اعاجاي-التاي تورابى   ›   اقپارات ايدىنى   ›   شينجياڭ حابارلارى

سۇيىسپەنشىلىكپەن، شىن پەيىلىمەن بۇقارا ءۇشىن قىزمەت وتەدى

سۇيىسپەنشىلىكپەن، شىن پەيىلىمەن بۇقارا ءۇشىن قىزمەت وتەدى

− باعراش اۋدانى باعراش قالاشىعى ىنتىماق الەۋمەتتىك اۋماعىنىڭ ءبىرىنشى شۋجيى، پارتيا باس ياچەيكاسىنىڭ شۋجيى سەرجىما جونىندە

اۋەلگى ماقساتتى ۇمىتپاۋ بورىشتى ەستە بەرىك ساقتاۋ

قاسىمىزداعى ۇلگىلەر

ءتىلشىمىز دۋ جيانحۇي

  ”پارتيا مۇشەسى ءوز باسىنان ونەگە كورسەتىپ، ماڭگى بۇقارانىڭ الدىندا ءجۇرىپ، اتويشىل اسكەر بولۋ كەرەك“. بۇل باعراش اۋدانى باعراش قالاشىعى ىنتىماق الەۋمەتتىك اۋماعىنىڭ ءبىرىنشى شۋجيى، پارتيا باس ياچەيكاسىنىڭ شۋجيى سەرجىمانىڭ ۇنەمى اۋىزىنان تاستامايتىن ءبىر اۋىز ءسوزى. ءار كۇنى قىزمەتتەن قايتقان سوڭ، ول ۇنەمى ەستەلىك داپتەرىنە سول كۇنى الەۋمەتتىك اۋماقتا بولعان ۇلكەندى - كىشىلى ىستەردى ەستەلىككە الىپ وتىرادى، كىمنىڭ بالاسى ۇيىندە جوق، قايسى وتباسىنداعى قارت ناۋقاستانىپ قالدى، كىمنىڭ ۇيىندە قيىنشىلىق بار، ت. ب.

  سۇيىسپەنشىلىكپەن، شىن پەيىلىمەن بۇقارا ءۇشىن قىزمەت وتەگەندىگى سەبەپتى، سەرجىما ىلگەرىندى - كەيىندى اۆتونوميالى رايوندىق ۇلتتار ىنتىماعىنداعى ۇلگىلى جەكە، اۆتونوميالى رايوندىق 8 - مارت قىزىل تۋشىسى قاتارلى داڭقتى اتاقتارعا يە بولدى.

■ شىنايى سۇيىسپەنشىلىكپەن بۇقاراعا قىزمەت وتەدى

  6 - ايدىڭ 12 - كۇنى تۇستەن بۇرىن، سەرجىما الەۋمەتتىك اۋماقتاعى كادرلاردى ۇيىمداستىرىپ تاڭەرتەڭگى جيىن اشىپ، ءبىر كۇندىك قىزمەتتى ورنالاستىردى.

  سول كۇنى بۇقارا اڭىس ەتكەن گۇل باقشانى سۋارۋ قيىن بولۋ ماسەلەسىنە قاراتا، سەرجىما قوجالىقپەن بايلانىس جاساپ، ارتىق ءبىر سۋ شىعارۋ قۇبىرىن جالعاپ، جاڭادان بىرنەشە سۋ قۇبىرىن قوسىپ، تۇرعىنداردىڭ ەككەن گۇل - شوپتەرىن سۋارۋىنا قولايلىلىق جاسادى. كەيبىر ساۋدا دۇكەندەرى جولدى يەلەپ تيجارات جۇرگىزىپ جاتقاندىعىن ەستىگەن سوڭ، ول تاعى ساۋدا دۇكەندەرىنە بارىپ يدەيالىق قىزمەت ىستەدى...

  سەرجىما ىلگەرىندى - كەيىندى ەكى الەۋمەتتىك اۋماقتا قىزمەت ىستەگەن، قازىر قىزمەت ىستەپ وتىرعان ىنتىماق الەۋمەتتىك اۋماعىنىڭ تۇرعىندارى كوپ ۇلتتان قۇرالعان. ول بىلاي دەدى: ”مەن موڭعۇل ۇلتىنانمىن، كىشكەنە كەزىمنەن باستاپ حانزۋ، ۇيعۇر جانە باسقا ۇلت دوستارىممەن بىرگە ەسەيىپ - ەرجەتتىم، ءبىز اناردىڭ دانىندەي تىعىز ۇيىسىپ كەلەمىز“. سەرجىمانىڭ باستاماشىلدىق ەتۋىمەن، ىنتىماق الەۋمەتتىك اۋماعى كورشىلەر ارا جۇپ قۇراپ تۋىستاسۋ قيمىلىن ورىستەتىپ، جۇپ قۇراعان تۋىستار مەرەكە - مەيرام كەزىندە، ءسوزسىز، ءبىر - بىرىنە امانداسا باراتىن، قيىنشىلىققا جولىقسا، ءسوزسىز، كومەكتەسەتىن ىنتىماق رايىن قالىپتاستىردى. مەرەكە - مەيرام كەلسە، جۇپ قۇراپ، تۋىس بولعان كورشىلەر ءبىر - بىرىنە امانداسا بارىپ، ءوزارا ءتىل ۇيرەنىپ، ءبىر - بىرىنە تىلەك ايتىپ، ءار ۇلت كورشىلەرىنىڭ ارالاسۋىن، ىشتەسۋىن، توعىسۋىن جەبەدى. سەرجىما جۇپ قۇراپ، تۋىس بولعان لي شۋ - ى باس بارماعىن شىعارىپ بىلاي دەدى: ”مەن جالعىز تۇرامىن، قازىر جاسىم ۇلعايىپ قالعان سوڭ، ءجۇرىس - تۇرىسىم دا قولايسىز بولىپ قالدى، ۇل - قىزدارىمنىڭ بارلىعى قاسىمدا ەمەس، ول مەنىڭ قىزىم، قيىن ىستەرگە جولىقسام وعان تەلەفون بەرەمىن، ول ىلعي دا دەرەۋ جەتىپ كەلەدى“.

  قازىرگە دەيىن، ىنتىماق الەۋمەتتىك اۋماعىندا كورشىلەر ارا جۇپ قۇراپ، تۋىس بولعان وتباسى جيىنى 627 جۇپ بولدى، ءار عيمارات سايىن ”كورشىلەر ارا جۇپ قۇراعان تۋىستاردىڭ جىلى شىراي تامىن“ تۇرعىزىپ، ءار ماۋسىم سايىن الەۋمەتتىك اۋماقتا ”كورشىلەر ارا جۇپ قۇراپ، تۋىس بولىپ، ءوزارا كومەكتەسۋ، ءوزارا جاردەمدەسۋدى باعالاۋ“ قيمىلىن ۇيىمداستىردى.

■ ۇلگىنىڭ كۇشىن ساۋلەلەندىردى

  ”پارتيا مەن ۇكىمەتتىڭ باسشىلىعىندا جانە ىقىلاستى قامقورلىعىندا، قاراپايىم بۇقارا بولعان ءبىز عيماراتتا تۇرامىز، كولىگىمىز بار، حالىققا ءتيىمدى ءتۇرلى ساياساتتان يگىلىكتەنىپ كەلەمىز، تۇرمىسىمىز بارعان سايىن جاقسارىپ، باقىتتى تۇرمىس كەشىرىپ جاتىرمىز ...“، - دەيدى الەۋمەتتىك اۋماقتىڭ تۇرعىنى احات روزى. وسى سەبەپتى دە ول دۇيسەنبى كۇنى مەملەكەت تۋىن شىعارعان سوڭ، وزدىگىنەن سەرجىمانى ىزدەپ، ۇگىت - لەكسياشى بولۋ ارمانىن ايتادى.

  ”ءبىز ميكروفوندى بۇقاراعا بەرىپ، بۇقاراعا ءوز كوڭىلىندەگى سوزدەرىن ايتقىزىپ، مەملەكەت تۋىن شىعارعاننان كەيىنگى دابىرالى ۇگىت - لەكسيا تۇعىرىن يدەولوگيا سالاسىنىڭ توركىنىن تۇزەپ، قاينارىن وڭاۋداعى بازاعا اينالدىرۋىمىز كەرەك“. سەرجىمانىڭ وسى ءبىر اۋىز ءسوزى احاتقا قىزۋ شابىت جانە دەمەۋ بولدى.

  وزات ۇلگىلەر − بۇقارانىڭ ۇيرەنۋ ۇلگىسى، بۇقارانىڭ ماڭىنداعى وزات ۇلگىلەر بۇقاراعا اناعۇرلىم زور جەتەكشىلىك رول اتقارادى. سەرجىما قاراستى اۋماعىنىڭ ”ەڭ ارداقتى انا“، ”ەڭ ارداقتى كەلىن“، ”ەڭ ارداقتى شارۋاشىلىق قۇرۋشى ايەل“ قاتارلى تيپتىك ۇلگىلەردى باعالاۋعا باسا ءمان بەرەدى، ول بىلاي دەدى: ”ءبىز ماڭايىمىزداعى ۇلگىلەر ارقىلى اينالامىزداعى بۇقاراعا جەتەكشىلىك ەتۋىمىز كەرەك“.

  سەرجىما قاراستى اۋماقتاعى ءبىر توپ قابىلەتتى دە الەۋمەتتىك اۋماق ىستەرىنە قىزۋ ىنتالى قارت جولداستاردى، ساقا پارتيا مۇشەلەرىن ءبىر - بىرلەپ ۇسىنىسپەن شاقىرىپ الىپ، الەۋمەتتىك اۋماقتىڭ قىزمەت ورىستەتۋىندەگى تىرەكتى كومەكشىگە اينالدىرىپ، الەۋمەتتىك اۋماقتىڭ ەرىكتى قىزمەت وتەۋ اترەتىن قۇردى. ول تاعى الەۋمەتتىك اۋماقتاعى ءانشى، ءبيشى اپەكە - سىڭلىلەردى ۇيىمداستىرىپ، باعراش اۋدانىنىڭ تۇڭعىش الەۋمەتتىك اۋماق ادەبيەت - كوركەمونەر ويىن - ساۋىق اترەتى − گۇلي بيشىلەر اترەتىن ۇيىمداستىرىپ قۇردى؛ حاتكەرلىككە توتەنشە قىزىعاتىن زەينەتكە شىققان كادرلاردى ۇيىمداستىرىپ، ”پاكتىك قۇرىلىسى حاتكەرلىك ۇيىرمەسىن“ قۇردى؛ ونەرلى بۇقارانى ۇيىمداستىرىپ، ”شيياڭلى ءان - كۇي ۇيىرمەسىن“ جانە ”الاڭ ءبيى اترەتىن“ قۇرىپ، كوپتەگەن بۇقارانى ات سالىسۋعا باۋراپ، كوپشىلىكتىڭ رۋحاني مادەنيەت تۇرمىسىن بايىتتى.

■ نەگىزگى ساتى ۇيىمىن بەكەمدەدى

  الەۋمەتتىك اۋماق پارتيا باس ياچەيكاسىنىڭ جاۋىنگەر قامالدىق رولىن تولىق ساۋلەلەندىرۋ ءۇشىن، سەرجىما الەۋمەتتىك اۋماق ”ەكى كوميتەتى“نىڭ ءتۇرلى قىزمەت ءتۇزىمىن اقاۋسىزداندىرۋدان، كەمەلدەندىرۋدەن باستاپ ىسكە كىرىسىپ، ءتۇزىم ارقىلى ادام باسقارۋدى، ءىس باسقارۋدى جۇزەگە اسىرىپ، ءتۇرلى قىزمەتتىڭ بويسۇناتىن ەرەجەسى بولۋعا شىنايى كەپىلدىك ەتتى. پارتيا باس ياچەيكاسى شۋجيىنىڭ رولىن تولىق ساۋلەلەندىرىپ، ۇيىمدىق تۇرمىستى ارناعا ءتۇسىرىپ، باس بولىپ پارتيا ساباعىن ءوتىپ، ”ءۇش جيىن، ءبىر ساباق“ ءتۇزىمىن مۇقيات تياناقتاندىردى. سونىمەن قاتار، الەۋمەتتىك اۋماق كادرلارىنىڭ نە ىستەۋ كەرەك، قالاي ىستەۋ كەرەك دەگەن ماسەلەنى اشالاپ الۋىنا كومەكتەسىپ، كادرلاردىڭ ىشكى قوزعاۋشى كۇشىن تاسقىنداتىپ، پارتيا باس ياچەيكاسىنىڭ ۇيىستىرۋ قۋاتى، باۋراۋ قۋاتى، باسشىلىق قابىلەتى، اتقارۋ قابىلەتى كورنەكتى كۇشەيدى.

  ”بۇقارالىق قىزمەتتى ويداعىداي ىستەۋ ءۇشىن، سۇيىسپەنشىلىك ارناۋمەن بىرگە، مەيىر دە ارناۋ كەرەك، شىنايى دا ءونىمدى جولدار ارقىلى كوبىرەك ءىس ىستەۋ، ناقتى ءىس ىستەۋ كەرەك. قاراستى اۋماقتاعى تۇرعىنداردىڭ كوكەيىندەگى كەلەلى جۇمىستار ويداعىداي شەشىلسە، كادرلار مەن بۇقارانىڭ سۇيىسپەنشىلىگى تەرەڭدەسە، كوپشىلىك سوندا عانا ساعان سەنىم ارتادى، سوندا عانا ساعان ىلەسىپ بىلەك سىبانىپ قايراتتانا ىستەۋگە رازى بولادى“، - دەيدى سەرجىما.

  ” تەك بۇقارالىق قىزمەتتى شىنايى ىستەگەندە، تەرەڭدەي ىستەگەندە، ەگجەي - تەگجەيلى ىستەگەندە، جەتكىزە ىستەگەندە عانا، بۇقارانى ءبىر اراعا ۇيىستىرىپ، پارتيا باس ياچەيكاسىن شىن مانىندەگى پارمەندى جاۋىنگەر قامالعا اينالدىرۋعا بولادى“. اۆتونوميالى رايوننىڭ 9 ءتۇرلى حالىققا تيىمدىلىك جاساۋ ينجەنەرياسىن تياناقتاندىرۋ بارىسىندا، سەرجىما الەۋمەتتىك اۋماقتىڭ كادرلارىنان جانە ولاردىڭ تۋىس - تۋعاندارىنان باستاپ تەكسەرىپ، ولشەم بويىنشا قاتاڭ سارالاپ تەكسەرىپ، تۋىسىنا جان باسۋدى باتىل تيدى.

  الەۋمەتتىك اۋماق قىزمەتكەرى سۋ حايياۋ تولىق سەنىممەن بىلاي دەدى: ”سەرجىما شۋجي مەن باسقا پارتيالى كادرلاردىڭ ۇيرەتۋ، كومەكتەسۋ جانە جەتەكتەۋىنىڭ ارقاسىندا، مەنىڭ بۇدان كەيىنگى قىزمەتتى جاقسى ىستەۋىمە سەنىمىم كامىل!“.

جاۋاپتى رەداكتور: ءاننا اكىمقان قىزى
  • قاناس كورىنىس ءوڭىرى ساياحاتتىڭ ءبىر مەزگىلدىك قاۋىرت كەزەڭىن قارسى الدى
  • شي جينپيڭ: ورتالىق پەن مەملەكەت ورگاندارىنىڭ پارتيا قۇرىلىسى ساپاسىن جاپپاي جوعارىلاتايىق
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك