اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

قۇندىز قورعاۋعا بەلسەنە اتسالىسۋشىلاردىڭ قاتارى مولايدى

  موڭعۇليا- شينجياڭ قۇندىزى ەۆروپا- ازيا قۇندىزىنا جاتاتىن جارتىلاي سۋدا تىرشىلىك ەتەتىن بايىرعى حايۋانات، قازىر دۇنيە جۇزىندە تىرشىلىك ەتەتىن ەڭ بايىرعى حايۋاناتتاردىڭ ءبىرى ەسەپتەلەدى. ەلىمىزدە قازىر 500 دەن استامى بار، سانى مىسىق ايۋدان دا از. تۇقىمى قۇرۋعا اينالعان وسى حايۋاناتتى ويداعىداي قورعاۋ ءۇشىن اناعۇرلىم كوپ كاسپورىندار مەن ىزگى نيەتتى جاندار قۇندىزدى قورعاۋشىلار قاتارىنا قوسىلدى.

  تاياۋدا شىڭگىل اۋدانى تايكەشكەن قالاشىعىندا ىزگى نيەتتى كاسپورىن بەيجيڭ قالاسىنداعى «گۋاڭحۋان» تەلەگراف شەكتى جارنا سەرىكتەستىگى مەن شينجياڭ بۇلعىن وزەنى بۇلعىن مەملەكەتتىك جاراتىلىستىق قورىعىن باسقارۋ مەكەمەسى تۇقىمى قۇرۋعا اينالعان حايۋاناتتاردى قۇتقارۋ جانە ورتا قورعاۋ جونىندەگى ستراتەگيالىق سەلبەستىك سۇلبالىق كەلىسىمىنە قول قويىستى، كەلىسىم بويىنشا قۇندىز قورعاۋ، ورمان، جايىلىم ورتىنەن ساقتانۋ، وسىمدىك جامىلعىسىن قالپىنا كەلتىرۋ قاتارلى جاقتاردا سەلبەستىك جاساسىپ، ەكولوگيالىق ورتانى قورعاپ، قۇندىزعا جايلى تىرشىلىك ورتاسىن ازىرلەپ بەرەدى.

  شينجياڭ بۇلعىن وزەنى قۇندىز مەملەكەتتىك جاراتىلىستىق قورىعىن باسقارۋ مەكەمەسىنىڭ ورىنباسار باستىعى چىن پىڭ: بۇلعىن وزەنى ەلىمىزدەگى بىردەن- ءبىر قۇندىز مەملەكەتتىك جاراتىلىستىق قورىعى ەسەپتەلەدى، ەلىمىزدەگى قۇندىزدىڭ ٪20 تەن استامى وسى قورىقتا تىرشىلىك ەتەدى، تۇقىم قۋالاۋدىڭ الۋان تۇرلىلىگىن جەتىلدىرەتىن ماڭىزدى ءوڭىر، وتە جوعارى عىلىمي زەرتتەۋ قۇنىنا جانە تابيعاتتى قورعاۋ قۇنىنا يە، وسى رەت وسىمدىك جامىلعىسىن قورعاۋ ماقساتىندا ءشوپ تۇقىمىن شاشتىق، بۇل قۇندىزدىڭ ازىقتانۋىنا ءتيىمدى شارت- جاعداي ازىرلەپ قانا قالماستان، وسىمدىكتەردىڭ تۇرىن مولايتىپ، سۋ مەن توپىراقتىڭ زايا بولۋىنىڭ الدىن الادى.

  بەيجيڭ قالاسىنداعى «گۋاڭحۋان» تەلەگراف شەكتى جارنا سەرىكتەستىگىنىڭ باس جوراسى تيان گوشياڭ: كوپ جىل ويداعىداي قورعاۋدىڭ ارقاسىندا موڭعۇليا- شينجياڭ قۇندىزىنىڭ سانى باستاپقى 20، 30 دان قازىر 500 نەشەگە كوبەيدى، بۇل ەكوگيالىق ورتانىڭ جاقسارعانىن، ەكولوگيالىق وركەنيەتتىڭ دامىعانىن تۇسىندىرەدى، كاسپورىن بولعان ءبىز تابيعاتتى قورعاۋعا، تۇقىمى قۇرۋعا اينالعان حايۋاناتتاردى قورعاۋعا بەلسەنە اتسالىسۋدى جاۋاپكەرلىگىمىز دەپ بىلەمىز.

  وسى اراداعى مالشىلار موڭعۇليا- شينجياڭ قۇندىزىنىڭ ويداعىداي قورعالۋىنا ەسەلى ۇلەس قوستى. بەيجيڭدەگى «گۋاڭحۋان» تەلەگراف شەكتى جارنا سەرىكتەستىگى قۇندىز قورعاۋعا 40 نەشە جىل اتسالىسقان مالشى دالەلقاننان حال سۇرادى.

  تايكەشكەن قالاشىعى ساربۇلاق قىستاعىنىڭ تۇرعىنى دالەلقان: جاسىم ۇلعايدى، قۇندىز قورعاۋ مىندەتىن ۇلىما تاپسىردىم، ۇلىم 14 جىلدان بەرى قۇندىز قورعاۋعا ويداعىداي اتسالىسىپ كەلەدى.

  2013- جىلى بۇلعىن وزەنى قۇندىز جاراتىلىستىق قورىعى مەملەكەتتىڭ جاراتىلىستىق قورىعى بولىپ دەڭگەيى جوعارىلادى، وسى جاراتىلىستىق قورىق موڭعۇليا- شينجياڭ قۇندىزى تىرشىلىك ەتەتىن جابايى حايۋاناتتاردى قورعايتىن جاراتىلىستىق قورىق ەسەپتەلەدى. بۇل جەردە موڭعۇليا- شينجياڭ قۇندىزىنان سىرت بارىس، تاۋ ەشكى، ارقار، بۇركىن قاتارلى كوپتەگەن باعالى حايۋاناتتار مەن قۇستار تىرشىلىك ەتەدى.

  وسى رەت بەيجيڭ قالاسىنداعى «گۋاڭحۋان» تەلەگراف شەكتى جارنا سەرىكتەستىگى شىڭگىل اۋدانى تايكەشكەن قالاشىعىنداعى مالشىلىق جاتاقتى مەكتەبىنە بارىپ وقۋعا كومەكتەسۋ قيمىلىن ورىستەتىپ، وتباسىندا قينشىلىعى بار 60 نەشە وقۋشىعا سومكا سەكىلدى ۇيرەنۋ بۇيىمدارىن اپارىپ بەردى.

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى