعۇل اۆتونوميالى رايونىنىڭ جاراتىلىستىق بايلىق مەڭگەرمەسىنە بارىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋىنە جۇمىس باسىندا تەكسەرۋ - زەرتتەۋ جۇرگىزدى جانە جەتەكشىلىك ەتتى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  ■ جەر - جەر، تاراۋلار نەگىزگى تاقىرىپتىق تاربيەنى ورىستەتۋدە ”ءتورتتى تىڭعىلىقتى جۇرگىزۋ“دى يگەرۋگە ءمان بەرۋ كەرەك: ءبىرىنشى، يدەيالىق تانىمدى يگەرۋدى تىڭعىلىقتى جۇرگىزۋ، ۇيرەنۋدى باستان - اياق ساباقتاستىرىپ، نەگىزگى تاقىرىپتىق تاربيەنىڭ ماڭىزدى ءمانى تۋرالى تانىمدى ۇزدىكسىز تەرەڭدەتۋ، پارتيانىڭ اۋەلگى ماقساتى مەن بورىشى تۋرالى تانىمدى تەرەڭدەتۋ، پارتيا ءدوپ كەلگەن حاۋىپ - قاتەر، سىن - سايىس تۋرالى تانىمدى تەرەڭدەتۋ كەرەك. ەكىنشى، ماسەلەلەردى قاداعالاۋدى يگەرۋدى تىڭعىلىقتى جۇرگىزۋ، ىشكەرىلەي تەكسەرىپ - زەرتتەپ، ماسەلەلەردى تاۋىپ، ءداپ باسىپ، تامىرىن تەرەڭ قازىپ، قۇلشىنۋ بەتالىسى مەن جاقسارتۋ شارالارىن ايقىنداۋ كەرەك. ءۇشىنشى، رەتتەۋ - تۇزەتۋدى تياناقتاندىرۋدى يگەرۋدى تىڭعىلىقتى جۇرگىزۋ، اۋرۋىنا قاراي ءدارى بەرۋ، كەمەلدەندىرۋگە ءتيىستى ءتۇزىلىس - مەحانيزمدەردى كەمەلدەندىرۋ، بەكىتۋگە ءتيىستى ساڭلاۋلاردى ويداعىداي بەكىتۋ، سىن ايتۋعا تيىستىلەرىنە مۇقيات سىن ايتۋ، ءبىر جاقتى ەتۋگە تيىستىلەرىن قاتاڭ ءبىر جاقتى ەتۋ كەرەك.ءتورتىنشى، ۇيىمدىق باسشىلىقتى يگەرۋدى تىڭعىلىقتى جۇرگىزۋ، نەگىزگى باسشى جولداس باستاماشىلدىقپەن ۇيرەنۋ، باستاماشىلدىقپەن تەكسەرۋ - زەرتتەۋ جۇرگىزۋ، باستاماشىلدىقپەن ماسەلەلەردى قاداعالاۋ، باستاماشىلدىقپەن رەتتەۋ - تۇزەتۋدى تياناقتاندىرۋ، ونەگەلىك رولىن ساۋلەلەندىرۋ كەرەك.

  ■ جاپپاي دوڭگەلەك داۋلەتتى قوعام ورناتۋدا ءبىر ۇلت تا قاعىس قالۋعا بولمايدى؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ءبىر ۇلتتىڭ دا قاعىس قالۋىنا بولمايدى. كوممۋنيستىك پارتيا ايتقانىن ورىنداۋ كەرەك، ءارى، ءسوز جوق، ورىنداي الادى. ۇلتتىق وڭىرلىك اۆتونوميا ءتۇزىمى − ەلىمىزدىڭ نەگىزگى ساياسي ءتۇزىمى، ۇلتتىق وڭىرلىك اۆتونوميانىڭ نازاريالىق جانە امالياتتىق تاجىريبەلەرىن مۇقيات قورىتىندىلاپ، وسى تۇزىمگە تاباندى بولىپ جانە ونى كەمەلدەندىرىپ، ۇلتتاردىڭ ىنتىماعىن، توعىسۋىن جەبەۋ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.

  شينحۋا اگەنتتىگىنىڭ 7 - ايدىڭ 16 - كۇنى كوكحوتتان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ىشكى موڭعۇلدا قىزمەت تەكسەرگەندە ءارى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە جەتەكشىلىك ەتكەندە بىلاي دەپ باسا دارىپتەدى: اۋەلگى ماقسات پەن بورىشتى ەستە بەرىك ساقتاپ، حالىقتى وزەك ەتكەن دامۋ يدەياسىن دايەكتىلەندىرىپ، جاڭا دامۋ ۇستانىمىن تياناقتاندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ويداعىداي ىستەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، وتاننىڭ سولتۇستىك شەكارا وڭىرىندەگى كورىنىس جەلىسىن اناعۇرلىم كوركەم ەتىپ قۇرىپ شىعۋ كەرەك.

  شىلدەدەگى ىشكى موڭعۇلدىڭ زەڭگىر اسپانىندا اقشا بۇلتتار قالىقتايدى، سۋ مول، ءشوپ شۇيگىن. 7 - ايدىڭ 15 -، 16 - كۇندەرى شي جينپيڭ ىشكى موڭعۇل اۆتونوميالى رايوندىق پارتكومنىڭ شۋجيى لي جيحىڭنىڭ، اۆتونوميالى رايوندىق حالىق ۇكىمەتىنىڭ ءتوراعاسى بۋ شياۋليننىڭ جول سەرىك بولۋىمەن الەۋمەتتىك اۋماققا، ورمان الاڭىنا، اۋىل - قىستاققا، جوعارى مەكتەپكە، ورگان، ورىندارعا بارىپ، ءار ۇلت كادر - بۇقاراسىنا امانداسىپ، ولاردان حال سۇراپ، ەكونوميكالىق، قوعامدىق دامۋ، ەكولوگيالىق وركەنيەت قۇرىلىسى جونىندە تەكسەرۋ - زەرتتەۋ جۇرگىزىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە جۇمىس باسىندا جەتەكشىلىك ەتتى.

  7 - ايدىڭ 15 - كۇنى تۇستەن بۇرىن شي جينپيڭ ۇشاقپەن بەيجيڭنەن ىشكى موڭعۇلدىڭ ۇلانحاد قالاسىنا باردى، الدىمەن سۇڭشان رايونى شيڭ - ان ءمالىسىنىڭ لينحۋاڭ جيايۋان الەۋمەتتىك اۋماعىندا قىزمەت تەكسەرىپ، زەرتتەۋ جۇرگىزدى. لينحۋاڭ جيايۋان الەۋمەتتىك اۋماعى − كوپ ۇلت بۇقاراسى شوعىرلى قونىستانعان الەۋمەتتىك اۋماق، تاياۋ جىلدارى ”از ۇلتتار شاڭىراعى“ ەرەكشە قىزمەت وتەۋ كەشەنىن الدىمەن قۇردى. شي جينپيڭ الەۋمەتتىك اۋماقتاعى پارتيانىڭ بۇقاراعا قىزمەت وتەۋ ورتالىعىنا كىرىپ، الەۋمەتتىك اۋماقتىڭ نەگىزگى ساتى پارتيا قۇرىلىسى، ۇلتتار ىنتىماعى، توعىسۋى سياقتى جاعدايلاردى ۇعىستى، از ۇلتتاردىڭ كيىم - كەشەك، بۇيىمدار كورمەسىن كوردى، بالالارمەن جانە الەۋمەتتىك اۋماق تۇرعىندارىمەن ىقىلاسپەن اڭگىمەلەستى. شي جينپيڭ بىلاي دەپ باسا دارىپتەدى: الەۋمەتتىك اۋماق − ءار ۇلت بۇقاراسىنىڭ ورتاق شاڭىراعى، ۇلتتار ءبىر ءۇيلى جانداي بەرەكەلى. ۇلتتار ىنتىماعى، العاباسارلىعىندا وزات الەۋمەتتىك اۋماق قۇرۋدى ىشكەرىلەي ىلگەرىلەتىپ، الەۋمەتتىك اۋماقتى ءار ۇلت بۇقاراسىنىڭ ءبىر - بىرىنە قارايلاساتىن ۇلكەن شاڭىراعى ەتىپ تۇلعالاپ، ءار ۇلت بۇقاراسىنىڭ تىنىش ءومىر، شات - شادىمان تىرشىلىك ەتەتىن تاماشا الەۋمەتتىك اۋماق ورتاسىن بەلسەنە قۇرۋ كەرەك.

  ۇلانموچير جاتتىعۋ زالىنىڭ ىشىندە شاتتىق كۇلكىسى ەسىپ، مۋزيكا ءۇنى شارىقتادى، الەۋمەتتىك اۋماقتاعى بۇقارا ۇلانموچير مۇشەلەرىنىڭ جەتەكشىلىگىندە ءان شىرقاپ، بيگە باستى. باس شۋجيدىڭ كەلگەنىن كورگەن كوپشىلىك قۋانا كەلىپ قاۋمالاپ، قۇرمەتپەن حادا ۇسىندى. الەۋمەتتىك اۋماقتاعى بۇقارا تارتىمدى ۇلتتىق ءان - ءبي ورىنداپ، ءار ۇلت بۇقاراسىنىڭ پارتيا مەن وتانعا دەگەن قىزۋ سۇيىسپەنشىلىگىن، باقىتتى تۇرمىسقا دەگەن القاۋىن بەينەلەدى. شي جينپيڭ بىلاي دەپ اتاپ كورسەتتى: ۇلانموچير حالىققا ەتەنە جاقىن، بۇقارا قۋانا تىڭداپ، قىزىعا كورەدى، ماڭگى زامانى وتپەيدى. جاڭا داۋىردە رۋحاني وركەنيەت قۇرىلىسىن كۇشەيتۋدە ادەبيەت - كوركەمونەردىڭ حالىق ءۇشىن قىزمەت ەتۋ، سوتسياليزم ءۇشىن قىزمەت ەتۋ بەتالىسىنان جازباي، نەگىزگى ساتىداعى بۇقارا ءۇشىن تىكەلەي قىزمەت وتەيتىن ادەبيەت - كوركەمونەر قيمىلدارىن بەلسەنە قولداۋ جانە جالپىلاستىرۋ كەرەك.

  ۇلانحادتىڭ تاريحى ۇزاق، مادەنيەت قاتپارى قالىڭ. ءتۇس الەتىندە شي جينپيڭ ۇلانحاد مۇراجايىنا كەلىپ، حۇڭشان مادەنيەتى سياقتى تاريحتان بۇرىنعى مادەنيەتتەردىڭ قازىپ الىنۋ، قورعالۋ جاعدايىن جانە قىتان لياۋ مادەنيەتى، موڭعۇل يۋان مادەنيەتى سياقتىلاردىڭ تاريحي وزگەرۋىن ۇعىستى. مۇراجايدىڭ 2 - قاباتىندا شي جينپيڭ كلاسسيكالىق ۇلتتىق ەپوس «گىسار»دى ايتۋ ونەرىن تاماشالادى ءارى بەيزاتتىق مادەنيەت مۇراسى «گىسار»دىڭ مۇراگەرىمەن ىقىلاسپەن اڭگىمەلەستى. شي جينپيڭ بىلاي دەپ اتاپ كورسەتتى: ەلىمىز − ءبىر تۇتاس كوپ ۇلتتى مەملەكەت، جۇڭحۋا ۇلتى كوپ ۇلتتىڭ ۇزدىكسىز ارالاسۋى، ىشتەسۋى، توعىسۋى ارقىلى قالىپتاسقان. جۇڭحۋا وركەنيەتى تاتۋ ءارى ۇقسامايتىن كوپ ۇلت مادەنيەتىنىڭ قۇنارلى توپىراعىنا تامىر تارتقان، تاريحى ۇزاق، ول دۇنيە جۇزىندە ۇزىلمەي جالعاسىپ، قازىرگە دەيىن دامىپ جەتكەن بىردەن - ءبىر وركەنيەت. از ۇلت مادەنيەتىن قورعاۋعا جانە جالعاستىرۋعا ءمان بەرىپ، «گىسار» سياقتى بەيزاتتىق مادەنيەت مۇرالارىن قولداپ جانە سۇيەمەلدەپ، مۇراگەرلەرىن ويداعىداي تاربيەلەپ، ۇرپاقتان - ۇرپاققا جەتكىزۋ، ارى قاراي جالعاۋ كەرەك. ادامداردى دۇرىس تاريح كوزقاراسىن، مەملەكەت كوزقاراسىن، ۇلت كوزقاراسىن، مادەنيەت كوزقاراسىن ورناتۋعا جەتەكتەپ، ءار ۇلت حالقىنىڭ ۇلى وتاندى شىنايى مويىنداۋىن، جۇڭحۋا ۇلتىن شىنايى مويىنداۋىن، جۇڭگوشا سوتسياليزم جولىن شىنايى مويىنداۋىن ۇزدىكسىز بەكەمدەۋ كەرەك.

  شي جينپيڭ ىشكى موڭعۇلدىڭ ەكولوگيالىق ورتانى قورعاۋىنا ەرەكشە كوڭىل ءبولدى. 7 - ايدىڭ 15 - كۇنى تۇستەن كەيىن ول ۇلانحاد قالاسى حارچين حوشۇنى ما - انشان ورمان الاڭىنا كەلىپ، جەرگىلىكتى ورىننىڭ ەكولوگيالىق وركەنيەت قۇرىلىسى جانە ما - انشان ورمان الاڭىنىڭ ورمان وتىرعىزۋ، ورمان قورعاۋ قىزمەتىنىڭ جاعدايى جونىندەگى مالىمەتتى تىڭدادى. شي جينپيڭ شىلىڭگىر ىستىققا قاراماي، ورمان قورعاۋشىلاردىڭ ءيىر - قيىر جالعىز اياق جولىمەن ءجۇرىپ، ورمان الاڭىنا كىرىپ، ورماننىڭ ءوسۋ جاعدايىن كوردى، ەڭبەك ىستەپ جاتقان ورمان قورعاۋشىلارىمەن اڭگىمەلەسىپ، ولاردىڭ قىزمەت، تۇرمىس، وتباسى جاعدايىن ۇعىستى. كوپشىلىك باس شۋجيگە سوڭعى جىلدارى ورمان الاڭىندا ورمان اۋدانىنىڭ جىل سايىن ارتىپ، جابايى حايۋاناتتاردىڭ كوبەيگەنىن، ەكولوگيالىق ورتانىڭ جاقسارعانىن، پايدانىڭ دا مولايعانىن، تۇنىق سۋ، جاسىل ورماننىڭ باعالى بايلىق ەكەنىن اناعۇرلىم تەرەڭ تانىپ جەتكەندىكتەرىن ايتتى. شي جينپيڭ مۇنى ەستىپ قاتتى قۋاندى. ول بىلاي دەپ باسا دارىپتەدى: جۇڭگو − دۇنيە جۇزىندەگى ەكپە ورمان ۇلەسى ەڭ كوپ مەملەكەت. ەكپە ورماندى توقتاۋسىز تۇردە مۇنداي زور كولەمدە وتىرعىزۋ ەلىمىزدىڭ سوتسياليستىك ءتۇزىمى جاعدايىندا عانا ورىندالادى. وتانىمىزدىڭ سولتۇستىگىندەگى ماڭىزدى ەكولوگيالىق حاۋىپسىزدىك قالتقىسىن مىقتاپ ورناتىپ، وسى جاسىلدىقتى، وسى كوك ءتۇستى، وسى مولدىرلىكتى ويداعىداي قورعاۋ ءۇشىن، ەكولوگيانى الدىڭعى ورىنعا قوياتىن، جاسىل دامۋ جولىمەن بۇلجىماستان ءجۇرىپ، ۇرپاقتان - ۇرپاققا جالعاپ، جاسىل تاۋى ماساتىداي قۇلپىرىپ تۇراتىن، تۇنىق سۋى توقتاماي اعىپ جاتاتىن، اۋاسى تاپ - تازا كوركەم جۇڭگونى قۇلشىنا قۇرۋ كەرەك.

  وسىدان كەيىن شي جينپيڭ اۆتوموبيلمەن حىنان ءمالىسىنىڭ ما - انشان قىستاعىنا جول الدى. بۇل قىستاق ەكولوگيا ارقىلى قىستاقتى ەڭسەلەندىرۋگە، كاسىپ سالاسى ارقىلى قىستاقتى بايىتۋعا، ساياحات ارقىلى قىستاقتى الۋەتتەندىرۋگە تاباندى بولىپ، ”ءتىزىم فورماسى“نداعى كەدەيلەردى سۇيەمەلدەۋ جانە كەدەيلەردى سۇيەمەلدەۋ، الۋەتتەندىرۋ، جەتەكتەۋ ۇلگىسىن قولدانىپ، كاسىپ سالاسى ارقىلى كەدەيلەردى سۇيەمەلدەۋدىڭ جاپپاي قامتۋىن جۇزەگە اسىردى. ما - انشان قىستاعى پارتيانىڭ بۇقاراعا قىزمەت وتەۋ ورتالىعىندا شي جينپيڭ بۇكىل قىستاقتىڭ جاعدايى تۋرالى تانىستىرۋدى تىڭدادى. قىستاقتا تۇراتىن كادرلار ۇيىندە، مەيىرىمدىلىك ەرەن بازارىندا باس شۋجي قىستاقتىڭ ءتارتىپتى باسقارىلىپ وتىرعانىن، قىستاق تۇرعىندارىنىڭ باقىتتى تۇرمىس كەشىرىپ جاتقانىن كورىپ ەرەكشە ءسۇيىندى. شي جينپيڭ بىلاي دەپ اتاپ كورسەتتى: كاسىپ − دامۋدىڭ نەگىزى، كاسىپ گۇلدەنسە، اۋىلداستاردىڭ كىرىسى ورنىقتى ارتادى. جەرگىلىكتى جاعدايعا قاراي ىستەۋگە، قىستاق جاعدايىنا قاراي شارا قولدانۋعا تاباندى بولىپ، ەگىمشىلىككە ۇيلەسسە ەگىمشىلىكپەن شۇعىلدانىپ، باعىمشىلىققا ۇيلەسسە باعىمشىلىقپەن شۇعىلدانىپ، ورمان شارۋاشىلىعىنا ۇيلەسسە، ورمان شارۋاشىلىعىمەن شۇعىلدانىپ، كاسىپ سالاسىنىڭ دامۋىن شارۋالار كىرىسىنىڭ ارتۋىن جەبەۋدە تياناقتاندىرۋ كەرەك. اۋىل - قىستاق نەگىزگى ساتى پارتيا ياچەيكاسىن كۇشەيتىپ قۇرىپ، اۋىل - قالاشىق پەن قىستاقتىڭ شارۋالارعا جانە اۋىل شارۋاشىلىعىنا قىزمەت وتەۋ قابىلەتىن جوعارىلاتۋ كەرەك. ما - انشان قىستاعىندا حانزۋ، موڭعۇل، مانزۋ سياقتى كوپ ۇلت بۇقاراسى شوعىرلى قونىستانعان. شي جينپيڭ ءتورت ۇرپاق بىرگە تۇرىپ جاتقان، ”كوپ ۇلتتى شاڭىراق“ بولعان قىستاق تۇرعىنى جاڭ گوليدىڭ ۇيىنە كەلدى. شاعىن اۋلادا قۇستار سايراپ، گۇلدەر جايناپ تۇر، قاڭىلتاق كەرپىشتى ءۇي تازا دا جارىق. جاڭ گوليدىڭ بيىل 86 جاسقا كەلگەن شەشەسى تىم شيراقى. باس شۋجي ونىڭ قولىن الىپ، ىقىلاسپەن امانداستى. شي جينپيڭ اۋلانى، قوناق بولمەنى، جاتىن بولمەنى، اسحانا ءۇيدى، دارەتحانانى كورىپ شىقتى. شي جينپيڭ بىلاي دەپ اتاپ كورسەتتى: اۋىل - قىستاق گۇلدەندى، قورشاعان ورتاسى جاقساردى، اۋىل - قىستاق تۇرمىسى دا بارعان سايىن جاقسارا ءتۇستى. اۋىل - قىستاقتىڭ الەۋمەتتىك نەگىزدىك قۇرىلعىسىن ۇزدىكسىز كەمەلدەندىرىپ، اۋىل - قىستاقتىڭ قونىس ورتاسىن جاقسارتىپ، قوقىر - قوقسىق، لات سۋدى جونگە سالۋ، دارەتحانا توڭكەرىسى، قىستاق كەلبەتىن جاقسارتۋ ىستەرىن ءتۇيىندى تۇردە جاقسى ىستەپ، اۋىل - قىستاقتى اناعۇرلىم كوركەم ەتىپ قۇرىپ شىعۋ كەرەك.

  ۇلانحاد قالاسىنان كادر - بۇقارانىڭ 10 ۋاكىلى دە شارۋا اۋلاسىنا كەلدى، باس شۋجي ولارمەن اڭگىمەلەستى. سۇڭشان رايونى دامياۋ قالاشىعى شياۋمياۋزى قىستاعى پارتيا ياچەيكاسىنىڭ شۋجيى جاۋ حۇيجيە بىلتىر مەملەكەتتىك ەكى ءماجىلىس كەزىندە باس شۋجيدى ءوزى تۇرعان قىستاقتى كەلىپ كورۋگە ۇسىنىس ەتكەن ەدى، بۇل جولى باس شۋجي ونى ما - انشان قىستاعىنا كەلىپ وزىمەن جۇزدەسۋگە ارنايى ۇسىنىس ەتتى. شي جينپيڭ كوڭىلدەنە وعان: سەنىڭ مەنى ۇسىنىس ەتكەنىڭدى ءالى ۇمىتقام جوق، بۇگىن مىنە اۋىلداستاردىڭ ءوندىرىس، تۇرمىس جاعدايىن كوزبە - كوز كورۋ ءۇشىن ۋادە بويىنشا كەلدىم، - دەدى. كوپشىلىك بىرىنەن سوڭ ءبىرى ءسوز الىپ، باس شۋجيگە ءوز قىستاقتارىندا جارىققا شىققان جاڭا وزگەرىستەردى مالىمدەدى. شي جينپيڭ بىلاي دەپ اتاپ كورسەتتى: جاڭا جۇڭگو قۇرىلعان 70 جىلدان بەرى، ەلىمىزدىڭ قالا، اۋىل بەت - بەينەسىندە جەر - كوكتى ءدۇر سىلكىندىرگەن وزگەرىستەر تۋىلدى، بۇقارانىڭ تۇرمىسى دا كۇن سايىن جاقساردى، بۇل ءبىزدىڭ جۇڭگوشا سوتسياليزم جولىمەن ءجۇرۋىمىزدىڭ دۇرىس ەكەنىن تولىق دالەلدەدى. ءبىزدىڭ پارتيامىز جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋ سىندى اۋەلگى ماقسات پەن بورىشتان باستان - اياق اينىماعانى ءۇشىن دە جۇڭگو كوممۋنيستىك پارتياسى حالىق بۇقاراسىنىڭ قولداۋى مەن جاقتاۋىنا يە بولدى. پارتيامىزدا 90 ميلليوننان استام پارتيا مۇشەسى جانە 4 ميلليوننان استام نەگىزگى ساتى پارتيا ۇيىمى بار، باستان - اياق اۋەلگى ماقساتتان اينىماي، بورىشتى ارقالاي السا، المايتىن قامالى بولمايدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋدە، سايىپ كەلگەندە، جۇڭگو كوممۋنيستىك پارتياسى، ءسوز جوق، قاشاندا جۇڭگو حالقىن باقىتقا كەنەلتۋى، جۇڭحۋا ۇلتىن گۇلدەندىرۋى كەرەك. سوندا عانا پارتيامىز ۇزاق ۋاقىت بيلىك جۇرگىزە الادى، مەملەكەت باياندى تىنىشتىققا يە بولا الادى، بۇقارا اناعۇرلىم باقىتتى تۇرمىسقا جەتە الادى. جاپپاي دوڭگەلەك داۋلەتتى قوعام ورناتۋدا ءبىر ۇلت تا قاعىس قالۋعا بولمايدى؛ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا ءبىر ۇلتتىڭ دا قاعىس قالۋىنا بولمايدى. كوممۋنيستىك پارتيا ايتقانىن ورىندايدى، ءارى، ءسوز جوق، ورىنداي الادى. ۇلتتىق وڭىرلىك اۆتونوميا ءتۇزىمى − ەلىمىزدىڭ نەگىزگى ساياسي ءتۇزىمى، ۇلتتىق وڭىرلىك اۆتونوميانىڭ نازاريالىق جانە امالياتتىق تاجىريبەلەرىن مۇقيات قورىتىندىلاپ، وسى تۇزىمگە تاباندى بولىپ جانە ونى كەمەلدەندىرىپ، ۇلتتاردىڭ ىنتىماعىن، توعىسۋىن جەبەۋ، ۇلتتاردىڭ اناردىڭ دانىندەي تىعىز ۇيىسۋىن جەبەۋ كەرەك.

  جاڭ گوليدىڭ ۇيىنەن شىققان كەزدە، اۋىلداستار جولدىڭ شەتىندە كۇتىپ تۇرىپتى، شي جينپيڭ كۇلىمسىرەي ولارمەن قول الىسىپ، قوش ايتىستى.

  7 - ايدىڭ 16 - كۇنى تۇستەن بۇرىن شي جينپيڭ كوكحوت قالاسىندا قىزمەت تەكسەرىپ، الدىمەن ىشكى موڭعۇل داشۋەسىنە كەلدى. پارتيامىزدىڭ ۇلتتىق وڭىردە اشقان العاشقى جالپىلىق داشۋەسى رەتىندە، ۇلتتىق ءوڭىردىڭ دارىندى تاربيەلەۋى جانە ەكونوميكالىق، قوعامدىق دامۋى ءۇشىن ۇلەس قوستى. كىتاپحانادا شي جينپيڭ مەكتەپ قۇرىلىسىنىڭ دامۋى، وقۋ - وقىتۋ جانە عىلمي زەرتتەۋ، دارىندى تاربيەلەۋ، يدەيا - ساياسي قۇرىلىسى سياقتى قىزمەتتەردىڭ جاعدايى تۋرالى تانىستىرۋدى تىڭداپ، موڭعۇل تىلىندەگى ادەبيەت، تاريح جەتىستىكتەرى كىتاپ كورمەسىن ارالاپ كوردى. موڭعۇل تىلىندەگى كونە جازبالاردى كورسەتۋ - وقۋ ۇيىنە تاريح، مادەنيەت تۋرالى كوپتەگەن ارعى زامان كىتاپتارى ساقتالىپ، موڭعۇل ۇلتى مادەنيەتى مەن باسقا ۇلتتار مادەنيەتىنىڭ توعىسىپ دامۋ تاريحى ەستەلىككە الىنعان. شي جينپيڭ ءتۇسىندىرۋدى مۇقيات تىڭداپ، اۋىق - اۋىق كىدىرىپ ۇڭىلە قاراپ شىقتى. شي جينپيڭ بىلاي دەپ باسا دارىپتەدى: موڭعۇل تىلىندەگى كونە جازبالاردى ىزدەۋ - جيناۋدى، رەتتەۋدى، قورعاۋدى كۇشەيتىپ، وندا قامتىلعان ۇلتتار ىنتىماعى، العاباسارلىعى يدەياسىنىڭ ىشكى ءمانىن قازىپ، اسقاقتاتىپ، ءار ۇلت حالقىن بىرگە ىنتىماقتاسا كۇرەس جۇرگىزۋگە، بىرگە گۇلدەنىپ دامۋعا ىنتالاندىرۋ كەرەك.

  جازعى دەمالىس كەزى بولسا دا، كىتاپحانانىڭ وقۋ زالىندا كوپتەگەن وقۋشىلار ساباق ۇيرەنىپ وتىر ەكەن. باس شۋجيدىڭ كىرىپ كەلە جاتقانىن كورىپ، كوپشىلىك دەرەۋ الاقايعا باسىپ، باس شۋجيدىڭ جانىنا جينالدى. شي جينپيڭ ولارمەن ىقىلاستى تۇردە سالەمدەسىپ، ۇيرەنۋ، تۇرمىس جاعدايلارىن سۇراستىردى. ول بىلاي دەپ اتاپ كورسەتتى: جاس وسپىرىمدەر مىقتى بولسا، جۇڭگو قۇدىرەتتەنەدى. بولاشاقتاعى باسەكە جاستاردىڭ باسەكەسى، بۇگىنگى جاستار ەكىنشى 100 جىلدىق كۇرەس نىساناسىن جۇزەگە اسىرۋدىڭ تىرەگى جانە ارقاۋى سانالادى. ساباقتاستار اسقاق مۇرات ورناتىپ، تىڭعىلىقتى ىستەپ، ءبىلىمدى جاقسى ۇيرەنىپ، نەگىزدى جاقسى قالاپ، دارىن - قابىلەتتى ءوسىرىپ، بولاشاقتا جۇڭحۋا ۇلتىنىڭ ۇلى گۇلدەنۋى ءۇشىن ءوز پاراساتى مەن كۇشىن قوسۋى كەرەك.

  وسىدان كەيىن شي جينپيڭ ىشكى موڭعۇل اۆتونوميالى رايوندىق جاراتىلىستىق بايلىق مەڭگەرمەسىنە بارىپ، جاراتىلىستىق بايلىق مەڭگەرمەسىنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋىنە تەكسەرۋ - زەرتتەۋ جۇرگىزدى جانە وعان جەتەكشىلىك ەتتى. ول بىلاي دەپ باسا دارىپتەدى: جەر - جەر، تاراۋلار نەگىزگى تاقىرىپتىق تاربيەنى ورىستەتۋدە ”ءتورتتى تىڭعىلىقتى جۇرگىزۋ“دى يگەرۋگە ءمان بەرۋ كەرەك: ءبىرىنشى، يدەيالىق تانىمدى يگەرۋدى تىڭعىلىقتى جۇرگىزۋ، ۇيرەنۋدى باستان - اياق ساباقتاستىرىپ، نەگىزگى تاقىرىپتىق تاربيەنىڭ ماڭىزدى ءمانى تۋرالى تانىمدى ۇزدىكسىز تەرەڭدەتۋ، پارتيانىڭ اۋەلگى ماقساتى مەن بورىشى تۋرالى تانىمدى تەرەڭدەتۋ، پارتيا ءدوپ كەلگەن حاۋىپ - قاتەر، سىن - سايىس تۋرالى تانىمدى تەرەڭدەتۋ كەرەك. ۇيرەنۋدە فورماشىلدىققا بوي ۇرۋعا، تەز بىتىرەمىن دەپ اسىعۋعا بولمايدى، ءار رەتتە تىڭ ىلگەرىلەۋشىلىككە، تىڭ اسەرگە قول جەتكىزىپ، بىرتىندەپ قۇراۋ - قوردالاۋ كەرەك. ءىس جۇزىندىكپەن بىرلەستىرىپ ۇيرەنۋدى كۇشەيتىپ، ەكولوگيالىق وركەنيەت قۇرىلىسىنىڭ ماڭىزدىلىعىن ۇعىنۋدى تەرەڭدەتۋ، پارتيا ورتالىق كوميتەتى بەلگىلەگەن ىشكى موڭعۇلدىڭ ستراتەگيالىق ورنىن ۇعىنۋدى تەرەڭدەتۋ، ءوزىنىڭ قىزمەت جاۋاپكەرشىلىگىن ۇعىنۋدى تەرەڭدەتۋ كەرەك. ەكىنشى، ماسەلەلەردى قاداعالاۋدى يگەرۋدى تىڭعىلىقتى جۇرگىزۋ، ىشكەرىلەي تەكسەرىپ - زەرتتەپ، ماسەلەلەردى تاۋىپ، ءداپ باسىپ، تامىرىن تەرەڭ قازىپ، قۇلشىنۋ بەتالىسى مەن جاقسارتۋ شارالارىن ايقىنداۋ كەرەك. ءۇشىنشى، رەتتەۋ - تۇزەتۋدى تياناقتاندىرۋدى يگەرۋدى تىڭعىلىقتى جۇرگىزۋ، اۋرۋىنا قاراي ءدارى بەرۋ، كەمەلدەندىرۋگە ءتيىستى ءتۇزىلىس - مەحانيزمدەردى كەمەلدەندىرۋ، بەكىتۋگە ءتيىستى ساڭلاۋلاردى ويداعىداي بەكىتۋ، سىن ايتۋعا تيىستىلەرىنە مۇقيات سىن ايتۋ، ءبىر جاقتى ەتۋگە تيىستىلەرىن قاتاڭ ءبىر جاقتى ەتۋ كەرەك. ناقتى ماسەلەلەردى شەشۋدىڭ ناتيجەسىن ولشەم ەتىپ، ماسەلەلەر بايقالا سالىسىمەن دەرەۋ ىسكە كىرىسىپ، دەرەۋ وزگەرتۋ كەرەك، كەشەۋىلدەتۋگە، كوزبوياۋشىلىقپەن جولعا سالۋعا بولمايدى. ءتورتىنشى، ۇيىمدىق باسشىلىقتى يگەرۋدى تىڭعىلىقتى جۇرگىزۋ، نەگىزگى باسشى جولداس باستاماشىلدىقپەن ۇيرەنۋ، باستاماشىلدىقپەن تەكسەرۋ - زەرتتەۋ جۇرگىزۋ، باستاماشىلدىقپەن ماسەلەلەردى قاداعالاۋ، باستاماشىلدىقپەن رەتتەۋ - تۇزەتۋدى تياناقتاندىرۋ، ونەگەلىك رولىن ساۋلەلەندىرۋ كەرەك. پارتيا ورتالىق كوميتەتىنىڭ ورنالاستىرۋلارىنىڭ تالاپ، ولشەمدەرىنە تۋرالانۋ، سونىمەن بىرگە، ءىس جۇزىندىكپەن بىرلەستىرىپ ءادىس - ءتاسىلدى مولايتۋ كەرەك. پارتيا ىشىندەگى زاڭ ەرەجە از ەمەس، باستى ماسەلە اتقارۋدىڭ پارمەنسىز بولۋىنان شىعىپ وتىر، كەيبىرىنىڭ اتقارۋ قابىلەتى كەم بولسا، كەيبىرىنىڭ اتقارۋ سەنىمدىلىگى جەتپەيدى. زاڭ ەرەجەنى، ءتۇزىمدى اتقارۋدى كۇشەيتۋ كەرەك، ونى كەمىتۋ - السىرەتۋگە بولمايدى.

  شي جينپيڭ تاعى جاراتىلىستىق بايلىق اكىمشىلىك ىستەر زالىنا كەلىپ، قىزمەتكەرلەرمەن جانە جۇمىس ءبىتىرىپ جاتقان بۇقارامەن اڭگىمەلەسىپ، نەگىزگى تاقىرىپتىق تاربيە ورىستەتۋ جانە قولايلى، جوعارى ءونىمدى اكىمشىلىك ىستەردەن قىزمەت وتەۋدى تياناقتاندىرۋ سياقتى جاعدايلارمەن تانىستى. شي جينپيڭ بىلاي دەپ اتاپ كورسەتتى: بۇقارالىق كوزقاراس پەن بۇقارالىق لۋشياندى قىزمەتتىڭ ءار بۋىنىندا جانە ناقتى ارەكەت بارىسىندا تياناقتاندىرىپ، بۇقارانىڭ جۇمىس ءبىتىرۋىن اناعۇرلىم قولايلى، اناعۇرلىم الاڭسىز ەتۋ كەرەك. جوعارى ءونىمدى، حالىققا قولايلى قىزمەت وتەۋدى ىلگەرىلەتۋمەن بىرگە، جان - جاقتى ويلانىپ، نەعۇرلىم قويا بەرگەن، بازارعا شىعارعان سايىن، باقىلاۋ - باسقارۋدى سولعۇرلىم كۇشەيتىپ، زاڭ ەرەجە بويىنشا قاتاڭ باسقارىپ جانە باقىلاپ، شىرىكتەسۋدەن قاتاڭ ساقتانۋ كەرەك.

  7 - ايدىڭ 16 - كۇنى تۇستەن كەيىن شي جينپيڭ ىشكى موڭعۇل اۆتونوميالى رايوندىق پارتكوم مەن ۇكىمەتتىڭ قىزمەتىنەن جانە ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋ جاعدايىنان مالىمەتتى تىڭداپ، ىشكى موڭعۇلدىڭ ءتۇرلى قىزمەتتەردە قول جەتكىزگەن ناتيجەسىن تۇراقتاندىرىپ، ىشكى موڭعۇلداعى جولداستاردان پارتيا ورتالىق كوميتەتىنىڭ تالابىن مۇقيات دايەكتىلەندىرىپ، موڭعۇل جىلقىسى رۋحىن اسقاقتاتىپ، ءتۇرلى قىزمەتتى اناعۇرلىم جاقسى ىستەۋگە قۇلشىنۋدى ءۇمىت ەتتى.

  شي جينپيڭ بىلاي دەپ باسا دارىپتەدى: حالىقارالىق اۋقىم جەدەل وزگەرىپ، حالىقارالىق جاعدايداعى ورنىقسىزدىق، تۇراقسىزدىق فاكتورلار ۇزدىكسىز كوتەرىلىپ، ەلىمىز دامۋىنىڭ سىرتقى ورتاسىنداعى سىن - سايىستىق فاكتورلار ايتارلىقتاي كوبەيدى. سونىمەن بىرگە، ەل ىشىندەگى ەكونوميكانىڭ دامۋ تاسىلىنە بۇرىلىس جاساۋ، ەكونوميكالىق قۇرىلىمدى ساپالىلاندىرۋ، جوعارى ساپالى دامۋدى ىلگەرىلەتۋ قامال الىپ قيىندىقتى جەڭەتىن شەشۋشى كەزەڭگە ءوتتى، ءۇش ۇلكەن قامال الۋ شايقاسىن ويداعىداي جۇرگىزۋ ماشاقاتتى قۇلشىنىس جاساۋعا تىپتەن مۇقتاج. ءبىز ەكونوميكانىڭ باياندى اقاۋسىز دامۋى مەن قوعامدىق كەلەلى جاعدايدىڭ ورنىقتىلىعىن ساقتاۋدا، ءسوز جوق، يدەيا مەن ارەكەتتى پارتيا ورتالىق كوميتەتىنىڭ جاعداي جونىندەگى تۇجىرىمىمەن جانە شەشىمدەرىمەن، ورنالاستىرۋلارىمەن بىرلىككە كەلتىرىپ، ءوز ءىسىمىزدى تاباندىلىقپەن جاقسى ىستەۋىمىز كەرەك.

  شي جينپيڭ بىلاي دەپ اتاپ كورسەتتى: ىشكى موڭعۇل وتانىمىزدىڭ سولتۇستىك شەكاراسىنا ورنالاسقان، جاراتىلىستىق جانە ەكولوگيالىق بايلىعى ەرەكشە مول، ۇلتتىق مادەنيەتى مول مازمۇندى جانە ءار الۋان، دامۋ كومەسكى كۇشى زور، ستراتەگيالىق ورنى ماڭىزدى. ەكونوميكانىڭ جوعارى ساپالى دامۋىن ىلگەرىلەتىپ، قامداۋ جاعىنداعى قۇرىلىمدىق رەفورمانىڭ ءتۇيىنىن ولقىلىقتاردى تولىقتاۋعا شوعىرلاندىرىپ، ”ءۇشتى ازايتۋ، ءبىردى تومەندەتۋ، ءبىردى تولىقتاۋ“ جەتىستىگىن بەكەمدەپ، رەفورما جاساۋدى، ەسىك اشۋدى تاباندىلىقپەن تەرەڭدەتىپ، ميكرو تۇلعالاردىڭ ومىرشەڭدىگىن كۇشەيتىپ، كاسىپ سالاسى تىزبەگىنىڭ دەڭگەيىن جوعارىلاتىپ، ەكونوميكالىق اينالىمدى ىركىلىسسىزدەندىرىپ، ەگىن، مال شارۋاشىلىعىنىڭ جوعارى ساپالى دامۋىن ىلگەرىلەتىپ، قالا مەن اۋىلدىڭ وڭىرلىك سايكەسە دامۋىن جەبەۋ كەرەك. ەكولوگيانى الدىڭعى ورىنعا قويۋعا، جاسىل دامۋعا تاباندى بولىپ، شوعىرلى، جيناقى، ءتۇيىندى بولۋ جاعىندا شىعار جول ىزدەپ، جايلىمدى قورعاۋدى كۇشەيتىپ، جەردىڭ قۇمايتتانۋىنان، شولەيتتەنۋىنەن ساقتانۋ جانە ونى جونگە سالۋ قىزمەتىن كۇشەيتىپ، ەكولوگيالىق ورتانى ويداعىداي قورعاپ، ەلىمىزدىڭ سولتۇستىگىندەگى ماڭىزدى ەكولوگيالىق حاۋىپسىزدىك قالتقىنى بەكەمدەۋ كەرەك. حالىق تۇرمىسىن شىنايى قامتاماسىز ەتىپ جانە جاقسارتىپ، وقۋ - اعارتۋ، جۇمىستاندىرۋ، قوعامدىق قامتاماسىزداندىرۋ، ەمدەۋ، تۇرعىن ءۇي سياقتى جاقتاردا ورىن تەپكەن كورنەكتى ماسەلەلەردى، كوكەي تەستى ماسەلەلەردى كۇش سالا شەشىپ، ءۇش ۇلكەن قامال الۋ شايقاسىن باتىل، ويداعىداي جۇرگىزىپ، كەدەيلىكتەن ارىلتۋدان قامال الۋدىڭ ءتۇيىنىن اۋىر كەدەي وڭىرلەرگە شوعىرلاندىرىپ، ”ءۇشتى قامتاماسىزداندىرۋ“دا كەزدەسكەن قيىن ماسەلەلەردى ءتۇيىندى تۇردە جەڭىپ، جاپپاي دوڭگەلەك داۋلەتتى قوعامدى دەر كەزىندە ورناتۋعا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: نەگىزگى تاقىرىپتىق تاربيەدە اۋەلگى ماقساتتان اينىماۋ، بورىش ارقالاۋ، پارىقتاردى تابۋ، تياناقتاندىرۋدى يگەرۋ سىندى جالپى تالاپتى جان - جاقتى يگەرىپ، ۇيرەنۋ - تاربيەنى، تەكسەرۋ - زەرتتەۋدى، ماسەلەلەردى قاداعالاۋدى، رەتتەۋ - تۇزەتۋدى تياناقتاندىرۋدى ساباقتاستىرىپ، ناقتى ونىمدىلىككە جەتۋگە قۇلشىنۋ كەرەك. قۋزاۋ - جەتەكشىلىك ەتۋدى كۇشەيتىپ، جاقسى ىستەگەندەردى دەر كەزىندە ماداقتاۋ، ورىستەتۋى پارمەنسىز بولعاندارعا دەر كەزىندە سىن ايتىپ، ەسكەرتۋ بەرۋ، اۋىتقۋ تۋىلعانداردى دەر كەزىندە تۇزەتۋ كەرەك.

  شي جينپيڭ بىلاي دەپ اتاپ كورسەتتى: ىشكى موڭعۇل ەلىمىزدىڭ ۇلتتىق وڭىرلىك اۆتونوميا ءتۇزىمىنىڭ العاش جولعا قويىلعان جەرى، ۇلتتار ىنتىماعىنىڭ داڭقتى داستۇرىنە يە. ۇلتتار ىنتىماعى ۇلى تۋىن بيىك ۇستاپ، پارتيانىڭ ۇلت ساياساتىن جان - جاقتى دايەكتىلەندىرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ءوزارا قارايلاسۋ، ءبىر - بىرىنە كومەكتەسۋ ۇستانىمىن جۇزەگە اسىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءار ۇلت حالقىن پارتيانىڭ توڭىرەگىنە تىعىز ىنتىماقتاستىرىپ، وتاننىڭ شەكارا ءوڭىرىن بىرگە كۇزەتىپ، بىرلەسە وتىرىپ تاماشا تۇرمىس جاراتىپ، جاڭا داۋىردە ۇلگىلى اۆتونوميالى رايوننىڭ اسقاق داڭقىن ۇزدىكسىز ساقتاۋ كەرەك.

  قىزمەت تەكسەرۋ كەزىندە، شي جينپيڭ كوكحوتتا ىشكى موڭعۇلدا تۇراتىن اسكەري قوسىنداردىڭ ورىنباسار شى دارەجەلىدەن جوعارى باسشى كادرلارى مەن تۋان دارەجەلى ورىنداردىڭ نەگىزگى كومانديرلارىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ىشكى موڭعۇلدا تۇراتىن اسكەري قوسىندارداعى بارلىق كوماندير - جاۋىنگەرلەرگە شىن ىقىلاستى سالەم جولدادى. شۇي چيلياڭ كەزدەسۋگە سەرىك بولدى.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋگە سەرىك بولدى نەمەسە قاتىستى قيمىلدارعا قاتىناستى.

جاۋاپتى رەداكتور: ءاننا اكىمقان قىزى
  • ورتانى رەتكە سالىپ وڭاپ، ونەركاسىپتىك ساياحاتتى جەبەدى
  • چىن چۋانگو ۇرىمجىدە كاسىپورىنداردىڭ ءوندىرىس، تيجارات جاعدايىنا تەكسەرۋ - زەرتتەۋ جۇرگىزدى
  • قاناس كورىنىس ءوڭىرى ساياحاتتىڭ ءبىر مەزگىلدىك قاۋىرت كەزەڭىن قارسى الدى
  • شي جينپيڭ: ورتالىق پەن مەملەكەت ورگاندارىنىڭ پارتيا قۇرىلىسى ساپاسىن جاپپاي جوعارىلاتايىق