اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

بۇقارا اراسىنان شىققان باقىلاۋشى رولىن ويداعىداي ساۋلەلەندىرى

  التاي گازەتىنىڭ ءتىلشىسى جۇڭ چۇنچۇن حابارلايدى. «ءبىز ءاربىر قىستاق تۇرعىنى اۋىل ـ قىستاق تۇرارجاي ورتاسىن جاقسارتۋدىڭ تىكەلەي يگىلىگىن كورۋشىمىز ءارى ات سالۋشىمىز، سانالىعىمىزدى ارتتىرا تۇسسەك، قىستاعىمىز اناعۇرلىم رەتتى بولماق...» جاقىندا، قابا اۋدانى سارتام اۋىلى ماحۋ قىستاعىنىڭ ورتانى قورعاۋدى باقىلاۋشىسى جاۋ كىديان قىستاق تۇرعىندارىنا اۋىل ـ قىستاق تۇرارجاي ورتاسىن رەتكە سالىپ وڭاۋدىڭ ۇندەۋ حاتىن ۇگىتتەدى.

  ءار كۇنى تاڭەرتەڭ ساعات 7 دە، 83 جاستاعى قىستاق تۇرعىنى جاۋ كىديان سومكاسىن اسىنىپ، «ماسەلە ىزدەۋ» ساپارىنا اتتانىپ، قىستاق بەت ـ بەينەسىنە باقىلاۋ جۇرگىزەدى. قىستاق تۇرعىندارىنىڭ ەسىك الدىنداعى قوقىر ـ قوقسىقتىڭ تازالانباي قالۋى، اۋلا ءىشى بىلىعۋ، قىستاقتىڭ بۇرىش ـ بۇرىشىنداعى قوقىر ـ قوقسىق قاتارلىلاردىڭ بارلىعى ونىڭ باقىلاۋ وبيەكتىسى. جاۋ كىديان قىستاقتىڭ نەگىزگى كوشەسىن ءار كۇنى از دەگەندە 4 تە 5 رەت ارالاپ شىعادى. قىستاقتاعى ەرىكتى باقىلاۋشى بولعان كۇننەن باستاپ قوقسىق تەرۋ، قىستاق تۇرعىندارىنا ءناسيحات ايتۋ، ماسەلەلەردى اڭىس ەتۋ ونىڭ ءار كۇنگى جۇمىسىنا اينالدى. ونىڭ ۇيالى تەلەفونى مەن سومكاسىنداعى ەستەلىك داپتەرىنە ءار كۇنى بايقاعان ورتا تازالىعىنا ساياتىن ءتۇرلى ماسەلەلەر جازىلعان، شەشۋگە امالى كەلمەيتىن ماسەلەلەرگە جولىققاندا، ول دەر كەزىندە قىستاق كوميتەتىنە دوكلاد ەتەدى.

  جاۋ كىديان تىلشىگە: «جاپا شەگۋدەن قورىقپايمىن، قىستاقتىڭ ءبىر مۇشەسى بولۋ سالاۋاتىممەن قىستاقتىڭ ورتا تازالىعىن تازا، رەتتى ۇستاۋعا ءبىر كىسىلىك ۇلەسىمدى قوسۋعا مىندەتتىمىن. مەن باقىلاۋشىمىن ءارى ۇگىتشىمىن، قىستاق تۇرعىندارىنا ورتانى رەتكە سالىپ وڭاۋدىڭ پايداسىن بەلسەنە ۇگىتتەپ، كوپشىلىكتىڭ بەلسەندىلىگىن قوزعاپ، كورىكتى اتا مەكەندى بىرلىكتە قۇرۋعا جۇمىلدىرامىن» ـ دەدى.

  ماحۋ قىستاعى وسى اۋدانداعى اۋىل ـ قىستاق ورتاسىن رەتكە سالىپ وڭاۋداعى ۇلگى كورسەتۋ قىستاعى بولعاندىقتان، بيىل اۋلا ورتاسى، قونىس ورتاسى، قوقىر ـ قوقسىقتى تازالاۋ، اۋىل ـ قىستاقتىڭ قونىس ورتاسىن رەتكە سالىپ وڭاۋ، اۋلا ءىشى ـ سىرتىنداعى «التى ءىس» قىزمەتىن ورىستەتۋمەن بىرگە، تازالىقشىلاردىڭ كۇندەلىكتى تازالىق ىستەۋدەگى رولى مەن باقىلاۋشىلاردىڭ باقىلاۋ رولىن تولىق ساۋلەلەندىرىپ، دۇيسەنبى كۇنگى تۋ شىعارۋ سالتى، وتباسى ورتا تازالىعىن باعالاۋ، «ءتورت جاق تەڭ اتتانىسقا كەلۋ» سەنىمدى قارىز دارەجەسىن باعالاۋ قاتارلى ادىستەر ارقىلى قىستاق تۇرعىندارىنىڭ بەلسەندىلىگىن قوزعاپ، قىستاقتىڭ تازالىعىن ورتاق قورعادى.

  قازىر ماحۋ قىستاعىنىڭ اۋلا قورعانىن جاڭالاۋ، «ءۇش رايوندى اۋاشالاۋ» قاتارلى شارالارىنىڭ اتقارىلۋىنا ىلەسە، قىستاق تۇرعىندارىنىڭ تۇرمىس ادەتى بىرتىندەپ وزگەرۋدە.

  ماڭايىندا تۋىلىپ جاتقان وزگەرىستەرگە توقتالعاندا، قىستاق تۇرعىنى پۋ جۇيفاڭ تەبىرەنىپ بىلاي دەدى: «ەسىك الدى ـ ارتى تاپ ـ تازا، اۋلامىز تازا دا رەتتى، قىستاعىمىز بارعان سايىن جانعا جايلى بولۋدا».

  ۇعىسۋعا قاراعاندا، بيىل قابا اۋدانى ايماقتىق پارتكومنىڭ كەڭەيتىلگەن ءماجىلىسىنىڭ (باسى 6 ـ بەتتە) رۋحىن مۇقيات دايەكتىلەندىرىپ، بۇقارانى ەرىنىشەك، كەرەناۋ، سالعىرت كۇيدەن ەڭبەكشىل، ىنتالى، بەلسەندى بولۋعا قاراي بۇرىلىس جاساۋعا، اۋىل ـ قىستاق تۇرارجاي ورتاسىن جاقسارتۋ قىزمەتىنە وزدىگىنەن ات سالىسۋعا، ەڭبەكشىل قوس قولىنا سۇيەنىپ كورىكتى اتا مەكەن قۇرۋعا جەتەلەپ، 90 ميلليون يۋانعا جۋىق قارجىنى رەتكە سالىپ بىرىكتىرىپ، اۋىل ـ قىستاق تۇرارجاي ورتاسىن رەتكە سالىپ وڭاۋ قىزمەتىن جاپپاي ورىستەتىپ، ءار جاقتىڭ كۇشىن بىرىكتىرىپ، « قىستاقتاقتاردى رەتكە سالىپ وڭاۋدى» جاپپاي جۇرگىزىپ، قىستاق ەرەجەسى حالىق شارتىن كەمەلدەندىردى. ەگىنشى ـ مالشىلاردى تانىمعا بۇرىلىس جاساۋعا جەتەكشىلىك ەتىپ، قونىستانۋعا، كاسىپتەنۋگە، ساياحاتتاۋعا جايلى قونىس ورتاسى مەن قالا تۇرعىندارىنىڭ سەرۋەندەۋ باقشاسىن بەلسەنە قۇردى.

  قابا اۋداندىق اۋىل ـ قىستاق ورتاسىن رەتكە سالىپ وڭاۋعا باسشىلىق ەتۋ گرۋپپاسى كەڭسەسىنىڭ جاۋاپتىسى جاۋ جىگاڭ بىلاي دەدى: «اۋىل ـ قىستاق ورتاسىن رەتكە سالىپ وڭاۋ قىزمەتىن ورىستەتكەننەن بەرى، كۇشتى شوعىرلاندىرىپ، بار كۇشپەن جەبەپ، تۇرارجاي ورتاسىن جاقسارتۋعا جالپى حالىق كوڭىل بولەتىن، ەگىنشى ـ مالشىلار ىرىقتى تۇردە ارەكەتكە كەلەتىن، قوعامداعى ءار سالا قىستاق تازالىق قيمىلىنا بەلسەنە ات سالىساتىن اۋقىم قالىپتاستىردىق. كەلەر قادامدا، اۋىل ـ قىستاق تۇرارجاي ورتاسىن رەتكە سالىپ وڭاۋ قىزمەتىن ۇزدىكسىز ويداعىداي يگەرىپ، ۇزاق ءونىمدى مەحانيزمدى كەمەلدەندىرىپ، ءتۇرلى قىزمەتتەردى ناقتى تياناقتاندىرۋعا كەپىلدىك ەتەمىز».

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى