اعاجاي-التاي تورابى   ›   اقپارات ايدىنى   ›   ايماقتاعى جاڭالىقتار

شىڭگىل اۋدانىندا ەرەكشە اۋىل شارۋاشىلىق ونىمدەرى جارمەنكەگە سالىندى

  اۋىل ـ قىستاقتى گۇلدەندىرۋدى جاپپاي ىلگەرىلەتۋ ءۇشىن، شىڭگىل اۋدانى ەگىن ـ مال شارۋاشىلىعى رايون پارتيا، بۇقارالىق قىزمەت وتەۋ ورتالىعى اۋىل شارۋاشىلىق قوسىمشا ونىمدەرىنىڭ جارمەنكە كۇنىن تۇراقتاندىرۋ ارقىلى جەرگىلىكتى ورىنداعى ەگىنشى ـ مالشىلاردى اۋىل شارۋاشىلىق قوسىمشا ونىمدەرىن ساتۋ تەكشەسىمەن قامداپ، ەگىنشى ـ مالشىلار اۋدان قالاشىعىنا بارىپ جارمەنكەگە ونىمدەرىن سالىپ، اۋىل ـ قىستاقتىڭ گۇلدەنۋگە بەتالعاندىعىن تاعى ءبىر قىرىنان ايگىلەدى.

  التاي گازەتىنىڭ ءتىلشىسى ياڭ ۋيشۋان مەن ۇسىنىس ەتىلگەن ءتىلشى ليۋ شىڭگاڭ حابارلايدى.

  7 ـ ايدىڭ 8 ـ كۇنى ساعات 6 دان 20 مينۋت وتكەندە، شىڭگىل اۋدانى ارال قالاشىعى قوبى قىستاعىنىڭ تۇرعىنى ما جياڭحۇي كوكونىس جىلىجايىنا بارىپ ءاپ ـ ساتتە قىزاناق، قيار، قىزىل بۇرىش، باكىلاجان قاتارلى كوكونىستى شارباعىنا تولتىرىپ الىپ شىقتى. ءاسىلى، ما جياڭحۇي بۇل كوكونىسىن شىڭگىل اۋدانى شىڭگىل قالاشىعى ەگىن ـ مال شارۋاشىلىق رايونى پارتيا، بۇقارالىق قىزمەت وتەۋ ورتالىعىنىڭ اۋىل شارۋاشىلىق قوسىمشا ونىمدەرى جارمەنكەسىنە اپارىپ ساتپاقشى ەدى.

  بيىل 42 جاستاعى ما جياڭحۇي __قىستاقتاعى ايگىلى ەگىمشىلىك، باعىمشىلىق شەبەرى. قوبى قىستاعىنىڭ شىڭگىل اۋدان قالاشىعىمەن ارا قاشىقتىعى نەٴبارى 6 كيلومەتر بولۋداي ابزالدىلىقتى كوزدە ۇستاعان ما جياڭحۇي ءداستۇرلى اتىز ەگىمشىلىگىنە قوش ايتىپ، 2017 ـ جىلى ەسىگىنىڭ الدىنا تاۋىق قورا سالىپ، جەرگىلىكتى تاۋىق جانە قارا تاۋىق باعادى. 2018 ـ جىلى 30 مۋ جەرىنە تاعى كارتوپ سالادى. جەرگىلىكتى تاۋىق پەن جاسىل ءتۇستى زالالسىز كارتوپتىڭ ارقاسىندا ول 60 نەشە مىڭ يۋان كىرىس تابادى. 2018 ـ جىلى 9 ـ ايدا پايدانىڭ ءدامىن تاتقان ما جياڭحۇي 270 مىڭ يۋان قارجى قوسىپ، يەلەگەن جەر اۋماعى 120 شارشى مەتر كەلەتىن كوكونىس جىلىجايىن سالدى. جىلىجاي سالىنعاننان كەيىن، ما جياڭحۇي كوكونىستەرىن ەكى كەزەك ەگەتىن بولدى.

  2019 ـ جىلى 7 ـ ايدىڭ 1 ـ كۇنى شىڭگىل اۋدانى شىڭگىل قالاشىعى ەگىن ـ مال شارۋاشىلىق رايونى پارتيا، بۇقارالىق قىزمەت وتەۋ ورتالىعىنىڭ اۋىل شارۋاشىلىق قوسىمشا ونىمدەرى جارمەنكەسى اشىلعاندا، ما جياڭحۇي 30 نەشە كيلوگرام كوكونىسى مەن 100 جۇمىرتقاسىن 2 ساعاتقا جەتپەيتىن ۋاقىتتا تۇگەلدەي ساتىپ، 400 يۋاننان استام كىرىس تابادى. اۋەلى، قالاشىقتاعى كەيبىر تۇرعىندار ونىڭ ۋيچاتىن قوسۋ ارقىلى الدىن الا تاپسىرىس بەرسە، كەيبىرەۋى جەكە اۆتوكولىگىمەن ونىڭ جىلىجايىنا بارىپ كوكونىس الدى. سول كۇنى ما جياڭحۇڭ ەكى ءتۇرلى ساتۋ جولىنىڭ ارقاسىندا 800 يۋاننىڭ ۇستىندە كىرىس تاپتى.

  7 ـ ايدىڭ 8 ـ كۇنى شىڭگىل اۋدانى شىڭگىل قالاشىعى ەگىن ـ مال شارۋاشىلىق رايونى پارتيا، بۇقارالىق قىزمەت وتەۋ ورتالىعىنىڭ اۋىل شارۋاشىلىق قوسىمشا ونىمدەرى 2 ـ رەتكى جارمەنكەسى اشىلدى. سول كۇنى ما جياڭحۇي كوكونىسى مەن قارا تاۋىق جۇمىرتقاسىن الىپ تاعى دا جارمەنكەگە باردى.

  شىڭگىل اۋدانىنىڭ تۇرعىنى ۋاڭ يان تىلشىگە: «بۇل مەنىڭ ما جياڭحۇيدان 2 ـ رەت كوكونىس الۋىم. بۇگىن ءبىر كيلوگرام قىزىل بۇرىش پەن ءبىر كيلوگرام قيار ساتىپ الدىم. الگىندە ۋيچاتىن قوسىپ الدىم، كۇزدە قىزىل بۇرىشتان كوبىرەك الىپ، قىزىل بۇرىش قويمالجىڭىن جاساسام دەگەن ويدامىن» ـ دەدى.

  ماجياڭحۇي تىلشىگە: «جارمەنكە ەگىنشى ـ مالشىلاردىڭ اۋىل شارۋاشىلىق قوسىمشا ونىمدەرىن ساتۋىنا وتە قولايلى بولدى. بۇگىن اكەلگەن كوكونىس پەن تاۋىق جۇمىرتقاسى تۇگەلدەي ساتىلىپ، كىرىسىم 820 يۋان بولدى. بۇل رەت بالالارىما اپارىپ بەرەيىن دەپ قاسىمدا نان ساتىپ تۇرعان قازاق اپەكەمىزدىڭ قول پىسىرعان توقاشى مەن نانىنان ساتىپ الدىم» ـ دەدى.

  شىڭگىل اۋدانى تايكەشكەن قالاشىعى شىگەنتوبە قىستاعىنىڭ تۇرعىنى ساتىباي ساقان ۇلى بيىل 32 جاستا. ونىڭ ءۇيى اۋدان قالاشىعىنان 100 نەشە كيلومەتر قاشىقتىقتا. ول تاڭەرتەڭ ساعات 10 دا كۇن بۇرىن دايىنداپ قويعان 50 كيلوگرام شۇباتى مەن قول پىسىرعان نانىن الىپ، ٴبىر يۋاندىق اۆتوبۋزبەن 2 ساعات جول باسىپ اۋدان قالاشىعىنا كەلەدى.

  ساتىباي ساقان ۇلى قىستاقتاعى تۇيە باعىمشىلىعىمەن شۇعىلداناتىن ءىرى وتباسى، 50 تۇيە، 5 جىلقى، 10 باس سيىرى بار، 2018 ـ جىلى ول شۇبات ساتىپ 100 مىڭ يۋان كىرىس تاپقان بولاتىن. تۇيە باققان 14 جىلدان بەرى، ساتىباي شۇباتىن سىرت جەرلەرگە ساتىپ كورمەگەن ەدى، جارمەنكەگە اكەلىپ ساتۋ ول ءۇشىن تىڭ جاڭالىق بولدى.

  ساتىباي تىلشىگە: «جارمەنكەگە كەلگەلى جارىم ساعاتتا 16 كيلوگرام شۇبات ساتتىم. مىناۋ مەنىڭ تۇڭعىش رەت جارمەنكەدەن كىرىس تابۋىم. مۇندا، شۇباتتىڭ كيلوگرامىن 23 يۋاننان ساتتىم. بازاردان 2 يۋان ارزان، ناق مايداندا ٴدامىن تاتىپ كورۋىنە دە بولادى. جارمەنكە بىزگە ءتيىمدى بولدى، بۇدان بىلاي اپتا سايىن كەلەمىن» ـ دەدى.

  جازدىڭ شىلىڭگىر ىستىعى جارمەنكەنى تاماشالاي كەلگەن قاريدارلاردىڭ اياعىن توسا المادى. جارمەنكەدەن قاجەتىن تاۋىپ قايتقان شىڭگىل اۋدانىنىڭ تۇرعىنى مادەنيەت زامارقان ۇلى قۋانىشتى بەينەدە تىلشىگە: «اناۋ جايماداعى قۇرتتىڭ ءدامىن تاتىپ كوردىم، قۇرتتىڭ ٴدامى كەرەمەت ەكەن، بالا كەزىمىزدە جەيتىن قۇرتىمىزدىڭ ءدامى» ـ دەدى.

  ۇعىسۋعا قاراعاندا، 2018 ـ جىلى شىڭگىل اۋدانى 880 مىڭ يۋان قارجى قوسىپ، ەگىن ـ مال شارۋاشىلىق رايونى پارتيا، بۇقارالىق قىزمەت وتەۋ ورتالىعىن قۇرىپ، «اۋدان، اۋىل، قىستاق» ءۇش دارەجە بىرلەسىپ ارەكەتكە كەلۋ ارقىلى قالاعا كىرەتىن ەگىنشى ـ مالشى پارتيا مۇشەلەرىن جانە قالا تۇرعىندارىن حالىققا قولايلى باسقارۋ، كىرىسىن ارتتىرىپ، اۋقاتتاندىرۋ، كوڭىل اشۋ، سەرۋەندەۋ ءبىر تۇلعالانعان قىزمەت وتەۋمەن قامدادى. «اپتاسىنا ءبىر رەت اشىلاتىن جارمەنكە كۇنى» باستى تاقىرىپتىق قيمىلى ارقىلى ءبىر جاعىنان، جەرگىلىكتى ەگىنشى ـ مالشىلارعا جارمەنكەگە بارىپ، اۋىل شارۋاشىلىق قوسىمشا ونىمدەرىن ساتىپ، كىرىسىن ارتتىرۋعا وراي جاراتسا؛ ەندى ءبىر جاعىنان، قالاشىق تۇرعىندارىنىڭ كوجە ـ قاتىعىن مولايتىپ، قالا، اۋىلدى ءبىر تۇلعالاندىرۋ، قالا، اۋىلدىڭ توعىسپالى دامۋىن جەبەدى.

  شىڭگىل اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ۋاڭ جينحۋا تىلشىگە: «پارتيا، بۇقارالىق قىزمەت وتەۋ ورتالىعىن قۇرۋداعى ماقساتىمىز: قالا مەن اۋىل ـ قىستاقتىڭ بارىس ـ كەلىس جاسايتىن دانەكەر كوپىرىن سالۋ. ال، اپتاسىنا ءبىر رەت اشىلاتىن جارمەنكە بۇقارانىڭ كىرىسىن ارتتىرۋىنا تاماشا وراي جاراتتى. بۇدان بىلاي ەگىنشى ـ مالشىلاردى جارمەنكەدە اقىسىز ساۋدا ورنىمەن قامداۋمەن بىرگە، قۇرىعىلاردى كەمەلدەندىرىپ، باسقارۋدى جۇيەلەندىرىپ، قىزمەت وتەۋدى جاقسارتىپ، اناعۇرلىم كوپ ەگىنشى ـ مالشىنى جارمەنكەگە كەلىپ ساۋدا ىستەۋگە باۋراپ، بۇقارانىڭ كىرىسىن شىنايى ارتتىرىپ، كەدەيلىكتەن ارىلتۋدان قامال الۋ تابىستارىن بەكەمدەپ، اۋىل ـ قىستاقتى گۇلدەندىرۋدى جاپپاي جەبەپ، دوڭگەلەك داۋلەتتى قوعامعا بىرلىكتە قادام تاستاۋ» ـ دەدى.

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى