اعاجاي-التاي تورابى   ›   مادەنيەت ارناسى   ›   دەنساۋلىق

بالاڭىز كۇنگە كۇيگەن جاعدايدا

  جاز مەزگىلى دەگەندە جاعاجاي مەن شومىلۋ بىردەن ەسىمىزگە ورالادى. ءتىپتى جىلىنا ءبىر كەلەدى دەپ ىستىق كۇنگە قىزدىرىناتىن جاندار جوق ەمەس. الايدا كۇنگە قىزدىرىنۋدىڭ دا ءوز ءتارتىبى بار. سەبەبى كۇنگە كۇيۋ ءتارتىبىن دۇرىس ساقتاماۋدان دەنەنىڭ كۇنگە كۇيىپ كەتۋى، ورگانيزمنىڭ شەكتەن تىس قىزۋى جانە وعان كۇن ءوتۋى مۇمكىن. نازارلارىڭىزعا بالاڭىز كۇنگە كۇيگەن جاعدايدا جاسالاتىن ەمدىك تاسىلدەردى ۇسىنامىز.

  تەرى كۇيۋىنىڭ بەلگىلەرى:

  • العاشقىدا كۇن تۇسكەن جەرلەر قىزارىپ، ىسىنەدى، كەيدە قالتىراتىپ توڭدىرادى؛

  • دەنە ىستىعى كوتەرىلەدى؛

  • باس اۋىرادى؛

  • جۇرەك اينيدى.

  بالاڭىز كۇنگە كۇيگەن جاعدايدا نە ىستەۋگە بولادى؟

  1.الدىمەن بالانى تىنىشتاندىرىڭىز، سودان سوڭ سالقىن كومپرەسس جاساپ اۋىرسىنۋىن جەڭىلدەتۋىڭىزگە بولادى. ولاردى دايىنداۋ ءۇشىن تۇيمەداق تۇنباسى نەمەسە قىرمىزى گ ۇلى جانە الوە شىرىنى كەرەك.

  2.ەگەر ءدارى قوبديشاڭىزدا حلورگەكسيدين نەمەسە ميراميستين سىندى انتيسەپتيكتەر بولسا سولاردى قولدانۋعا بولادى. ەسىڭىزدە بولسىن، مۇنداي جاعدايدا سپيرت قولدانۋعا بولمايدى.

  3. ەگەر دە بالاڭىزدىڭ ىستىعى قاتتى كوتەرىلسە، دارىگەر كەلگەنشە جاسىنا سايكەس دوزادا پاراتسەتامول نەمەسە نۋروفەن بەرىڭىز.

  4. كوبىرەك مينەرالدى سۋ ىشكىزىڭىز (گازسىز).

  5. ءۇي جاعدايىندا ەمدەۋگە قىزىقپاعان ءجون. وسىمدىك مايى نەگىزىندەگى، سپيرت تۇنبالارى تەرىگە زيانىن تيگىزەدى.

  6. كۇنگە كۇيگەن جەرگە قولداناتىن دارىلەردى دارىگەردىڭ ءوزى بەلگىلەيدى. سوندىقتان، مىندەتتى تۇردە دارىگەرگە تەكسەرىلگەن ءجون. كوپ جاعدايدا ولار انتيگيستاميندى ۇسىنادى، ولار ءىسىنۋدى جانە قىشۋدى ازايتادى.

  قانداي جاعدايدا جەدەل جاردەمنىڭ كومەگى قاجەت؟

  1. باسىنان ىستىق نەمەسە كۇن ءوتۋدىڭ بەلگىلەرى بار بولسا: بالانىڭ دەنە قىزۋى كوتەرىلسە، قۇسۋ، باس اۋرۋلارى، ەسىنەن تانىپ قالعان جاعدايدا. جەدەل جاردەم شاقىرىڭىز.

  2. بالا ءالى ءبىر جاسقا تولماسا. بالانىڭ جاعدايىن باعالاۋ مۇمكىن ەمەس، ونى دارىگەردىڭ قاراعانى ءجون.

  3. ەگەر كوزى كۇيگەن جاعدايدا وفتالمولوگ ونى تەز ارادا بايقايدى جانە اسقىنۋلاردى بولدىرماۋعا تىرىسادى.

  كۇنگە كۇيۋدىڭ الدىن الۋ شارالارى:

  1. سەرۋەندەۋدى تاڭەرتەڭ نەمەسە كەشكە جوسپارلاڭىز، ال تۇسكى ۋاقىتتا جابىق جەردە دەمالعانىڭىز دۇرىس.

  2. اياق-قولدى جاۋىپ تۇراتىن ماقتادان جاسالعان ىڭعايلى كيىم، كۇننەن قورعايتىن كوزىلدىرىك مىندەتتى تۇردە جانىڭىزدا بولسىن.

  3. بالالاردى ۋلتراكۇلگىن ساۋلەدەن قورعايتىن قول جەتىمدى كرەمدەر بار، ولاردى جاعاجايدا عانا ەمەس جاي كۇندەرى دە قولدانۋعا بولادى. بالاڭىزعا 2 جاستان باستاپ كرەم تاڭداي الاسىز. كۇن ساۋلەسى بالاڭىزعا اۋىرسىنۋ اسەرىن ەمەس، دەنساۋلىق پەن كوتەرىڭكى كوڭىل-كۇي سىيلاسىن!

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى