اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

ەگىن شارۋاشىلىعى رايونىندا مال شارۋاشىلىعىن دامىتۋدى جەدەلدەتىپ، ەگىنشى ـ مالشىلار كىرىسىنىڭ ارتۋىن جەبەدى

  التاي گازەتىنىڭ ءتىلشىسى ياڭ ۋيشۋان حابارلايدى. تاياۋدان بەرى، بۋرىلتوعاي اۋدانى ءتۇرلى ءتيىمدى ساياساتتاردى ىركەس ـ تىركەس ورتاعا قويىپ، ۇگىتتەۋ، جەتەلەۋ تەبىنىن كۇشەيتىپ، ەگىنشى ـ مالشىلاردى وسىزامانعى مال شارۋاشىلىعىن دامىتۋعا شابىتتاندىرىپ، ەگىن شارۋاشىلىق رايونىندا مال شارۋاشىلىعىن دامىتۋ جولىمەن ءجۇرىپ، «10باس، 100باس، 1000باس» سيىر جوباسىن بەلگىلەپ، ەرەكشە باعىمشىلىقتى دامىتىپ، مال شارۋاشىلىعىن كاسىپ سالالاندىرۋ، شوعىرلاندىرۋ، كولەمدەندىرۋ، ينفورماتسيالاندىرۋ دەڭگەيىن بارىنشا جوعارىلاتتى.

  10 باس سيىر: پارتيانىڭ كەدەيلەردى سۇيەمەلدەۋ ساياساتىندا ايتار جوق، كىرىستى ارتتىرىپ، اۋقاتتانۋعا جول سىلتەدى

  بيىل 37 جاستاعى باقىتگۇل وقانباي قىزى __ بۋرىلتوعاي اۋدانى شىعانجيدە اۋىلى سەكىرۋ قىستاعىنىڭ تۇرعىنى. 2015 ـ جىلعا دەيىن ەگىن ەگۋگە سۇيەنىپ كەلگەن باقىتگۇل مەن جۇبايىنىڭ جىلدىق كىرىسى ماندىمدى ەمەس ەدى. ەگىستىكتىڭ قاربالاس كەزىندە ولاردىڭ بالاسىنا دا قارايلاساتىن ۋاقىتى بولمايتىن. 2015 ـ جىلى بۋرىلتوعاي اۋدانىنىڭ كەدەيلەردى سۇيەمەلدەۋ، كومەكتەسۋ ابزال ساياساتىنىڭ ارقاسىندا، باقىتگۇل تومەن ءوسىمدى قارىزبەن بىرنەشە باس سيىر ساتىپ الىپ، باعىمشىلىق كاسىبىن باستاپ كەتەدى.قورادا مال باعۋ باقىتگۇلدى اۋىر دەنە ەڭبەگىنەن ازات ەتەدى. قىسقا عانا بىرنەشە جىلدا ول قارىزىن قايتارۋمەن بىرگە، جيعان اقشاسىمەن اۋىلدان ءبىر ماگازين اشىپ الىپ، تۇرمىسى جاقسارا ءتۇستى. قازىر جۇبايى ۇيدە قوراداعى مالىنا قاراسا، باقىتگۇل ماگازينىن اشىپ، قوسىمشا ءسۇت ونىمدەرىن ساتىپ، كوپشىلىكتىڭ قارسى الۋىنا يە بولدى.

  باقىتگۇل بىلاي دەدى:« بۇرىن جۇبايىم ەكەۋىمىز جەر ەگۋگە سۇيەنىپ كەلدىك، كىرىسىمىز ماردىمسىز بولماعانمەن قويماي، وتباسىمىزداعىلارعا دا قارايلاسا المايتىنبىز، قازىر باعىمشىلىقپەن اينالىسىپ، ماگازين اشىپ، جىلىنا كەم دەگەندە 60مىڭ يۋان كىرىس تابامىز پارتيانىڭ ابزال ساياساتىنا راحمەت!».

  100 باس سيىر: ءداستۇرلى وي جەلىگە وزگەرىس ەنگىزىپ، مالدى قولدا باعۋعا قاراي ويىستى

  تاياۋدا، ءتىلشى بۋرىلتوعاي اۋدانى كوكاعاش اۋىلى شىباروي قىستاعىنىڭ تۇرعىنى دۋبان بۇقادان ۇلى وتباسىنان دۋبان مەن جۇبايى باقىتگۇلدىڭ قوراداعى100 باس سيمەنتال سيىرعا جاڭا سۇرلەمدىك جەم ـ ءشوپ بەرىپ جاتقانىن كوردى. دۋباننىڭ تانىستىرۋىنا قاراعاندا، ۇكىمەتتىڭ بار كۇشپەن ۇگىتتەۋى مەن جەتەلەۋىندە، ولار ءوز ابزالدىلىعىنا بىرلەستىرىپ،ۇشاق مالدى ءىرىقاراعا ايىرباستاپ،مال ءناسىلىن جاقسارتىپ، مالدى قورادا باعۋدى دامىتىپ، كىرىسى جىلدان جىلعا ارتقان، ال 6 جىلدىڭ الدىندا دۋبان كوشى ـ قون تۇرمىسىن كەشىرىپ جۇرگەن ەدى.

  ءاسىلى دۋباننىڭ باعىپ وتىرعانى ـ جەرگىلىكتى تەگەنە قۇيرىقتى قوي ەدى، ءشوپ شىعىمى جاقسى بولسا، مالىڭ كۇيلى بولادى، ءشوپ شىعىنى جاقسى بولماسا كەرىسىنشە بولادى، ونىڭ ۇستىنە شىعىن كوپ بولىپ، جىلدىق كىرىسى دە ويداعىداي بولمايدى.ەگىن شارۋاشىلىق رايونىندا مال باعىمشىلىعىن دامىتۋدىڭ ءدامىن تاتقان ولار قىسقا عانا بىرنەشە جىلدا مالىن 100 باسقا كوبەيتىپ الدى.

  دۋباننىڭ تانىستىرۋىنا نەگىزدەلگەندە، ەگىن شارۋاشىلىق رايونىندا مال باعىمشىلىعىمەن اينالىسۋدىڭ پايداسى كوپ، ەڭبەككۇشتى كوپ قاجەت ەتپەيدى، بۇزاۋ ءوسىرۋ شارت ـ جاعدايى جاقسى، ەگەر مال ىندەتكە شالدىعا قالسا، مال دوحتىرى دا قاسىمىزدا، ۋاقىت ۇتۋمەن قويماي، ەڭبەك كۇشىن ۇتۋعا بولادى، ءبىرشاما قولايلى.

  قازىر دۋماننىڭ قولى بوساي قالسا بولعانى باعىمشىلىق جاعىنداعى جاڭا ساياساتتارعا قۇلاق تۇرۋمەن بىرگە، باعىمشىلىق جاعىنداعى بىلىمدەردى ۇيرەنەدى، ۇيرەنگىش، ىزدەنگىشتىگىنىڭ ارقاسىندا ول جەم ـ ءشوپ بازاسىن، ءسۇرلەم ۇراسىن سالىپ، سۇرلەم بورمي ەگىپ، مالدى قىس قىرىنان امان وكىزۋگە جەتكىلىكتى جەم ـ ءشوپ ازىرلەدى. بۋرىلتوعاي اۋدانىنىڭ ەگىن شارۋاشىلىعى رايونىندا مال شارۋاشىلىعىن دامىتۋ جولىندا، دۋبان سياقتى ىسكەر ەگىنشى ـ مالشىلار باعىمشىلىق ۇلگىسىنە ۇزدىكسىز ىزدەنىس جاساپ، ءداستۇرلى ءوندىرىس تاسىلىنە بۇرىلىس جاساپ، جىلدىق كىرىستەرى بارعان سايىن جوعارىلادى.

  مىڭ باس سيىر: سيىر باعاتىن ورىنعا اقىسىز اپارۋمەن بىرگە، اقشا تاپتى

  بۋرىلتوعاي اۋدانى اردا اۋىلىندا سيىر باعاتىن ءبىر ورىن بار، سيىردى بۇل اراعا باقتىرسا، اقشا الماعانمەن قويماي، جىلىنا تاعى پايدا الۋعا بولادى. ۇعىسۋعا قاراعاندا، بۋرىلتوعاي اۋدانى شاعىن كولەمدى مال شارۋاشىلىعىن دامىتۋ وي جەلىسىن تۇراقتاندىرىپ، مالشىلاردى مالىن اينالىمعا سالۋعا ، قولىنداعى مالىن باعىمشىلىقپەن شۇعىلداناتىن ءىرى وتباسى جانە وتباسى فەرماسى، سەلبەستىك كوپەراتيۆى، ەگىن شارۋاشىلىق رايونى جانە مالشىلاردى وتىرىقتاندىرۋ تۇيىنىنە باعۋعا شابىتتاندىرىپ، كىرىسكە كەپىلدىك ەتۋمەن بىرگە، ەڭبەككۇشتى ازات ەتىپ، كىرىسىن ارتتىردى. وسىمەن قاتار، بۋرىلتوعاي اۋدانى ەگىن شارۋاشىلىق رايونىندا مال باعۋ مەن وتىرىقتانعان رايوندا مال شارۋاشىلىعىن گۇلدەندىرۋ ينجەنەرياسىن ۇشتاستىرۋعا، ەگىن شارۋاشىلىق رايونىنداعى باعىمشىلىق پەن مال شارۋاشىلىق رايونى باعىمشىلىعىن ۇشتاستىرۋدى دامىتىپ، مال شارۋاشىلىق رايونىندا مال ءوسىرۋ، ەگىن شارۋاشىلىق رايونىندا بورداقىلاۋ سىندى ەكى بازانى تىعىز ۇشتاستىرىپ، ءوزارا پايدا ، تيىمدىلىك جەتكىزىپ، ورتاق دامىدى.

  اردا اۋىلىنداعى حايىيرۇيتاي مال شارۋاشىلىق عىلىم ـ تەحنيكا ەگىنشىلەر كاسىپتىك سەلبەستىك كوپەراتيۆى بيىل مالشىلاردىڭ قولىنان 162 باس سيىر باعىپ الدى، بيىل جىل سوڭىندا سەلبەستىك كوپەراتيۆىمەن كەلىسىمگە قول قويىسقان مالشىلاردىڭ مالىن تۇگەلىمەن باعىپ باسقارۋعا الاتىندىعى، 1000 باس سيىر بولاتىندىعى مەجەلەنۋدە. مالشى مالىن سەلبەستىك كوپەراتيۆىنىڭ باسقارۋىنا تابىس ەتكەننەن كەيىن، جىل سوڭىندا ءار باس سيىردان مولشەرمەن 1000 يۋان دا 1300 يۋان اينالاسىندا پايدا الادى.ونىڭ ۇستىنە تايىنشا، قۇناجىن؟؟؟؟

  «مالشىلار سيىرىن بىزگە تاپسىرىپ، ءبىر جاعىنان قۋاتىمىزدى نىعايتسا، ەندى ءبىر جاعىنان كەدەيلىكتەن ارىلۋىنا سەپتىگى ءتيىپ، ورتاق اۋقاتتانۋعا باستادىق. قورادا باعۋداعى ماقسات ـ باعۋعا قولايلى بولۋ ءۇشىن، ونىڭ ۇسىنە باسقارىلۋ مولشەرى دە جوعارى بولادى، بيىل سەلبەستىك كوپەراتيۆىن 1000 باس سيىر باعىمشىلىعى بازاسى ەتىپ جاراتىپ، كولەمدەندىرىپ، عىلىمي باعۋدى جۇزەگە اسىرماقپىز»ـ دەدى اردا اۋىلى حايىيرۇيتاي مال شارۋاشىلىق، عىلىم ـ تەحنيكا ەگىنشىلەر كاسىپتىك سەلبەستىك كوپەراتيۆىنىڭ جاۋاپتىسى پارقات قاسىم ۇلى.

  بۇدان بىلاي بۋرىلتوعاي اۋدانى جايىلىم قۇرىلىسى جانە اۋىل شارۋاشىلىق قوسىمشا ونىمدەرى بايلىعىن ونىمدىلىككە اينالدىرۋ قادامىن جەدەلدەتىپ، ەگىن شارۋاشىلىعى، مال شارۋاشىلىعىنىڭ، ورمان شارۋاشىلىعىنىڭ قاتىناسىن ويداعىداي ءبىر جاقتىلى ەتىپ، ەگىن شارۋاشىىعى رايونىندا مال شارۋاشىلىعىن دامىتۋعا ۇيلەسەتىن جاڭا ەگىمشىلىك قۇرىلىمىن قۇرۋ مەن بىرگە، ۋنيۆەرسالدى تۇلعالاندىرۋعا قىزمەت وتەۋدى ويداعداعىداي ىستەپ، ەگىن شارۋاشىلىق رايونىندا مال شارۋاشىلىعىن دامىتۋدىڭ عىلىم ـ تەحنيكالىق قامتىلىمىن ارتتىرىپ، ەگىنشى، مالشىلاردى قورادا مال باعۋعا، جەم ـ ءشوپ ەگىمشىلىگى كولەمىن كەڭەيتىپ، مال شارۋاشىلىعى ارقىلى ەگىن شارۋاشىلىعىن جەبەۋ ونىمدىلىگىنە قول جەتكىزۋگە شابىتتاندىرىپ، ەگىنشى ـ مالشىلاردىڭ تۇرمىسىن جىل سايىن جاقسارتامىز.

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى