اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

كوكتوعايدا قىزمەت اترەتى بۇقارانىڭ كىرىسىن ارتتىرۋعا كومەكتەستى

  اۋىل- قىستاقتى گۇلدەندىرۋ ستراتەگياسى اتقارىلعاننان بەرى كوكتوعاي اۋداندىق ۇكىمەت كەڭسەسىنەن قارا تۇڭكە قالاشىعى قىزىلقۇدىق قىستاعىنا ورنالاسقان قىزمەت اترەتىندەگىلەر قىستاقتاعى ەكونوميكانىڭ دامۋ ەرەكشەلىگىنە نەگىزدەلىپ، جاعدايعا قاراي ءىس تىندىرىپ، قىستاق تۇرعىندارىنىڭ قالتقىدا كوكونىس ەگۋىنە جەتەكشىلىك ەتىپ، قىستاق تۇرعىندارىنىڭ كىرىسىن ارتتىرۋىنا كومەكتەستى.

  ۇزاق ۋاقىتتان بەرى قىزىلقۇدىق قىستاعىنداعىلار كوكونىس ەگۋگە سۇيەنىپ وتباسى كىرىسىن ارتتىرىپ كەلگەن بولاتىن، الايدا تەحنيكا جانە قارجى كەمشىل بولعاندىقتان ەگىنشىلىك كولەمىن، ساتۋ جولىن كەڭەيتە الماعاندىقتان ۋاقىت وتە كەلە كوكونىس ەگەتىندەر ازايىپ كەتكەن ەدى.

  قىزىلقۇدىق قىستاعىنداعى قىزمەت اترەتىنىڭ باستىعى، قىستاقتىڭ ءبىرىنشى شۋجيى شۇي شيۋانتاۋ: قىستاق تۇرعىندارى ون نەشە جىلدان بەرى كوكونىس ەگۋمەن شۇعىلدانىپ كەلدى، قيار، پاميدور، قىزىل بۇرىش سەكىلدى ءۇش ءتۇرلى كوكونىستى نەگىز ەتىپ ەگەدى، ەگىنشىلىك قۇرىلىمى رەتتەلمەگەن.

  قىستاق تۇرعىندارىنىڭ كوزقاراسىنا بۇرىلىس جاساۋىنا جەتەكشىلىك ەتۋ ءۇشىن قىستاقتاعى قىزمەت اترەتى مەن قىستاق ەكى القاسى قىستاقتاعى 14 مۋلىق قاعىر جەرگە قايتالاي كوكونىس ەگىپ اتىزدا كوكونىس ەگۋ مەن قالتقىدا كوكونىس ەگۋدى ۇشتاستىرۋ سىندى كورىنىس تاماشالاۋ ۇلگىسىندەگى اۋىل شارۋاشىلىعى عىلىم- تەحنيكاسىنان ۇلگى كورسەتۋ باقشاسىن قالىپتاستىردى، ءارى كوكونىستى ءوز الدىنا ەگەتىن وتباسىلارىن تۇگەلدەي كوپەراتيۆكە ەنگىزىپ ءبىر تۇتاس باسقارىپ، العان كوكونىستى ءبىر تۇتاس ساتتى.

  قىزىلقۇدىق قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ليۋ كىليان: ۇلگى اتىزىندا 2017- جىلى 43 ءتۇرلى كوكونىس ەكتىك، 2018- جىلى 48 ءتۇرلى كوكونىستى سىناق رەتىندە ەكتىك، بيىل تاعى 7 ءتۇرلى كوكونىس كوبەيتتىك، ۇلگى اتىزىندا سىناق رەتىندە ەگۋ تابىستى بولعان وسى ونىمدەردى ۇلكەن اتىزدا جالپىلاستىرىپ، قىستاق تۇرعىندارىنىڭ ەگىنشىلىك قۇرىلىمىن رەتتەۋىنە كومەكتەستىك.

  قىزمەت اترەتىندەگىلەردىڭ كومەگىندە قىستاق تۇرعىنى حان چياڭ بيىل كوكونىس قالتقىسىنا ليگور ەگىپ قوماقتى كىرىس تاپتى.

  قىزىلقۇدىق قىستاعىنىڭ تۇرعىنى حان چياڭ: ليگور ءوتىمدى بولدى، كوكتوعاي اۋدانىندا جاقسى ساتىلادى، قىستاق تۇرعىندار كوميتەتى ۇلگى باقشاسىندا ەكى جىلدان بەرى كوكونىس جەمىس جيدەكتىڭ كوپتەگەن جاڭا تۇرىن سىناق رەتىندە ەكتى، سىناق تابىستى بولعاننان كەيىن كوپتەپ ەگەمىز.

  قازىر قىستاق تاعى «گاۋ چاۋ بەسىنشى اترەتى» ساۋدا ماركاسىن تىزىمگە الدىرىپ، وندىرىلگەن قىزىل بۇرشاق، جاسىل بۇرشاق قاتارلى ەگىس داقىلدارىن قوراپتاپ ساتتى. ءونىم بولعاننان كەيىن ديقانداردىڭ ءوندىرىستى دامىتۋ سەنىمى نىعايدى، 2019- جىلى قىزمەت اترەتى قىستاقتىڭ اۋىل- قىستاقتاعى كورىنىس تاماشالاۋ ۇلگىسىندەگى ساياحاتتى دامىتۋ وي جەلىسىن بەلگىلەۋىنە كومەكتەسىپ، وڭىرلىك ابزالدىلىققا سۇيەنىپ، قىستاقتى الىس- جۋىققا ايگىلى ساياحات قىستاعى ەتىپ قۇرىپ شىعۋ ءۇشىن قۇلشىنىس جاسادى.

  قارا تۇڭكە قالاشىعى قىزىقۇدىق قىستاعىنداعى قىزمەت اترەتىنىڭ باستىعى قىستاقتىڭ ءبىرىنشى شۋجيى شۇي شۋانتاۋ: پارتيا ياچەيكاسى، كوپەراتيۆ، سەرىكتەستىك، ديقاندار ءوزارا ۇشتاسقان پارتيا قۇرىلىسى قيمىلى ۇلگىسى مەن ەكونوميكانىڭ اينالىم ۇلگىسى ارقىلى كاسىپتەر مەن پارتيا ياچەيكاسىنىڭ باستاماشىلىق رولىن ۇشتاستىرىپ، كاسىپتەردىڭ دامۋىن جەبەدىك، نەگىز بەكەمدەلىپ، باعدار ايقىندالىپ، كاسىپتەردى دامىتۋ ءىسى ىلگەرى باستى.

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى