اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

2019 ـ جىلعى تۇڭعىش كەزەكتى «جيلين ـ التاي» ساياحات ارقىلى شينجياڭعا باعىتتامالى كومەكتەسۋ ارناۋلى ۇشاعى التايعا جەتتى

جيليندىق 60 ساياحاتشى «كورىكتى التاي» ساپارىن باستادى

  التاي گازەتىنىڭ ءتىلشىسى جۇڭ چۇنچۇن حابارلايدى. 7 ـ ايدىڭ 9 ـ كۇنى تۇستەن بۇرىن ساعات 10 دا، تۇڭعىش كەزەكتى «جيلين __ التاي» ساياحات ارقىلى شينجياڭعا باعىتتامالى كومەكتەسۋ ارناۋلى ۇشاعى التايعا جەتتى. جيليننان كەلگەن 60 ساياحاتشى 3 كۇن ۋاقىتپەن التايدىڭ ايگىلى كورىنىس تۇيىندەرىن ارالاپ، اسەم كورىنىستەردى تاماشالاپ، بۇل جەردىڭ بوگەنايى بولەك ۇلتتىق سالت ـ سانا مادەنيەتىن سەزىنەدى.

  قارسى الۋ سالتىندا، ساياحاتشىلار ۇلتتىق ەرەكشەلىككە يە ويىن نومىرلەرىن تاماشالاپ، قويۋ ۇلتتىق مادەنيەت اۋانىن سەزىندى. ۇزاقتان كەلگەن ساياحاتشىلار اسەم ءبيدىڭ ىرعاعىنا ىلەسە، قازاق قىز ـ جىگىتتەرىمەن بىرلىكتە بيگە باسىپ، ولارمەن بىرلىكتە سۋرەتكە ءتۇسىپ ەستەلىك قالدىردى.

  جيليندىق ساياحاتشى ليۋ جيالي تىلشىگە: «ۇشاقتان تۇسە سالىسىمەن التاي حالقىنىڭ قىزۋ مەيىرىن سەزىندىم، الداعى كۇندەردەگى ساپاردى اسىعا كۇتۋدەمىن، اناعۇرلىم كوپ ساياحاتشىلاردىڭ التايعا كەلىپ بۇل جەردىڭ كوركەم كورىنىسىن تاماشالاۋىن تىلەيمىن» ـ دەدى.

  ۇعىسۋعا قاراعاندا، ارناۋلى ۇشاق التايدا 3 كۇن، 2 ٴتۇن ايالدايدى، ساياحاتشىلار تاڭعاجايىپ كورىنىسكە يە قاناس، الۋان تۇسكە بولەنگەن اقتۇبەك كەرىشتى كەمىرى، وتانشىلدىق تاربيە بازاسى جانە شەكارا توڭكەرىستىك ساياحات ءتۇيىنى قاتارلى ءبىر توپ اتى ايگىلى كورىنىس رايوندارىن ارالاپ، التايدىڭ تابيعات كورىنىسى، تاريحي مادەنيەتى، ۇلتتىق سالت ـ ساناسى، مەرەكە قيمىلدارى قاتارلىلاردى ەگجەي ـ تەگجەيلى ۇعىنادى جانە باستان كەشىرەدى.

  التاي «تاۋى التىن، سۋى ءمولدىر»، «مىڭ شاقىرىمدىق ساياحات كاريدورى» داڭقتى اتاعىنا يە. جاقىنعى جىلداردان بەرى، ايماقتىق پارتكوم، اكىمشىلىك مەكەمەسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، اۆتونوميالى رايوندىق پارتكومنىڭ «1+3+3+ رەفورما جاساپ، ەسىك اشۋ» قىزمەت ورنالاستىرۋىنا ساي، «ساياحات كاسىبىن نەگىزگى تۇلعا ەتىپ، 1 ـ كاسىپتى جەتەلەپ، 2 ـ كاسىپتى سۇيەمەلدەۋگە» تاباندى بولىپ، ورنىقتىلىق الا كەلگەن تابىستى ۇزدىكسىز تۋىنداتىپ، ساياحات كاسىبى قارىشتاپ دامىدى. ۇعىسۋعا قاراعاندا، 2019 ـ جىلى «جيلين __ التاي» شينجياڭعا باعىتتامالى كومەكتەسۋ اۋە ساياحاتى ارناۋلى ۇشاعى مەجەمەن 50 كەزەك ۇشىپ، 7 ـ ايدىڭ ورتا شەنىنەن باستالىپ، 10 ـ ايدىڭ ورتا شەنىندە اياقتايدى، اپتا سايىن ساياحات ۇيىرمەسى كەلىپ تۇرادى ەكەن.

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى