اعاجاي-التاي تورابى   ›   مادەنيەت ارناسى   ›   ونەگە

ەگەر قىز بالانىڭ اكەسى بولساڭىز

  اكە بولۋ ـــ باقىت. ءبىراق، قىزدارى بار اكەلەر وزدەرىن ودان دا باقىتتىراق سەزىنەدى. ۇرپاق جالعاۋ ءۇشىن ۇل ماڭىزدى دەپ كۇتكەنىمەن، قىزدارى ءۇشىن جانىن بەرۋگە دايار اكەلەردى كورگەندە ءسۇيسىنىپ قالاسىڭ. اكە ءوز قىزىنا نەنى ۇيرەتۋى كەرەك؟

  1. جاۋاپكەرشىلىك

  بارلىق تاربيەنى الدىمەن جاۋاپكەرشىلىكتى ۇيرەتۋدەن باستاۋ كەرەك. ءبارىمىز ءوزىمىزدىڭ ءار ىسىمىزگە جاۋاپتى ەكەنىمىزدى جاقسى بىلەمىز. كىشكەنتاي قىز بالا دا بۇنى ۇعىنۋى شارت. بۇل بولاشاقتا قىزدىڭ دۇرىس شەشىم قابىلداۋىنا سەپتىگىن تيگىزەدى. ەركەلىكتى ۋاقىتىندا اقىلعا جەڭدىرۋگە مۇمكىندىك بەرەدى.

  2. وتباسىلىق قۇندىلىقتار

  اكەسى قىز بالاعا ۇلكەندەردى سىيلاۋدى ۇيرەتۋى ءتيىس. ويتكەنى، ءوز اتا-اناسىن شەكسىز جاقسى كورەتىن بالادان بولاشاقتا ءوز بالاسىنا كۇرمەتپەن قارايتىن اتا-انا شىعادى. وتباسىندا اكەنىڭ ورنى قانداي، انانىڭ مىندەتى قانداي بولۋى كەرەك دەگەن ۇعىمداردى اكە عانا تۇسىندىرە الادى. ەگەر قىز بالا اكەسىنىڭ جاسىق ەكەنىن كورىپ وسسە، بولاشاقتا ونىڭ تاڭداۋى دا جاسىق ادامعا تۇسەدى. قىز بالا جارىن اكەسىنە قاراپ تاڭدايتىنىن ەستەن شىعارماڭىز.

  3. سۇلۋلىق

  قىز بالانى سۇلۋلىققا ۇيرەتۋ ـــ ەڭ ماڭىزدى تاربيە بولىگى. اجەسى مەن اناسى بويانۋدى، كويلەك تاڭداۋدى ۇيرەتۋى مۇمكىن. ءبىراق، سۇلۋلىق سەزىمىن اكە ۇيرەتەدى. ونىڭ «قىزىم بويانباي-اق ادەمىسىڭ» دەگەن ءسوزى شىنايى سۇلۋلىقتى باعالاۋدى مەڭزەيدى.

  4. تاماق ءپىسىرۋ

  تاماق دايىنداي ءبىلۋ ماڭىزدى ءارى قۇندى ەكەنىن اكە قىزىنا سەزدىرتۋى ءتيىس. ول ءۇشىن ۇيدە دايىندالعان تاماقتى اكە بار جان-تانىمەن تامسانىپ جەسە بولعانى. قىز بالا ءوزىنىڭ سۇيىكتى اكەسى ءۇشىن ءتۇرلى ءدامدى استى دايىنداۋدى ءوزى-اق ۇيرەنىپ الادى.

  5. مەيىرىم

  مەيىرىم ــ قىز بالا بويىنداعى ەڭ ماڭىزدى قاسيەت. مەيىرىمدىلىكتى وتباسىدان باستاۋ كەرەك. بالانىڭ ءۇمىتىن الداماي، وتىرىك ۋادە بەرۋدەن قاشساڭىز، قىزىڭىز سىزگە سەنىممەن ارتاتىن بولادى. سەنىم ــ مەيىرىمدىلىككە باستايتىن بىردەن-ءبىر جول.

  بارلىق اكەنىڭ مىندەتى ــ قىزدارىنان ناعىز انانى تاربيەلەۋ، ويتكەنى، ءانشى، ءبيشى، ساۋدارگەر بولۋدى قىزداردىڭ وزدەرى تاڭدايدى.

  اكەلىك جولدا سىزگە كەدەرگى ءۇش ايداھار بار: كەرەمەت جاعداي، مارتەبە مەن مانساپ. بۇلار ءسىزدى وتباسىڭىزدان الشاقتاتۋ ءۇشىن ءبارىن جاسايدى. ولاردى تەك بالالارى مەن جارىن كىرشىكسىز سۇيەتىن ادام عانا جەڭە الادى.

  ەسىڭىزدە ساقتاڭىز: ەرەكشە اكەلەر ءوزىنىڭ ەرەكشەلىگىن عانا ويلايدى، ال، ناعىز اكەلەر قىزىنىڭ ەرەكشەلىگىن ماقتان تۇتادى.

جاۋاپتى رەداكتور: ءاننا اكىمقان قىزى
  • جازعى كۇننىڭ كورىنىستەرى سىزعان سۋرەتتەي
  • پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك
  • پارتيانىڭ مەيىرىن جىرلاۋ
  • اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى