اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قاناستىڭ كوركەم كورىنىسى ساياحاتشىلاردى باۋرادى

  قاناس كولىن «جۇڭگو مەملەكەت جاعراپيا جۋرنالى» «جۇڭگوداعى ەڭ كوركەم كول» دەپ باعالادى، قوم قىستاعى «جۇڭگوداعى ەڭ كوركەم التى ءىرى بايىرعى قىستاقتىڭ» ءبىرى دەپ اتالدى. 7- اي قاناستىڭ كوركەم كورىنىسىنە كوز مەيىرىن قاندىراتىن تاماشا مەزگىل. بيىل قاناستا ساياحات بايلىعى تىنباي جاقسارتىلىپ، قىزمەت وتەۋ ساپاسى ءوسىرىلىپ، قاناستى ساياحاتشىلار تالاسا باراتىن كوزدەۋلى جەرگە اينالدىرۋ ءۇشىن قۇلشىنىس جاسالدى.

  شينجياڭ تەلەۆيزياسىنىڭ ءتىلشىسى جاينات: 7- ايدا قاناس كورىنىس رايونىندا ساياحاتشىلار ايىرىقشا كوپ بولادى، باقشاعا كىرۋ ءۇشىن مەن سياقتى ەكىلىك ءنومىردى جايمالاپ، سالاۋاتىڭىزدى ايگىلەيتىن ينفورماتسيالاردى اۆتوماتتى پارىقتاۋ جۇيەسىنە ەنگىزىپ توتە كىرە بەرەسىز.

  مەن جاڭا ازاماتتىق كۋالىگىمدى اۆتوماتتى پارىقتاۋ جۇيەسىنە تيگىزىپ كورىنىس رايونىنا كىردىم. ءداستۇرلى بەلەت ساتىپ الۋ تاسىلىمەن سالىستىرعاندا 20 مينۋد قاتارعا تۇرۋ ۋاقىتى ۇنەمدەلەدى، وسى بىرنەشە كۇندە قاناس كورىنىس رايونىنا كىرمەكشى بولساڭىز بەت الپەتىن پارىقتاۋ جۇيەسى ارقىلى تىكەلەي كىرە بەرەسىز، ازاماتتىق كۋالىكتىڭ قاجەتى جوق.

  جۇڭگوداعى ەڭ كوركەم كول، مەملەكەتتىڭ گەولوگيالىق باقشاسى جانە ورمان باقشاسى، مەملەكەتتىڭ تابيعي مۇراسى قاتارلى ادەمى اتتارعا يە قاناس كولىندە اسقار تاۋ، اساۋ وزەن، سىڭسىعان ورمان، ايدىندى كول، سايىن ساحارا قاتارلى 33 ءتۇرلى تابيعي كورىنىس بار. قايىققا وتىرىپ، كورىنىس تاماشالاۋ تەكشەسىنە شىعىپ كوركەم كورىنىستەردى كورۋ مەن بىرگە ءۇش يىن كورىنىس تۇيىنىنە بارىپ كورىنىستەردى تاماشالاي الاسىز، الىستان كورىنگەن تاۋ شوقىلارى مەن كولدىڭ ەكى جاعالاۋىنداعى سىڭسىعان ورمان ساياحاتشىلاردى ايىرىقشا ءتانتى ەتەدى.

  بەيجيڭدىك ساياحاتشى سۇن فاڭ: شينجياڭداي كورىكتى جەرگە اقىرى كەلدىم. بۇل ارانىڭ تابيعي كورىنىسى راسىندا كوركەم ەكەن، كولدىڭ بەتى ەرەكشە سىرلى سەزىلەدى ەكەن.

  سىچۋاندىق ساياحاتشى: مىڭنان استام باسپالداقتى باسىپ كورىنىس تاماشالاۋ تەكشەسىنە شىقتىم بيىكتە تۇرىپ الىسقا كوز تاستاساڭ وتانىمىزدىڭ كوركەم- تاۋ وزەندەرىن، بۇل ارانىڭ وزگەشە كورىنىستەرىن تاماشالاي الادى ەكەنسىڭ، شينجياڭ راسىندا كوركەم، شينجياڭ حالقى باۋىرمال ەكەن، بۇدان كەيىن ءوز اۆتوكولىگىممەن تاعى دا ساياحاتتاپ كەلەمىن.

  گۋاڭشيلىق ساياحاتشى مىڭ شياۋشيا: قاناس ايتسا ايتقانداي كوركەم جەر ەكەن، بۇل جەردىڭ تاماشا تابيعاتى ادامدى راسىندا ءتانتى ەتەدى.

  شينجياڭ تەلەۆيزياسىنىڭ ءتىلشىسى جاينات: كورىنىس تاماشالاۋ تەكشەسىندە تۇرىپ قاناستىڭ كوركەم كورىنىسىن تاماشالاعاننان كەيىن قايىققا وتىرىپ كول بەتىندە جۇزۋىڭىزگە بولادى، كول بەتىن ءبىر رەت اينالىپ شىعۋ ءۇشىن 40 مينۋد ۋاقىت كەتەدى، كول بەتىنەن قاناستىڭ كوركەمدىگىن تاعى ءبىر قىرىنان سەزىنە الاسىز.

  شاندۇڭدىق ساياحاتشى گىڭ جيڭ: قاناس كولى راسىندا كوركەم ەكەن، كولدىڭ ەكى جاعاسىنداعى تاماشا كورىنىستەر ادامدى ءتانتى ەتەدى ەكەن، كەلەر جولى اكە- شەشەمدى ەرتىپ تاعى كەلەمىن.

  قاناستىڭ كوركەم كورىنىسىنەن سىرت وزگەشە گۋمانيتارلىق مادەنيەتى دە ساياحاتشىلاردى ايىرىقشا باۋرايدى. قوم قىستاعىنىڭ بەينەسى مۇمكىندىگىنشە بايىرعى قالپىن ساقتاعان، بۇل ارانىڭ تاريحي كورىنىستەر مەن حالىقتىق سالت- ساناسى ساياحاتشىلاردى ءتانتى ەتەدى، بۇل اراداعى بايىرعى حالىقتىق سالت- سانا قاناستىڭ تاعى ءبىر تانىسقىسىنا اينالدى. موڭعۇلدىڭ سىبىزعى، شور، اتباس قوبىز سەكىلدى مۋزيكا اسپاپتارىمەن ورىندالعان ءداستۇرلى مۋزيكالارى مەن ۇلتتىق ءان- بيلەرى ساياحاتشىلارعا وزگەشە سەزىم باعىشتايدى.

  شاڭحايلىق ساياحاتشى ليۋ شياچياڭ: دىبالاردىڭ ءداستۇرلى مۋزيكاسى راسىندا كەرەمەت ەكەن، تاعامدارى دا ءدامدى ەكەن. ەلىمىزدەگى كوپتەگەن جەرلەردى بارىپ كورۋىمىز كەرەك، جاڭاعى مۋزيكانى ەستىپ ەرەكشە سەزىمگە بولەندىم، بايىرعى مۋزيكالار قۇلاقتان كىرىپ بويدى الادى ەكەن.

  فۋجياندىق ساياحاتشى ياڭ شىلين: قاتتى تەبىرەنىپ تۇرمىن، بۇل اراداعى حالىقتىڭ دارقان پەيىلىنە ءدان ريزا بولدىم، ولاردىڭ ءان- بيىن ەستىپ، كورىپ كوڭىلىم جاي تاۋىپ قالدى، وزگەشە ۇلتتىق مادەنيەتتى سەزىندىم.

  قاناس كورىنىس رايونىنىڭ ءتورت ماۋسىمداعى وزگەشە كورىنىسى جۇڭگوداعى ساياحاتشىلاردى ايىرىقشا باۋرايتىن ساياحاتتاعى ون ءىرى كوزدەۋلى جەردىڭ الدىڭعى قاتارىندا تۇرادى. 5- ايدىڭ 1- كۇنىنەن قازىرگە دەيىن قاناس كورىنىس رايونىندا قابىلدانعان ساياحاتشى سانى ءبىر ميلليون 211 مىڭ 974 ادام- رەتكە جەتىپ، سايكەس مەزگىلدەگىدەن ٪44 ارتقان، كوركەم قاناس ساياحاتشىلاردىڭ جازدا سەيىل- سەرۋەن قۇراتىن كوڭىلدەگىدەي ورىنعا اينالدى.

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى