اعاجاي-التاي تورابى   ›   اقپارات ايدىنى   ›   سۋرەتتى حابارلار

ورتانى رەتكە سالىپ وڭاپ، ونەركاسىپتىك ساياحاتتى جەبەدى

      شينحۋا اگەنتتىگىنىڭ ءتىلشىسى سۇن جىنىڭ 7 ـ ايدىڭ 8 ـ كۇنى ۇرىمجىدەن بەرگەن حابارى. 200 نەشە مەتر تەرەڭدىكتەگى 3 ـ ءنومىرلى كەننىڭ جوعارى جاعىنان تومەنگە كوز تاستاۋ، اياكوز كەن ۇڭگىرىن كەسىپ ءوتۋ، گەولوگيالىق كورمە ورنىن تاماشالاۋ... جۋىقتان بەرى دەربەس ونەركاسىپتىك كەن رايونىن وزگەرتۋ، كوشىرۋ قىزمەتىن جەبەۋدى ارقاۋ ەتىپ، اتى الىس ـ جاقىنعا تاراعان كوكتوعاي اۋدانى كوكتوعاي قالاشىعىنىڭ كوكتوعاي كونە كەن رايونى ورتانى وڭاۋ ارقىلى تيپكە بىرتىندەپ بۇرىلىس جاسادى، جاندانا تۇسكەن ونەركاسىپتىك ساياحات توڭىرەكتىڭ ءتورت بۇرىشىنان كەلگەن ساياحاتشىلاردى باۋرادى.

   ەلىمىزگە تانىلعان 170 نەشە ءتۇرلى كەن رۋداسىنىڭ 80 نەشە ءتۇرلىسى كوكتوعايدان شىعادى. بۇرىن اۆياتسيا جانە مەملەكەت قورعانىسى ونەركاسىبىنىڭ دامۋىن قۇندى شيكىزاتپەن قامداعان، وسى سەبەپتى دە كوكتوعاي «ەڭبەك سىڭىرگەن كەن» اتالىپ كەلگەن بولاتىن. 20 ـ عاسىردىڭ سوڭىندا كوكتوعاي بايلىق قاينارى سارقىلۋ سەبەبىنەن دامۋ بارىسىندا قيىنشىلىقتارعا ءدوپ كەلدى.

  «كاسىپورىننىڭ ونىمدىلىگى تومەن، بىلعانىشى اۋىر. جاقىن ماڭايداعى كورىنىس رايوندارىندا ساياحاتشىلاردىڭ كوپ ەكەندىگىن كورىپ قولىمىزداعى بايلىقتان پايدالانۋ ويىنا كەلدىك» ـ دەدى كوكتوعاي سيرەك كەزدەسەتىن مەتال سەرىكتەستىگىنىڭ باس ديرەكتورى ماۋ سۇڭشان.

  «شينجياڭنىڭ تابيعي كورىنىسىنىڭ اتى الىس ـ جاقىنعا ايگىلى بولسا، كوكتوعاي ونەركاسىپتىك ساياحات بايلىعى سونىڭ ىشىندەگى بىرەگەيى» ـ دەدى ماۋ سۇڭشان. ال، 3 ـ كاسىپتە تيپكە بۇرىلىس جاساۋ ءۇشىن ەڭ اۋەلى كەن رايونىنىڭ ورتاسىن ۋنيۆەرسال قالپىنا كەلتىرۋ جانە رەتكە سالىپ، وڭاۋ كەرەك.

  دەربەس ونەركاسىپتىك كەن رايونىنىڭ كاسىپ تيپىنە بۇرىلىس جاساۋعا 3 ميلليارد 760 ميلليون يۋان قارجى قوسىلعان ۋنيۆەرسال وڭاۋ قىزمەتى ورتانى رەتكە سالىپ، وڭاۋدى ءتۇيىن ەتىپ، ەڭ اۋەلى كىرەمني كاربيد زاۆودى مەن ەلەكتروليزدى اليۋمين زاۆودى قاتارلىلاردى جاپتى.

  جاسىل جامىلعىلار قالپىنا كەلىپ، كونە ۇيلەر وزگەرتىلىپ سالىنىپ، تاس جول جاسالدى... 6 جىلدان بەرى كوكتوعايدىڭ كونە كەن رايونى شىت جاڭا بەينەگە ەنىپ، اينالاسىنداعى تاقىر تاۋلار جاسىل جەلەك جامىلدى. جەرگىلىكتى ورىن 3 ـ ءنومىرلى قالدىق كەن ءۇيىندىسى ٴوڭىرىن ساياحاتشىلار ايالدايتىن الاڭعا جانە كۇتىپ الۋ ورتالىعىنا اينالدىرۋمەن بىرگە، جاسىلداندىرۋ قىزمەتىن ۇزدىكسىز ىستەدى. 3 ـ ءنومىرلى كەن قۇدىعى جانە گەولوگيالىق كورمە ورنى ءونىمدى قورعالىپ، الدى بىلتىر 11 ـ ايدا مەملەكەتتىك ونەركاسىپتىك مۇراعاتتار ەسىمدىگىنە تابىستى ەنگىزىلدى.

  سونىمەن بىرگە، جابىلعان كىرەمي كاربيد زاۆودى مادەنيەت باقشاسى بولىپ وزگەرتىلىپ، مادەنيەت جاعىنداعى ساياحات كاسىپورىندارىن ىرگە تەبۋگە باۋرادى. 30 نەشە جىل كەرەكسىز قالعان اياكوز كەن ۇڭگىرى رەمونتتالعاننان كەيىن قايتا اشىلىپ، قىزۋ قارسى الىنعان كورىنىس تۇيىنىنە اينالدى. كوكتوعاي ورتانى رەتكە سالىپ وڭاۋدىڭ ءبىرسىپىرا شاراسىن اتقارۋ ارقىلى كونە كەن رايونىن «جاڭا تانىسقىعا» بىرتىندەپ اينالدىردى.

  كوپتەگەن جۇمىسكەرلەر سول جەردىڭ وزىندە كاسىپتەنىپ، جاڭادان قۇرىلعان ساياحات سەرىكتەستىكتەرىنە كىرىپ، تازالىق، اس ـ سۋ كاسىپتەرىمەن اينالىستى، قالاشىقتىڭ جان باسىندىق جىلدىق كىرىسى 15 مىڭ يۋان اينالاسىندا بولدى.

  «كوكتوعاي كەنىنىڭ بۇگىنگى گۇلدەنگەن بەينەسىن كوركەندە كوكىرەگىمدى ماقتانىش سەزىمى كەرنەدى» ـ دەدى كوكتوعاي مەملەكەتتىك كەن باقشاسى كورىنىس رايونىنىڭ ديرەكتورى تان شىڭلي.

جاۋاپتى رەداكتور: ءاننا اكىمقان قىزى
  • چىن چۋانگو ۇرىمجىدە كاسىپورىنداردىڭ ءوندىرىس، تيجارات جاعدايىنا تەكسەرۋ - زەرتتەۋ جۇرگىزدى
  • قاناس كورىنىس ءوڭىرى ساياحاتتىڭ ءبىر مەزگىلدىك قاۋىرت كەزەڭىن قارسى الدى
  • شي جينپيڭ: ورتالىق پەن مەملەكەت ورگاندارىنىڭ پارتيا قۇرىلىسى ساپاسىن جاپپاي جوعارىلاتايىق
  • جازعى كۇننىڭ كورىنىستەرى سىزعان سۋرەتتەي